Fréttablaðið - 06.01.2004, Blaðsíða 24

24 6. janúar 2004 ÞRIÐJUDAGUR
KOBE BRYANT
Kobe Bryant skoraði 44 stig fyrir Los Ang-
eles Lakers gegn Los Angeles Clippers á
sunnudag. Það dugði þó skammt því
Clippers vann 101-98.
Körfubolti
Haukaliðið í Intersport-deildinni byrjar árið vel:
Skoraði 44 stig á síðustu 10 mínútunum
KÖRFUBOLTI Haukar byrjuðu nýja
árið vel í Intersport-deildinni í
körfubolta þegar þeir unnu 47
stiga sigur á KFÍ á heimavelli sín-
um á Ásvöllum á sunnudagskvöld-
ið. Haukar, sem höfðu skorað 78,1
stig að meðaltali í leik fyrir jól,
voru 40 stigum yfir meðaltali sínu
í þessum leik og þar munaði
mestu um stigaveislu liðsins í
fjórða og síðasta leikhlutanum.
Haukar skoruðu 44 stig síðustu 10
mínútur leiksins eða 4,4 stig að
meðaltali á hverri mínútu. Ísfirð-
ingar fengu alls 16 villur í leik-
hlutanum og sendu Hafnfirðinga
23 sinnum á vítalínuna í þessum
ótrúlega fjórða leikhluta sem inni-
hélt 17 körfur, 22 villur, 36 víti og
68 stig og allt á aðeins tíu mínút-
um. Vilhjálmur Steinarsson átti
frábæran fjórða leikhluta í
Haukaliðinu og skoraði þá alls 12
stig en hafði skorað samtals 14
stig í ellefu leikjum liðsins fyrir
jól. Vilhjálmur hitti úr öllum fjór-
um skotum sínum og 4 af 5 vítum
og átti 2 stoðsendingar að auki en
alls gerði hann 17 stig á 17 mínút-
um í þessum leik. ■
Liverpool leikur við
Newcastle
Bikarmeistarar Arsenal leika þrjá bikarleiki við Middlesbrough á einni viku.
FÓTBOLTI Þrír leikir í 4. umferð
ensku bikarkeppninnar verða inn-
byrðis viðureignir úrvalsdeildar-
félaga. Liverpool fær Newcastle í
heimsókn, Arsenal og Middles-
brough leika á Highbury og Ev-
erton keppir við Fulham í Liver-
pool.
Liverpool og Newcastle mætast í
níunda sinn í bikarkeppninni. Liver-
pool vann 4-0 á Anfield þegar félög-
in mættust síðast í bikarnum fyrir
20 árum og 3-0 í úrslitaleik keppn-
innar tíu árum áður. Newcastle hef-
ur hins vegar ekki unnið Liverpool í
bikarleik síðan 1924.
Arsenal og Middlesbrough
mætast þrisvar á einni viku í lok
mánaðarins, tvisvar í undanúrslit-
um deildabikarsins og í 4. umferð
bikarkeppninnar. Arsenal vann
bikarleik félaganna í Middles-
brough fyrir tveimur árum og
einnig árið 1998 en Middles-
brough vann Arsenal síðast í
bikarleik árið 1984.
Everton hefur aldrei unnið Ful-
ham í bikarkeppninni. Fulham
vann Everton 2-1 í 5. umferð
keppninnar veturinn 1974-75 og
komst í úrslit í fyrsta og eina
skiptið í sögu félagsins. Fulham
sigraði einnig í viðureignum fé-
laganna árin 1926 og 1948.
Northampton eða Rotherham
leika á heimavelli gegn Manchest-
er United í næstu umferð. United
hefur einu sinni áður mætt þess-
um félögum í bikarkeppni. Árið
1966 vann United Rotherham 1-0 á
útivelli eftir markalaust jafntefli
á Old Trafford en fjórum árum
síðar vann United Northampton
8-2 á útivelli. George Best kom
ferskur úr löngu leikbanni og
skoraði sex af mörkum United.
Brynjar Björn Gunnarsson og
félagar í Nottingham Forest
fengu heimaleik gegn Sheffield
United. Önnur Íslendingafélög
eiga eftir að leika aukaleiki í 3.
umferð. Chelsea og Watford mæt-
ast að nýju í næstu viku en félag-
ið sem sigrar fær útileik gegn 3.
deildarfélaginu Southend United
eða Scarborough, sem leikur í
Nationwide Conference-deildinni.
Reading leikur við Swansea ef það
nær að vinna Preston, Stoke fær
útileik gegn Birmingham ef það
