Fréttablaðið - 07.01.2004, Blaðsíða 25

19.15 KR og Grindavík keppa í
DHL-Höllinni í bikarkeppni KKÍ &
Lýsingar í körfubolta kvenna.

19.15 Grótta/KR keppir við ÍBV á
Seltjarnarnesi í RE/MAX deild
kvenna í handbolta.

18.00 Olíssport á Sýn. Fjallað verð-
ur um helstu íþróttaviðburði
heima og erlendis.

18.30 Western World Soccer
Show (Heimsfótbolti West World)
á Sýn.

19.00 US PGA Tour 2003 á Sýn.
Þáttur um bandarísku mótaröðina
2003.

19.45 Enski boltinn á Sýn. Bein út-
sending frá leik Chelsea og Liver-
pool á Sýn.

22.30 UEFA Champions League á
Sýn. Útsending frá leik Manchest-
er United og Porto í átta liða úr-
slitum Meistaradeildarinnar 1997.

22.50 Handboltakvöld á RÚV.
25MIÐVIKUDAGUR 7. janúar 2004
hvað?hvar?hvenær?
4 5 6 7 8 9 10
JANÚAR
Föstudagur
Laugavegi 53, simi. 552 3737
ÚTSALAN
HEFST Í DAG
OPIÐ 9-19
Kvennalið Fylkis/ÍR í handbolta lagt niður:
Þrjátíu manns sögðu nei
HANDBOLTI Ekkert verður af frek-
ari þáttöku kvennaliðs Fylkis/ÍR í
RE/MAX-deildinni í handbolta.
Stjórn Fylkis/ÍR ákvað á fundi í
gærkvöld að það væri best fyrir
alla aðila að draga liðið úr keppni
þar sem enginn fékkst til þess að
þjálfa liðið.
Finnbogi Grétar Sigurbjörns-
son sagði upp störfum sem þjálf-
ari liðsins 10. desember síðastlið-
in og hefur stjórn félagsins síðan
leitað dyrum og dyngjum að nýj-
um þjálfara en án árangurs. Alls
var rætt við þrjátíu þjálfara en
enginn þeirra hafði áhuga á starf-
inu. Það var þungt í Þór Ottesen,
formanni Fylkis/ÍR, þegar Frétta-
blaðið ræddi við hann í gær.
„Ég get ekki neitað því að þetta
eru mikil vonbrigði, bæði fyrir fé-
lagið og mig persónulega. Ég hef
barist lengi fyrir því að halda úti
kvennahandbolta, fyrst hjá ÍR og
síðan hérna hjá Fylki/ÍR, og ég er
eiginlega gráti næst yfir því að
þurfa að leggja þetta niður því það
var metnaður fyrir því að halda
starfinu gangandi en enginn þjálf-
ari fékkst til þess að stýra stelpun-
um. Samt höfðum við rætt við
þrjátíu þjálfara.“
Þór segir þó bót í máli að með því
að leggja deildina niður núna hafi
stúlkurnar í liðinu góðan tíma til
þess að finna sér nýtt félag. Það hafi
ekki verið hægt að bjóða þeim upp á
þetta ástand lengur. ■
Alex Ferguson:
Samur við sig
FÓTBOLTI „Við vorum mjög óánægð-
ir þegar við fréttum það að einn af
okkar leikmönnum hefði heimsótt
annað félag í leyfisleysi,“ sagði
Harry van Raaij, forseti PSV Eind-
hoven. Van Raaij sagði að United
hefði haft samband við PSV fyrir
nokkrum mánuðum vegna Robben
en félagið hafi ekkert vitað af
heimsókn Robben til United. „Ég
bjóst við símhringingu frá United
en Alex Ferguson virðist samur
við sig.“
United keypti bæði Jaap Stam
og Ruud van Nistelrooy af PSV.
„Samskipti mín við United vegna
sölunnar á Ruud van Nistelrooy
og Jaap Stam voru á góðum nótum
en ekki samskiptin við Ferguson,“
sagði van Raaij. „Ég skynja ná-
kvæmlega sömu aðgerðir nú og
þegar hann bar víurnar í hina tvo.
Ég ræddi við David Gill, stjórnar-
formann Manchester United, eftir
að ég frétti af heimsókninni. Hann
var hálf skömmustulegur en sagði
að foreldrar Robben hefðu átt
frumkvæðið.“
Van Raaij fannst fimm millj-
ónir punda ekki raunhæft verð
fyrir Robben. „Fyrir þennan pen-
ing geta þeir fengið áritaða
treyju frá Robben og ekkert
meira.“ ■
Arnar og Bjarki Gunnlaugssynir:
Áfram hjá KR
FÓTBOLTI Nú er orðið ljóst að Arnar
og Bjarki Gunnlaugssynir munu
spila áfram með KR á næsta
sumri í Landsbankadeildinni í
knattspyrnu. Kristinn Kjærne-
sted, stjórnarmaður í KR Sporti,
staðfesti í samtali við Fréttablaðið
að tvíburarnir myndu skrifa undir
eins árs samning við félagið í dag.
Kristinn sagði að leikmannahóp-
urinn hjá KR væri að verða full-
mótaður eftir að Arnar, Bjarki og
Veigar Páll höfðu skrifað undir.
