Fréttablaðið - 17.01.2004, Blaðsíða 2

2 17. janúar 2004 LAUGARDAGUR
„Nei, ég verð eins og broskall í
hvert sinn sem ég heyri minnst á
Samkeppnisstofnun.“
Ólafur Hauksson er framvæmdastjóri Iceland
Express en Samkeppnisstofnun er að athuga
hvort auglýsingar félagsins brjóti gegn lögum.
Spurningdagsins
Ólafur, ertu nokkuð flugleiður á Sam-
keppnisstofnun?
NEYTENDUR „Dæmin sanna að oftar
en ekki hafa markaðsráðandi olíu-
félag farið fram með ákveðinni
hörku þegar nýir aðilar koma á
markaðinn. Það er skýrt í sam-
keppnislögum að undirverðlagn-
ing svo nýir aðilar hrökklist út af
markaði er bönnuð. Menn hljóta
að skoða þetta í samhengi hjá
samkeppnisyfirvöldum,“ segir
Runólfur Ólafsson, framkvæmda-
stjóri Félags íslenskra bifreiða-
eigenda, um bensínlækkanir olíu-
félaganna í síðustu viku.
„Atlantsolía lét að sér kveða.
Þegar fyrirtækið hóf bensínsölu
voru viðbrögð olíufélaganna að
lækka verulega bensínverð í
sjálfsafgreiðslu. Þegar bensín-
birgðir Atlantsol-
íu þrutu létu við-
brögðin ekki á sér
standa. Olíufélög-
in hækkuðu aftur
bensínverð. Það
er erfitt að líta
fram hjá því að
þarna séu engin
tengsl á milli,“
segir Runólfur
Stóru olíufé-
lögin þrjú, Esso,
Skeljungur og
Olís báru við ráð-
andi heimsmark-
aðsverði aðspurð-
ir hvað varð til að
bensínverð hækkaði um leið og
olíubirgðir Atlantsolíu þrutu.
Runólfur tekur undir að heims-
markaðsverð sé í hærri kantinum.
„Á móti kemur að jákvæð þróun
hefur verið á krónunni gagnvart
dollaranum sem verðið miðast
við. Ég tel útskýringar olíufélag-
anna rökleysu í ljósi þess að til-
efni þótti til lækkunar á bensín-
verði í síðustu viku.“
Runólfur telur jákvætt fyrir
neytendur að nýtt félag fóti sig á
markaðinum. „Við sjáum að mikil
hreyfing myndast og neytendur
njóta góðs af því. Þessi furðulega
jólagjöf ríkisstjórnarinnar þegar
bensínið hækkaði í desember-
mánuði hefur að hluta gengið til
baka með aukinni samkeppni. Það
er von okkar að Atlantsmenn nái
aftur vopnum sínum til þess að
halda markaðinum á táberginu.“
Sjá nánar bls. 9
kolbrun@frettabladid.is
Fiskiðjan Skagfirðingur kaupir:
Skagstrendingarnir sáttir
VIÐSKIPTI Fiskiðjan Skagfirðingur
hefur keypt Skagstrending af
Eimskipafélaginu. Þar með er
búið að selja öll innlendu út-
gerðarfélögin innan Brims.
Söluverðið er 2,7 milljarðar og
er söluhagnaður Eimskipa-
félagsins 300 milljónir. Bók-
færður söluhagnaður allra fyr-
irtækja Brims sem búið er að
selja er 2,8 milljarðar.
Adolf Berndsen, oddviti á
Skagaströnd, segir menn
ánægða með þessa niðurstöðu.
„Það eru engin áform uppi um
annað en að fyrirtækið verði
áfram með öfluga starfsemi hér
á Skagaströnd. Við teljum líka
miðað við þá þróun sem verið
hefur að það þjóni hagsmunum
okkar betur að félagið sé ekki á
hlutabréfamarkaði.“
Adolf segir að hreppurinn
hafi ekki lagt neitt fé inn í þessi
viðskipti. Hreppurinn á bréf í
Eimskipafélaginu að mark-
aðsvirði yfir hálfan milljarð.
