Fréttablaðið - 09.01.2004, Blaðsíða 14

14 9. janúar 2004 FÖSTUDAGUR
PÁFINN OG TRÚÐURINN
Bandarískur sirkustrúður sýnir Jóhannesi
Páli páfa listir sínar með jójói, eða
„Diablo“ eins og keflið kallast sem snýst á
línu milli tveggja prika. Trúðurinn var í
hópi bandarískra sirkuslistamanna sem
heimsóttu páfa í gær.
Óskahverfið:
Vilja í miðbæ
og Vesturbæ
BÚSETA Hátt í tvöfalt fleiri vilja búa
í miðbæ Reykjavíkur en búa þar, að
því er fram kemur í könnun á hús-
næðis- og búsetuóskum Reykvík-
inga. Um sjö prósent borgarbúa búa
í miðbænum en tæp tólf prósent
þeirra vilja búa þar samkvæmt
könnuninni. Flestir vilja þó búa í
Vesturbænum, átján prósent íbúa.
Þar búa nú 14% borgarbúa.
Ef litið er til þeirra sem búa í
ákveðnum hverfum og þeirra
hverfa sem borgarbúar vilja helst
búa í er munurinn mestur í Breið-
holti. Þar búa 19% borgarbúa en
ellefu prósent segja það óska-
hverfi sitt. ■
ÚTSALA
20-50% afsl.
Nýtt kortatímabil
Undirfataverslun.
Síðumúla 3
Sími: 553 7355
opið virka daga
kl: 11-18
Laugard. kl: 11-15
Vinnumarkaður:
Stjórnendur
beggja blands
ATVINNUMÁL Jafn mörg fyrirtæki
hyggjast fjölga starfsmönnum
sínum og fækka þeim samkvæmt
viðhorfskönnun Samtaka atvinnu-
lífsins meðal aðildarfyrirtækja
sinna. Tæp 15% fyrirtækjanna
hyggjast fjölga starfsfólki en rúm
14% fækka. Munar þar miklu frá
könnun samtakanna í desember
2002 þegar 21% fyrirtækja hugð-
ist fækka starfsfólki en aðeins
átta prósent fjölga því.
Í umfjöllun á vef Samtaka at-
vinnulífsins segir að þetta komi á
óvart þar sem flestir spái nokkuð
örum hagvexti á árinu og aukinni
eftirspurn eftir vinnuafli. ■
Atlantsolía:
Ný
bensínstöð
BENSÍNSTÖÐ Atlantsolía hyggst reisa
nýja bensínstöð við Óseyrarbraut
23 í Hafnarfirði á nýjum viðlegu-
kanti við Hafnarfjarðarhöfn. Áætl-
aður kostnaður við framkvæmdina
er um 25 milljónir króna.
Stöðin verður alsjálfvirk með
átta dælum og tekur eingöngu við
debet- og kreditkortum. Áætlað
er að verkinu ljúki í mars eða
apríl næstkomandi. Lúðvík
Geirsson, bæjarstjóri í Hafnar-
firði, tók fyrstu skóflustunguna í
fyrradag. ■
Englar helvítis
stara til Íslands
Sýslumaðurinn á Keflavíkurflugvelli segir að stöðugur og vaxandi þrýstingur sé á landamæri Ís-
lands. Landið heillar sérstaklega liðsmenn Hells Angels, sem taldir eru horfa til gróðavænlegs
fíkniefnamarkaðar. Á fjórða tug manna og kvenna var vísað úr landi á tveimur mánuðum.
Það er ekki nokkur vafi á því aðáhugi og ásókn erlendra
glæpahringja til Íslands fer vax-
andi,“ segir Jóhann R. Benedikts-
son, sýslumað-
ur á Keflavík-
urflugvelli, um
allan þann
fjölda fólks
sem vísað hef-
ur verið frá
landinu á
undanförnum
m á n u ð u m
vegna rök-
studds gruns
um að það
ætli sér að
stunda ólög-
lega iðju á Íslandi. Á fjórða tug
útlendinga hefur verið gómaður í
Keflavík frá því í byrjun nóvem-
ber og ýmist handtekinn eða vís-
að úr landi.
