Fréttablaðið - 19.01.2004, Blaðsíða 12

12 19. janúar 2004 MÁNUDAGUR
■ Evrópa
FERÐIN TIL HIMNA
Kanadíska listakonan Danny Callan leggur
síðustu hönd á íslistaverkið sitt „Ferðin til
himna“, sem verður til sýnis á alþjóðlegri
íslistaverkasýningu í Lake Louise.
Íslensk stjórnskipun 100 ára:
Minnisvarði um Hannes
Hafstein á Ísafirði
MINNISVARÐI Á laugardag var af-
hjúpaður við Fischershús á Ísa-
firði minnisvarði um fyrsta
ráðherra Íslands, Hannes Haf-
stein, en 1. febrúar næstkom-
andi eru 100 ár liðin frá því Ís-
lendingar fengu heimastjórn.
Þjóðin fagnar þá 100 ára af-
mæli íslenskrar stjórnskipun-
ar. Halldór Ásgrímsson, utan-
ríkisráðherra, afhjúpaði minn-
isvarðann, fór með erindi úr
aldamótaljóði skáldsins, og
þakkaði Ísfirðingum framtak-
ið.
Hannes Hafstein var skipað-
ur sýslumaður árið 1895, en
kom til Ísafjarðar vorið 1896.
Hann bjó öll sýslumannsár sín í
Fischershúsi og var þingmaður
Ísfirðinga 1900–1901.
Eftir afhjúpun minnisvarð-
ans var fjölmenni við athöfn í
Safnahúsinu þar sem Lúðra-
sveit Ísafjarðar lék, Jónas
Tómasson spilaði á þverflautu
og Karlakórinn Ernir söng. Þá
var efnt til hátíðarkvöldverðar
á Hótel Ísafirði, þar sem
strengjasveit Tónlistarskóla
Ísafjarðar lék og Ingunn Ósk
Sturludóttir frá Vigur söng. ■
Mannskæð snjóflóð
í Austur Evrópu:
Sjö látnir
BÚKAREST, AP Að minnsta kosti
fimm manns fórust og þrír slösuð-
ust lítillega í snjóflóði í Karpata-
fjöllum í gær. Fólkið sem lenti í
snjóflóðinu var að fylgjast með
skíðakeppni.
Þá fórust tveir króatískir skíða-
menn á laugardag í snjóflóði í sló-
venska hluta Alpanna. Tveir félag-
ar mannanna sluppu naumlega
undan flóðinu og gátu gert viðvart.
Lík mannanna sem fórust fundust
ekki fyrr en í gærmorgun.
Að sögn yfirvalda hafði verið
gefin út viðvörun vegna snjó-
flóðahættu en mennirnir héldu
engu að síður á fjallið. ■
Stórútsala
Glæsilegar ullarkápur
og hlýjar úlpur
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
KJARAMÁL Verslunarmannafélag
Reykjavíkur kynnti launakröfur
sínar á fjölmennum fundi á Hótel
Nordica í fyrrakvöld en kröfur
verslunarmanna á hendur atvinnu-
rekendum voru settar fram sköm-
mmu fyrir jól.
Verslunarmenn eru reiðubúnir
til að gera samning til fjögurra ára,
ef meginmarkmiðin nást fram. Þau
eru að tryggja stöðugleika, halda
verðbólgu í skefjum, semja um
kaupmátt, hækka lægstu laun,
auka atvinnuöryggi og trygginga-
vernd og tryggja viðunandi starfs-
kjör fyrir hóflegan vinnutíma.
Launakröfur VR í komandi
kjarasamningum eru svipaðar
þeim kröfum sem Starfsgreina-
sambandið og Flóabandalagið hafa
lagt fram. VR fer fram á sérstaka
hækkun lægstu launa, þannig að
lágmarkslaun verði 130 þúsund
krónur í lok samningstímans. Kraf-
ist er 5% almennrar launahækkun-
ar á ári, næstu tvö árin og 4% árin
2006 og 2007.
VR vill aukið valfrelsi um fyrir-
komulag launahækkana. Þannig fái
verslunarmenn að velja hvort þeir
fá alla launahækkunina greidda
eða taki hluta hennar út í auknu or-
lofi eða viðbótar séreignarlífeyris-
sparnaði.
Líkt og önnur verkalýðsfélög,
fer VR fram á að lífeyrisréttindi
verði samræmd réttindum opin-
berra starfsmanna og að komið
verði á sparnaðarfyrirkomulagi,
þar sem launþegar geta valið um
að láta hluta launa í menntunar- eða
áfallasjóð. Þá gera verslunarmenn
kröfu um að öryggi þeirra á vinnu-
stað verði tryggt og að settur verði
á laggirnar vinnuhópur til að vinna
að þeim málum.
Launakröfur VR eru í samræmi
við vilja meirihluta félagsmanna
sem fram kom í nýlegri könnun um
áhersluatriði kjarasamninga. Rétt
um 60% félagsmanna VR vildu
gera sambærilegar kröfur og Flóa-
bandalagið og Starfsgreinasam-
bandið en um 40% vildu meiri
hækkanir.
the@frettabladid.is
Lágmarkslaun
verði 130 þúsund
Verslunarmenn fara fram á 4–5% árlega launahækkun. Þeir krefjast sér-
stakrar hækkunar lægstu launa og vilja að samið verði til fjögurra ára.
