Fréttablaðið - 16.01.2004, Blaðsíða 10

10 16. janúar 2004 FÖSTUDAGUR
■ Evrópa
ÞORSKAFLI 2003
EFTIR MÁNUÐUM
Janúar 15.955 tonn
Febrúar 18.828 tonn
Mars 31.545 tonn
Apríl 16.160 tonn
Maí 15.397 tonn
Júní 12.232 tonn
Júlí 11.560 tonn
Ágúst 12.844 tonn
September 16.414 tonn
Október 18.786 tonn
Nóvember 19.789 tonn
Desember 16.414 tonn
Heimild: Hagstofan
Vinkona og krufningalæknir kölluð í vitnastúku:
Mijailovic neitaði að svara fleiri spurningum
STOKKHÓLMUR Mijailo Mijailovic,
sem ákærður er fyrir morðið á
sænska utanríkisráðherranum
Önnu Lindh, neitaði að svara spurn-
ingum saksóknara á öðrum degi
réttarhaldanna í Stokkhólmi. „Ég
ætla ekki að svara fleiri spurning-
um,“ sagði Mijailovic og þagði það
sem eftir var dags.
Tvö vitni voru kölluð fyrir dóm-
inn í gær. Eva Franchell, vinkona
Lindh, sagði að Mijailovic hefði ekki
sagt orð þegar hann réðst á utanrík-
isráðherrann í verslunarmiðstöð í
Stokkhólmi 10. september.
Franchell lýsti atvikinu í smáatrið-
um og lagði áherslu á að árásarmað-
urinn hefði beitt afli og hörku.
Henrik Druid, sem krufði Lindh,
sagði fyrir rétti að hún hefði orðið
fyrir allt að átta hnífstungum og
banameinið hefði verið stunga í
lifrina. Ákæruvaldið hætti við að
yfirheyra breska sérfræðinginn
Paul Whitaker, sem rannsakaði
morðvopnið, þar sem framburður
hans var talinn óþarfur.
Búist er við því að Peter Althin,
lögmaður Mijailovics, muni fara
fram á að skjólstæðingur hans
verði látinn gangast undir geðrann-
sókn. Ef dómurinn kemst að þeirri
niðurstöðu að Mijailovic eigi við al-
varleg geðræn vandamál að stríða
verður hann að líkindum vistaður á
geðsjúkrahúsi. ■
Ráðuneytin leysi vanda
tuga geðfatlaðra
Lokun Arnarholts myndi skapa mikinn vanda hjá Svæðisskrifstofu málefna fatlaðra í Reykjavík,
segir forstöðumaður hennar. Hann kallar eftir samvinnu ráðuneytanna til að leysa búsetuvanda
tuga geðfatlaðra.
FÉLAGSMÁL „Ég stefni að því að setja
af stað sambýli í byrjun september
næstkomandi og reikna með allt að
átta plássum þar fyrir geðfatlaða
einstaklinga,“ sagði Björn Sigur-
björnsson, forstöðumaður svæðis-
skrifstofu málefna fatlaðra í
Reykjavík. Hann hefur sett af stað
nefnd sem á að skila af sér ítarlegri
úttekt 15. febrúar næstkomandi.
Þar eiga meðal annars að liggja fyr-
ir upplýsingar um búsetuþörf geð-
fatlaðra einstaklinga á svæði skrif-
stofunnar.
„Ég reikna með því að næsta við-
fangsefni okkar verði að gera tillög-
ur til félagsmálaráðuneytisins um
það hvernig við munum bregðast
við,“ sagði Björn. „Vitaskuld kostar
líka fjármuni að reka stofnanir hjá
svæðisskrifstofunni rétt eins og hjá
sjúkrahúsunum. En við viljum trúa
því að hið fyrrnefnda sé ódýrari
lausn.“
Málefni geðsjúkra hafa verið
mjög til umfjöllunar að undanförnu,
meðal annars vegna hugmynda
framkvæmdastjórnar Landspítala-
háskólasjúkrahúss um að loka Arn-
arholti. Þar dvelja nú nær 40
manns. Þáttur félagsþjónustunnar í
aðstoð við geðfatlaða hefur hins
vegar nokkuð verið látinn liggja
milli hluta í umræðunni.
