Fréttablaðið - 04.01.2004, Blaðsíða 14

14 4. janúar 2004 SUNNUDAGUR
■ Viðskipti
Ágúst Guðmundsson, stjórnarformaður Bakkavarar.
Verður ár mikilla
breytinga
Árið 2003 var eins og síðustu árviðburðaríkt í íslensku atvinnu
og viðskiptalífi. Það sem helst
kemur upp í hugann þegar litið er
tilbaka yfir árið er sala ríkisbank-
anna og vel heppnuð sameining
Kaupþings og Búnaðarbanka í
kjölfarið. Sala bankanna leiddi
beint og óbeint til mikillar upp-
stokkunar á eignarhaldi margra af
stærstu fyrirtækjum landsins sem
var að mörgu leyti orðið tímabært
en vonandi mun breytt eignarhald
leiða til nýrra áherslna í rekstri
þessara félaga á komandi ári. Ég
held að árið 2004 verði ár mikilla
breytinga í íslensku viðskiptalífi
svona rétt eins og fyrri ár og al-
mennt séð er ég bjartsýnn á ís-
lensk efnhagslíf á nýju ári.
Það sem stendur mér efst í
huga þegar kemur að rekstri
Bakkavör Group á árinu 2003 er
sala sjávarútvegshluta félagsins
til Fram Foods á miðju ári. Með
þessum umbreytingum lauk af-
skiptum Bakkavör Group af ís-
lenskum sjávarútvegi sem félagið
byggði sína starfsemi upphaflega
á. Árið 2004 lítur vel út fyrir
rekstur Bakkavör Group og mun
félagið láta til sín taka af miklum
krafti á mörkuðum þess í
tilbúnum kældum réttum. ■
ÁGÚST GUÐMUNDSSON
Sala sjávarútvegshluta Bakkavör Group til
Fram Foods á miðju ári er efst í huga. Með
þessum umbreytingum lauk afskiptum
Bakkavör Group af íslenskum sjávarútvegi
sem félagið byggði sína starfsemi
upphaflega á.
Þórður Már Jóhannesson, framkvæmdastjóri Straums fjárfestingarbanka:
Hagstæð skilyrði til sóknar
Árið 2003 var mjög viðburða-ríkt ár og á margan hátt
minnisstætt. Verðmæti stærstu
fyrirtækja landsins sem skráð
eru í Kauphöll Íslands hækkaði
mikið, en úrvalsvísitalan hækk-
aði um rúm 56% á nýliðnu ári.
Segja má að árið hafi jafnframt
einkennst af einkavæðingu rík-
isbankanna. Einnig setti svip
sinn á árið töluverðar breyting-
ar á eignarhaldi í mörgum stór-
um fyrirtækjum samhliða inn-
komu nýrra fjárfesta á markað-
inn. Almennt má segja að aukin
bjartsýni hafi einkennt við-
skiptalífið.
Árið 2003 var mjög viðburða-
ríkt og hagstætt Straumi fjár-
festingarbanka. Það sem er
minnisstæðast á árinu 2003 er
án efa sú ákvörðun að Straumur
sótti um starfsleyfi sem fjár-
festingarbanki ásamt því að
fjárhagsleg staða félagsins
styrktist við yfirtöku tveggja
fyrirtækja. Það færði félaginu
aukinn styrk til frekari sóknar
og uppbyggingar á næstu árum.
Ég vænti þess að árið 2004
verði Straumi fjárfestingar-
banka og hluthöfum hans hag-
stætt en það verður fyrsta
starfsár félagsins sem fjárfest-
ingarbanki. Það opnar ný tæki-
færi til sóknar fyrir félagið sem
verður spennandi viðfangsefni
og jafnframt verður starfssvið
félagsins útvíkkað. Því get ég
ekki annað en verið bjartsýnn á
komandi ár.
Það umhverfi sem fjármála-
fyrirtæki starfa í nú til dags er
að mörgu leyti hagfellt. Stöðug-
leiki er í efnahagslífinu, vænt-
ingar eru um aukna verðmæta-
sköpun og umhverfi fyrirtækja
almennt gott. Afkoma fyrir-
tækja á fjármálamarkaði
markast mjög af ytri skilyrðum.
Ég tel almennt að vænta megi
góðs af viðskiptalífinu á nýbyrj-
uðu ári. Viðskiptalífið býr við
hagstæð skilyrði í efnahags-
lífinu og væntingar eru um
aukna verðmætasköpun. Ríkið
áformar að einkavæða eitt
stærsta fyrirtæki landsins,
Landssímann, og jafnframt
munu þær breytingar sem áttu
sér stað á árinu 2003 hafa áhrif á
komandi ár. Fróðlegt verður að
fylgjast með þróun markaðarins
á þessu ári þar sem búið er að
byggja inn í verð margra fyrir-
tækja miklar væntingar um
aukin verðmæti.
Nú í upphafi árs voru kynntar
breytingar á húsbréfkerfinu
sem færir enn frekara líf í
skuldabréfamarkaðinn og sú
breyting gæti aukið áhuga er-
lendra fjárfesta enn frekar á
þeim markaði. Því má segja að
strax á fyrstu dögum þessa árs
hafi tónninn verið sleginn.
