Fréttablaðið - 07.01.2004, Blaðsíða 2
2 7. janúar 2004 MIÐVIKUDAGUR
„Nei, mér hefur ekki dottið það í
hug enda hef ég takmarkaða
sönghæfileika. Ég er algjörlega
laglaus þótt ég hafi fallega rödd.“
Jón Gnarr hefur á undanförnum árum látið til sín
taka á mörgum listsviðum. Hann er rithöfundur,
grínisti, leikari og listmálari. Sönglistin hefur hins
vegar setið á hakanum.
Spurningdagsins
Jón, þú hefur ekki íhugað að taka
þátt í Idol?
Salan á Brimi:
Rætt við alla sem hafa áhuga
VIÐSKIPTI Fulltrúar Eimskipafélags-
ins og Landsbankans héldu áfram í
gær að ræða við þá sem áhuga hafa
á að kaupa eignir útgerðarfélagsins
Brims. „Þetta eru alls um 20 aðilar
sem hafa sett sig í samband og sýnt
einstökum eignum Brims áhuga.
Við munum ræða við alla.“
Magnús segir að þessar viðræð-
ur verði kláraðar áður en lengra
verði haldið. Formlegar viðræður
við Granda og heimamenn á Akra-
nesi muni því halda áfram þegar
búið sé að ræða við alla.
Heimamenn á Skagaströnd
hafa rætt við Landsbankann og
Eimskip um örlög Skagstrendings.
„Við lýstum áhuga okkar, en það
hefur ekkert verið ákveðið. Fyrir-
tækið er geysilega mikilvægt fyrir
okkur, enda helmingur fólks á
Skagaströnd sem vinnur hjá fyrir-
tækinu. Restin er afleidd störf af
þessari starfsemi.“
Þá hafa KEA og Þorsteinn Vil-
helmsson lýst áhuga á Útgerðar-
félagi Akureyringa. Líklegast er
talið að aðkoma Þorsteins verði í
gegnum fjárfestingarfélagið Afl,
sem hann á ásamt Landsbankanum
og fleiri fjárfestum. ■
House of Fraser:
Orðrómi
hafnað
VIÐSKIPTI Tom Hunter, sem á 10%
í bresku verslanakeðjunni
House of Fraser, vísar á bug
orðrómi um að verið sé að
undirbúa nýtt yfirtökutilboð.
Baugur á um 11% í House of
Fraser og þrálátur orðrómur
hefur verið á kreiki á breska
markaðnum um að Baugur hafi í
hyggju ásamt Hunter að taka
yfir verslanakeðjuna.
Hunter gerði á sínum tíma
tilboð í keðjuna á 82 pens fyrir
hlutinn. Því tilboði var hafnað.
Gengi bréfa House of Fraser
var 96 pens á hlut í gær. ■
BANDARÍSK SENDINEFND
Bandarísk stjórnvöld hafa sent hóp sér-
fræðinga til Norður-Kóreu.
Norður-Kóreumenn:
Segjast vilja
semja frið
SUÐUR-KÓREA Yfirvöld í Norður-
Kóreu hafa boðist til að fresta til-
raunum og framleiðslu á kjarn-
orkuvopnum í tilraun til að semja
frið við Bandaríkin. Í yfirlýsingu
sem birt var af ríkisreknu frétta-
stofunni KCNA kalla stjórnvöld
tilboð sitt „djarfa tilslökun“. Þau
segjast vonast til þess að Banda-
ríkin taki Norður-Kóreu út af list-
anum yfir þau lönd sem fjár-
magna hryðjuverkastarfsemi og
aflétti viðskiptaþvingunum.
Bandaríkjamenn hafa ítrekað
lýst því yfir að þeir muni ekki
gefa eftir fyrr en Norður-Kóreu-
menn hafa hætt algerlega við
kjarnorkuáætlun sína. Nefnd
bandarískra sérfræðinga er á leið
til höfuðborgarinnar Pyongyang
og mun hún að líkindum heim-
sækja kjarnorkuverið umdeilda í
Yongbyon.
Vonir eru bundnar við það að
viðræður sex landa, sem miða að
því að leysa deilurnar um kjarn-
orkuáætlun Norður-Kóreumanna,
geti hafist að nýju í febrúar. ■
LEITARMENN
Fjöldi franskra hermanna tekur þátt í leit-
inni að flaki Boeing 737-vélar egypska
flugfélagsins Flash Airlines.
Leitað að flaki flugvélar:
Flugritinn
fundinn
EGYPTALAND, AP Annar flugriti
egypsku farþegavélarinnar sem
hrapaði í Rauða hafið um helgina
er fundinn. Leitarmönnum hefur
þó ekki tekist að komast að flug-
ritanum þar sem hann liggur á of
miklu dýpi.
