Fréttablaðið - 15.01.2004, Blaðsíða 12

12 15. janúar 2004 FIMMTUDAGUR
MÓÐURÁST
Flóðhryssan Geraldina, til heimilis í Gladys
Porter dýragarðinum í Texas, lítur eftir
vikugömlu afkvæmi sínu sem var hleypt út
undir bert loft í fyrsta skipi um helgina.
Réttarhöld hafin yfir meintum morðingja Önnu Lindh:
Deilt um tildrög
verknaðarins
STOKKHÓLMUR Mijailo Mijailovic,
sem ákærður er fyrir morðið á sæn-
ska utanríkisráðherranum Önnu
Lindh, sagði fyrir rétti að raddir í
höfðinu hefðu skipað honum að stin-
ga hana. Réttarhöldin yfir
Mijailovic hófust í Stokkhólmi í
gær.
„Ég gat ekki streist á móti,“
sagði Mijailovic. Hann hélt fast við
fyrri yfirlýsingar sínar um að um
tilviljunarkenndan verknað hefði
verið að ræða. „Ég hef engan áhuga
á stjórnmálum. Þetta hefði getað
verið einhver annar en Anna Lindh.
Mér var ekkert illa við Önnu Lindh
persónulega,“ sagði Mijailovic þeg-
ar saksóknarinn Krister Petersson
reyndi að fá hann til að viðurkenna
að pólitískar ástæður hefðu legið að
baki morðinu.
Peter Althin, verjandi
Mijailovics, hefur farið fram á að
hann verði ákærður fyrir manndráp
í stað morðs af yfirlögðu ráði. Sak-
sóknarar segjast aftur á móti sann-
færðir um að um skipulagðan
verknað hafi verið að ræða og full-
yrða að Mijailovic hafi veitt Lindh
eftirför í stundarfjórðung áður en
hann réðst á hana.
Mikil öryggisgæsla er við dóms-
húsið í Stokkhólmi vegna réttar-
haldanna. Vitnisburði Mijailovic
var ekki útvarpað eins og upphaf-
lega stóð til. ■
Innrás í sendiráð:
Apar réðust
á starfsfólkið
NEPAL, AP Starfsmenn indverska
sendiráðsins í Katmandu, höfuð-
borg Nepals, urðu að leita eftir að-
stoð sérfræðinga þegar hátt í
fjörutíu óðir apar gerðu innrás í
sendiráðið.
Aparnir ræðust á sendiráðs-
starfsmennina, létu greipar sópa
á skrifstofum þeirra og
eyðilögðu húsgögn og tækjabún-
að. Nepalskir dýrafræðingar og
dýragarðsstarfsmenn voru kall-
aðir á vettvang til að fanga
apana og flytja þá út fyrir borg-
ina.
Árásargjarnir apar eru einnig
velþekkt vandamál á Indlandi.
Þeir hafa ítrekað gert innrás í
þinghúsið í Nýju Delí þar sem
þeir hafa ráðist á gesti og gang-
andi, rótað í skjölum og eyðilagt
innanstokksmuni. ■
BANDARÍKIN Howard Dean, fyrr-
verandi ríkisstjóri í Vermont, sem
nú þykir sigurstranglegastur um
tilnefningu demókrataflokksins
fyrir forsetakosningarnar í
Bandaríkjunum í haust, sendi
keppinautum sínum heldur betur
tóninn á fundi í Iowa og sagði þá
alla innanbúðarmenn í Was-
hington sem engu myndu breyta.
Dean var þarna að svara
sífelldum skotum keppinautanna
og sagðist vera orðinn þreyttur á
skotspónshlutverkinu.
Samkvæmt nýjustu könnunum
hefur Dean aukið forskotið á
helsta keppinaut sinn, Dick
Gephardt, þingmann frá Iowa og
skilja nú um fimm prósent á milli
þeirra fyrir fyrsta prófkjörið sem
fer fram í Iowa á mánudaginn. ■
SKIPAFLUTNINGAR „Það er aldrei
gott að missa samninga en þetta
mun þó hafa óveruleg áhrif á okk-
ar rekstur,“ sagði Kristinn
K j æ r n e s t e d ,
framkvæmda-
stjóri Atlants-
skipa.
B a n d a r í s k i
herinn samdi á
dögunum við
Eimskip um
flutninga fyrir
Varnarliðið á
Keflavíkurflug-
velli næstu fimm
ár. Um er að
ræða 65% alla
flutninga fyrir
varnarliðið en bandarísk skipa-
félög annast 35% flutninganna.
Skipafélögin þrjú, Atlantsskip,
Eimskip og Samskip, buðu í ís-
lenska flutningshlutann í júlí í
fyrra og varð Eimskip hlutskarp-
ast. Félagið tekur við flutningun-
um 1. febrúar næstkomandi.
Fram hefur komið hjá fram-
kvæmdastjóra Eimskips að flutn-
ingarnir fyrir Varnarliðið séu
veruleg búbót. Fluttar verða um
8000 gámaeiningar á næstu fimm
árum og eru tekjur vegna flutn-
inganna áætlaðar um tíu milljónir
dollara á þeim tíma.
Atlantsskip hefur annast þenn-
an hluta flutninga fyrir varnarlið-
ið síðustu fimm ár en systurfyrir-
tæki Atlantsskipa, Trans Atlantic
Line, hefur séð um bandaríska
hlutann. Trans Atlantic Line held-
ur 35% hlutanum næstu fimm
árin. Þá annast félagið sömuleiðis
alla flutninga fyrir Bandaríkjaher
til Guantanmo-flóa á Kúbu.
Nú eru rúm fimm ár síðan
Atlantsskip hóf starfsemi sína
með siglingum milli Íslands og
Ameríku. Fyrirtækið hefur vaxið
jafnt og þétt á þessum tíma og
fagnar á þessu ári tveggja ára
afmæli Evrópulínu sinnar. Skip
félagsins eru þrjú og er siglt til
Norfolk í Bandaríkjunum,
Esbjerg í Danmörku og Rotter-
dam í Hollandi. Markaðshlutdeild
Atlantsskipa í flutningum til og
frá landinu er frekar lítil ennþá
eða innan við tíu af hundraði.
„Evrópuflutningarnir vaxa þó
mjög ört og við munum leggja
aukna áherslu á þann þátt á næst-
unni,“ sagði Kristinn Kjærnested.
the@frettabladid.is
HOWARD DEAN
Dean segir að keppinautarnir
munu engu breyta.
Dean eykur forskotið:
Sendir keppi-
nautum tóninn
ÁHRIFIN ÓVERULEG
Bandaríkjaher samdi á dögunum við Eimskip um flutninga fyrir varnarliðið á Keflavíkur-
flugvelli næstu fimm árin. Atlantsskip hefur annast flutningana síðustu fimm ár. Kristinn
Kjærnested, framkvæmdastjóri Atlantsskipa, segir ekki gott að missa samninga en áhrifin
verði þó óveruleg á reksturinn.
Hefur óveruleg
áhrif á reksturinn
Bandaríski herinn samdi á dögunum við Eim-
skip um flutninga fyrir Varnarliðið. Atlantsskip
hafa annast flutningana síðustu fimm ár.
„Evrópu-
flutningarnir
vaxa þó mjög
ört og við
munum
leggja aukna
áherslu á
þann þátt á
næstunni.
RÖÐ VIÐ DÓMSHÚSIÐ
Röð tók að myndast fyrir utan dómshúsið í Stokkhólmi þegar í fyrrakvöld, um hálfum
sólahring áður en réttarhöldin yfir morðingja Önnu Lindh hófust.