Fréttablaðið - 07.01.2004, Blaðsíða 8
8 7. janúar 2004 MIÐVIKUDAGUR
Geymsla skotfæra fer batnandi:
Byssur og skotfæri skulu aðskilin
SKOTVOPN „Verið er að vinna að
einni landsskrá yfir skotvopna-
eign. Áður voru skrárnar tutt-
ugu og sex, mismunandi vel
gerðar,“ segir Snorri Sigurjóns-
son hjá ríkilögreglustjóra.
Hann segir því ekki hægt að
gefa upp nákvæma tölu um
fjölda skotvopna.
Snorri segir að það muni taka
nokkur ár að færa allar upplýs-
ingarnar inn í nýja kerfið, þar
sem víða vanti nákvæmar upp-
lýsingar um vopnin. Skráin upp-
færist þegar leyfishafar þurfa
að breyta skírteinum sínum,
þegar þeir kaupa og selja byss-
ur og þegar leyfin eru endur-
nýjuð.
„Það er mjög nauðsynlegt að
halda góða skrá yfir vopnaeign
og getur komið að góðum notum
við ýmsar aðstæður,“ segir
Snorri. Hann segir það mjög
skýrt í vopnalögum að skotvopn
og skotfæri skuli geymd aðskil-
in í læstum hirslum. Töluvert
hafi verið gert af því að koma
geymslu á skotvopnum til betri
vegar. Þeim sem eiga fleiri en
þrjú skotvopn ber skylda til að
geyma þau í viðurkenndum
skáp eða hirslum. ■
Fóturinn slitnaði af
Stefán Jónsson kom í veg fyrir að skipsfélagi hans færi útbyrðis eftir að
hann flækti fæturna í færi. Skipverjinn missti annan fótinn við ökkla.
BJÖRGUN „Mér fannst eins og heil
eilífð hefði liðið en öll atburðarás-
in tók ekki nema um tuttugu og
fimm sekúndur,“ segir Stefán
Jónsson, sem kom skipsfélaga sín-
um til bjargar eftir að fæturnir á
honum festust í færi um borð í
Eldhamri GK 13
á sunnudags-
kvöld. Skipverj-
inn missti hægri
fót við ökkla og
hinn fóturinn er
mjög illa farinn.
Maðurinn liggur
á gjörgæsludeild Landspítala og
að sögn vakthafandi læknis hefur
hann farið í tvær aðgerðir og er
líðan hans eftir atvikum góð.
Eldhamar var um fimm mílur
vestur af Garðskaga þegar slysið
varð. Verið var að leggja neta-
trossuna þegar skipverjinn flækti
fæturna í færinu og dróst að lunn-
ingunni á miklum hraða. Stefán
náði að toga í færið á móti og kall-
aði til skipsfélaga sinna að halda
manninum. Á meðan stökk hann
eftir hnífi. „Ég hékk allur út fyrir
borðstokkinn til að skera í spott-
ann og losa færið. Á meðan slitnar
fóturinn af. Það versta var ópin í
skipsfélaga mínum. Hann gerði
sér grein fyrir því allan tímann
hvað væri að gerast.“ Með þessu
snarræði forðuðu skipsfélagarnir
honum frá því að lenda í sjónum.
Skipverjanum var komið í
skjól og hlúðu félagarnir að hon-
um. Þeir settu hækkun undir fæt-
urna á honum og að því búnu batt
Stefán ofan við báða fæturna til
að stöðva blóðrásina. „Ég fann til
verkjalyf en þau dugðu skammt,“
segir Stefán. Hann er ómyrkur í
máli og segir eina aðalástæðuna
fyrir því að morfín eða morfín-
skylt efni var ekki um borð ágang
fíkniefnaneytenda. Lyfjum sé
stolið um leið og þau komi um
borð. Þá sé skrifræði og ábyrgð
skipstjórnenda svo mikil að menn
veigri sér við að nálgast slík lyf
um borð.
Stefán hélt ró sinni allan tímann
meðan á þessu gekk. „Ég hef
stundað sjómennsku í þrettán ár
og verið svo óheppinn að horfast í
augu við dauðann eftir að hafa
fengið á mig brotsjó í tvígang.“
Telur hann víst að yngri menn og
óreyndari hefðu frosið, en sjálfur
er hann tuttugu og átta ára gamall.
kolbrun@frettabladid.is
Systur léku sér með riffil:
Ung stúlka
varð fyrir
voðaskoti
SLYS Níu ára gömul stúlka varð
fyrir voðaskoti og slasaðist al-
varlega um klukkan hálf átta á
mánudagskvöldið á Hallorms-
stað á Héraði.
Stúlkan liggur á gjörgæslu-
deild Landspítalans við Hring-
braut. Hún er vakandi og ástand
hennar stöðugt.
Slysið varð þegar stúlkan og
þrettán ára systir hennar voru
að leika sér með riffil og skot
hljóp úr honum og lenti í
stúlkunni.
Að sögn lögreglunnar á Egils-
stöðum var stúlkan flutt alvar-
lega slösuð á heilsugæslustöðina
á Egilsstöðum þar sem hún fékk
fyrstu aðhlynningu.