„Það hryggilega í þessu er að
þegar menn láta að því liggja að
þeir ætli að loka Arnarholti, þar
sem dvelja tugir geðfatlaðra ein-
staklinga, þá búa þeir jafnframt til
vanda hjá Svæðisskrifstofunni,“
sagði Björn. „Þá banka aðstandend-
ur og aðrir upp á hjá henni. Lokun
Arnarholts myndi alveg tvímæla-
laust skapa vanda, leiðindi og sár-
indi hér hjá okkur, svo ekki sé talað
um fólkið sjálft og aðstandendur
þess. Við höfum ekki fengið neinar
aukafjárveitingar til að bregðast
við. En það vita allir að þessir skjól-
stæðingar verða ekki settir út á guð
og gaddinn þótt mönnum sé sagt að
spara.“
Samstarf ráðuneyta
Björn sagðist vilja sjá samkomu-
lag milli félagsmálaráðuneytisins
og heilbrigðisráðuneytisins um
lausnir á búsetuvanda geðfatlaðra á
svipaðan hátt og gerst hafi þegar
stór hópur þroskaheftra var útskrif-
aður af Kópavogshælinu á sínum
tíma. Þá hafi menn sest niður og
kortlagt þá þörf sem skapaðist við
útskriftirnar. Síðan hafi verið geng-
ið í að finna úrræði með samstilltu
átaki.
Hann sagði enn fremur að ekki
lægju fyrir nýjar tölur um búsetu-
þörf geðfatlaðra nú. Það væri ofan-
greindrar nefndar svæðisskrifstof-
unnar að vinna slíkar upplýsingar í
skýrslu sinni.
Hins vegar væri ljóst að ef full-
nægja ætti þeirri þörf sem væri
sögð liggja fyrir á geðdeildum LSH
nú þyrfti fjögur sambýli til viðbót-
ar. Rætt væri um rúmlega 20 manns
sem biðu eftir að komast út af deild-
unum og á sambýli. Þá væri gert ráð
fyrir að á annan tug einstaklinga á
geðdeildum LSH myndi bætast við
þann hóp á næstunni. Að því er
segði í nýrri áfangaskýrslu nefndar
Svæðisskrifstofunnar mætti búast
við að fjöldinn yrði kominn upp í 40-
45 manns á næstu vikum.
Björn benti á að ekki væri nóg að
finna húsnæði, það þyrfti einnig að
huga að dagþjónustu og starfi fyrir
fólkið.
Ódýrari úrræði
Björn ítrekaði að það væri afar
mikilvægt að félagsmálaráðuneyti
og heilbrigðisráðuneyti kæmu sér
saman um lausn fyrirliggjandi
vanda geðfatlaðra. Ráðuneytin
fengju síðan fjármálaráðuneytið til
að skrifa upp á fjárhæð til mála-
flokksins. Alþingi þyrfti að sjálf-
sögðu að samþykkja tillögurnar.
„Ég held að svæðisskrifstofa
Reykjavíkur ætti að geta gert bú-
setuúrræði fyrir þessa einstaklinga
ódýrari en ef þeir dveldu á stofnun-
um. Sumir þeirra geta vissulega
verið svo veikir að þeir þurfi að
fara inn á stofnun aftur, tímabund-
ið. En engu að síður tel ég að þarna
myndu sparast fjármunir til lengri
tíma litið.“
Hvað varðar nýju plássin átta
sem opna á í september næstkom-
andi sagði Björn að búið væri að
finna húsnæði undir starfsemina.
Breyta þyrfti því og laga, en hann
kvaðst vonast til að samningar sem
væru í gangi nú þar að lútandi
myndu ganga í gegn. Þá væri að lík-
indum hægt að standa við septem-
beráætlunina.
jss@frettabladid.is
FORSETA RÚMENÍU BOÐIÐ TIL
DANMERKUR Ion Iliescu, forseti
Rúmeníu, ætlar að þiggja boð
Margrétar Danadrottningar og
fara í þriggja daga opinbera
heimsókn til Danmerkur um
miðjan mars. Auk þess að hitta
drottninguna mun Iliescu fara á
fund Anders Foghs Rasmussens,
forsætisráðherra, og hitta danska
þingmenn. Síðasti rúmenski leið-
toginn sem heimsótti Danmörku
var einræðisherrann Nicolae
Ceausescu árið 1980.
STARBUCKS TIL FRAKKLANDS
Bandaríska kaffihúsakeðjan Star-
bucks hefur opnað sitt fyrsta úti-
bú í Frakklandi, landi kaffihús-
anna. Fyrirtækið hóf starfsemi í
Evrópu fyrir sex árum og hefur
opnað fjölda kaffihúsa í Bret-
landi, Sviss, Austurríki og víðar.
Fjöldi franskra stórfyrirtækja
hafnaði boði um samstarf við
Starbucks, sem endaði með því
að hefja rekstur í Frakklandi upp
á eigin spýtur.
BÚSETA GEÐFATLAÐRA
Sléttuvegur - 9 manns
Hringbraut - 8 manns
Bárugata - 8 manns
BJÖRN SIGURBJÖRNSSON
„Ég held að Svæðisskrifstofa Reykjavíkur ætti að geta gert búsetuúrræði fyrir þessa ein-
staklinga ódýrari en ef þeir dveldu á stofnunum.“
ÁKÆRUVALDIÐ
Saksóknarinn Agneta Blidberg býr sig undir að sannfæra dómara og kviðdómendur um
sekt Mijailos Mijailovic.
Svonaerum við