Fréttablaðið - 16.01.2004, Síða 16

16 16. janúar 2004 FÖSTUDAGUR
■ Sjávarútvegur
■ Evrópa
SAMBASVEIFLA
Bandarískir eldri borgarar fengu hlýjar
móttökur íturvaxinna sambadansara við
komuna til Ríó í Brasilíu í gær og sumir
tóku létta sveiflu þrátt fyrir stafinn.
Meintur netrógur og aðgerðalítil lögregla:
Húðflúrari setur fé
til höfuðs rógbera
NETIÐ „Ég hef ákveðið að greiða
þeim kvartmilljón sem gefur upp-
lýsingar sem leiða rógberann á
femin.is fram í dagsljósið.“ segir
Sverrir Þór Einarsson, forseti
Vélhjólaklúbbsins Ýmis og húð-
flúrari í Kópavogi, sem borinn var
þeim sökum á spjallþræði fem-
in.is að hafa ásamt félögum sínum
haft kynferðislegt samneyti við
14 ára stúlku og látið hana fá
fíkniefni að launum. Sverrir Tattú
hefur kært meintan róg til lög-
reglunnar í Kópavogi en finnst
sem lítið gerist í málinu.
„Lögreglan í Kópavogi bíður
þess að einhver komi hlaupandi
til þeirra og viðurkenni glæpinn.
En ég hef þó ekki gefið þá upp á
bátinn og vísa hverjum þeim sem
hefur þær upplýsingar sem þarf
til Kópavogslögreglu. Ég mun
síðan greiða verðlaunin, 250 þús-
und krónur, út í hönd,“ segir
Sverrir.
Hann segir að þótt „rógburð-
urinn“ sé leiður hafi hann þó haft
þau áhrif að aldrei hafi verið
meira að gera í húðflúrinu og
hann hafi nú komið upp biðlista.
Lögreglan í Kópavogi verst
allra fregna af málinu. ■
Bankinn og Björgólfur
hafa náð fyrsta áfanga
Þótt ekki sé fullljóst hver hagnaður Landsbankans og Eimskipafélagsins sé af sölu Brims er hann
meiri en menn bjuggust við í upphafi. Hann er í samræmi við það sem Björgólfur Guðmunds-
son og Landsbankinn væntu.
VIÐSKIPTI Salan á Brimi sýnir, að
mati margra sérfræðinga á verð-
bréfamarkaði, að sókn Lands-
bankans sem ráðist var í á haust-
mánuðum hefur heppnast. Yfir-
takan á Eimskipafélaginu virðist
ætla að skila sér til bankans bæði
í hækkun á verðmæti félagsins og
í þóknunartekjum og tekjum af
lánastarfsemi. Það að ná yfir 20
milljörðum fyrir Brim þykir afar
góður árangur í þessum viðskipt-
um.
Bankinn lánar um ellefu millj-
arða í kaupunum á HB og ÚA,
sem auka umsvif bankans. Um-
fang viðskiptanna skilar bankan-
um einnig ágætis þóknunartekj-
um. Algeng þóknun er 1,5 til 2%
fyrir söluverkefnið. Lántöku-
þóknun er einnig á svipuðum
slóðum. Heildarafkoman af þess-
um viðskiptum til lengri tíma
ræðst af getu kaupendanna til að
greiða af lánunum eða gæði veða
bankans vegna lánanna. Ætla má
að tekjur bankans vegna viðskipt-
anna nemi að lágmarki 300 millj-
ónum króna. Þessi upphæð er
byggð á algengum tekjum banka í
svipuðum verkefnum, en raun-
veruleg tala liggur ekki fyrir.
Sérfræðingar á markaði gagn-
rýna hversu litlar upplýsingar
liggi fyrir um söluna á útgerðar-
félögunum og telja það til þess
fallið að skapa tortryggni. Sér-
staklega í ljósi þess að stórir hlut-
hafa, eins og Samson Global sem
er í eigu kjölfestueigenda Lands-
bankans, séu að kaupa bréf í fé-
laginu á sama tíma og erfitt sé að
átta sig á breytingunum á því.
Greining Íslandsbanka er meðal
þeirra sem gagnrýnt hafa þessi
vinnubrögð. Þannig liggi
greiðslufyrirkomulag og innbyrð-
is staða fyrirtækjanna gagnvart
móðurfélaginu ekki fyrir. Erfitt
sé því að meta heildarávinninginn
fyrir Eimskipafélagið.