Tveir læknar komu með
sjúkraflugi frá Akureyri til Eg-
ilsstaða og sjúkravél kom frá
Reykjavík. Stúlkan var flutt á
Landspítalann við Hringbraut. ■
Ísafjörður:
Tónleikar
fyrir fórnar-
lömb
JARÐSKJÁLFTAR Deildir Rauða kross-
ins á Vestfjörðum standa ásamt
trúbadornum
Sigga Björns
frá Flateyri fyr-
ir styrktartón-
leikum til hjálp-
ar fórnarlömb-
um jarðskjálft-
ans í Íran á
sunnudagskvöld
kl. 20.30, í
Hömrum, sal
Tónlistarskóla Ísafjarðar.
Auk Sigga koma vestfirskir
tónlistarmenn frá öllum byggðar-
lögum á norðanverðum Vestfjörð-
um fram og gefa vinnu sína.
„Við Vestfirðingar höfum
mikla samúð og skilning með fólk-
inu í Íran sem nú á um sárt að
binda. Þetta verður okkar framlag
til að létta þeim lífið og sýna þeim
samstöðu,“ segir Siggi Björns. ■
Skemmtilegu jazzballett og freestyle nám-
skeiðin okkar hafa aldrei verið vinsælli.
Nú skráum við í:
JazzballettFreestyle
Innritun í síma 553-0786 eftir kl. 12.00
Dugguvogi 12
*Leið 4
stoppar
stutt frá
• 5-7 ára
• 8-10 ára
• 11-13 ára
• 14-16 ára
• 17 ára og eldri - dansandi í 10 ár
MAMBO
ÚTSALAN
ER HAFIN
Allt að 70% afsláttur
Tískuverslunin í Firðinum,
Hafnarfirði, sími 5442044
SIGGI BJÖRNS
Leikur í Hömrum.
SKIPSFÉLAGAR Á ELDHAMRI GK 13
Stefán Sæmundur Jónsson til vinstri og Steinar Nói Kjartansson, sem einnig átti þátt í
björguninni.
LJ
Ó
SM
YN
D
/G
U
Ð
VE
IG
S
IG
U
R
LA
U
G
Ó
LA
FS
D
Ó
TT
IR
VÍSINDI Mikil kaffidrykkja getur
dregið úr líkunum á því að fólk
fái öldrunarsykursýki, ef
marka má niðurstöður nýrrar
rannsóknar sem birtist í lækna-
ritinu Annals of Internal Med-
icine.
Samkvæmt rannsókninni er
50% minni hætta á því að karl-
menn sem drekka yfir sex kaffi-
bolla á dag fái sykursýki en þeir
sem ekki drekka kaffi. Hjá kon-
um er þessi munur um 30%.
„Við höfum sterkar vísbending-
ar um að venjulegt kaffi verji
menn gegn sykursýki,“ segir
Frank Hu, prófessor við
Harvard-háskóla. Sérfræðingar
benda þó á að frekari rannsókna
sé þörf til að komast að því
hvort það er í raun og veru kaff-
ið sem ræður úrslitum eða eitt-
hvað annað í fari einstakling-
anna. ■
Ný rannsókn:
Kaffi gegn sykursýki
SKOTVOPN
Nákvæm tala um fjölda skotvopna á Ís-
landi er ekki til á meðan unnið er að sam-
einingu og lagfæringu gamalla skráa.
■ Suður-Ameríka
BROTIST INN Í FANGELSI
Um fjörutíu þungvopnaðir menn
brutust inn í fangelsi í Apatzingan í
vestanverðu Mexíkó um miðja nótt
og frelsuðu 25 fanga. Að minnsta
kosti einn fangi féll fyrir hendi
fangavarðar í skotbardaga.
SJÖ LÁTNIR Í FANGAUPPÞOTI
Að minnsta kosti sjö fangar létust
og tveir verðir særðust í fangaupp-
þoti í Puraquequara-fangelsinu í
Amazon-ríki í Brasilíu. Vistmenn
fangelsisins tóku fangavörð og lög-
reglumann í gíslingu og tóku vopn
þeirra. Óeirðaseggirnir myrtu tvo
fanga en nokkrir féllu í skotbar-
daga við lögreglu. Gíslarnir tveir
eru alvarlega særðir. Fangauppþot
eru nær daglegt brauð í Brasilíu
þar sem öll fangelsi eru yfirfull og
aðstæður fanganna óviðunandi.
„Það versta
var ópin í
skipsfélaga
mínum.
Ekki borðað sig södd
„Ég býst nú við að forsetinn og
Dorrit hafi borðað sinn eigin
jólamat annars staðar þó þau
hafi látið svo lítið að borða með
okkur hérna líka.“
Anne Maria Reinholdtsen, major á Hjálpræðis-
hernum, um heimsókn forsetahjónanna.
DV, 6. janúar.
Peningarnir flæða
„Fjármagn flæðir um þjóðfélag-
ið og léttilega gengur að útvega
það fjármagn sem þarf til mikil-
vægra verkefna á borð við hús-
næðislán.“
Hjálmar Árnason framsóknarmaður í
Fréttablaðinu 6. janúar.
Ónákvæmni þingmanna
„Því miður gætir alltof oft mis-
skilnings og ónákvæmni í yfir-
lýsingum þingmanna um
hlutafjárvæðingu SPRON...“
Guðmundur Hauksson, sparisjóðsstjóri SPRON, í
Morgunblaðinu 6. janúar.
Orðrétt
HOLLUR DRYKKUR
Ný rannsókn bendir til þess að mikil kaffi-
drykkja geti varið menn gegn sykursýki.