Fréttablaðið - 19.01.2004, Blaðsíða 6

6 19. janúar 2004 MÁNUDAGURVeistusvarið?
1Á laugardaginn var opnuð myndlist-arsýningin Frost Activity í Listasafni
Reykjavíkur. Myndlistarmaðurinn hefur
undanfarið gert garðinn frægan í útlönd-
um. Hvað heitir hann?
2Fyrirtæki, gjarnan kallað óskabarnþjóðarinnar, hélt upp á 90 ára afmæli
sitt í vikunni. Hvaða fyrirtæki er þaði?
3Um helgina tókst konu í fyrsta sinn aðklára hring undir pari í PGA-móta-
röðinni. Hvað heitir konan?
Svörin eru á bls. 30
Skagstrendingar:
Seldu bréf í Eimskipi
ATVINNUMÁL Sveitarfélagið Höfða-
hreppur á Skagaströnd seldi öll
hlutabréf sín í Hf. Eimskipafélagi
Íslands skömmu fyrir lokun
markaðar á föstudaginn. Hlutur-
inn var ríflega 73 milljónir að
nafnverði og var söluverðið 8,25.
Adolf H. Berndsen, oddviti
hreppsins, segir að gott verð hafi
boðist fyrir bréfið. „Nú tengist
Eimskipafélagið ekki lengur at-
vinnustarfsemi hér og þótt enginn
skuggi hafi hvílt á samstarfi okk-
ar við Eimskip var þetta góður
tímapunktur,“ segir Adolf.
Að sögn Adolfs er ávöxtun
hlutafjáreignar hreppsins í Eim-
skip yfir 50% á tveimur árum en
hreppurinn eignaðist bréfin þegar
Brim keypti öll hlutabréfin í út-
gerðarfélaginu Skagstrendingi.
Sama dag og Eimskipafélagið
seldi fiskiðjunni Skagfirðingi öll
bréf í Skagstrendingi fyrir 2,7
milljarða losaði hreppurinn sig út
úr Eimskipi. Viðskiptin voru ekki
tilkynnt í Kauphöll Íslands þótt
Adolf hafi átt sæti í stjórn Brims
fyrir hönd Höfðahrepps. ■
SÉRFRÆÐINGAR GAGNRÝNDIR Sér-
fræðingar sem stýra aðgerðum
gegn malaríu hafa verið sakaðir
um vanrækslu í baráttunni við
sjúkdóminn í Afríku og því haldið
fram að ódýr lyf sem þangað eru
send, séu gagnslaus. Þetta kemur
fram í breska læknaritinu The
Lancet.
AUKIN ÞÁTTTAKA BARNA Alþjóð-
leg mannréttindasamtök, þar á
meðal Mannréttindavaktin og
Amnesty International, segja að
þátttaka barna í hernaði í heimin-
um hafi aukist víða á síðasta ári
þrátt fyrir að Sameinuðu þjóðirn-
ar hafi beitt sér gegn því með
ýmsum hætti. Ástandið sé verst í
Afríku og þá sérstaklega á Fíla-
beinsströndinni, Líberíu og
Kongó.
Tækniþungun:
Segist hafa
klónað fóstur
VÍSINDI Bandaríski læknirinn,
Panos Zavos, sem er sérfræðing-
ur í frjósemisaðgerðum, heldur
því fram að hann hafi nýlega kom-
ið fyrir klónuðum fósturvísi í legi
35 ára gamallar konu. Þetta kom
fram á blaðamannafundi sem
Zavos boðaði til á hóteli í Lundún-
um á laugardaginn en hann sagði
þó of snemmt að segja hvort kon-
an héldi fóstrinu.
Zavos sagði að fósturvísirinn
hefði verið klónaður úr eggfrumu
konunnar og húðfrumu eigin-
mannsins. Hann vildi ekki upplýsa
hvar aðgerðin hefði farið fram en
fullyrti að það hefði ekki verið í
Bandaríkjunum eða Evrópu. ■
BLAÐAMENN HITTA MEINTA
NJÓSNARA Yfirvöld í Kína hrundu
af stað óvenjulegri
fjölmiðlaherferð
gegn Taívan í gær.
Fólk sem handtekið
hefur verið fyrir að
stunda njósnir fyrir
taívanska herinn var látið standa
fyrir framan erlenda blaðamenn
og lýsa iðrun vegna gjörða sinna.
Einnig var blaðamönnum boðið að
taka viðtal við sakborningana.
HEIMILISTÆKJUM STOLIÐ Brot-
ist var inn í hús sem er í smíð-
um í Hveragerði og stolið það-
an heimilistækjum sem átti að
setja í eldhúsinnréttingu. Inn-
brotið var tilkynnt í gærmorg-
un. Að auk var einn tekinn fyrir
ölvun við akstur á Selfossi í
fyrrinótt.
FJÖLMENNT Á PÖBBUM Fjöl-
mennt var á pöbbum á Egils-
stöðum í fyrrinótt en allt fór
vel fram. Að sögn lögreglunnar
voru menn almennt í góðu
skapi.
RÓLEGT Á HÖFN Rólegt var að
gera hjá lögreglunni á Höfn í
fyrrinótt. Um næstu helgi verð-
ur þar 500 manna dansleikur í
tengslum við þorrablót og fólk
því að spara sig að sögn lög-
reglunnar.
