Fréttablaðið - 13.01.2004, Blaðsíða 12

12 13. janúar 2004 ÞRIÐJUDAGUR
4.000 KOSSAR
Meira en 4000 pör tóku þátt í kossauppá-
komu í Santiago í Chile sem þarlendur
tannkremsframleiðandi stóð fyrir um helg-
ina. Eins og sést á myndinni voru kossarnir
sjóðheitir að hætti blóðheitra Chile-búa.
SVÍÞJÓÐ Mijailo Mijailovic, sem í
síðustu viku játaði á sig morðið á
Önnu Lindh, fyrrum utanríkisráð-
herra Svíþjóðar, var formlega
ákærður fyrir morðið í gærmorg-
un og munu réttarhöld, sem verð-
ur útvarpað beint, hefjast í Stokk-
hólmi á morgun.
Samkvæmt ákæruskjölum,
sem lögð voru fram í gær og fylla
meira en 1.100 blaðsíður, var
Anna Lindh stungin tíu sinnum í
brjóst, maga og handleggi í
árásinni þann 10. september. Hún
lést af völdum áverkanna nóttina
á eftir.
Meðal sönnunarganga eru nið-
urstöður DNA-rannsókna og
myndbandsupptökur frá morð-
staðnum, þar sem Mijailovic, sést
skömmu fyrir morðárásina og
aftur þegar hann yfirgefur versl-
unarmiðstöðina á eftir. Við DNA-
rannsókn fundust lífssýni úr
Mijailovic á blóðugum morð-
hnífnum.
Eftir að Mijailovic var hand-
tekinn 24. september neitaði
hann stöðugt að hafa myrt Lindh
en játaði síðan á sig morðið við
yfirheyrslur 6. janúar. Hann
sagðist hafa stungið Lindh eftir
að hafa heyrt innri rödd sem
skipaði honum að drepa hana og
taldi að það hefði verið Jesús sem
hefði valið hann. ■
Sveitarfélagið Ísafjarðarbærvarð til fyrir tæpum átta árum
þegar íbúar sex sveitarfélaga á
norðanverðum Vestfjörðum sam-
þykktu sameiningu. Þetta voru
Ísafjörður, Flateyri, Suðureyri,
Þingeyri og Mýrar- og Mosvalla-
hreppar. Við sameininguna varð
til 4.600 manna sveitarfélag.
Undanfarin ár hefur íbúum
fækkað um tæp-
lega 500 eða
10%.
Sameiningin
skilaði í raun
sáralítilli hag-
kvæmni rekstr-
arlega. Ávinn-
ingurinn kemur
fyrst og fremst
fram í yfir-
stjórn, yfir-
byggingin er
minni og nefnd-
ir og stjórnir
færri. Bæjar-
stjóri Ísafjarð-
arbæjar segir
að kerfinu sé
um að kenna,
ekki sé tekið til-
lit til þess hve
sameinað sveit-
arfélag sé víð-
lent og kjarn-
arnir dreifðir.
Verði þessu
breytt, sé allt
annað uppi á teningnum. Þá sé
raunhæft að tala um frekari sam-
einingu á Vestfjörðum, jafnvel
allra sveitarfélaga á svæðinu.
Sameining heillaspor
„Ég er sannfærður um að fyr-
ir svæðið í heild var sameiningin
af hinu góða. Hún styrkti svæðið
en ég hefði gjarnan viljað sjá
Súðavíkurhrepp og Bolungarvík-
urkaupstað með. Þá væri Ísa-
fjarðarbær 5.500 manna sveitar-
félag,“ segir Halldór Halldórs-
son, bæjarstjóri Ísafjarðarbæjar.
Hann segir að Ísafjörður hafi
getað staðið undir öllum kröfum
sem gerðar eru til sveitarfélaga
og hafi í raun verið hagkvæm
rekstrareining. Sveitarhrepparn-
ir væru sömuleiðis á sléttum sjó
en staða Þingeyrar, Flateyrar og
Suðureyrar væri trúlega önnur.
„En það er mjög slæmt að
tekjustofnarnir skuli vinna gegn
jákvæðum þáttum sameiningar-
innar. Ísafjarðarbær er eftir
sameininguna miklu óhagkvæm-
ari rekstrareining. Við erum með
fjóra byggðakjarna og þurfum að
halda uppi þjónustu á hverjum
stað fyrir sig, almenningssam-
göngum, skólum, höfn, áhaldahús
og svo mætti lengi telja. Kerfið
tekur hins vegar ekki tillit til
þess hve reksturinn verður miklu
þyngri. Gagnvart jöfnunarsjóði
og öðrum slíkum þáttum þá er
bara litið til þess að íbúar eru hér
fleiri en 2000 og þar með eigum
við að sjá um okkur sjálf. En Ísa-
fjarðarbær er í raun margar litl-
ar einingar, þó yfirstjórnin sé
sameiginleg,“ segir Halldór.
