Fréttablaðið - 15.01.2004, Blaðsíða 2
2 15. janúar 2004 FIMMTUDAGUR
„Þú ert alveg milljón.“
Jóhannes Kristjánsson eftirherma keypti sér lottó-
miða á Ísafirði fyrir helgina og eftir að hann sótti
7.240 krónu vinning fyrir fjóra rétta í sjoppunni
sem seldi miða með fimm réttum fyrir vestan
komst sú saga á kreik að hann væri orðinn
milljónamæringur.
Spurningdagsins
Jóhannes, varstu að herma
eftir milljóner?
■ Flug
Söluverð Brims fer
yfir 20 milljarða
Eimskipafélagið mun fá yfir 20 milljarða fyrir Brim. Auk þess fær Landsbank-
inn þóknun og lánaviðskipti vegna sölunnar. Viðræður standa yfir um kaup
heimamanna á Skagstrendingi. Verðið sem greitt er fyrir Brim þykir hátt.
VIÐSKIPTI Feðgarnir Kristján Guð-
mundsson, Guðmundur og Hjálmar
Kristjánssynir hafa keypt Útgerð-
arfélag Akureyringa af Eimskipa-
félaginu. Kaupverðið er níu millj-
arðar króna. Grandi keypti Harald
Böðvarsson á 6,8 milljarða. Sam-
hliða því keypti HB fjölskyldan,
ásamt Tryggingamiðstöðinni, tæp-
lega tíu prósenta hlut í Granda.
Gengið var frá samningum í fyrri
nótt og þeir tilkynntir í Kauphöll Ís-
lands skömmu eftir opnun hennar.
Eimskipafélagið fær 16,8 millj-
arða fyrir fyrirtækin. Unnið er að
sölu Skagstrendings og er talið að
tveir og hálfur til þrír milljarðar
fáist fyrir fyrirtækið. Boyd Line í
Bretlandi, sem var í eigu ÚA, er
fyrir utan þessi viðskipti og verður
selt sérstaklega. Áætlað er að rúm-
ur milljarður fáist fyrir fyrirtækið.
Eimskipafélagið mun því að öllum
líkindum fá ríflega 20 milljarða
fyrir Brim. Sérfræðingar á mark-
aði telja verðið fyrir félögin hátt.
Töluverður virðisauki hefur orðið
innan Eimskipafélagsins og er bók-
færður söluhagnaður vegna söl-
unnar 2,5 milljarðar. Verðhækkun-
in á fyrirtækjunum er að mati sér-
fræðinga langt yfir þróun annarra
sjávarútvegsfyrirtækja á markaði.
Margir töldu að Landsbankinn og
Björgólfur Guðmundsson hefðu
teygt sig langt þegar ráðist var í
yfirtöku Eimskipafélagsins. Salan
nú bendir til þess að þeir hafi haft
erindi sem erfiði. Erfitt er að átta
sig nákvæmlega á afrakstrinum,
þar sem ekki liggur fyrir hversu
miklar skuldir fylgja með í kaup-
unum. Við það bætist að Lands-
bankinn fjármagnar kaup beggja
kaupenda, sem eykur tekjur bank-
ans.
Magnús Gunnarsson, stjórnar-
formaður Eimskipafélagsins, seg-
ist ánægður með niðurstöðuna.
Hann segir ekki ljóst hvenær nið-
urstaða fáist í viðræðum um Skag-
strending. Viðræður eru hafnar við
heimamenn. Hreppurinn á bréf í
Eimskipafélaginu sem hafa hækk-
að frá því þau voru keypt. Verð-
mæti þeirra gætu numið yfir hálf-
um milljarði. Endanlegt verð fyrir
Skagstrending mun liggja á bilinu
2,5 til þrír milljarðar.
