Fréttablaðið - 06.01.2004, Blaðsíða 23

23ÞRIÐJUDAGUR 6. janúar 2004
LOKSINS SIGUR
Quentin Richardson fagnar hér einni af
körfum sínum gegn Lakers.
Breyttir
tímar í LA?
KÖRFUBOLTI Ófáir brandarar hafa
verið sagðir í gegnum tíðina á
kostnað LA Clippers, annars
NBA-körfuboltaliðsins frá Los
Angeles. Clippers hefur verið eitt
af allra lélegustu liðum deildar-
innar undanfarin ár á sama tíma
og nágrannarnir í Lakers hafa
unnið NBA-titilinn tvisvar sinnum
og ávallt verið með bestu liðun-
um. Clippers-liðið hefur staðið sig
aðeins betur í vetur og vann það
langþráða afrek í fyrrinótt að
vinna loksins Lakers, 101-98,
fyrsta sigur sinn á stóra bróður í
tvö ár og aðeins þann þriðja í síð-
ustu 24 árum. Lakers hafði unnið
73 af 91 leik liðanna frá því að
Clippers flutti til LA og síðan Phil
Jackson tók við Lakers-liðinu
höfðu Kobe Bryant og félagar
unnið 14 af 16 leikjum. Það mun-
aði reyndar mikið um það að
hvorki Shaquille O’Neal eða Karl
Malone léku með vegna meiðsla
og hefur Lakers tapað 4 af 5 leikj-
um sínum frá því að Malone
meiddist en vann 20 af 25 leikjum
fyrir það áfall. ■
DAGNÝ LINDA KRISTJÁNSDÓTTIR
Meiddist á æfingu um helgina.
Dagný Linda
Kristjánsdóttir:
Meiddist
á æfingu
SKÍÐI Skíðakonan Dagný Linda
Kristjánsdóttir slasaðist á æfingu
fyrir risasvigskeppni sem fram fór
í Megeve í Frakklandi á sunnudag.
Sjúkraþjálfari sænska landsliðsins
og læknir þess bandaríska skoðuðu
Dagnýju á sunnudagskvöld og ótt-
ast að hún hafi slitið liðbönd í vin-
stra hnénu.
Dagný fór til Austurríkis í gær
og fer í dag á læknastofu sem sér-
hæfir sig í hnémeiðslum, þar sem
hún verður mynduð og skoðuð. Ef
hún þarf að fara í aðgerð verður
hún framkvæmd í Austurríki.
Dagný hefur tekið þátt í fjórum
heimsbikarmótum í vetur. Hún
keppti í risasvigi og bruni í Lake
Louise í Kanada og í bruni í St.
Moritz í Sviss. ■
Nýárssundmót Íþróttasambands fatlaðra á afmælisári:
Guðrún Lilja fékk Sjómannabikarinn
ÍÞRÓTTIR FATLAÐRA Hafnfirðingur-
inn Guðrún Lilja Sigurðardóttir,
sem er enn aðeins 14 ára, fékk
Sjómannabikarinn annað árið í
röð á árlegu Nýárssundmóti
Íþróttasambands fatlaðra sem
fram fór um helgina í 21. sinn í
Sundhöll Reykjavíkur. Sjómanna-
bikarinn er gefinn af Sigmari
Ólasyni, sjómanni frá Reyðar-
firði. Sigmar hefur reyndar gefið
tvo bikara til mótsins þar sem
Birkir Rúnar Gunnarsson vann
bikarinn til eignar fyrir ellefu
árum en Sigmar var þá fljótur til
að gefa annan í staðinn sem er
enn í notkun. Um 60 keppendur
kepptu í Sundhöllinni á sunnu-
daginn en á mótinu stígur fram
framtíðarafreksfólk úr röðum
fatlaðra og þar hefur sundfólk á
borð við Kristínu Rós Hákonar-
dóttur og Bjarka Birgisson keppt
í sínum fyrstu sundum.
Árni Magnússon félagsmála-
ráðherra var heiðursgesturinn á
mótinu og afhenti hann verðlaun
mótsins, sem var með glæsileg-
asta móti að þessu sinni; skátar frá
Skátafélaginu Kópum stóðu heið-
ursvörð og Ólafur Már Ásgeirsson
sá um tónlistarflutning fyrir móts-
setningu. Á mótinu kepptu börn og
unglingar og athygli vekur alltaf
flokkur byrjenda þar sem keppt er
í 25 m frjálsri aðferð, þar sem nota
má hjálpartæki, kúta, korka og
sumir hafa aðstoðarfólk sér við
hlið í sundinu.
19. maí 2004 verður Íþrótta-
samband fatlaðra 25 ára og þetta
mót var fyrsta verkefni ÍF á af-
mælisárinu. Í tilefni þess var öll-
um keppendum afhentur bolur
sem hannaður var í tilefni 25 ára
afmælisárs ÍF. ■
ÚRSLIT Í STIGAKEPPNI UM SJÓMANNABIKARINN
1. Guðrún Lilja Sigurðardóttir SH/ÍFR 50 m flugsund 547 stig
2. Jóna Dagbjört Pétursdóttir ÍFR 50 m skriðsund 524 stig
3. Karen Björg Gísladóttir Fjörður 50 m bringusund 489 stig
GUÐRÚN VANN BIKARINN AFTUR
Hafnfirðingurinn Guðrún Lilja Sigurðardótt-
ir vann Sjómannabikarinn annað árið í röð
á árlegu Nýárssundmóti Íþróttasambands
fatlaðra.