Útsala – Útsala – Útsala
Útsala – Útsala – Útsala
Rammamiðstöðin
Síðumúla 34
Innrömmuð plaggöt og speglar 30-40% afsláttur
Tilbúin karton 50% afsláttur
Tilbúnir rammar verð frá kr 100
Ótal aðrir rammar á tilboði
Innrömmun 20% afsláttur
Trérammar 24x30 kr 500
Álrammar 24x30 kr 600
Álrammar 42x60 kr 600
Smellurammar 40x50 kr 350
Smellurammar 15x21 kr 60
Álrammar 40x50 kr 990
TILBOÐ:
KALLAÐ EFTIR AÐSTOÐ Sameinuðu
þjóðirnar hafa kallað eftir hjálp al-
þjóða samfé-
lagsins um 400
til 500 milljón
dollara aðstoð
vegna uppbygg-
ingarstarfsins í
Líberíu eftir
fjórtán ára borgarastyrjöld, sem
lauk með friðarsamningum í ágúst.
Um 7.500 friðargæsluliðar eru nú í
landinu á vegum Sameinuðu þjóð-
anna og hefur ástandið farið batn-
andi að sögn Jacques Klein, sendi-
fulltrúa SÞ.
Kona hvarf fyrir 28
árum í Bretlandi:
Eiginmaður
ákærður
ENGLAND, AP Yfirvöld í Bretlandi
hafa ákært 59 ára karlmann
fyrir að myrða eiginkonu sína
sem hvarf fyrir 28 árum. Lík
konunnar fannst fyrir sjö árum
í stöðuvatni í Englandi.
Gordon Park var einnig
ákærður skömmu eftir að líkið
fannst árið 1997 en málið var
látið niður falla vegna skorts á
sönnunum. Lögreglan hefur
ekki viljað upplýsa hvers
vegna málið var tekið upp að
nýju.
Park hélt því fram að eigin-
konan hefði horfið sporlaust
þegar hann var í skemmtiferð
með börnum þeirra í júlí 1976.
21 ári síðar fannst lík hennar í
Coniston-vatni, skammt frá
heimili hjónanna í Vatnahérað-
inu. Líkið lá á 21 metra dýpi, í
svörtum ruslapoka sem var
haldið niðri með lóðum. ■
ADOLF H. BERNDSEN
Oddviti Höfðahrepps á Skagaströnd
■ Afríka
■ Lögreglufréttir
■ Asía
■ Afríka
Mannskæð
sjálfsmorðsárás
Að minnsta kosti 20 manns fórust og meira en 60 særðust í sjálfs-
morðsárás í Bagdad. Ekið var upp að aðalhliði höfuðstöðva bandaríska
hersins þar sem tugir íraskra starfsmanna voru.
ÍRAK Að minnsta kosti 20 fórust
og meira en sextíu slösuðust þeg-
ar öflug bílsprengja sprakk fyrir
utan höfuðstöðvar bandaríska
hersins í Bagdad í gærmorgun.
Sprengingin varð um klukkan
átta að staðartíma nálægt vel
vörðu aðalhliði höfuðstöðvanna,
sem eru í Lýðveldishöll Saddams
Hussein, fyrrum Íraksforseta, í
hjarta höfuðborgarinnar.
Þetta er mannskæðasta
sprengjuárásin í Írak síðan
Saddam var handtekinn og er
talið að flest fórnarlambanna séu
íraskir borgarar sem voru á leið
til vinnu sinnar í höfuðstöðvun-
um og biðu þess við hliðið að
komast í gegnum stranga örygg-
isgæslu.
Að sögn talsmanns Banda-
ríkjahers er talið að tveir banda-
rískir starfsmenn verktakafyrir-
tækis séu meðal hinna látnu en
erfitt sé að bera kennsl á líkin
vegna þess hve illa þau séu farin.
Hann staðfesti að sex Banda-
ríkjamenn væru í hópi þeirra
særðu, þar af tveir hermenn.
Einn sjónarvotta, sem beið
þess að komast í gegnum hliðið,
sagðist hafa séð pallbíl framar-
lega í bílaröðinni og hefði öku-
maðurinn reynt að komast fram
fyrir aðra bíla í röðinni. Bíllinn
hefði síðan sprungið um tveimur
bíllengdum frá hliðinu og er talið
að um hálft tonn af sprengiefni
hafi verið í bílnum.
Annar sjónarvottur sagði að
flestir sem fórust í árásinni
hefðu verið í bílum sínum. „Þeir
voru fastir inni í bílunum og áttu
enga möguleika á að sleppa lif-
andi,“ sagði maðurinn.
Akandi vegfarandi, sem átti
leið hjá um leið og sprengjan
sprakk, sagði að hún hefði verið
svo öflug að bíll hans hefði tekist
á loft.
Paul Bremer, landstjóri
Bandaríkjamanna í Írak, sem
hittir Kofi Annan, aðalfram-
kvæmdastjóra Sameinuðu þjóð-
anna á fundi í höfuðstöðvum SÞ í
New York í dag, sagði að sjálfs-
morðsárásin í gær væri glóru-
laust illvirki og enn einu sinni
væri það saklaust fólk sem ráðist
væri gegn. Hann sagði árásina
enn eitt dæmið um grimmd og
napurlegan ásetning hryðju-
verkamannanna um að grafa
undan frelsi, lýðræði og framför-
um í Írak. „Þeim mun ekki takast
það,“ sagði Bremer. ■
HREINSAÐ TIL Á SPRENGJUSTAÐNUM
Sjónarvottar segja að sprengjubíllinn hafi verið tveimur bíllengdum frá hliðinu
þegar sprengjan sprakk.