Jóhann segir að margir
þeirra sem embætti hans
hafi afskipti af við landa-
mærin séu fólk sem talið er
að ætli sér að stunda við-
skipti með eitur-
lyf af einhverju tagi en einnig sé
mikið um að til landsins komi
fólk sem hyggi á fjársvik. Þannig
hafi tvö pör sem nú eru í gæslu-
varðhaldi opnað fjölda banka-
reikninga á Íslandi og greini-
lega verið með í undirbún-
ingi fjármálaumsýslu sem
að líkindum væri ólögleg.
Jóhann segir vaxandi
áhuga útlendinga vera
afleiðingu af því að Ís-
land sé auðugt og vel
kynnt sem ferða-
mannaland.
„Þessi almenni
og aukni áhugi er
vegna þess að við
erum stöðugt að
færast nær
hringiðu heimsins. Það er búið að
kynna Ísland sem ferðamanna-
land. Hér er hátt atvinnustig og
vaxandi kaupmáttur og Ísland að
sumu leyti í tísku. Landið hefur
vakið athygli undirheima í ná-
grannalöndunum og afbrotamenn
eru að þreifa fyrir sér. Með þessu
og greiðari samgöngum við Ís-
land þurfum við að vera meira á
verði gagnvart alþjóð-
legri brotastarf-
semi,“ segir Jó-
hann.
Hann segir
að þótt Ísland
sé fámennt ráði
það miklu um
áhuga sam-
taka á
b o r ð við Hells Angels að fíkniefnaverð
sé hátt á Íslandi og mikill gróði
blasi við þeim sem nái að fóta sig
á markaðnum. Verð á fíkniefnum
hér er allt að þrefalt hærra en
gerist í nágrannalöndunum.
Ásókn vélhjólaklíkunnar
hefur ekki leynt sér og
á undanförnum árum
hafa orðið uppákom-
ur á Keflavíkurflug-
velli í tengslum við
komu meðlima
h e n n a r .
Þessu er
l ý s t
þ a n n i g
að Englar helvítis stari
á Ísland.
Jóhann segist ekki
vera í vafa um að Vítis-
englarnir ætli sér að kom-
ast inn á íslenska fíkniefna-
markaðinn með það fyrir
augum að ná yfirhöndinni þar.
Hann segir yfirvöld hafa
óyggjandi upplýsingar um
að Íslendingar tengist
samtökunum nú þegar.
Vinaklúbbur Vítis-
englanna er vél-
hjólaklúbburinn
Fáfnir eða aðilar
tengdir honum
sem hafa sótt
um aðild að
samtökunum.
Síðan 1. nóv-
ember hefur
14 norskum
vít isengl -
um verið
vísað frá landinu. 12. desember
komu níu norskir vítisenglar til
landsins en þeir voru reknir úr
landi aftur. Fréttablaðið ræddi þá
við forsprakka þeirra, sem sór og
sárt við lagði að hann og félagar
hans væru byggingaverkamenn í
helgarferð til Íslands til að slaka
á fyrir jólin. Þetta eru venjulega
rök Vítisenglanna sem sækja Ís-
land heim. Hefð-
bundið er að halda
því fram að þeir
séu hingað komnir
í þeim eina til-
gangi að sjá nátt-
úruundrin Gull-
foss og Geysi.
Þann 19. desember
gerðu norskir vítisenglar aðra
tilraun til að komast inn í landið
þegar fimm þeirra voru gerðir
afturreka.
„Áhugi Hells Angels á Norður-
löndunum á því að koma hingað
er ótvíræður,“ segir Jóhann.
Yfirvöld á Keflavíkurflugvelli
hafa verið á vaktinni undanfarið
og hiklaust vísað úr landi Vítis-
englum og þeim sem rökstuddur
grunur sé um að ætli að leggjast
í glæpi á Íslandi. Jóhann segir að
með öflugri landamæravörslu
megi fyrirbyggja landnám er-
lendra glæpahringja, hvaða nöfn-
um sem þeir nefnist.
„Okkur hefur tekist að ná
mörgum brotamönnum áður en
þeir ná að komast inn í landið.