Þörf á breyttum reglum um
Jöfnunarsjóð sveitarfélaga
Halldór nefnir sem dæmi að nú
stendur fyrir dyrum bygging
íþróttahúss á Suðureyri. Ef Suður-
eyri væri sjálfstætt sveitarfélag,
fengist helmingur stofnkostnaðar
úr Jöfnunarsjóði sveitarfélaga, en
Ísafjarðarbær verður að standa
straum af kostnaðinum, þar sem
sveitarfélagið er með fleiri en
2000 íbúa. Sama á raunar við um
meiriháttar vatnsveitufram-
kvæmdir, stofnkostnað skóla-
mannvirkja og kostnað við bygg-
ingu eða kaup á húsnæði fyrir
leikskóla. Þá fá sveitarfélög með
færri en 2000 íbúa, verulegan
hluta stofnkostnaðar stærri fram-
kvæmda úr Jöfnunarsjóði. Stærri
sveitarfélög fá eingöngu framlög
úr sjóðnum vegna stofnkostnaðar
við einsetningu grunnskóla.
„Ég tel að það verði að breyta
reglum um þetta. Það þarf að
stórhækka framlög til stærri
sveitarfélaga sem eru samsett
eins og til að mynda Ísafjarðar-
bær. Verði það gert, vinna tekju-
stofnarnir með þeim jákvæðu
þáttum sem fylgja sameiningu
sveitarfélaga. Það gæti líka ýtt
undir frekari sameiningu sveit-
arfélaga,“ segir Halldór.
Hann segir síðustu breytingu
á lögum um Jöfnunarsjóð ekki
hafa gengið nógu langt í þessa
veru. Fjölmörg sveitarfélög séu í
sömu stöðu og Ísafjarðarbær og
því brýnt að ganga í málið.
Samgöngubætur brýnar
„Þegar komin verða göng milli
Dýrafjarðar og Arnarfjarðar, er
mögulegt að sameina Ísafjarðar-
bæ, Tálknafjörð og Vesturbyggð.
Þar með væri komið um það bil
6000 manna sveitarfélag á Vest-
fjörðum og ríflega 7000 manna
sveitarfélag ef Súðavík og Bol-
ungarvík slást í hópinn. Þetta er
alls ekki fjarlægur draumur. Ég
lít fyrst og fremst á svo víðtæka
sameiningu sem möguleika til að
efla stjórnsýslustigið. Með þessu
værum við komin með eitt af
stærri sveitarfélögum landsins
og slagkrafturinn yrði umtals-
verður. Út frá fjárhagnum, eins
og hann er í dag, þá er þetta
óframkvæmanlegt. Það þarf að
gera róttækar breytingar á tekju-
stofnum sveitarfélaga áður en
frekari sameiningarskref verða
stigin. Það verður að gera eitt-
hvað af viti í þeim málum. Þetta
gengur ekki lengur,“ segir Hall-
dór.
Hann segir samgöngubætur
ennfremur forsendu svo víð-
tækrar sameiningar. Að þessu
tvennu fengnu séu mönnum allir
vegir færir.
„Ég sé þetta þess vegna fyrir
mér eftir fimm til tíu ár,“ segir
bæjarstjóri Ísafjarðarbæjar.■
„Það þarf
að gera rót-
tækar breyt-
ingar á tekju-
stofnum sveit-
arfélaga áður
en frekari
sameiningar-
skref verða
stigin. Það
verður að
gera eitthvað
af viti í þeim
málum, þetta
gengur ekki
lengur.
Í HÉRAÐSDÓMI
Mennirnir hafa þegar setið í gæsluvarð-
haldi í mánuð.
Afríkumenn:
Varðhald
framlengt
GÆSLUVARÐHALD Gæsluvarðhald,
yfir tveimur mönnum af afrískum
uppruna sem handteknir voru á
Keflavíkurflugvelli í byrjun des-
ember, hefur verið framlengt um
tvær vikur.
Mennirnir hafa þegar setið í
gæsluvarðhaldi í mánuð en þeir
voru teknir með fjölda greiðslu-
korta og mikið af fölsuðum per-
sónuskilríkjum sem stemma við
kortin. Mennirnir höfðu komið
hingað til lands nokkrum vikum
áður en þeir voru handteknir. Í
þeirri ferð urðu þeir sér út um ís-
lenskar kennitölur sem þeir not-
uðu til að opna bankareikninga. ■
SEÐLABANKI EVRÓPU
Dýrari í dollurum en nokkru sinni fyrr.