Kristján Þ. Davíðsson, forstjóri
Granda, segir að gætt verði að
stöðu HB sem vinnuveitanda á
Akranesi. Markmiðið sé að efla
starfsemi félagsins. Sturlaugur
Sturlaugsson tekur í sama streng
og segir áherslu lagða á að styrkja
félagið í vaxandi samkeppni og
versnandi rekstrarumhverfi. Þeir
segja verðið sem greitt var fyrir
félagið viðunandi.
haflidi@frettabladid.is
Fimm brutust inn á heimili í Kópavogi:
Vopnaðir sveðjum
ÁRÁS Maður og kona, 25 ára og 24
ára, eru í haldi lögreglunnar í
Kópavogi grunuð um líkamsárás,
rán og frelsissviptingu en fimm
manns réðust inn í íbúð í vesturbæ
Kópavogs um klukkan átta á
þriðjudagskvöld. Árásin hefur ver-
ið kærð. Húsráðandinn vildi ekki
tjá sig um árásina þegar Frétta-
blaðið ræddi við hann, sagði það
vera fyrirmæli frá lögfræðingi
sínum.
Fimmmenningarnir sem réðust
inn í íbúðina voru vopnaðir sveðj-
um og hafnaboltakylfum og réðust
að húsráðanda og sambýliskonu
hans. Þeir skemmdu hluti í íbúð-
inni, stálu fartölvu og námu kon-
una á brott með valdi. Hana fóru
þeir með í hraðbanka þar sem hún
var neydd til að taka út peninga af
reikningi sínum, en að því loknu
var henni skilað aftur. Lögreglan
telur að árásarmennirnir hafi ver-
ið að innheimta skuld.
Um þremur tímum eftir árásina
hafði fólkið sem varð fyrir árásin-
ni samband við lögreglu. Þau gátu
gefið lögreglu lýsingu á árásar-
mönnunum og bílnum sem þeir
voru á. Lögreglan í Reykjavík fann
bílinn síðar um nóttina við hús í
austurbæ Reykjavíkur og handtók
konu og mann sem grunuð eru um
árásina. Þau hafa bæði komið áður
við sögu lögreglu. ■
Heimahjúkrun:
Viðræður út
um þúfur
HEILBRIGÐISMÁL „Það er engin sátt í
deilunni,“ sagði Kristjana Guð-
jónsdóttir, starfsmaður heima-
hjúkrunar, eftir fund sem fulltrú-
ar heimahjúkrunarinnar áttu með
fulltrúum Heilsugæslunnar í gær.
Fulltrúar heimahjúkrunar lögðu
fram tilboð sem Heilsugæslan
taldi ekki grundvöll til frekari
viðræðna, að sögn Kristjönu. Því
slitnaði upp úr viðræðum og hefur
enginn fundur verið boðaður.
„Það er óbreytt ástand þar sem
báðir aðilar halda fast við sitt,“
sagði Kristjana. Starfsfólk heima-
hjúkrunar ætlar að hittast í dag og
fara yfir stöðuna. ■
Sjávarútvegsráðherra:
Hagsmunir
tryggðir
SJÁVARÚTVEGUR „Ég tel ljóst að
kaupendur þessara sjávarút-
vegsfyrirtækja ætli að reka þau
áfram á þeim stöðum sem þau
eru á í dag,
enda sterk
fyrirtæki í
g ó ð u m
rekstri. Ég
held að
starfsmenn
og aðrir
sem tengj-
ast þeim
geti verið
r ó l e g i r
v e g n a
b r e y t i n g -
anna,“ segir
Á r n i
Mathiesen
sjávarútvegsráðherra um söl-
una á sjávarútvegshluta Eim-
skips. Hann telur hagsmuni
byggðarlaganna sem tengjast
fyrirtækjunum eins vel tryggða
og áður og segir ekkert benda til
þess að rífa eigi þau upp með
rótum og gera stórkostlegar
breytingar sem menn þurfi að
hafa áhyggjur af. ■
Sala ÚA:
Heimamenn
áhrifalausir
SJÁVARÚTVEGUR Steingrímur J.
