Fréttablaðið - 08.01.2004, Blaðsíða 13
13FIMMTUDAGUR 8. janúar 2004
Hátt í þrjár vikur síðan sorpið var tekið:
Fullar sorptunnur
í Salahverfi
SORPHIRÐA „Sorpið hefur ekki
verið tekið síðan 20. desember.
Ég er búinn að fara fjórar ferð-
ir í Sorpu með heimilisruslið,“
segir Brynjar Guðmundsson,
íbúi við Glósali í Kópavogi.
Brynjar segist borga hátt út-
svar og að það sé forkastanlegt
og hreinlega ekki fólki bjóðandi
að Kópavogsbær skuli ákveða
einhliða að koma sjaldnar til að
hirða sorpið. „Í bænum er mikið
af barnafólki og það er stað-
reynd í þessu neysluþjóðfélagi
sem við búum í að magn sorps
fer vaxandi.“ Hann segir ólykt
fylgja yfirfullum tunnum og
sérstaklega af því sorpi sem er
ekki í plastpokum. Sjálfur hefur
hann sett ruslið sem er í pokum
inn í bílskúr. „Ég er með barna-
afmæli í kvöld og hef ekkert
gaman af að taka á móti fólki
með öskutunnurnar ælandi,“
sagði Brynjar þegar rætt var
við hann í gær.
Hann segist hafa fengið þau
svör í áhaldahúsi Kópavogs að
losa ætti sorpið í gær en ólík-
legt væri að það stæðist þar
sem sorphirðan væri komin
langt á eftir áætlun. Áður bjó
Brynjar í Reykjanesbæ, en
hann segir sorphirðuna þar, sem
einkafyrirtækið Njarðtak sér
um, vera til fyrirmyndar. ■
! "
# $"
%&'
SORPTUNNUR VORU SÍÐAST LOSAÐAR FYRIR JÓL
Brynjar hefur farið fjórar ferðir í Sorpu með heimilissorpið því tunnan hefur ekki verið
losuð síðan fyrir jól.
Brunamálastofnun:
Árangur
mældur
SAMNINGUR Brunamálastofnun
hefur undirritað samning við rík-
ið sem felur í sér að árangur af
starfi stofnunarinnar verður
mældur samkvæmt skilgreindum
mælikvörðum.
Brunamálastofnun er með
allra fyrstu stofnunum ríkisins til
að gera samning af þessu tagi. Við
mælingu á árangri af starfi stofn-
unarinnar verður einkum litið til
fjögurra þátta; þjónustu, fjár-
málastjórnunar, starfsmannamála
og innri verkferla. Enn fremur
verður lagt mat á hvort rekstur-
inn verði í samræmi við fjárheim-
ildir og áætlanir. ■
AFLEIÐINGAR BRUNA
Samkvæmt tölum tryggingafélaganna eru
brunar í sjónvörpum langalgengustu brun-
arnir af völdum rafmagnstækja, en næstir
eru brunar í þvottavélum og þurrkurum.
Brunar í sjónvarps-
tækjum:
Lífshættu-
legur reykur
BRUNI „Við höfum rökstuddan
grun um að brunum í sjónvarps-
tækjum hafi fjölgað til muna,“
segir Gunnar Örn Pétursson,
stöðvarstjóri hjá Slökkviliði
höfuðborgarsvæðisins. Eldur
kviknaði í sjónvarpstæki þegar
kveikt var á því í húsi við Lautar-
smára í Kópavogi í byrjun vikunn-
ar. Mikill reykur myndaðist og
voru tvær konur fluttar á slysa-
deild með reykeitrun. Miklar
skemmdir urðu á íbúðinni.
Gunnar Örn segir fjölgun sjón-
varpstækja á hverju heimili
ástæðuna fyrir auknum fjölda
bruna og að tækin séu lengur í
notkun á hverjum sólarhring.
Þrjú atriði skipti mestu svo koma
megi í veg fyrir bruna. Aftengja
þurfi sjónvörpin þegar þau eru
ekki í notkun, hreinsa ló og ryk úr
tækjunum og festa kaup á fyrir-
ferðarlitlum slökkvibúnaði sem
settur er í tækin.
Gunnar Örn segir bruna á
gerviefnunum lífshættulega.
„Reykurinn verður strax mjög
hættulegur. Á örskammri stundu
verður ekki við neitt ráðið. Þá er
vissara að koma sér út.“ ■
Vopnað rán:
Voru með
hamar og
járnrör
RÁN Tveir hettuklæddir menn
vopnaðir hamri og járnröri ógn-
uðu starfsmanni í verslun í Video-
heimum í Gylfaflöt í Grafarvogi
eftir miðnætti á sunnudagskvöld.
Ræningjarnir hótuðu starfs-
manninum og tókst að hrifsa pen-
inga úr sjóðsvélinni. Þeir voru að
binda hendur starfsmannsins þeg-
ar viðskiptavinur kom inn í versl-
unina og földu sig því á bak við
myndbandsspólurekka. Þegar við-
skiptavinurinn varð var við ræn-
ingjana hlupu þeir á brott. Lög-
reglan í Reykjavík brást fljótt við
og lokaði aðalumferðaræðum og
stöðvuðu alla bíla sem áttu leið
um. Á Gullinbrú kom í ljós að
þurrum stuttermabol hafði verið
hent út á brúna og voru peninga-
seðlar allt um kring. Þrír menn á
tveimur bílum voru stöðvaðir í
kjölfarið og við leit á þeim fund-
ust fíkniefni. Mennirnir eru um
tvítugt og er grunaðir um að hafa
framið ránið. Þeir hafa áður kom-
ið við sögu lögreglu en eiga ekki
langan sakaferil. ■