Gjaldmiðlar:
Evran aldrei
verðmætari
FRANKFURT, AP Evran náði methæð-
um gagnvart dollar í gær en gaf
svo eftir þegar Jean-Pierre Raf-
farin, forsætisráðherra Frakk-
lands, og Jean-Claude Triched,
aðalbankastjóri Seðlabanka Evr-
ópu, lýstu áhyggjum af því að
sterk evra kynni að grafa undan
efnahagslífi Evrópu.
Hæst fór evran í 1,29 dollara
en verðmæti dollarans hefur fall-
ið um 30% á einu ári.
Triched kallaði sveiflur í gengi
gjaldmiðla öfgakenndar. Raffarin
sagði óstöðugleika gjaldmiðla
hvorki í þágu Evrópu né Banda-
ríkjanna. ■
ALDRAÐUR ÓRÓASEGGUR Lög-
reglumenn handtóku aldraða
konu þegar flugvél, sem hún var
farþegi í, lenti í Róm. Konan lenti
í deilum við aðra farþega sem
voru ósáttir við að hún léti hund
sinn hlaupa fram og aftur eftir
farþegahluta flugvélarinnar. Þeg-
ar konan neitaði að hafa hundinn
í fangi sér ákvað flugstjórinn að
kalla á lögreglu.
MIJAILO MIJAILOVIC
Mijailovic á yfir höfði sér tíu ára til lífstíðar
fangelsisdóm eða vistun á geðsjúkrahúsi.
Morðið á Önnu Lindh:
Mijailovic ákærður
Úthafsrækja:
Kvóti verði
óbreyttur
SJÁVARÚTVEGUR Hafrannsóknastofn-
unin leggur til að afli úr út-
hafsrækjustofninum fari ekki yfir
20 þúsund tonn á yfirstandandi fisk-
veiðiári en það er sami afli og ráð-
lagður var í upphafi fiskveiðiársins.
Niðurstöður endurskoðunar á
ráðgjöf Hafrannsóknastofnunarinn-
ar fyrir úthafsrækju, sem lauk ný-
verið, benda til að úthafsrækju-
stofninn sé ívið stærri árin 2001 til
2003 en hann var í lægðinni árin
1999 og 2000.
Hafrannsóknastofnunin telur að
fari þorskgengd á rækjumiðunum
vaxandi, þurfi að endurskoða þess-
ar tillögur. ■
■ Evrópa Staður Íbúar
Ísafjarðarkaupstaður 3.386
Þingeyrarhreppur 434
Mýrarhreppur 68
Mosvallahreppur 73
Flateyrarhreppur 351
Suðureyrarhreppur 303
Samtals 4.615
(Íbúar voru 4.153 1.desember síðastliðinn)
VESTURBYGGÐ
Sameining fjögurra sveitarfélaga
11. júní 1994.
Staður Íbúar
Barðastrandarhreppur 128
Rauðasandshreppur 93
Patrekshreppur 901
Bíldudalshreppur 341
Samtals 1.463
(Íbúar voru 1.120 1. desember síðastliðinn)
ÍSAFJARÐARBÆR
Sameining sex sveitarfélaga
1. júní 1996.
HALLDÓR HALLDÓRSSON
Bæjarstjórinn sér fyrir enn frekari samein-
ingu sveitarfélaga á Vestfjörðum innan
fárra ára, að því gefnu að breyting verði á
lögum um tekjustofna sveitarfélaga og að
jarðgöng verði boruð milli Arnarfjarðar og
Dýrafjarðar.
Stærri sameining
æskileg á næstu árum
Reynslan af sameiningu sex sveitarfélaga í eitt á norðanverðum Vestfjörðum er jákvæð nema
fjárhagshlutinn. Bæjarstjóri Ísafjarðarbæjar segir tekjustofna sveitarfélaga vinna gegn jákvæðum
þáttum sameiningar. Þörf sé á róttækum breytingum þar á.
ÍSAFJARÐARBÆR
Bæjarstjóri Ísafjarðarbæjar segir góða reynslu af sameiningu sex sveitarfélaga á norðan-
verðum Vestfjörðum í eitt. Skipting tekjustofna sveitarfélaga vinni þó gegn jákvæðum
þáttum sameiningar.
Fréttaviðtal
ÞRÖSTUR EMILSSON
■ ræðir við Halldór Halldórsson, bæj-
arstjóra Ísafjarðarbæjar, um reynsluna
af sameiningu sveitarfélaga á norðan-
verðum Vestfjörðum og mögulega
sameiningu allra sveitarfélaga á Vest-
fjörðum.