Hann segist því afar bjartsýnn
fyrir hönd byggðarlagsins og
fyrirtækisins. ■
KING HEIÐRAÐUR
Mótmælendunum var haldið víðs fjarri for-
setanum þegar hann lagði krans að leiði
Martins Luther King.
Martin Luther King
heiðraður:
Púað á Bush
BANDARÍKIN George W. Bush Banda-
ríkjaforseti var púaður niður þegar
hann lagði krans við legstað mann-
réttindafrömuðarins Martins Luther
King í Atlanta í Georgíu. Hundruð
manna söfnuðust saman við gröfina
15. janúar í tilefni af því að 75 ár
voru liðin frá fæðingardegi Kings.
„Farðu heim til þín, Bush,“ hróp-
aði mannfjöldinn en svæðið í kring-
um gröfina hafði verið girt af til að
koma í veg fyrir að forsetinn yrði
fólksins var. Mótmælendurnir
sögðu að stefna Bush væri í hróp-
legri andstöðu við þau gildi sem
King stóð fyrir. ■
Veður enn slæmt:
Bannsvæði í
Ólafsfirði
VEÐUR „Ferðir manna eru bannaðar
frá Kvíabekk og fram eftir firðin-
um. Við hleypum ekki fleirum en
þremur vélsleðamönnum inn á
svæðið í einu,“ segir Jón Konráðs-
son hjá lögreglunni á Ólafsfirði.
Hann segir hátt í annað hund-
rað kindur vera á bænum Bakka
þar sem snjóflóð féll í vikunni og
þangað hafi þurft að fara til að
gefa fénu. Einn maður lét lífið í
flóðinu. ■
Esso og Olís lækkuðu
bensínverð í gær:
Bensínstríðið
heldur áfram
NEYTENDUR Olíufélögin Esso og Olís
ákváðu í gær að lækka á ný bensín-
verð á þjónustustöðvum félaganna
á höfuðborgarsvæðinu. Á báðum
stöðum lækkaði sjálfsafgreiðslu-
afslátturinn um 7,20 krónur og 9,90
króna lækkun varð á dísilolíu. Verð
á bensínlítranum í sjálfsafgreiðslu
eftir þessa breytingu er því 93,70
krónur og dísillítrinn kostar 35,90
krónur. Verð hjá Skeljungi hélst
óbreytt í gær.
Olís lækkaði einnig verð á
bensínlítranum á sjálfsafgreiðslu-
stöðvum ÓB. Lækkunin nam
þremur krónum og tuttugu aurum
og kostar bensínlítrinn nú 92,50.
Sem fyrr er bensínverð lægst hjá
Orkunni. ■

NEYTENDUR Bensínlítrinn af 92
oktan bensíni er einungis dýrari
í Hollandi en á Íslandi að því er
fram kemur í könnun frá Félagi
íslenksra bifreiðaeigenda. Borið
var saman verði í 28
Evrópulöndum auk Bandaríkj-
anna.
Bensínlítrinn er dýrastur í
Hollandi og ódýrastur í Banda-
ríkjunum. Þetta kemur fram í
nýrri samanburðarkönnun FÍB.
Stefán Ásgrímsson hjá FÍB
segir verðið miðað við 92 oktan
blýlaust bensín, afgreitt á bílinn
af starfsmanni bensín-
afgreiðslustöðvar. Hann segir
afslætti vegna sjálfdælinga
svipaðir og hér á landi eða á bil-
inu þrjár til fimm krónur. Af
þessu að dæma sé því um raun-
hæfan samanburð að ræða. ■
Heimahjúkrun:
Framlengja
ekki
HEILBRIGÐISMÁL Stjórnendur Heilsu-
gæslunnar munu ekki nýta sér rétt
til að framlengja uppsagnarfrest
starfsfólks í heimahjúkrun um þrjá
mánuði, að sögn Grétars Guð-
mundssonar, starfsmannastjóra hjá
Heilsugæslunni. Sá frestur rennur
út á morgun, sunnudag.
Samkvæmt lögum um réttindi og
skyldur opinberra starfsmanna er
stjórnendum heimilt að framlengja
uppsagnarfrest um þrjá mánuði þar
til sex vikur eru eftir til þess tíma
sem uppsagnir taka gildi.
