Fréttablaðið - 16.01.2004, Síða 26

Hver segir að þorrinn og siðirhonum tengdir séu bara fyrir
miðaldra og þar yfir? Smári Pálsson
sálfræðingur og fjölskylda hans eru
vart búin að kyngja jólasteikinni
þegar þau fara að hlakka til þorrans
og gildir þá einu hvort um er að
ræða Smára og eiginkonu hans, Jó-
hönnu Björk Weissappel, eða krakk-
ana þeirra, Daníel Pál átta ára og
Viktoríu Ingu fjögurra ára.
„Fjölskyldan er öll saman í
þessu,“ segir Smári. „Við byrjum
yfirleitt í október, kaupum lamba-
framparta, skerum fituna frá,
sjóðum og setjum í mysu. Þá er að
sjálfsögðu tekið slátur og hluti af
því fer í súr. Þegar Viktoría litla
fór að tala um það í september að
hana langaði í súrmat fékk ég
næstum tár í augun,“ segir Smári.
Það er heilmikil kúnst í kring-
um súrsunina hjá Smára. Hann
notar tíu lítra kút sem hann setur
í annan minni og steinull á milli.
„Ég skipti reglulega um mysu í
kútnum sem er mikilvægt. Við
fórum út í þetta af því okkur þyk-
ir þorramatur svo góður, en vild-
um hafa hráefnið betra. Bringu-
kollar eru til dæmis ágætir, en eru
yfirleitt alltof feitir.“
Smári og Jóhanna eru bæði alin
upp við þorramat, en foreldrar
þeirra lögðu þó ekki endilega í súr.
„Nú eru þau orðin miklu verri en
við. Foreldrar mínir eru til dæmis
búnir með allan sinn þorramat nú
þegar,“ segir Smári og skellihlær.
„Ég kann mér þó eitthvert hóf.“
Smári segir galdurinn við góð-
an þorramat að hráefnið sé gott
og maturinn vel súr. „Því súrara
því betra. Ferskt lambakjöt er
mjög gott og vel súrsað líka, en
eitthvað þar á milli er ekki gott.
Illa súrsaðir hrútspungar eru til
dæmis hálfvæmnir á bragðið.“
Hákarl og harðfiskur tilheyra
að sjálfsögðu þorramatnum hjá
Smára, en hann verkar ekki fisk-
inn sjálfur. „Ég held nú væntan-
lega áfram að kaupa hákarlinn, en
draumurinn er að herða harðfisk-
inn í framtíðinni.“
Þegar þorrinn rennur upp blæs
Smári til blóts fyrir vini og ætt-
ingja. „Þetta er meira bara svona
að koma saman og gleðjast, og
venjan hefur verið að allir leggi í
púkk. Svo er örlítið íslenskt
brennivín með hákarlinum, en pil-
sner og bjór alveg ómissandi með
matnum,“ segir Smári að lokum,
og laumast enn einu sinni í súrinn,
svona rétt til að prófa... ■
matur o.fl.
Vikulegur blaðauki Fréttablaðsins um mat og drykk
Ritstjórn: sími 515 7500 – netfang: matur@frettabladid.is. Auglýsingar: sími 515 7500 – netfang: auglysingar@frettabladid.is
Þorrinn undirbúinn:
Því súrara – því betra
Rauðvínið PasquaC a b e r n e t -
Merlot í þriggja
lítra umbúðum var
söluhæsta vínið í
Vínbúðum árið
2003. Alls seldust
74.094 lítrar á árinu
sem er um 14%
meiri sala heldur en
vínið sem seldist
næstmest. Pasqua
Cabernet -Merlot
hefur gengið afar
vel í sölu síðan það
kom í kjarnaversl-
anir ÁTVR í nóvember 2002. Vín-
ið er blanda af Cabernet
Sauvignon (60%) og Merlot (40%)
og er látið gerj-
ast á stáltönk-
um. Um 10%
blanda af Caber-
net Sauvignon er
sett til hliðar og
geymd á eik-
artunnum í sex
til sjö mánuði
áður en vínið er
fullgert. Pasqua
Cabernet - Merl-
ot er frá svæð-
inu í kringum
Feneyjar á Ítalíu
frá fyrirtækinu
Pasqua Vigneti & Cantine. Það er
létt með krydduðu berjabragði.
Verð í Vínbúðum 3.290 kr. ■
Pasqua Cabernet - Merlot:
Vinsælasta vín
á Íslandi 2003
SAFNAST SAMAN Í KRINGUM SÚRKÚTINN
Smári Pálsson, Daníel Páll, Viktoría Inga og Jóhanna Weisshappel smakka á kræsingunum.
Fjölskyldan sameinast um undirbúning þorrans strax í byrjun október.
Á næstu grösum:
Hollur
skyndibiti
Veitingastaðurinn Á næstugrösum, sem verið hefur á
Laugavegi um langt árabil, opnar
skyndibitastað í næstu viku að
Suðurlandsbraut 52, gjarnan kall-
að bláu húsin í Faxafeni. Þar verð-
ur á boðstólum úrval hollra og
góðra grænmetisrétta sem fólk
getur tekið með sér heim, eða
borðað á staðnum.
Hægt er að velja úr heitum og
köldum réttum, einnig má fá
trefjaríkan heilsuhristing úr syk-
urlausu skyri og ávöxtum og úr-
val af brauði.
Með opnun staðarins er leitast
við að koma til móts við ört
stækkandi hóp fólks sem vill geta
borðað hollan mat en jafnframt
notið þægindanna af því að fá
matinn tilbúinn. Staðurinn verður
opinn mánudaga til föstudaga kl.
10–20. ■
Camembert
Camembert-osturinn er mjúkurostur með hvítri skán utan á.
Hann á rætur að rekja allt aftur til
tíma frönsku byltingarinnar.
Marie Harel frá Normandí kynnt-
ist presti frá Brie. Það leiddi til
þess að Harel ákvað að blanda
saman ostagerðarhefð Normandí
og hefðinni frá Brie og útkoman
varð camembert. ■
Matseðlar á
www.argentina.is
Borðabókanir í síma 551 9555
eftir kl. 14.00
SVÍTAN er glæsilegt einkaherbergi
á Argentínu