Við getum glaðst yfir því að
hafa tekist að kæfa í fæðingu til-
raunir erlendra glæpamanna til
að skjóta rótum á Íslandi,“ seg-
ir Jóhann. ■
STÖÐVUÐ VIÐ LANDAMÆRIN
Dags. Teknir við komu Ástæða Staða málsins
5. nóv. 2 Kínverjar Með fölsuð vegabréf /
voru í fylgd Ástrala Verða sendir heim
8. nóv. 2 Kínverjar Með fölsuð vegabréf Dæmdir í fangelsi
9. nóv. 2 Kínverjar Með fölsuð vegabréf Dæmdir í fangelsi
14. nóv. 1 Kínverji/
1 Singapúrbúi Með fölsuð vegabréf Dæmdir í fangelsi
16. nóv. 2 Kínverjar Með fölsuð vegabréf Dæmdir í fangelsi
5. des. 5 vítisenglar Röskun á allsherjarreglu Vísað úr landi
8. des. 2 Afríkumenn Með fölsuð skilríki og
greiðslukort Eru í gæsluvarðhaldi
12. des. 9 vítisenglar Tengdir skipulagðri
glæpastarfsemi Vísað úr landi
12. des. 1 Rúmeni Með nokkur vegabréf og
fölsuð flugáhafnaskirteini Er í farbanni
20. des. 2 Afríkumenn Grunaðir um skjalafals. Eru í gæsluvarðhaldi
29. des. 1 Singapúrbúi Með þrjú fölsuð vegabréf
í skónum. Vísað úr landi.
■
Ásókn erlendra
glæpahringja til
Íslands fer vax-
andi.
ENGILL
Hin alþjóðlegu sam-
tök Hells Angels
hafa sótt mikið til
Íslands að undan-
förnu en vítis-
englarnir eru und-
antekningalaust
stöðvaðir á
landamærun-
um.
Fréttaskýring
REYNIR TRAUSTASON
■ skrifar um ásókn erlendra glæpa-
manna í undirheima Íslands.
JÓHANN R.
BENEDIKTSSON
Stendur vaktina á
landamærunum
ásamt sínu fólki.
SAMGÖNGUR Fulltrúar Reykjavíkur-
borgar eru nýkomnir frá Þýska-
landi þar sem þeir skoðuðu skipulag
almenningssamgangna í borgum
sem eru svipaðar að stærð og
Reykjavík og könnuðu léttlestar-
kerfi eins og er notað í Þýskalandi,
Bretlandi og Noregi. Árni Þór Sig-
urðsson, formaður samgöngunefnd-
ar Reykjavíkur, segir kerfið hafa
reynst mjög vel ytra og segir það
fýsilegan kost fyrir Reykjavík.
Hann telur raunhæft að byggja það
upp á næstu 10 til 20 árum sem
framtíðarkost í Reykjavík. Það yrði
hugsað með nokkrum meginleiðum
sem gætu tengst nágrannabæjum.
„Léttlestarkerfin í Evrópu hafa
leitt til þess að fólk nýtir sér al-
menningssamgöngur í æ ríkara
mæli. Það endist betur en strætó,
auk þess sem það er öruggara og
áreiðanlegra. Það er ekki endalaust
hægt að stækka mannvirki og því
hefur sú leið verið valin víða að
leysa samgöngurnar með léttlestar-
kerfi. Það er hins vegar mjög dýrt
og verður ekki fjármagnað öðruvísi
en með þátttöku ríkisins, eins og í
fyrrgeindum löndum, en kostnaður
við hvern kílómetra nemur allt að
einum milljarði króna. Við höfum
þegar rætt það við samgönguyfir-
völd og það er óhjákvæmilegt að
mínu mati að taka þetta mál til al-
varlegrar skoðunar,“ segir Árni. ■
Léttlestarkerfi talið fýsilegur kostur fyrir Reykjavík:
Hver kílómetri kostar milljarð
LÉTTLESTARKERFI
Í þýskum borgum sem eru svipaðar að
stærð og Reykjavík, eins og Freiburg sem
hér sést, hefur léttlestarkerfið reynst mjög
vel en kerfið er einhvers konar blanda af
hefðbundnu lestarkerfi og sporvögnum.