Fréttablaðið - 15.01.2004, Blaðsíða 8
8 15. janúar 2004 FIMMTUDAGUR
Óheppinn lottóspilari
„Ég var með fjóra rétta og fékk
rúmar sjö þúsund krónur. Þessi
peningur breyttist skyndilega í
15 milljónir.“
Jóhannes Kristjánsson eftirherma í Frétta-
blaðinu 14. janúar um lottómiða sem hann
keypti á bensínstöðinni á Ísafirði þar sem 15
milljóna króna vinningur gekk út.
Enginn einkavinur
„Þetta er ekki svaravert. Ég er
enginn einkavinur Davíðs...“.
Hallur Hallsson, almannatengill og álitsgjafi, í
DV 14. janúar aðspurður um það hvort starf
hans í þágu forsætisráðuneytisins sé tilkomið
vegna framgöngu hans við að berja á meintum
andstæðingum Davíðs Oddssonar.
Gjafir eru yður...
„Það er sjaldgæft að fólk gefi
mér bók. Ég á talsvert mikið af
þeim...“.
Sigurður Svavarsson bókaútgefandi til
fjölmargra ára og afmælisbarn,
í Fréttablaðinu 14. janúar.
Orðrétt
Samningur sérfræðilæknanna:
Getur markað
nýtt upphaf
HEILBRIGÐISMÁL „Ef vel verður á
þessu samkomulagi haldið getur
það að vissu leyti markað nýtt upp-
haf, bæði hvað varðar samskipti að-
ila og hvernig þessum samningum
verður fyrir komið í framtíðinni,“
segir Garðar Garðarsson, formaður
samninganefndar heilbrigðisráðu-
neytisins, samkomulag það sem
samninganefndir ráðuneytisins og
Læknafélags Reykjavíkur undir-
rituðu í fyrradag.
Fjölmennur fundur sérfræði-
lækna um samkomulagið samþykkti
það í fyrrakvöld með yfirgnæfandi
meirihluta atkvæða. Þau féllu þan-
nig að 111 samþykktu samninginn,
29 voru á móti honum og 12 skiluðu
auðu.
Spurður um innbyrðis tilfærslur
á afsláttarkerfinu, sem samningur-
inn hefði falið í sér, sagði Garðar að
samið hefði verið um afslætti með
tilteknum hætti. Því kerfi hefði
verið breytt milli lækna innbyrðis.
Þeim breytingum hefðu þeir sjálfir
stýrt. Niðurstaðan fyrir heilbrigðis-
yfirvöld væri sú sama og breytingin
kæmi ekki að neinu leyti við sjúk-
linga. ■
HEILBRIGÐISMÁL „Ég áætla að það
séu 16–17 einstaklingar með per-
sónuleikaröskun af einhverju tagi
sem eru á götunni núna,“ segir
Sveinn Magnússon, framkvæmda-
stjóri Geðhjálpar. „Læknar vilja
alls ekki blanda þeim við geðsjúka
einstaklinga þar sem kenningin
segir að þeir séu ekki geðsjúkir.
En það eru engu að síður þeir, sem
eru hættulegastir. Ef bætt er við
þeim geðsjúku einstaklingum sem
einnig eru á götunni má áætla að
alls séu þetta um tuttugu einstak-
lingar í allt.
„Það er sammerkt með öllum
þessum tuttugu, að þeir eru í ein-
hvers konar neyslu. Þeir eru allir
öryrkjar og eru allir á götunni.“
Fréttablaðið hefur undanfarn-
ar vikur fylgst með málefnum
einstaklings sem er „utan kerfis“
ef svo mæti segja. Hann flokkast
ekki undir að vera geðsjúkur.
Engu að síður hefur hann verið til
mikilla vandræða. Honum var
gert að flytja úr húsnæði sínu 17.
nóvember og fór þá í felur, en
læsti sig síðan inni. Hann hefur
frelsissvipt fólk, hótað því,
skemmt eigur þess og haft uppi
ógnandi tilburði. Um áramótin
barði hann mann þannig að stórsá
á honum. Óskað var eftir nálgun-
arbanni á hann 20. ágúst á síðasta
ári. Það strandaði á því þá
að það fengjust tilskilin
vottorð frá læknum. Sá angi
málsins mun þó vera kom-
inn í vinnslu núna. Þrjár
kærur á manninn liggja fyr-
ir hjá lögreglu.
Mál þessa manns hefur
verið á borði Geðhjálpar í
langan tíma en ekki fást úrræði
fyrir hann.
„Lögreglan tekur þessa tuttugu
einstaklinga sem einn hóp,“ segir
Sveinn. „Heilbrigðisyfirvöld
synja hins vegar allri meðferð á
þessum persónuleikaröskuðu ein-
staklingum þar sem þeir eru ekki
skilgreindir geðsjúkir, jafnvel þó
þeir eigi við geðræn vandamál af
ýmsum toga að etja. Það verður
að breyta vinnulagi dómsmála- og
heilbrigðisyfirvalda og síðast en
ekki síst félagsmálayfirvalda. Það
verður að samræma vinnubrögð
þessara þriggja aðila um aðstoð
við þetta fólk.“
Sveinn segir að lögreglan hefði
jafnvel ekki fyrir því að kalla
viðkomandi til yfirheyrslu, ef til-
efni væri til, því þeirra biðu engin
önnur úrræði en að setja þá á göt-
una aftur.
jss@frettabladid.is
LÉTUST ÚR LUNGNABÓLGU
Tveir afrískir hermenn frá Tógó og
Níger létust úr lungnabólgu um helg-
ina eftir að hafa teppst í snjóbyl undir
beru lofti í frönsku Ölpunum. Menn-
irnir voru í hópi 90 afrískra her-
manna frá fyrrum nýlendum Frakka
í Afríku sem voru við heræfingar í
Ölpunum og liggja fimm aðrir veikir
með lungnabólgu eftir útivistina.
