Fréttablaðið - 15.01.2004, Blaðsíða 4
4 15. janúar 2004 FIMMTUDAGUR
Á Reykjavíkurborg að veita
Leikfélagi Reykjavíkur aukafjár-
veitingu?
Spurning dagsins í dag:
Verður ÚA rekið áfram á Akureyri?
Niðurstöður gærdagsins
á www.frett.is
56,4%
43,6%
Nei
Já
Kjörkassinn
Farðu inn á frett.is og segðu þína skoðun
frétt.is
■ Veður
Mælirinn bilaði þegar vindurinn fór í 44 metra á sekúndu:
Tveir bátar sukku í
Skagastrandarhöfn
VEÐUR Tveir sex tonna bátar þoldu
ekki blindbylinn sem gekk yfir
Skagaströnd og sukku í höfninni að-
faranótt miðvikudags. Ekki mátti
miklu muna að fleiri bátar færu
sömu leið því í gær náðu björgunar-
sveitarmenn að koma í veg fyrir að
tvær átta tonna trillur sykkju
einnig.
Mikill snjór settist á bátana og
sjór flæddi inn á bátana í öldu-
ganginum. Björgunarsveitarmenn
notuðu dælur til að dæla sjónum úr
bátum í höfninni. Ekki verður reynt
að ná bátunum sem sukku upp fyrr
en veður lægir.
„Það var snælduvitlaust veður
hérna og ekki stætt úti, stórir og
miklir menn áttu í erfiðleikum með
að vera úti, rokið var svo mikið.
Við erum með vindmæli niðri á
höfn og sýndi hann hæst 44 metra á
sekúndu en við það bilaði hann. Það
er því hugsanlegt að vindhraðinn
hafi farið hærra,’’ segir björgunar-
sveitarmaður á Skagaströnd.
Skólahaldi var aflýst á Skaga-
strönd í gær og á þriðjudag. Allar
götur voru ófærar og atvinnustarf-
semi lá niðri. Víða fennti svo upp
að húsum að ómögulegt var að
komast út. ■
Hættuástand vegna
snjóflóðahættu
Rýma þurfti íbúðarhús í Seljalandi í Skutulsfirði vegna snjóflóðahættu.
Íbúi segir meiri hættu en áður en byrjað var að reisa snjóflóðavarna-
garð. Snjóflóð féllu á Vestfjörðum en hætta stafaði ekki að fólki.
SNJÓFLÓÐ „Það höfðu einhverjar
spýjur fallið úr hlíðinni hér fyrir
ofan og þá var ákveðið að rýma
húsið,“ segir Svanhildur Þórðar-
dóttir, sem þurfti
að rýma heimili
sitt aðfaranótt
m i ð v i k u d a g s .
Svanhildur býr
ásamt Magna
Guðmundssyni
eiginmanni sín-
um í Seljalandi, í
nágrenni Ísa-
fjarðar. Þar þótti
ekki óhætt að
hafast við vegna
snjóflóðahættu
og bankaði lögregla upp á hjá þeim
klukkan eitt eftir miðnætti og
sagði þeim að rýma hús sitt.
„Við höfum
ekki fengið leyfi
til að fara heim
ennþá en maður-
inn minn vinnur
í netagerðinni.
Þar hefur hættu-
ástandi verið af-
lýst og menn eru komnir til vinnu.“
Svanhildur og Magni þurftu
ekki að fara langt þegar þau
rýmdu heimili sitt. „Við erum
með lítið sumarhús hér rétt hjá
og fórum strax þangað. Þar get-
um við verið út af fyrir okkur.’’
