Fréttablaðið - 17.01.2004, Blaðsíða 1
MEST LESNA DAGBLAÐ Á ÍSLANDI Skaftahlíð 24, 105 Reykjavík — sími 515 7500
Tónlist 34
Leikhús 34
Myndlist 34
Íþróttir 31
Sjónvarp 36
LAUGARDAGUR
EIMSKIP 90 ÁRA Eimskipafélag Ís-
lands er 90 ára í dag. Í tilefni þess verður
haldin vegleg veisla í Háskólabíói þar sem
frumsýnd verður ný heimildarmyndin „Leið-
in er greið“ sem fjallar um sögu félagsins.
DAGURINN Í DAG
17. janúar 2004 – 16. tölublað – 4. árgangur
ÚTSKÝRINGAR RÖKLEYSA Runólfur
Ólafsson, framkvæmdastjóri FÍB, telur dæm-
in sanna að olíufélögin gangi fram með
hörku gagnvart nýjum félögum á markaði.
Hann segir útskýringar olíufélaganna um
hækkun bensínverðs rökleysu. Sjá síðu 2
SKAGSTRENDINGUR SELDUR Fisk-
iðjan Skagfirðingur hefur keypt Skagstrend-
ing af Eimskipafélaginu. Þar með er búið að
selja öll innlendu útgerðarfélög Brims. Sölu-
verðið er 2,7 milljarðar króna. Sjá síðu 2
FUNDAÐ MEÐ NÝJUM EIGENDUM
Kristján Þór Júlíusson, bæjarstjóri á Akur-
eyri, fundaði með nýjum eigendum ÚA.
Hann segir nýja eigendur ætla að reka ÚA
sem alvörufyrirtæki. Sjá síðu 4
KAUP GAGNRÝND Kaup innherja í
Eimskipfélaginu á sama tíma og félagið
gengur í gegnum miklar breytingar eru
harðlega gagnrýnd. Forstjóri Kauphallarinn-
ar segir ekki ástæðu til aðgerða. Sjá síðu 6
Guðmundur Kristjánsson:
Hvað segja mæður drengjanna í
handboltalandsliðinu sem hefja
leik á Evrópumótinu í Slóveníu í
næstu viku? SÍÐA 16
▲
Landslið í handbolta:
Peningar koma og fara
HEILBRIGÐISMÁL Vegna gríðarlegs
rekstrarhalla stendur stjórn Land-
spítalans frammi fyrir því erfiða
verkefni að grípa til aðhalds-
aðgerða sem eru liður í fyrirhug-
uðum 1.500 milljóna króna sparn-
aði á spítalanum. Unnið er að
veigamiklum breytingum á starf-
seminni í ljósi fjárveitinga ársins
2004. Ljóst er að fækkað verður
um sem nemur 200 ársverk. Sam-
kvæmt upplýsingum blaðsins
verður klínísk stoðþjónusta harð-
ast úti, einkum endurhæfing og
geðsvið, en tæplega 40% niður-
skurðarins snerta þessi svið.
Mönnun sérgreina og deilda
verður meðal annars endurskoðuð,
dregið verður úr þjónusturann-
sóknum og starfsemi í eldhúsi og
þvottahúsi verður skert. Til viðbót-
ar fækkar ársverkum þegar endur-
hæfing í Kópavogi verður lögð nið-
ur, auk starfseminnar í Arnarholti
og starfsemi geðsviðs á Flókagötu.
Fundað var um málið innan
heilbrigðisnefndar Alþingis í gær,
að beiðni Margrét Frímannsdótt-
ur, Samfylkingunni.
„Ef engin breyting verður á
rekstrinum þá er ljóst að niður-
skurðurinn nú er aðeins hluti af
þeim aðgerðum sem þarf að grípa
til. Að mínu mati er verið að byrja á
öfugum enda. Ráðherra skipaði
nefnd til að fjalla um hlutverk
Landspítalans og Fjórðungssjúkra-
hússins á Akureyri sem á að skila af
sér í vor. Það hefði verið eðlilegra
að tillögur hennar lægju fyrir áður
en gripið er til sparnaðaraðgerða,“
segir Margrét Frímannsdóttir.
Fulltrúar ASÍ, BHM, BSRB,
Læknafélags Íslands og starfs-
mannaráðs og trúnaðarmanna
Landspítala-háskólasjúkrahúss
afhentu Jóni Kristjánssyni heil-
brigðisráðherra ályktun. í henni
er niðurskurði á þjónustu og upp-
sögnum innan heilbrigðisþjónust-
unnar harðlega mótmælt og skor-
að á ráðherra að taka þær ákvarð-
anir til endurskoðunar.
bryndis@frettabladid.is
● fékk mínus styttuna
Bubbi Curver:
▲
SÍÐA 30
Kátur upp-
tökustjóri
● 56 ára í dag
Davíð Oddsson:
▲
SÍÐA 16
Hugrakkur
og kænn
● miramax vill sjá hana strax
Kaldaljós:
▲
SÍÐA 24
Frábær
byrjun
● brjálað að gera
Jón Ólafsson:
▲
SÍÐA 38
Laugardags-
kvöld
Útgerðarfélag Akureyrar var selt í vikunni.
