Fréttablaðið - 15.01.2004, Blaðsíða 14
14 15. janúar 2004 FIMMTUDAGUR
HORFT TIL HAFS
Hindúa-pílagrímur tilbiður mátt hafsins við
heilaga dýfu við ósa árinnar Ganges í
Gangasagar á Indlandi, um 140 kílómetra
austur af Kalkútta.
Kárahnjúkaúrskurður fyrir Hæstarétti:
Engir hnökrar
segir ríkislögmaður
DÓMSMÁL Atli Gíslason lögmaður,
sem er einn þeirra sem stefndu
íslenska ríkinu og Landsvirkjun
vegna úrskurðar Sivjar
Friðleifsdóttur umhverfis-
ráðherra um mat á umhverfis-
áhrifum Kárahnjúkavirkjunar,
lagði áherslu á vanhæfi Sivjar
þegar málflutningur fór fram í
Hæstarétti í gær. Atli benti á að
hún hefði verið aðili að málinu
þegar hún felldi úrskurð sinn og
sneri við úrskurði Skipulags-
stofnunar, sem hafði ekki fallist
á framkvæmdirnar.
„Umhverfisráðherra var dóm-
ari í eigin sök og það voru mjög
alvarlegir ágallar á málsmeð-
ferðinni. Ráðherra lét okkur ekki
hafa þær kærur og gögn sem við
báðum um og svaraði okkur
aldrei. Réttur okkar samkvæmt
umhverfisrétti var vanvirtur,“
segir Atli Gíslason. Skarphéðinn
Þórisson ríkislögmaður sagði
fyrir Hæstarétti að úrskurður
umhverfisráðherra hefði verið
unninn á eðlilegan máta.
„Það eru ekki þeir hnökrar á
honum að hægt sé að ógilda
hann,“ sagði Skarphéðinn. Búist
er við dómi Hæstaréttar í mál-
inu eftir tvær vikur, en falli
hann stefnendum í vil kann
matsferlið að þurfa að fara af
stað að nýju. ■
Aðvörunarskot frá
Alþýðusambandinu
Fulltrúar ASÍ gengu á fund ríkisstjórnarinnar í gærmorgun og ræddu aðkomu stjórnvalda að
kjarasamningum. Félagsmál og samræming lífeyrisréttinda meðal áhersluatriða ASÍ. Forsætisráð-
herra segist ekki sjá að hægt sé að ljúka samræmingu lífeyrisréttinda í tenglsum við kjarasamninga.
KJARAMÁL „Þríhliða samstarf ríkis,
verkalýðshreyfingar og atvinnurek-
enda í þessum efnum hefur fyrst og
fremst snúist um efnahags- og at-
vinnumál en nú teljum við óhjá-
kvæmilegt að jafnframt verði
félagsmálin tekin inn,“ sagði Grétar
Þorsteinsson, forseti Alþýðusam-
bands Íslands, eftir fund fulltrúa
verkalýðshreyfingarinnar með
ríkisstjórninni í gærmorgun.
Rædd var aðkoma stjórnvalda að
gerð kjarasamninga og samstarf
stjórnvalda og aðila vinnumarkað-
arins.
ASÍ vill nýjan sáttmála við ríkis-
stjórnina og Samtök atvinnulífsins
sem einkennist af því að samþætta
efnahags-, atvinnu- og félagsmál
þar sem höfuðáhersla verði lögð á
að tengja saman hagsmuni launa-
fólks og atvinnurekenda.
„Með nýjum sáttmála er mögu-
legt að leggja grunn að traustum
kjarasamningum sem tryggi
stöðugleika næstu árin,“ segir í
skjali sem lagt var fyrir stjórnvöld í
gærmorgun.
„Við sögðum þeim hér að þetta
væru stór mál og erfið og ekki endi-
lega hægt að leysa þau öll í tengsl-
um við kjarasamninga. En hins veg-
ar vissum við að
það hlyti að hvíla
á okkur ákveðin
ábyrgð eins og
reynslan hefur
sýnt, áður en
kjarasamningum
lýkur, að gera okk-
ar til þess að frið-
ur geti verið um
þá og þeir geti
verið nægilega
langir til þess að
fólkið hafi eitt-
hvað upp úr þeim. Þannig að þetta
var góður byrjunarfundur, þetta
var svona aðvörunarskot frá Al-
þýðusambandinu til okkar,“ sagði
Davíð Oddsson forsætisráðherra.