Sigfússon, formaður Vinstri
g r æ n n a ,
segir að það
hafi komið
á óvart
h v e r s u
hratt salan
á Útgerðar-
félagi Ak-
ureyringa
hafi gengið
fyrir sig.
„Heima-
menn virð-
ast hafa
verið al-
g j ö r l e g a
áhrifalausir
áhorfendur að þessu og óneitan-
lega er ég dálítið agndofa yfir
þessari hröðu atburðarás,“ segir
Steingrímur J.
„Menn í öðrum landshlutum
hafa kvartað mikið undan því að
Akureyringar væru að sanka til
sín veiðiheimildum. Þetta sýnir
mönnum að ekki einu sinni
stærstu byggðarlögin ráða sér
endilega sjálf í þessu kerfi. Það
er enginn öruggur og að lokum
er það bara fjármagnið sem
ræður.“ ■
SJÁVARÚTVEGUR Útgerðarfélag
Akureyringa var selt í skjóli
nætur og án þess að heimamönn-
um gæfist nokkurt tækifæri til að
ræða málið við seljendurna. Þetta
kemur fram í harðorðri yfirlýs-
ingu frá Kaupfélagi Eyfirðinga
um sölu ÚA til Kristjáns Guð-
mundssonar og sona.
Í yfirlýsingunni mótmælir
KEA óábyrgum vinnubrögðum
Landsbankans og Eimskipa-
félagsins harkalega og áskilur sér
allan rétt til eftirmála. Þegar
Andri Teitsson, framkvæmda-
stjóri KEA, var spurður út í það
hvort eða hvernig KEA hygðist
leita réttar síns svaraði hann: „Ég
vil ekkert tjá mig um það.“
Stjórnendur KEA gagnrýna
mjög söluferlið og segja Lands-
bankann, sem hafði milligöngu um
kaupin, hafa spilað það af fingrum
fram, eflaust með samþykki Eim-
skips. Þeir segja að Kristján Guð-
mundsson sé „...þekktastur fyrir að
hafa keypt stærsta sjávarútvegs-
fyrirtæki á Vestfjörðum [Básafell]
og brytjað það í spað. Fróðlegt væri
að vita hvaða hugmyndir hann hef-
ur kynnt Eimskipafélaginu um
framtíð ÚA,“ segir í yfirlýsingunni.
Stjórnendur KEA telja að
gengið hafi verið framhjá fyrir-
tækinu þrátt fyrir háa verðhug-
mynd um ÚA og þrátt fyrir yfir-
lýsingar um vilja til að selja
heimamönnum. ■
ENGIR BEITTIR HNÍFAR Í FRÍHÖFN-
INNI Yfirmenn Kastrup-flugvallar í
Kaupmannahöfn hafa ákveðið að
banna notkun beittra hnífa á veit-
ingastöðum í fríhöfninni. Ákveðið
var að fjarlægja alla hnífa á frí-
hafnarsvæðinu eftir að dönskum
blaðamanni tókst að smygla níu
sentímetra löngum steikarhníf út
úr veitingastað og að hliðinu þar
sem hann átti að stíga um borð í
flugvél til Parísar.
NORSKUR AUÐKÝFINGUR HRAPAÐI
TIL BANA Norski auðkýfingurinn
og ævintýramaðurinn Arne Næss
lést af slysförum í fjallgöngu í Suð-
ur-Afríku, 66 ára að aldri. Næss,
sem var vanur fjallgöngumaður,
var einn á ferð þegar hann hrapaði
til bana í mikilli þoku í Franschoek-
fjöllunum. Næss var giftur söng-
konunni Díönu Ross í tíu ár og átti
með henni tvö börn.