Talið er að flugritinn liggi 600
til 800 metra fyrir neðan yfirborð
sjávar og að sögn leitarmanna
verður að nota sérstakan hátækni-
búnað til að ná honum á þurrt
land.
Alls fórust 148 manns þegar
flugvél egypska flugfélagsins
Flash Airlines fórst skömmu eftir
flugtak frá Sharm el-Sheik. Flest-
ir þeirra sem létust voru franskir
ferðamenn og hafa yfirvöld í
Frakklandi sent 500 manns til
Egyptalands til að aðstoða heima-
menn. ■
MENNTAMÁL Hagfræðistofnun Há-
skóla Íslands hefur á undanförnum
mánuðum unnið að vandaðri úttekt
um menntareikninga, að tilhlutan
stéttarfélagsins Eflingar, VR og
Starfsmenntaráðs. Markmiðið er
þannig að efla símenntun og jafna
aðstöðu launafólks í þjóðfélaginu til
menntunar með því að gera því
kleift að nýta sérstaka skatta-
afslætti og vaxtatekjur til uppsöfn-
unar á menntareikningum. Hag-
fræðistofnun kynnti niðurstöður út-
tektarinnar á blaðamannafundi í
gær. Fram kom að hlutfall þeirra
sem höfðu lokið framhaldsskóla-
námi á Íslandi var mun lægra en á
hinum Norðurlöndunum. Brottfall
úr framhaldsskólunum er talið
áhyggjuefni fyrir íslenskt samfélag
þar sem möguleikar og hæfileikar
margra einstaklinga eru ekki nýttir
sem skyldi vegna skorts á menntun
og fagþálfun. Hagfræðistofnun tel-
ur að færa megi fyrir því rök að
nauðsyn sé á nýjum úrræðum í
menntamálum sem nái sérstaklega
til þeirra sem hafi ekki farið í fram-
haldsskóla en vilji mennta sig.
Í þessu sambandi er stungið upp
á sérstökum sparnaðarreikningum,
eða menntareikningum, sem viðbót-
arkosti við þá möguleika sem felast
í starfsmenntasjóðunum og öðrum
símenntunarverkefnum innan
verkalýðsfélaganna. Þannig yrði
tekið fast hlutfall af launum hvers
starfsmanns og til viðbótar gæti
komið mótframlag atvinnurekenda,
sem síðan yrði ávaxtað í séreignar-
sjóði þar til viðkomandi launþegi
ákveður að nýta sér innistæðuna til
að sækja sér menntun eða þjálfun.
Ef launþegi hefur hins vegar ekki
nýtt sér sparnaðinn þegar hann fer
af vinnumarkaði getur hann nýtt
hann sem lífeyrissparnað, sam-
kvæmt grunnhugmyndinni um
menntareikninga.
„Stór hluti lágtekjufólks og at-
vinnulausra á Íslandi á stutta skóla-
göngu að baki og því gætu aukin
tækifæri til menntunar skipt sköp-
um. Að meðaltali greiða yfirvöld
um 440 þúsund krónur á ári með
hverjum framhaldsskólanema og
590 þúsund krónur með hverjum
háskólanema. Því er umhugsunar-
vert hvort yfirvöld hafi ekki
ákveðnum skyldum að gegna gagn-
vart þeim launamönnum sem hafa
hætt skólagöngu að loknum grunn-
skóla og hafa áhuga á að bæta við
sig þekkingu síðar á lífsleiðinni,“
segir í skýrslunni.
bryndis@frettabladid.is
Myrti eiginkonu og börn:
Á valdi
djöfulsins
HEBRON, AP Palestínumaður á fer-
tugsaldri heldur því fram að hann
hafi verið haldinn illum anda þeg-
ar hann stakk konu sína og þrjú
börn til bana.
Eid Rajabi drap eiginkonu sína,
tvær dætur á unglingsaldri og níu
ára son á heimili fjölskyldunnar í
þorpi skammt frá Hebron á Vest-
urbakkanum. Þrettán ára sonur
liggur með lífshættulega áverka á
sjúkrahúsi í Hebron.
Nágrannar Rajabi heyrðu
neyðaróp fórnarlambanna og
brutust inn í íbúðina. Tókst
þeim að bjarga fimm börnum
ómeiddum. Þegar lögreglan kom
á staðinn gaf Rajabi þá skýringu
að hann hefði verið á valdi djöf-
ulsins. Hann gengst nú undir
geðrannsókn á sjúkrahúsi í
Jerúsalem. ■
MAGNÚS GUNNARSSON
Stjórnarformaður Eimskipafélagsins mun
ásamt Landsbankanum ræða við alla þá
sem sýnt hafa eignum Brims áhuga. Alls
eru það um 20 aðilar.