Í sérstakri aðgerðaáætlun sem
lögð var fram af hálfu ASÍ á fundin-
um segir að stíga verði stór og
markviss skref til að samræma líf-
eyrisréttindi allra landsmanna.
Sama eigi við um kjör launafólks á
almennum markaði og kjör opin-
berra starfsmanna.
„Nú lítum við svo á að það sé
ögurstund í lífeyrismálinu, það
verði að leysa það í tengslum við
gerð kjarasamninganna,“ sagði
Grétar Þorsteinsson, forseti ASÍ.
En er lag núna til þess að sam-
ræma lífeyrisréttindi allra lands-
manna ?
„Ég þori ekki að fullyrða það.
Þetta er afskaplega stórt og þungt
mál sem getur síðan, ef við leysum
einn áfanga þess, opnað stærri sár
annars staðar. Þetta er ekkert sem
ég sé fyrir mér að við getum endi-
lega klárað. En við munum svo
sannarlega taka þátt í viðræðum við
ASÍ um þessi atriði,“ sagði Davíð
Oddsson.
Í aðgerðaáætlun ASÍ er enn
fremur lögð áhersla á málefni
atvinnulausra, bætt réttindi til
atvinnuleysisbóta, aukin framlög til
félagslega íbúðakerfisins, bætta
stöðu barnafjölskyldna og hækkun
sjúkradagpeninga. Þá eru í tillögum
ASÍ atriði sem snerta EES-samning-
inn, svo sem aðlögunartíma gagn-
vart nýjum aðildarríkjum og at-
vinnuþátttöku erlendra ríkisborg-
ara hér.
„Mörg þessara mála eru til um-
fjöllunar í félagsmálaráðuneytinu
en við viljum sjá niðurstöður í
tengslum við frágang þessara
kjarasamninga,“ sagði Grétar Þor-
steinsson.
„Við viljum taka þátt í þessu
verkefni og gera okkar til þess að
leysa málin en við viljum ekki lofa
neinu sem við getum svo ekki stað-
ið við. Það gerir eingöngu illt verra
í kjarasamningum. En við höfnum
því alls ekki að fara yfir alla þessi
þætti eftir því sem kjarasamning-
um vindur fram. En við áréttuðum
á fundinum með ASÍ að aðkoma
stjórnvalda að kjarasamningum
yrði eingöngu í lok ferilsins, en
ekki á þessu stigi,“ sagði Davíð
Oddsson.
the@frettabladid.is
Kvennasamtök:
Andmæla
breytingum
NEYÐARMÓTTAKA Á annan tug
kvennasamtaka skora á stjórn
Landspítalans að sjá til þess að
hætt verði við að flytja neyðar-
mótttöku fyrir fórnarlömb
nauðgana. Slíkir flutningar
myndu eyðileggja þann mikla
árangur sem hefur unnist í rétti-
indamálum kvenna, segir í yfir-
lýsingu samtakanna. Meðal
þeirra samtaka sem standa að
yfirlýsingunni eru Samtök um
kvennaathvarf, Femínistafélag
Íslands og Kvenréttindafélagið.
Samtökin leggja áherslu á að
um þjónustuna ríki sátt og frið-
ur og að fremur þurfi að auka
hana en skerða.
Skorað er á stjórn Landspítal-
ans að standa vörð um neyðar-
móttökuna og skerða ekki þá
þverfaglegu þjónustu sem þar
er veitt. ■
HÆSTIRÉTTUR
Málflutningur fór fram í gær í máli gegn íslenska ríkinu og Landsvirkjun vegna úrskurðar
umhverfisráðherra um mat á umhverfisáhrifum Kárahnjúkavirkjunar.
AÐGERÐAÁÆTLUN KYNNT
Formenn landssambanda Alþýðusambandsins þinguðu með ráðherrum í gærmorgun um
aðkomu stjórnvalda að kjarasamningum. Úrbætur í félagsmálum vega þungt
í þeirri aðgerðaáætlun sem ASÍ kynnti.
DAVÍÐ ODDSSON
Samræming
lífeyrisréttinda
landsmanna erfið í
framkvæmd.
FR
ÉT
TA
B
LA
Ð
IÐ
/G
VA