Rúmlega 40 starfsmenn heima-
hjúkrunar hafa sagt upp störfum
vegna. ■
ADOLF H. BERNDSEN
Oddvitinn segir Skagstrendinga sátts við
niðurstöðu sölu Skagstrendings og telja
hana farsæla bæði fyrir byggðarlagið og
fyrirtækið.
BENSÍNVERÐ
Holland 102,1
Ísland 100,9
Bretland 96,5
Danmörk 95,8
Þýskaland 93,7
Belgía 89,3
Noregur 89,1
Ítalía 89,0
Svíþjóð 87,7
Frakkland 87,6
Finnland 86,6
Portúgal 83,3
Írland 75,7
Ungverjaland 74,7
Austurríki 74,4
Króatía 74,2
Sviss 72,7
Luxembourg 72,3
Grikkland 70,9
Slóvakía 70,3
Slóvenía 69,6
Spánn 69,1
Tékkland 65,0
Búlgaría 62,6
Pólland 62,6
Litháen 60.1
Rúmenía 56,2
Eistland 52,1
Lettland 50,7
Bandaríkin 34,7
Bensínverð í Evrópu og
Bandaríkjunum:
Næstdýrast á
Íslandi
BENSÍNVERÐ Á SJÁLFS-
AFGREIÐSLUSTÖÐUM
BENSÍNSTÖÐVA Í GÆR
bensín dísilolía
Atlantsolía Uppselt 35,00
Esso Express 92,50 34,90
Orkan 92,40 34,80
ÓB 92,50 34,90
Esso 93,70 35,90
Olís 93,70 35,90
Shell 96,90 41,80
Olíufélögin mæta
samkeppni með hörku
Runólfur Ólafsson, framkvæmdastjóri FÍB, telur dæmin sanna að olíu-
félögin gangi fram með hörku gagnvart nýjum félögum á markaði. Hann
segir útskýringar olíufélaganna um hækkun bensínverðs rökleysu.
BENSÍNSTRÍÐIÐ HELDUR ÁFRAM
Olís og Esso lækkuðu bæði bensínverð á 95 oktan bensíni í gær. Esso reið á vaðið og
Olís fylgdi fljótlega í kjölfarið.
RUNÓLFUR
ÓLAFSSON
Runólfur telur já-
kvætt fyrir neyt-
endur að nýtt fé-
lag fóti sig á
markaðinum.
Illviðri á Suðvesturhorni:
Mikið um
árekstra í
Reykjavík
VEÐUR Veður gerði ferðalöngum á
suðvesturhorninu erfitt fyrir í gær.
Bæði Hellisheiðin og Reykjanes-
vegur voru illfærir þótt leiðunum
hafi ekki verið lokað í gærkvöldi.
Að sögn lögreglu á Selfossi var
nokkuð annríki í gær við að aðstoða
bíla sem lentu í vandræðum vegna
færðar og slæms skyggnis á Hellis-
heiðinni í gær og voru björgunar-
sveitir í Hveragerði einnig gerðar
út af þessum sökum.
Í Reykjavík var mikið um
árekstra en engin slys urðu á fólki.
Að sögn lögreglunnar í Reykjavík
var færðin víða erfið í höfðuborg-
inni sérstaklega vegna hálku. ■
SEX NÝBURAR LÉTUST Sjúkra-
húsi í bænum Krasnoturinsk í
Rússlandi var lokað eftir að sex
nýburar létust úr sjaldgæfri
lungnabólgu á innan við þremur
vikum. Talið er að sjúkdómurinn
hafi borist á milli barnanna með
öndunartækjum sem voru ekki
nægilega vel sótthreinsuð. Sak-
sóknarar hafa hafið rannsókn á
dauða barnanna.
ÓTTAST UM LÍF NÍTJÁN MANNA
Að minnsta kosti fimm manns
fórust þegar bátur sökk undan
ströndum Kanaríeyja. Báturinn
var yfirfullur af ólöglegum inn-
flytjendum á leið til Spánar.
Björgunarmenn hafa fundið lík
fjögurra karlmanna og einnar
konu en fjórtán er enn saknað.
■ Evrópa