LAUN OG SAMNINGSTÍMI VR
• Sérstök hækkun lægstu laun
• 5% launahækkun 2004
• 5% launahækkun 2005
• 4% launahækkun 2006
• 4% launahækkun 2007
• Samningstími 4 ár eða til ársins 2008
VALFRELSI LAUNÞEGA
• launahækkanir óskertar
• 1% minni launahækkun + 2 orlofs-
dagar
• 1% minni launahækkun + 1 orlofs-
dagur + 0,5% séreignarsparnaður
FR
ÉT
TA
B
LA
Ð
IÐ
/I
N
G
Ó
LF
U
R
KRÖFURNAR KYNNTAR
Verslunarmannafélag Reykjavíkur kynnti launakröfur á hendur atvinnu-
rekendum á fjölmennum fundi á Hótel Nordica í fyrrakvöld. Krafist er
4% til 5% launahækkunar á ári, næstu fjögur árin, sérstakrar hækkunar
lægstu launa og valfrelsis um fyrirkomulag launahækkana.
Róstur í Georgíu:
Yfirmaður
öryggislög-
reglu myrtur
GEORGÍA, AP Temuri Iniashvili, yfir-
maður öryggislögreglunnar í
Adzharia í Georgíu, var myrtur í
höfuðborg landsins í gærkvöld.
Iniashvili var skotinn í höfuðið
á götu úti og lést hann samstund-
is, að sögn innanríkisráðherra
landsins.
Miklar róstur hafa verið í
Adzharia, allt frá því Eduard
Shevardnadze neyddist til að
segja af sér embætti forseta.
Aslan Abashidze, ríkisstjóri í
Adzharia, er svarinn andstæðing-
ur Mikhails Saakashvili, sem kjör-
inn var forseti Georgíu í kjölfar
afsagnar Shevardnadzes. Ekki
liggur fyrir hvort menn forsetans
myrtu Iniashvili. ■
SNÚIÐ TIL ÍRLANDS Farþegaþotu
frá bandaríska flugfélaginu Delta
Airlines, með 147 manns innan-
borðs á leiðinni frá Frankfurt í
Þýskalandi til Atlanta í Banda-
ríkjunum, var í gær snúið til
Shannon-flugvallar á Írlandi eftir
að ábendingar bárust um að
sprengja kynni að vera um borð.
Að sögn flugmálayfirvalda á Ír-
landi leituðu sprengjusérfræð-
ingar hersins í vélinni en fundu
ekkert.
BANDARÍKJAMENN ÁFRAM Í
GEORGÍU Að sögn bandarískra
embættismanna munu bandarísk-
ir hernaðarsérfræðingar dvelja
áfram í Georgíu um óákveðinn
tíma en Bandaríkjaher hefur séð
um þjálfun georgíska hersins og
útvegað þeim vopn síðan vorið
2002. Til stóð að verkefninu lyki í
mars en helsta forgangsmál ný-
kjörins forseta Georgíu er að
losna við rússneskar hersveitir
sem enn dvelja í landinu.
„AÐ ELSKA, BYGGJA OG TREYSTA Á LANDIГ
Halldór Ásgrímsson utanríkisráðherra afhjúpaði minnisvarðann á Ísafirði og fór með
erindi úr aldamótaljóði skáldsins við athöfnina
SVISS, BBC Yfirvöld í bænum
Ostermundigen í Sviss taka í
vikunni upp sérstök tungumála-
próf fyrir þá sem sækja um
svissneskan ríkisborgararétt.
Ostermundigen verður þar með
fyrstur svissneskra bæja sem
efnir til sérstakra tungumála-
prófa fyrir nýbúa.
Sveitarstjórnir í Sviss hafa
úrslitavald þegar kemur að veit-
ingu ríkisborgararéttar og geta
þar af leiðandi sett mismunandi
skilyrði, hver fyrir sig.
Tæpur fimmtungur íbúa í
Sviss er af erlendum uppruna en
12 ára samfelld búseta í landinu
er skilyrði ríkisborgararéttar.
Að auki gangast umsækjendur
undir viðtal, sýna fram á fjár-
hagslegt sjálfstæði og þurfa nú
að standast inntökupróf í þýsku
til að öðlast svissneskan ríkis-
borgararétt. ■
Umsækjendur um ríkisborgararétt í Sviss:
Þreyta tungumálapróf
SKUGGAHVERFI KARACHI
Fimm grunaðir liðsmenn al-Kaída-
samtakanna voru handteknir í
skuggahverfi Karachi í gær.
Handtökur í Pakistan:
Fimm al-
Kaída-liðar
handteknir
PAKISTAN, AP Pakistanska lögreglan
handtók fimm grunaða liðsmenn
al-Kaída-samtakanna í hafnar-
borginni Karachi í gær.
Að sögn Rasheeds Ahmed, upp-
lýsingamálaráðherra Pakistans,
eru tveir mannanna arabar af
egypskum uppruna.
„Við fundum líka vopn og þar á
meðal handsprengjur og skamm-
byssur sem teknar voru af mönn-
unum,“ sagði Ahmed og bætti við
að mennirnir hefðu verið gripnir
við venjubundna kvöldleit lög-
reglunnar að glæpamönnum í
skuggahverfum borgarinnar.
Tvær konur voru einnig hand-
teknar og eru þær sagðar eigin-
konur tveggja mannanna. ■