Ég met horfur fyrir árið 2004
góðar. Um áramótin urðu marg-
ir kjarasamningar lausir en það
er mikilvægt fyrir íslenskt efna-
hagslíf hver niðurstaða þeirra
samninga verður. Mestu skiptir
að niðurstaða þeirra og stjórn
efnahagsmála verði með þeim
hætti að það takist að varðveita
þann stöðugleika sem einkennt
hefur efnahagslífið. ■
Björgólfur Guðmundsson, formaður bankaráðs Landsbanka Íslands:
Enn frekari umbreytingar og útrásir
Framundan er atburðaríkt ár ííslensku viðskiptalífi. Að baki
er ár sem einkenndist af umbreyt-
ingum sem fylgdu í kjölfar sölu
ríkisins á Landsbankanum og
Búnaðarbankanum til einkaaðila.
Breytingar liðins árs hafa gert ís-
lenskt atvinnulíf öflugra og lík-
legra til árangurs á hinum alþjóð-
lega vettvangi viðskiptalífsins.
Betur má ef duga skal og því
verða að mínum dómi frekari um-
breytingar á komandi ári - aukin
hagræðing í rekstri, bætt þjón-
usta við viðskiptamenn og mark-
vissari útrás þeirra fyrirtækja
sem í nánustu framtíð verða
burðarásinn í íslensku atvinnulífi.
Sjálfur er ég þakklátur fyrir að
hafa fengið tækifæri til að taka
þátt í þeim breytingum sem orðið
hafa og ég segði ósatt ef ég viður-
kenndi ekki að hafa á stundum
haft gaman af leiknum.
Skömmu eftir að ég var kjörinn
í bankaráð Landsbankans í febrú-
ar var ég spurður um hvaða aug-
um ég liti framtíðina í fjármála-
heiminum. Ég svaraði að ég héldi
að það yrði einhver tiltekt, sam-
runi og samvinna í fjármálaheim-
inum og að Landsbankinn vildi
vera í lykilhlutverki í þeirri þró-
un. Það má segja að þetta hafi
gengið eftir. Þá lagði ég einnig
áherslu á að bankinn myndi efla
útibú og var það þvert ofan í spár
manna um að útibúum yrði fækk-
að með tilkomu einkaaðila. Enda
hefur það orðið raunin að bankinn
hefur endurbætt útibúanet sitt og
sinnir nú einstaklingum í við-
skiptabankaþjónustu betur en
áður.
Þá er ljóst að framundan er
mikil samkeppni fjármálastofn-
ana um viðskipti við einstaklinga.
Landsbankinn hefur frá því í vor
boðið fasteignalán til einstaklinga
vegna íbúðakaupa á Englandi fyr-
ir milligöngu dótturfélags síns,
Heritable Bank í London. Bankinn
hefur í framhaldi af því ákveðið
að bjóða á fyrsta starfsdegi nýs
árs íslenskum viðskiptavinum
sínum almenn fjárfestingarlán á
Evrópukjörum. Þar eru á ferðinni
samkeppnishæf íbúðalán fyrir all-
an almenning í landinu á sam-
bærilegum kjörum og fólk nýtur í
nágrannalöndum okkar. Þessi lán
eru vísbending um það sem koma
skal í þjónustu Landsbankans við
almenning á Íslandi.
Hlutverk banka hefur verið
til umræðu á liðnu ári. Það er
skoðun mín að bankar eigi fyrst
og fremst að veita einstakling-
um og fyrirtækjum fjármála-
þjónustu. Engu síður er það hlut-
verk fjárfestingarbanka að nýta
styrk sinn og beita sér fyrir að-
gerðum sem að mati bankans
efla og styrkja fyrirtæki. Í þeim
tilgangi er eðlilegt að bankar
gangi tímabundið í hóp hluthafa
og hafi frumkvæði að nauðsyn-
legum umbreytingum. Fjárfest-
ingarstarfsemi Landsbankans á
liðnu ári hefur haft það helst að
markmiði að efla og styrkja við-
komandi fyrirtæki og gera þau
hæfari til að takast á við alþjóð-
lega samkeppni. Í knattspyrn-
unni er það keppikefli allra liða í
Evrópu að ná árangri í meistara-
deildinni. Þannig hugsa menn í
fótboltanum - þeir leika til sig-
urs. Íslensk fyrirtæki eiga að
hafa kraft og burði til að ná ár-
angri í meistaradeild atvinnu-
lífsins. Landsbankinn mun
styðja fyrirtæki í þessari við-
leitni og satt best að segja verð
ég fyrir vonbrigðum ef við Ís-
lendingar náum ekki að landa
nokkrum sigrum á árinu 2004. ■
bsa.is
Skemmuvegur 6
200 Kópavogur

Sími: 587-1280
Bréfsími: 587-1285
Netfang: bsa@bsa.is
ÓSKUM VIÐSKIPTAVINUM
OKKAR UM LAND ALLT.
GLEÐILEGS NÝS ÁRS OG
ÞÖKKUM VIÐSKIPTIN Á
LIÐNUM ÁRUM
ÞÓRÐUR MÁR JÓHANNESSON
Fróðlegt að fylgjast með þróun markaðarins á þessu ári þar sem búið er að byggja inn í
verð margra fyrirtækja miklar væntingar um aukin verðmæti.
FR
ÉT
TA
B
LA
Ð
IÐ
/G
VA
BJÖRGÓLFUR GUÐMUNDSSON
Fjárfestingarstarfsemi Landsbankans á liðnu ári hefur haft það helst að markmiði að efla og styrkja viðkomandi fyrirtæki og gera þau
hæfari til að takast á við alþjóðlega samkeppni.