VIÐSKIPTI Samningar við KB banka
um þátt bankans í lánum Norður-
ljósa eru langt komnir. Skarphéð-
inn Berg Steinarsson, stjórnar-
formaður Norðurljósa, segir að
þar með stefni í að Landsbankinn
taki forystu varðandi skuldir
félagsins. Hann segir að með
þessu hilli undir lok samninga
um sambankalánið.
Í framhaldi af frágangi skulda
félagsins verður hlutafé Norður-
ljósa hækkað. Skarphéðinn segir
engar ákvarðanir varðandi nýja
hluthafa liggja fyrir. „Það er ein-
faldlega vegna þess að þessi hluti
fjármögnunarinnar hefur tekið
allan okkar tíma.“
Þótt meginlínurnar í uppgjöri
KB banka og Landsbanka á sam-
bankaláni Norðurljósa liggi
fyrir eru nokkur atriði enn
óleyst. Fundur er í lánanefnd
Landsbankans í dag þar sem
slíkur samningur yrði sam-
þykktur. Ólíklegt er talið að það
náist að ganga frá samkomulagi
bankanna fyrir þann fund. End-
anleg afgreiðsla yrði þá að viku
liðinni. ■
LÁNAMÁLIN SKÝRAST
Skarphéðinn Berg Steinarsson, stjórnarfor-
maður Norðurljósa, segir hilla undir lok
vinnu við samninga um lán félagsins.
Næsta skref er að auka hlutafé.
Lán Norðurljósa:
Landsbankinn að taka við
Ríkið styðji launa-
menn til náms
Hagfræðistofnun Háskóla Íslands segir umhugsunarvert hvort yfirvöld
hafi ekki ákveðnum skyldum að gegna gagnvart þeim sem hafa hætt
skólagöngu að loknum grunnskóla. Stungið upp á menntareikningi.
Ísland
Danmörk
Finnland
Svíþjóð
Noregur
HLUTFALL ÞEIRRA SEM ERU
25-31 ÁRS OG LUKU FRAM-
HALDSSKÓLANÁMI ÁRIÐ
2001 Á NORÐURLÖNDUM
61%
86%
87%
91%
93%
HAGFRÆÐISTOFNUN HÍ
Á blaðamannafundi kynnti stofnunin tillögur um svokallaða menntareikninga, sem miða að því að efla símenntun og jafna aðstöðu
launafólks til menntunar.
FR
ÉT
TA
B
LA
Ð
IÐ
/V
IL
H
EL
M
HLUTHAFAR PARMALAT FARA Í
MÁL Hluthafar í ítalska stórfyrir-
tækinu Parmalat ætla að fara í
mál við fyrirtækið fyrir að
blekkja fjárfesta. Hluthafarnir
krefjast sem svarar yfir 70 millj-
örðum íslenskra króna í bætur.
Æðstu stjórnendur fyrirtækisins
sæta nú lögreglurannsókn vegna
meintra fjársvika. Þeir eru sak-
aðir um að hafa dregið sér hund-
ruð milljarða króna.
■ Evrópa
Bílvelta við Klaustur:
Ökumenn
óku framhjá
slysinu
LÖGREGLUFRÉTTIR Bíll fór út af og
hvolfdi á þjóðvegi eitt, um tíu
kílómetra austan Kirkjubæjar-
klausturs, skömmu eftir klukkan
14 í gær. Í bílnum var kona
ásamt tveimur sonum sínum.
Konan var í beltum og börnin í
réttum öryggisbúnaði og hlutu
þau engin meiðsl í óhappinu.
Þar sem bíllinn dældaðist
nokkuð í óhappinu gengu hurðir
til þannig að ekki var hægt að
opna bílinn innan frá. Konan og
synir hennar þurftu því að bíða
eftir utanaðkomandi aðstoð til
þess að komast út og óku nokkrir
bílar framhjá án þess að aðgæta
um ástand farþega í bílnum.
Helga Björg Ragnarsdóttir,
ökumaður bílsins, segir að hún
hafi setið inni í bílnum í fimm til
tíu mínútur „Ég var föst þarna
inni og var vona að einhver
myndi stoppa til að hjálpa mér
að komast út en það gerðist
ekki,“ segir hún. Það voru svo
nokkrir bændur úr grenndinni
sem komu Helgu og sonum
hennar til aðstoðar. ■