Guðmundur Kristjánsson skilur lítið í lát-
unum í kringum kaupin og hlakkar til
verkefnisins framundan. ▲SÍÐA 14
Geðsvið og endur-
hæfing harðast úti
Fækkun ársverka á Landspítalanum vegna fyrirhugaðs niðurskurðar er langmest í klínískri
stoðþjónustu. Dregið úr útgjöldum spítalans með fækkun 200 ársverka.
Strákarnir okkar
Michael Jackson:
Kveðst vera
saklaus
KALIFORNÍA, AP Michael Jackson
lýsti sig saklausan af ákærum um
kynferðisbrot gegn börnum þegar
hann var leiddur fyrir rétt í Santa
Maria í Bandaríkjunum í gær.
Saksóknari hefur lagt fram kæru
á hendur Jackson um að hafa sjö
sinnum viðhaft óviðurkvæmilega
hegðun í garð barna og að hafa
tvisvar gefið börnum ólyfjan.
Jackson tafðist á leið sinni í
dómsalinn þar sem hann gaf sér
tíma til að sinna hundruðum aðdá-
enda sem mættu til þess að sýna
poppstjörnunni stuðning. Dómar-
inn í málinu átaldi Jackson fyrir
óstundvísina áður en honum voru
lesin ákæruatriðin.
Dómarinn hefur bannað lög-
mönnum að tjá sig um málið en
mun taka til skoðunar að veita
undanþágu til þess að svara ásök-
unum sem kunni að birtast. ■
Menntamálaráðherra:
Skólagjöld
valkostur í HÍ
VIÐTAL „Mér finnst afar jákvætt að
Páll Skúlason rektor hafi varpað
þessum bolta upp því ég tel að innan
Háskólans þurfi að ræða þessa hluti
alveg eins og innan stjórnmálanna,“
segir Þorgerður Katrín Gunnars-
dóttir menntamálaráðherra um
hugsanleg skólagjöld í HÍ í viðtali
við blaðið í dag. „Mín skoðun er að
ef við sjáum að skólagjöld auki hag-
vöxt í landinu, skili okkur sterkari
og öflugri nemendum og kröftugri
og frjórri háskóla þá hljótum við að
líta á þetta sem valkost. Við getum
ekki kveðið þetta í kútinn bara af
því að þetta heita skólagjöld.“
Sjá nánar á síðum 20 og 21.
Leigubílstjóri yfirheyrður af lögreglu:
Staðfestir frásögn Mijailovics
STOKKHÓLMUR Leigubílstjóri sem ók
Mijailo Mijailovic heim eftir að
hann hafði ráðist á sænska utanrík-
isráðherrann Önnu Lindh hefur
gefið sig fram við lögreglu. Leigu-
bílstjórinn staðfestir frásögn
Mijailovics af því sem gerðist eftir
árásina 10. september síðastliðinn.
Að sögn talsmanns sænsku lög-
reglunnar gaf leigubílstjórinn sig
fram á fimmtudag eftir að hann
hafði séð myndir af Mijailovic í
fjölmiðlum og áttað sig á því hver
maðurinn var. Við yfirheyrslur
sagðist bílstjórinn hafa ekið
Mijailovic frá verslunarmiðstöð-
inni þar sem Lindh var stungin til
bana og að heimili hans skammt
fyrir utan Stokkhólm. Lögreglan
hafði fram að þessu dregið í efa þá
staðhæfingu Mijailovics að hann
hefði tekið leigubíl heim eftir árás-
ina þar sem bílstjórinn hafði ekki
fundist. Í viðtali við Aftonbladet
sagði leigubílstjórinn að Mijailovic
hefði verið fámáll en síðan opnað
sig og byrjað að tala um stelpur. ■
MICHAEL JACKSON MÆTIR Í DÓMHÚSIÐ
Í gær var dómtekið í Kaliforníu mál saksóknara gegn poppstjörnunni Michael Jackson. Jackson er sakaður um kynferðisbrot gegn börn-
um og liggja níu kærur á hendur honum fyrir dóminum. Jackson lýsti sig saklausan við dómtökuna í gær. Fjöldi fólks sýndi stjörnunni
stuðning sinn og máttu lögreglumenn hafa sig alla við til þess að för Jackson væri ekki hindruð af æstum áhangendum.
VEÐRIÐ Í DAG
TILLAGA UM FÆKKUN ÁRSVERKA
Ársverk
Klínísk stoðþjónusta endurskoðuð
(einkum endurhæfing og geðsvið) 75
Ýmis óskilgreind ársverk 30
Endurskoðun mönnunar sérgreina og
deilda (læknar og hjúkrunarfr.) 25
Umsýsla eigna, upplýsingamál, eldhús
og þvottahúsa 20
Rannsóknir og kennsla 20
Þjónusturannsóknir endurskoðaðar 10
Yfirstjórn og fjárreiðustörf 10
Bókasafnsmál, gagnasmiðja 5
Samtals 200
MIKIL SNJÓKOMA SUNNAN-
LANDS Það dregur úr ofankomunni í
höfuðborginni um hádegið. Víða hætt við
skafrenningi enda er þetta lausamjöll og
nokkur gjóla. Hlýnandi veður seint á
morgun. Sjá síðu 6.