Svanhildur segir þau hjón ekki
hafa orðið smeyk. Þau séu vel
vöktuð og gott eftirlit sé með
staðnum. „Við höfum ekki þurft
að rýma nema einu sinni síðan
1999. Þetta er aðallega pirrandi
ástand, við fengum bréf frá um-
hverfisráðuneytinu þar sem seg-
ir að við megum ekki búa þarna
vegna snjóflóðahættu. Ofan-
flóðasjóður á að sjá um að kaupa
upp húsið en ekkert gerist. Við
erum í lausu lofti, umhverfis-
ráðuneytið sér um þennan sjóð
og ætti að vera búið að gera eitt-
hvað fyrst okkur er bannað að
búa þarna.“
Unnið er að byggingu snjó-
flóðavarnagarðs ofan heimilis
Svanhildar og Magna. „Eins og
hann er núna beinir hann snjóflóð-
um beint á húsið okkar. Ástandið
er því hættulegra en það var áður
en byrjað var að byggja hann.“
Mikill viðbúnaður hefur verið
á Norðurlandi og Vesturlandi
vegna snjóflóðahættu. Eitthvað
var um snjóflóð á Vestfjörðum en
fólki stafaði ekki hætta af.
eb@frettabladid.is
Illviðrið:
Að mestu
gengið niður
VEÐUR Sigurður Þ. Ragnarsson segir
að skilin sem valdið hafa mikilli
ofankomu og hvassviðri séu að
mestu gengin austur fyrir land,
dregið hafi úr vindi og ofankomu.
„Það verður nú samt engin
bongóblíða nema þá kannski helst
suð- vestan til.“
Sigurður segir að él verði á víð
og dreif á næstu dögum og það komi
til með að kólna hressilega. „Frostið
inn til landsins gæti farið niður í
tuttugu stig þegar líður að helgi. Bú-
ast má við að veðrið geti rokið eitt-
hvað upp norðvestantil á landinu en
við ættum að geta gefið út dánar-
vottorð á þetta illviðri í dag.“ ■
Skilorðsbundið fangelsi:
Káfaði á
börnum
DÓMUR 28 ára maður var dæmdur
í fimm mánaða fangelsi, skilorðs-
bundið til þriggja ára, í Héraðs-
dómi Norðurlands eystra í gær,
fyrir kynferðislega áreitni gegn
tveimur stúlkum fæddum árið
1992 og 1989.
Framburður stúlknanna þótti
trúverðugur þrátt fyrir neitun
ákærða. Í ákæru kemur fram að
hann hafi káfað innanklæða á
brjóstum stúlknanna og einnig á
rassi annarrar þeirra.
Maðurinn var hins vegar sýkn-
aður af að hafa 59 barnakláms-
myndir í tölvu sinni þar sem
myndirnar voru í tímabundnum
möppum. Ekki þótti víst að
maðurinn hefði sjálfur vistað þær
því það gæti hugsanlega gerst
sjálfkrafa. ■
FLUTNINGABÍLL FAUK Flutninga-
bíll fauk út af þjóðvegi eitt
skammt frá afleggjaranum að
Hvammstanga á áttunda tíman-
um í gærmorgun. Bílstjórinn
slasaðist á baki og var fluttur á
Heilbrigðisstofnunina á
Hvammstanga. Lögreglan á
Blönduósi segir aftakaveður og
hálku á vegum hafa orsakað
útafaksturinn.
VÖRUSKORTUR Á SIGLUFIRÐI
Vöruskortur gerði vart við sig á
Siglufirði í gær. Helst vantaði
mjólk og grænmeti. Skortinn
mátti rekja til þess að ófært var
vegna veðurs í tvo sólarhringa. Í
gær átti að gera tilraun til að
moka leiðina til Hofsóss svo hægt
væri að flytja vörur á milli.
LÍTIL SJÓSÓKN Lítil sjósókn var á
miðum í gær samkvæmt upplýs-
ingum frá Tilkynningaskyldu.
Um hundrað bátar voru skráðir á
sjó en eðlilegt er miðað við árs-
tíma að í kringum 500 bátar rói.
Tilkynningaskylda segir Horn-
firðinga helst hafa kíkt á miðin.
Barna- og unglinganámskeiðin „Kátir krakkar“ fyrir 7 til 12 ára og
„Unglingafjör“ fyrir 13 til 16 ára eru að hefjast í Heilsugarði Gauja litla
Þessi vinsælu námskeið eru ætluð börnum
og unglingum sem eiga við ofþyngd að
stríða og/eða hafa orðið fyrir aðkasti
vegna líkamsútlits. Unnið er náið með
börnunum og foreldrum þeirra sem fá
fræðslu frá næringar ráðgjafa. Dagskráin
er fjölbreytt með skemmtilegum nýjung -
um. Námskeiðin skila góðum árangri og
auka sjálfs traust og lífsgleði barnanna.