■ Norðurlönd
VINNUBRÖGÐ GAGNRÝND
Stjórnendur KEA gagnrýna mjög söluferlið og segja Landsbankann, sem hafði milligöngu
um kaupin, hafa spilað það af fingrum fram, eflaust með samþykki Eimskips.
ÁRNI MATHIESEN
Sýnir að stærri fyrirtæki
geta brotnað upp eins
og minni sameinast.
STEINGRÍMUR J.
SIGFÚSSON
Fiskvinnslufólk, sveitar-
félög og byggðarlög
áhrifalaus fórnarlömb.
Stjórnendur KEA gagnrýna sölu ÚA í harðorðri yfirlýsingu:
Áskilja sér rétt til eftirmála
Viðskiptaráðherra:
ÚA áfram
á Akureyri
VIÐSKIPTI „Eftir að hafa hitt nýja
eigendur ÚA líður mér miklu bet-
ur. Og ég trúi því
að þeim sé full al-
vara með það að
ætla að reka
fyrirtækið í
þeirri mynd sem
það er. Ég hef orð
þeirra fyrir því.
Það er mjög mik-
ilvægt,“ sagði
Valgerður Sverr-
isdóttir, iðnaðar-
og viðskiptaráð-
herra og fyrsti
þingmaður Norð-
austurkjördæmis,
í gærkvöld.
Hún hafði þá rætt við fulltrúa
nýrra eigenda Útgerðarfélags
Akureyringa.
„Ég batt auðvitað vonir við að
heimamenn keyptu ÚA og það
hefði verið mér ákaflega mikið
að skapi ef KEA hefði gert það.
En nýir eigendur eru öflugir
menn og ég vona að þeir geri sér
grein fyrir þeirri ábyrgð sem
fylgir því að eignast ÚA.“ ■
VÍÐAST FLUGFÆRT Í gærmorgun
var orðið flugfært til Egilsstaða,
Hornafjarðar og Vestmannaeyja
en ekkert var flogið á þriðjudag.
Byrjað var að fljúga á Akureyri
klukkan tvö og Sauðakrók hálf
sjö. Þá var ekkert flogið til Ísa-
fjarðar.
ÁNÆGÐUR MEÐ SÖLU
Magnús Gunnarsson, stjórnarformaður Eimskipafélagsins, má vera ánægður með söluna
á Brimi. Félagið fær gott verð fyrir sjávarútvegsstoðina. Landsbankinn kætist einnig, því
lánaviðskipti og þóknanir fylgja með þessum viðskiptum.
SALA Á BRIMI
ÚA 930 milljarðar
HB 7,8 milljarðar
Skagstrendingur 2,5- 3,0 milljarðar
Boyd Line rúmur milljarður
Samtals 20,3 til 20,8 milljarðar
FASTOW OG FRÚ
Lea og Andrew Fastow yfirgefa dómshúsið
í Houston í Texas.
Fjármálastjóri Enron:
Hyggst játa sig sekan
TEXAS, AP Andrew Fastow, fyrrum
fjármálastjóri orkufyrirtækisins
Enron, hefur fallist á að játa sig
sekan um nokkur ákæruatriði gegn
því að hann verði aðeins dæmdur í
tíu ára fangelsi, að sögn ónafn-
greindra heimildarmanna. Eigin-
kona hans Lea, sem einnig starfaði í
fjármáladeild fyrirtækisins, ætlar
einnig að játa sig seka.
Fastow er ákærður fyrir fjár-
svik, peningaþvætti og samsæri um
að fela skuldir Enron og ýkja hagn-
að. Talið er að játning hans geti
hjálpað saksóknurum að varpa ljósi
á hlut æðstu ráðamanna Enron í
fjársvikamálinu sem varð fyrirtæk-
inu að falli í desember 2001. ■
VALGERÐUR
SVERRISDÓTTIR
Hefði viljað að
heimamenn
keyptu ÚA en sátt
eftir að hafa rætt
við nýja eigendur
félagsins.