Bjarki Gunnlaugsson sagði í sam-
tali við Fréttablaðið í gær að þeir
bræður hefðu aldrei haft neitt
annað í huga en að spila áfram
með KR. „Við tókum okkur góðan
tíma, æfðum sjálfir og vorum
ekkert að stressa okkur á að
skrifa undir samning. Nú er hins
vegar allt klappað og klárt og við
hlökkum til tímabilsins,“ sagði
Bjarki. ■
Leikur Owen
gegn Chelsea?
Michael Owen gæti leikið með Liverpool að nýju eftir sex vikna fjar-
veru. Hernan Crespo tekur líklega stöðu Adrian Mutu í liði Chelsea.
FÓTBOLTI Tuttugustu umferð ensku
úrvalsdeildinnarinnar lýkur í
kvöld með níu leikjum. Þá mætast
að nýju félögin sem léku á fyrsta
degi leiktíðarinnar í ágúst.
Chelsea fær Liverpool í heim-
sókn á Stamford Bridge en
Lundúnafélagið sigraði 2-1 á An-
field í haust. Hernan Crespo hefur
náð sér eftir veikindi og tekur lík-
lega stöðu Adrian Mutu, sem hef-
ur ekki skorað í síðustu tólf leikj-
um með Chelsea. Carlo Cudicini
leikur að nýju í marki Chelsea en
hann missti af heimaleiknum
gegn Portsmouth og bikarleiknum
gegn Watford vegna meiðsla.
Damien Duff, Emmanuel Petit og
Juan Sebastian Veron eru hins
vegar enn meiddir.
Liverpool á í talsvert meiri
vandræðum vegna meiðsla en þar
á bæ eru menn þó vongóðir um að
Michael Owen leiki með að nýju
eftir sex vikna fjarveru. Steven
Gerrard, Milan Baros, Jamie
Carragher, Steve Finnan og Chris
Kirkland eru enn meiddir.
Arsenal heimsækir Everton,
sem hefur ekki tapað á heimavelli
frá því Chelsea vann 1-0 á Goodi-
son Park í byrjun nóvember. Ekki
verður ljóst fyrr en skömmu fyrir
leik hvort heimaliðið geti teflt
fram sínu sterkasta liði því Alan
Stubbs, Thomas Gravesen og
Duncan Ferguson meiddust í bik-
arleiknum gegn Norwich á laug-
ardag. Arsenal verður án Dennis
Bergkamp sem er meiddur á kálfa
og Sylvain Wiltord meiddist á
ökkla á æfingu.
Javi Moreno þreytir líklega
frumraun sína með Bolton gegn
Manchester United í kvöld. „Hann
hefur aðeins leikið átta leiki í vet-
ur og við verðum að fara varlega
vegna leikæfingar hans,“ sagði
Sam Allardyce, framkvæmda-
stjóri Bolton. „En hann stendur
sig vonandi vel.“
Manchester United hefur
unnið alla sjö leikina síðan Paul
Scholes byrjaði að leika að nýju
eftir meiðsli og Sam Allardyce
er ekki í vafa um mikilvægi
hans. „Það er ekki til betri
miðjumaður í heiminum,“ sagði
Allardyce. „Hann veit hvað hann
ætlar að gera við boltann áður
en hann fær hann. Það er í raun
ekki hægt að láta gæta hans
vegna þess að við vitum aldrei
alveg hvernig hann leikur. Hann
byrjar kannski í einhverri stöðu
en fer úr henni án þess að nokk-
ur taki eftir og birtist svo allt í
einu í vítateignum.“ ■
ALEX FERGUSON
Forseti PSV Eindhoven er ósáttur við fram-
göngu Ferguson.
ARNAR OG BJARKI
GUNNLAUGSSYNIR
Tvíburarnir verða áfram í herbúðum KR í
eitt ár í viðbót.
EIÐUR SMÁRI GUÐJOHSEN
Chelsea mætir Liverpool á
Stamford Bridge í kvöld.
LEIKIR KVÖLDSINS
Bolton - Man. United 20.00
Chelsea - Liverpool 20.00
Everton - Arsenal 20.00
Man. - Charlton 19.45
Middlesbrough - Fulham 19.45
Newcastle - Leeds 19.45
Southampton - Leicester 19.45
Tottenham - Birmingham 19.45
Wolves - Blackburn 19.45
STAÐAN
Man. United 19 15 1 3 38:13 46
Arsenal 19 13 6 0 35:12 45
Chelsea 19 13 3 3 36:16 42
Charlton 19 8 6 5 27:22 30
Fulham 19 8 4 7 30:26 28
Liverpool 18 7 5 6 28:21 26
Newcastle 19 6 8 5 26:22 26
Southampton 19 7 5 7 18:15 26
Birmingham 18 7 5 6 16:20 26
Aston Villa 19 6 6 7 19:23 24
Everton 19 6 5 8 23:25 23
Bolton 19 5 8 6 20:28 23
Man. City 19 5 6 8 27:27 21
Blackburn 19 6 310 26:29 21
Middlesbrough 18 5 6 7 14:18 21
Portsmouth 19 5 410 20:28 19
Leicester 19 4 6 9 28:31 18
Tottenham 19 5 311 19:29 18
Leeds 19 4 510 18:40 17
Wolves 18 3 510 16:39 14
Í töfluna vantar leik Aston Villa og
Portsmouth í gærkvöldi.