Fréttablaðið - 13.01.2004, Blaðsíða 27

ÞRIÐJUDAGUR 13. janúar 2004
Lag ársins
„Í lagi ársins finnst mér ekkert
af þeim lögum sem eru tilnefnd
vera eins afgerandi og lagið með
Ske sem vann í fyrra,“ segir dr.
Gunni, þegar hann kryfur fyrsta
tilnefningaflokkinn í poppinu fyr-
ir Íslensku tónlistarverðlaunin
2003. „Það er ekkert lag sem nær
yfir árið og minnir mann á það
sem gerðist á árinu. Þess vegna er
fáránlegt að það skuli vera gengið
fram hjá laginu „Ást á pöbbnum“
með Leoncie. Þetta eru samt
ágætislög. Mess it Up kemst næst
því að vera einkennislag ársins.“
Flytjandi ársins
„Nú eru Mínus tilnefndir í
fimm flokkum og það hefur nú
verið tilhneiging til þess að sveit-
ir í þeirri aðstöðu vinna nú oftast.
Ef ég ætti að veðja, færu pening-
arnir mínir á Mínus. Þeir hafa
unnið heimavinnuna sína vel.“
Plötur ársins
„Mínus er þegar búnir að taka
þennan titill í könnun DV sem gef-
ur yfirleitt ágætismynd af þessu.
Platan er hörkugóð og hún á skilið
að vinna.“
Söngvari ársins
„Ég veit ekki hver á að vinna
þetta. Þetta eru svo ólíkir söngv-
arar og því erfitt að dæma um
þetta. Krummi er náttúrlega
fronturinn hjá Mínus og þeir eru
svolítið að taka þetta. Ég hallast
að honum. Hann er fínn söngvari
þó hann sé ekki blæbrigðaríkur.“
Söngkona ársins
„Þarna myndi ég nú halda að
Birgitta vinni. Hún náði viðun-
andi árangri í Eurovision en þrátt
fyrir það sneri þjóðin ekki baki
við henni, þvert á móti. Og svo,
þvert á spár, varð Írafársplatan
vinsæl fyrir jólin. Þrátt fyrir að
vera þyngri en fyrri platan.“
Myndband ársins
„Ég myndi nú leggja alla pen-
ingana mína á þetta Sigur Rósar
myndband, enda er það búið að fá
stór og erlend verðlaun. Mér
finnst samt Maus-myndbandið
langskemmtilegast.“
Bjartasta vonin
„Mér finnst að Skytturnar eigi
að vinna þetta. Ungir strákar og
búnir að leggja mikið í þessa
plötu. Það er út í hött að hafa
Brain Police þarna enda búnir að
vera til í 5–6 ár. Þeir voru einmitt
tilnefndir í sama lið árið 2000. Það
getur þó vel verið að Mugison eða
Ragnheiður Gröndal vinni, þau
hafa verið mikið í umræðunni.“ ■
Tónlist
ÍSLENSKU TÓNLISTAR-
VERÐLAUNIN 2003
■ Helsti poppfræðingur landsins,
dr. Gunni, spáir í spilin.
LAG ÁRSINS
„Mess it Up“ - Quarashi
„The Long Face“ - Mínus
„Japanese Policeman“ - Kimono
„Láttu mig vera“ - 200.000 Naglbítar
„Ást“ - Ragnheiður Gröndal
FLYTJANDI ÁRSINS
Sálin & Sinfó
Mínus
Eivör Pálsdóttir
Brain Police
Stuðmenn
Birgitta Haukdal
HLJÓMPLATA ÁRSINS
Maus - Musick
200.000 Naglbítar - Hjartagull
Sálin & Sinfó - Vatnið
Björgvin Halldórsson - Dúet
Eivör Pálsdóttir - Krákan
Brain Police - Brain Police
Mínus - Halldór Laxness
SÖNGVARI ÁRSINS
Stefán Hilmarsson
Krummi
Jónsi Í svörtum fötum
Björgvin Halldórsson
Jenni úr Brain Police
SÖNGKONA ÁRSINS
Ragnheiður Gröndal
Eivör Pálsdóttir
Ragnhildur Gísladóttir
Margrét Eir
Birgitta Haukdal
MYNDBAND ÁRSINS
Sigur Rós - Ónefnt nr. 1
Maus - My Favourite Excuse
Bang Gang - Stop in the Name of Love
Land og Synir - Von mín er sú
Mínus - Flophouse Nightmares
BJARTASTA VONIN
Mugison
Skytturnar
Ragnheiður Gröndal
Brain Police
Kimono
Hverjir vinna
tónlistarverðlaunin?
DR. GUNNI
Segir vanta Leoncie í
tilnefningunum fyrir
lag ársins.
MÍNUS
Gunni spáir því að Mínus-menn fari heim
með þrenn af þeim fimm verðlaunum
sem sveitin er tilnefnd fyrir.
Áttatíu og átta ára gamallmaður gabbaði þjóf sem
hafði brotist inn á heimili hans
með því að gera sér upp hjarta-
áfall.
Að sögn lögreglunnar í
Milwaukee í Bandaríkjunum
braust þjófur inn á heimilið, tók
gamla manninn traustataki og
heimtaði peninga. Eftir að mað-
urinn hafði ítrekað sagt þjófin-
um að hann ætti enga peninga
gerði hann sér upp hjartaáfall.
Við það féllu gleraugu hans á
gólfið. Sárþjáður bað hann þá
þjófinn um að taka gleraugun
upp fyrir sig. Þegar hann gerði
það hljóp maðurinn eins og fæt-
ur toguðu að dyrunum og kallaði
á hjálp. Við það hljóp þjófurinn
á brott án þess að fá svo mikið
sem eina krónu frá manninum,
sem slapp sem betur fer
ómeiddur frá atvikinu.
19 ára gamall piltur var
skömmu síðar handtekinn fyrir
innbrotið og tilraun til ráns. ■
Þóttist fá hjartaáfall
Skrýtnafréttin
GABBAÐI INNBROTSÞJÓF
■ 88 ára maður gabbaði innbrotsþjóf
upp úr skónum með því að gera sér upp
hjartaáfall.
UPP MEÐ HENDUR
Þjófurinn fékk ekki krónu frá
hinum 88 ára gamla manni.