Hitt er þó ljóst að verðið sem
fékkst fyrir fyrirtækin í Brimi
er hærra en flestir bjuggust við
þegar Björgólfur og félagar
lögðu af stað í þennan leiðangur
í haust. Meðal sérfræðinga sam-
keppnisaðila Landsbankans er
talað um fáránlega gott verð
sem menn fái fyrir þessi félög.
Kaupendurnir hafa skýrt sín
sjónarmið. Grandi sér mikla
samlegð með HB og kaupendur
ÚA eru í sjávarútvegi af lífi og
sál og töldu einstakt tækifæri á
ferðinni til þess að ná afli og
stærð í útgerðarrekstri. Sigur-
jón Þ. Árnason, bankastjóri
Landsbankans, vísar á bug full-
yrðingum um að ÚA hafi verið
selt á upplausnarverði eigna og
kvóta. Það verð sé miklu hærra
og forsendur sölunnar séu
áframhaldandi rekstur í
óbreyttri mynd. Upplausnar-
verð ÚA er í kringum 18
milljarða króna. „Söluverðið er í
takt við það hvernig við mátum
fjárfestinguna þegar ákveðið
var að ráðast í þessi verkefni í
haust.“
Baráttan um brauðið
Landsbankinn hefur beitt sér
af krafti á fleiri sviðum. Hörð
samkeppni er á bankamarkaði,
sérstaklega í útboðum um við-
skipti stórra fyrirtækja. Þannig
hefur Baugur til dæmis bæst í
hóp nýrra viðskipavina bankans.
Samson undir forystu Björgólfs
hefur skýr markmið: Að hámarka
arðsemina af eigin fjárfestingu
og um leið annarra hluthafa með
vexti bankans innanlands og með
útrásarverkefnum sem unnið er
að í bankanum. Seðlabankinn hef-
ur varað bankana við að fara sér
ekki of geyst í útlánavexti og tel-
ur áhættuálag bankanna hugsan-
lega of lágt í lánaviðskiptum.
Fjármálaeftirlitið undirbýr regl-
ur um heimild þess til að gera
kröfu um hærra eiginfjárhlutfall,
telji eftirlitið að áhættustýringu
útlána sé ábótavant. Sigurjón seg-
ir vöxt bankans á engan hátt á
kostnað áhættunnar. Hann bendir
á að bankinn hafi verið að ná til
sín stórum og traustum viðskipta-
vinum, auk þess sem vöxtur hafi
verið á öðrum sviðum í starfsemi
bankans. „Menn sem hafa verið
að taka lán erlendis hafa verið að
taka slík lán í gegnum íslenska
banka. Þetta sýnir að við erum
samkeppnisfærari og getum boð-
ið betra verð og þjónustu.“
Lánskjör erlendis ráðast af
stærð og styrk banka. Lands-
bankinn er með lökustu kjör
þriggja stóru bankanna. Stjórn-
endur bankans þurfa því að vera
vel á verði í harðri samkeppni og
vera útsjónarsamir í viðskiptum.
Árangurinn af Eimskipafélags-
viðskiptunum enn sem komið er
bendir til þess að nýr stíll bank-
ans sé að skila árangri. Líklegast
er að skipafélagið verði selt og
bankinn standi eftir með kjöl-
festueignarhlut í Burðarási. Eftir
sölu Brims er Burðarás með
mikla fjármuni sem nýtast munu
við frekari umbreytingar- og
fjárfestingarverkefni.
Björgólfur Guðmundsson hef-
ur margboðað mikinn vöxt
Landsbankans. Hann boðaði
einnig við upphaf baráttunnar
um Eimskipafélagið að markmið
sitt væri að hleypa lífi í markað-
inn og rjúfa stöðnuð eignatengsl.