Takmark aður fjöldi þátttakenda gerir
námskeið ið persónulegra og árangurs -
ríkara.
Upplýsingar og tímapantanir í síma 561 8585 eða 660 8585
Tinna Björt Magga Sigga Jón Páll Agnar Jón Gaui litli
KEMST EKKI ÚT
Það þýddi lítið að opna sumar dyr á
Skagaströnd í gær. Snjórinn lokaði út-
gönguleiðum.
RÝMT VEGNA SNJÓFLÓÐAHÆTTU
Snjóflóðavarnagarður sem verið er að byggja beinir snjóflóðum beint að húsi Svanhildar
Þórðardóttur og Magna Guðmundssonar. Hús þeirra var rýmt í fyrrinótt.
SVANHILDUR
ÞÓRÐARDÓTTIR
Rýmdi hús sitt í
fyrsta skipti síðan
1999.
Húsin eins og stórir snjóskaflar:
Snjór upp í rjáfur
VEÐUR Dalvík breyttist í snjóhúsa-
byggð síðustu daga. Snjónum hef-
ur kyngt niður og er svo komið að
fólk hefur átt í stökustu vandræð-
um með að komast út. Snjór hefur
náð upp í rjáfur húsa þar sem
mest er og á sumum stöðum hefur
fólk getað litið niður á ljósastaura
sem það gengur framhjá.
„Það er allt á kafi í snjó og björg-
unarsveitin hefur nóg að gera að
keyra fólk til vinnu og hefur hrein-
lega þurft að moka fólk út úr hús-
um. Sum hús eru eins og stór skafl.
Þá fóru ljósastaurar á kaf við Öldu-
götuna,“ segir Sævar Ingason, lög-
reglumaður á Dalvík. Skólahaldi
var ekki aflýst, en stefnan á Dalvík
er sú að loka aldrei skólanum þótt
ófært sé, foreldrar eru látnir meta
aðstæður og ákveða hvort börn
þeirra fari í skólann. ■
Daglegt líf úr skorðum:
Lítið um
skólahald
VEÐUR Skólahald var víða fellt niður
í gær, annan daginn í röð. Skólahald
féll niður á Flateyri, Blönduósi og í
nágrenni Akureyrar. Víða annars
staðar var skólahald ekki fellt niður
formlega en foreldrum látið eftir að
meta aðstæður og ákveða hvort þeir
vildu að börn sín færu í skóla.
Nokkuð hafði dregið úr ofan-
komu á Vestfjörðum í gær og varð
fært milli þéttbýlisstaða um
tvöleytið. Á Norðurlandi og Vestur-
landi var víða ófært. Aðalgötur voru
þó orðnar færar á Akureyri og unn-
ið var að því eftir hádegi að gera
fært inn í íbúðahverfi. Á Blönduósi
var eingöngu jeppafært. ■
MOKAÐ FRÁ ÞAKINU
Ekkert lát virtist vera á
snjókomunni á Dalvík.
M
YN
D
/H
AU
KU
R
G
U
N
N
AR
SS
O
N
Hasssmygl:
Smygluðu
15 kílóum
FÍKNIEFNI Átta kíló af hassi voru í
vörusendingu sem vitjað var á
vöruhótel í síðustu viku. Við rann-
sókn málsins kom í ljós að þeir
sem stóðu að innflutningnum
höfðu tvisvar áður flutt inn hass
með Norrænu, tvö og fimm kíló.
Hassið var falið í bíl.
Upphaflega voru fjórir hand-
teknir vegna málsins. Þrír voru
úrskurðaðir í gæsluvarðhald en
einum þeirra var sleppt í gær. Að
sögn lögreglu var yfirheyrslum
yfir manninum lokið og var hon-
um sleppt eftir að hann var leidd-
ur fyrir dómara þar sem hann
staðfesti þær skýrslur sem teknar
höfðu verið af honum. ■
„Þetta er
aðallega pirr-
andi ástand.“