slær Wimbledon út úr keppninni
og Úlfarnir leika við West Ham á
heimavelli nái þeir að vinna
Kidderminster eftir viku. ■
RIO FERDINAND
Hefur tvær vikur til að ákveða hvort hann
áfrýjar dómnum um átta mánaða leik-
bann.
Rio Ferdinand:
Tvær vikur
til stefnu
FÓTBOLTI „Manchester United getur
staðfest að lögmenn Rio Ferdinand
hafa fengið skriflegar útskýringar
frá knattspyrnusambandinu á
niðurstöðum þess eftir yfirheyrsl-
urnar 19. desember,“ segir í yfirlýs-
ingu frá félaginu. „Leikmaðurinn
hefur 14 daga til að ákveða hvort
hann áfrýjar og þangað til gefur
félagið ekki frekari yfirlýsingar.“
Lögmenn Ferdinand óskuðu eft-
ir skriflegum útskýringum eftir að
dómur féll. „Nefndin hefur lagt
mikla vinnu um jól og áramót í að
ljúka við 32 síðna plagg sem útskýr-
ir ítarlega rökin fyrir dómnum,“
sagði talsmaður nefndarinnar.
„Lögmenn nefndarinnar lögðu loka-
hönd á gögnin og nefndin lagði
blessun sína yfir þau áður en hún
sendi þau til Manchester United.
Það var augljóslega ætlun okkar að
tryggja að skýrslan útskýrði alla
þætti og það tókst á fimm vinnu-
dögum eftir að Manchester United
setti fram ósk um skriflegar út-
skýringar.“
Átta mánaða leikbann Rio
Ferdinand átti að hefjast á mánu-
daginn en það dregst meðan
Ferdinand og United hugsa næsta
leik sinn. Ferdinand getur því leik-
ið með United gegn Úlfunum annan
laugardag. ■
SKORUÐU SAMAN 23 STIG
Haukamennirnir Þórður Gunnþórs-
son og Vilhjálmur Steinarsson skor-
uðu saman 23 af 44 stigum liðsins í
fjórða leikhluta gegn KFÍ.
STIG HAUKA Í FJÓRÐA LEIK-
HLUTANUM
Vilhjálmur Steinarsson 12 (1,4)
Þórður Gunnþórsson 11 (5,8)
Ingvar Þór Guðjónsson 9 (4,2)
Marel Guðlaugsson 5 (6,5)
Michael Manciel 3 (27,3)
Kristinn Jónasson 2 (4,7)
Sævar Ingi Haraldsson 2 (8,7)
* Innan sviga er meðalskor leikmanna fyrir jól
TÖLFRÆÐI HAUKA OG KFÍ Í
4. LEIKHLUTA
44 Stig skoruð 24
17/12 (71%) Skotnýting 13/5 (38%)
23/19 (83%) Vítanýting 13/13 (100%)
6 Villur 16
LEIKIR 4. UMFERÐAR
Arsenal - Middlesbrough
Birmingham - Wimbledon eða Stoke City
Burnley - Gillingham
Coventry - Accrington eða Colchester
Everton - Fulham
Ipswich - Sunderland
Kiddermister eða Wolves - West Ham
Liverpool - Newcastle United
Luton - Tranmere eða Bolton
Man. City eða Leicester City - Tottenham
Northampton eða Rotherham - Man. Utd.
Nottingham Forest - Sheffield United
Portsmouth - Barnsley eða Scunthorpe
Southend eða Scarborough - Watford eða
Chelsea
Swansea - Preston eða Reading
Telford - Millwall
ARSENAL
Bikarmeistararnir leika við Middlesbrough í 4. umferð ensku bikarkeppninnar.
AUKALEIKIR 3. UMFERÐAR
Þriðjudagur 13. janúar
Bolton - Tranmere
Colchester - Accrington
Reading - Preston
Rotherham - Northampton
Scunthorpe - Barnsley
Stoke - Wimbledon
Wolves - Kidderminster
MIÐVIKUDAGUR 14. JANÚAR
Chelsea - Watford
Leicester - Man City
Scarborough - Southend
hvað?hvar?hvenær?
3 4 5 6 7 8 9
JANÚAR
Þriðjudagur

15.05 Trans World Sport (Íþróttir
um allan heim) á Stöð 2.

17.50 Olíssport á Sýn. Fjallað er
um helstu íþróttaviðburði heima
og erlendis.

18.20 Gillette-sportpakkinn á Sýn.

18.50 Trans World Sport (Íþróttir
um allan heim) á Sýn.

19.45 Enski boltinn á Sýn. Bein
útsending frá leik Aston Villa og
Portsmouth.

22.00 Olíssport á Sýn. Fjallað er
um helstu íþróttaviðburði heima
og erlendis.

22.30 NFL-tilþrif á Sýn. Fjallað er
um helstu íþróttaviðburði heima
og erlendis.