Margir drógu í efa að honum
tækist að ná því markmiði að
hagnast á viðskiptunum, né að
hann ætlaði sér í svo róttæka
uppstokkun. Eimskipafélagið
hefur ekki lengur miðjustöðu
fyrirtækjablokkar. Búið er að
skipta upp sjávarútvegsstoð fé-
lagsins. Landsbankinn og Eim-
skipafélagið hafa hagnast á þess-
um viðskiptum. Þessar staðreynd-
ir eru vísbending um að áfanga sé
náð á þessari leið. Ferðalagið mun
halda áfram og búast má við
áframhaldandi hræringum á fjár-
málamarkaði. ■
Kviðdómendum mútað:
Sýknuðu
kókaínbaróna
MIAMI, AP Dómstólar í Miami í
Flórída dæmdu tvo kviðdómendur
í fimm ára fangelsi fyrir að þiggja
mútur af kókaínbarónum.
Gloria Alba játaði sig seka um
að hafa hindrað framgang réttvís-
innar með því að þiggja sem svar-
ar um tuttugu milljónum ís-
lenskra króna fyrir að greiða at-
kvæði gegn sakfellingu þegar
réttað var yfir Sal Magluta og
Willy Falcon árið 1996. Maria
Penalver játaði að hafa tekið við
mútum upp á sem nemur um 1,4
milljónum.
Kókaínbarónarnir voru síðar
dæmdir í fangelsi. ■
ÁFANGA NÁÐ
Landsbankinn lagði á það mikla áherslu að kaupin á ráðandi hlut í Eimskipafélaginu væru upphafsreitur lengri vegferðar. Með sölunni á
Brimi er lokið einum kafla í sögu þessara hræringa. Björgólfur og Landsbankinn geta vel við niðurstöðuna unað.
Fréttaskýring
HAFLIÐI HELGASON
■ skrifar um sölu Brims og árangur
Landsbankans af fjárfestingunni í
Eimskipafélaginu.
NEW YORK
Borgaryfirvöld í New York hafa verið krafin
um milljarða í skaðabætur vegna
ferjuslyssins á Staten Island.
Ferjuslysið á
Staten Island:
200 milljarða
bóta krafist
NEW YORK, AP Borgaryfirvöldum í
New York hafa borist a.m.k. 175
kröfur sem samtals nema yfir 200
milljörðum íslenskra króna vegna
ferjuslyssins á Staten Island um
miðjan október í fyrra. Ellefu
manns létust í slysinu. Frestur til að
leggja fram kröfur rann út í gær.
Aðstandendur nær allra þeirra
sem fórust hafa sent formlega til-
kynningu um að þeir ætli að höfða
skaðabótamál. Tugir manna slösuð-
ust og hafa þeir einnig farið fram á
bætur. Fólkið hefur fimmtán mán-
uði til að undirbúa málsókn. ■
VEIDDU 87.900 TONN Íslensk
skip veiddu 87.900 tonn í síðasta
mánuði, en það er 14.600 tonnum
minna en í desember 2002. Botn-
fiskafli var 31.100 tonn, þar af
þorskafli 16.400 tonn eða tæpum
3.000 tonnum minna en árið áður.
26.000 tonn veiddust af síld.
MINNA AFLAVERÐMÆTI Afla-
verðmæti Eskju nam nær 1.400
milljónum króna á síðasta ári.
Það er tæpum 400 milljónum
minna en aflaverðmætið 2002 og
dróst afli saman um 11.000 tonn
milli ára. Loðnuafli dróst saman
um helming en kolmunnaveiði
jókst um þrjá fjórðu hluta aflans
2002.
EINS MILLJARÐS SAMDRÁTTUR
Aflaverðmæti skipa Samherja
nam 5,4 milljörðum króna á síð-
asta ári. Það er rúmum milljarði
lægri upphæð en árið áður þegar
aflaverðmætið nam 6,6 milljörð-
um króna. Helstu ástæður lækk-
andi aflaverðmætis er sterk
króna og lægra afurðaverð er-
lendis.
SVERRIR ÞÓR EINARSSON
Kærði femin.is til Kópavogslögreglu fyrir
viku síðan.
HUTTON-SKÝRSLAN VÆNTANLEG
Skýrsla Huttons lávarðar um nið-
urstöður rannsóknar á dauða
breska vopnasérfræðingsins
Davids Kelly verður gerð opin-
ber 28.janúar. Skýrslan verður
lögð fyrir breska þingið og greint
frá niðurstöðunum í sjónvarpi.
Kelly svipti sig lífi í júlí á síðasta
ári eftir að fjölmiðlar greindu frá
því að hann hefði verið heimild-
armaður BBC í frétt um vopna-
eign Íraka.