MILLJARÐAR HVERFA
Mannréttindasamtökin Mannrétt-
indavaktin segja að fjögurra millj-
arða dollara tekjur af olíusölu hafi
horfið af bankareikningum angólskra
stjórnvalda á síðustu fimm árum.
Samtökin segja að þetta komi fram í
gögnum Alþjóða gjaldeyrissjóðsins,
IMF og nemi upphæðin um 10% af
árlegum tekjum angólska ríkisins.
Loksins - loksins
Eumenia þvottavélar og þurrkarar aftur á Íslandi
T I L B O Ð S D A G A R
EINSTAKT TÆKIFÆRI TIL AÐ GERA GÓÐ KAUP Suðurlandsbraut 20 - 108 Reykjavík - Sími 588 0200 - eirvik.is
EURONOVA 600
600 snú/mín, þvær 3 kg.
67,5 cm h. x 46 cm br. x 46 cm d.
Verðlistaverð kr. 69.500
EURONOVA 1000
1000 snú/mín, þvær 3 kg.
67,5 cm h. x 46 cm br. x 46 cm d.
Verðlistaverð kr. 91.400
EUDORA 302
Þurrkari með tímastilli og útblæstri,
þurrkar 3 kg.
67,5 cm h. x 50 cm br. x 47 cm d.
Verðlistaverð kr. 37.400
Eumenia vélarnar eru afar vandaðar og
vel hannaðar. Þær henta allstaðar þar sem
pláss er lítið og ekki er gerð krafa um
mikla afkastagetu. Nú í janúar bjóðum
við þessar frábæru vélar á sérstöku
kynningarverði á meðan byrgðir endast.
Lítið við og kynnist Eumenia af eigin raun.
TILBOÐ kr. 55.600 stgr. TILBOÐ kr. 73.120 stgr. TILBOÐ kr. 29.920 stgr.
vi
lb
or
ga
@
ce
nt
ru
m
.is
ORKUMÁL Nefnd skipuð fulltrúum
ríkis og sveitarfélaga, sem vinnur
að heildarendurskoðun á tekju-
stofnum sveitarfélaga, hefur ver-
ið falið að taka skattlagningu
sveitarfélaga á orkufyrirtæki til
sérstakrar umfjöllunar. Þetta var
ákveðið á ríkisstjórnarfundi eftir
að forsætisráðherra lagði fram
sameiginlega yfirlýsingu Sam-
bands íslenskra sveitarfélaga og
starfshóps fjögurra ráðuneyta,
sem ríkisstjórnin fól að kanna
hvort og með hvaða hætti hægt
væri að jafna aðstöðu þeirra
sveitarfélaga sem leggja land
undir virkjunarmannvirki.
Starfshópnum var jafnframt
ætlað að taka til athugunar hvern-
ig skattlagningu sveitarfélaga á
orkufyrirtæki yrði best háttað í
breyttu skipulagi raforkumála og
áhrif þess á núverandi fyrirkomu-
lag skattheimtu fyrir sveitar-
félög, orkufyrirtæki og orkunot-
endur.
Samkvæmt lögum er stór hluti
mannvirkja orkufyrirtækja ekki
matsskyldur til fasteignamats og
er því ekki skattskyldur, en undir
þetta falla stíflur og línur til flutn-
ings raforku ásamt burðar-
stólpum og spennistöðvum.
Stærsti hluti þeirrar fjárhæðar
sem orkufyrirtæki greiða fast-
eignaskatt af er vegna stöðvar-
húsa. Sveitarfélag þar sem stöðv-
arhús er staðsett fær þannig allan
fasteignaskatt þess þótt vatnsfall-
ið og stíflumannvirkið séu innan
marka fleiri sveitarfélaga. ■
ORKUFYRIRTÆKI
Ákveðið hefur verið að láta athuga hvernig
skattlagningu sveitarfélaga á orkufyrirtæki
sé best háttað í breyttu skipulagi
raforkumála.
Skattlagning orkufyrirtækja:
Jafni aðstöðu
sveitarfélaga
SVEINN MAGNÚSSON FRAMKVÆMDASTJÓRI GEÐHJÁLPAR
Miklar annir hafa verið undanfarnar vikur og mánuði hjá Geðhjálp á
Túngötunni, en þar leita aðstoðar fólk sem á við geðræna erfiðleika að etja
og vantar leiðbeiningar af ýmsum toga.
■ Afríka
GARÐAR GARÐARSSON
Getur verið tímamótasamningur ef rétt er
á haldið.
Um 20 með geðröskun
á götunni án hjálpar
Einstaklingar með persónuleikaröskun eru á götunni og fá ekki hjálp. Heilbrigðisyfirvöld skil-
greina þá ekki sem geðsjúka og hafna á þeirri forsendu allri hjálp við þá, að sögn
framkvæmdastjóra Geðhjálpar sem segir þessa einstaklinga hvað hættulegasta öðrum.