Fréttablaðið - 24.01.2004, Side 6

6 24. janúar 2004 LAUGARDAGUR
GENGI GJALDMIÐLA
Bandaríkjadalur 68,12 -0,53%
Sterlingspund 125,88 -0,45%
Dönsk króna 11,66 -0,44%
Evra 86,87 -0,44%
Gengisvísitala krónu 119,01 -0,13%
KAUPHÖLL ÍSLANDS
Fjöldi viðskipta 453
Velta 4.942 milljónir
ICEX-15 2.369 0,04%
Mestu viðskiptin
Íslandsbanki hf. 1.049.491.535
Landsbanki Íslands hf. 490.269.313
Kaldbakur hf. 341.859.485
Mesta hækkun
Kaldbakur hf. 6,93
Tryggingamiðstöðin hf 6,67
Fjárfestingarfélagið Atorka hf 5,41
Mesta lækkun
Fiskmarkaður Íslands hf - 4,82
AFL fjárfestingarfélag hf. - 2,94
Vinnslustöðin hf. -2,86
ERLENDAR VÍSITÖLUR
DJ* 10.601,2 -0,2%
Nasdaq* 2.127,2 0,4%
FTSE 4.460,8 -0,4%
DAX 4.151,8 0,3%
NK50 1.416,3 -0,1%
S&P* 1.146,9 0,3%
*Bandarískar vísitölur kl. 17.00
Veistusvarið?
1Hver hlaut íslensku bókmenntaverð-launin í flokki fagurbókmennta?
2Hvað heitir forstjóri SÍF sem nýlegasagði upp störfum?
3Hver urðu úrslitin í landsleik Íslend-inga og Slóvena á EM í Slóveníu?
Svörin eru á bls. 42
Mjöl- og lýsisvinnsla hafin á Eskifirði:
Víkingur fékk tvo
hnúfubaka í nótina
LOÐNA Víkingur AK fékk tvo
hnúfubaka í nótina aðfaranótt
fimmtudags þegar skipið var á
loðnuveiðum austur af Langanesi.
Sigurður Daníel Halldórsson,
fyrsti stýrimaður, segir 200 tonn
af loðnu hafa sloppið. „Þetta var
bæði til ama og leiðinda. Það tók
okkur sjö klukkutíma að koma
nótinni í lag aftur.“ Eftir viðgerð
hélt Víkingur áfram veiðum og
fékk 500 tonn af loðnu í tveimur
köstum. Samanlagt veiddu skip-
verjar á Víkingi 1.200 tonn.
Víkingur var á leiðinni í land
þegar Fréttablaðið hafði samband
og áætlaði Sigurður að skipið
landaði á Akranesi klukkan sjö í
kvöld. „Við erum bjartsýnir á
veiðarnar og erum að sjá töluvert
af loðnu.“
Mjöl og lýsisvinnsla er hafin á
ný hjá Fiskvinnslufyrirtækinu
Eskju á Eskifirði. Hólmaborg
landaði loðnu í fyrrinótt og Jón
Kjartansson kom með fullfermi í
gærdag. Samtals komu skipin
með 3.900 tonn til vinnslunnar.
Loðnukvóti Eskju er 32.000
tonn og telja forsvarsmenn fyrir-
tækisins að það taki ekki langan
tíma að veiða upp í kvótann mið-
að við þann gang sem er í veiðun-
um. ■
Óttast að fá ekki
vinnu eftir útskrift
Niðurskurðurinn á Landspítalanum veldur lækna- og hjúkrunarfræði-
nemum áhyggjum. Þeir hafa áhyggjur af því atvinnuumhverfi sem
stjórnvöld eru að skapa heilbrigðisstéttum.
HEILBRIGÐISMÁL Bæði læknanem-
ar og hjúkrunarfræðinemar eru
uggandi um hag sinn eftir stór-
felldan niðurskurð á Landspítal-
anum.
„Það er alveg ljóst að lækna-
nemar hafa miklar áhyggjur af
því ástandi sem nú hefur skap-
ast,“ segir Þórður Þórarinn
Þórðarson, formaður Félags
læknanema. „Það hafa verið
miklar umræður um þetta mál á
meðal læknanema og almennt
höfum við áhyggjur af því at-
vinnuumhverfi sem stjórnvöld
eru að búa heilbrigðisstéttum í
landinu. Við erum líka verulega
uggandi um stöðu Landspítalans
sem háskólasjúkrahúss. Það
segir sig sjálft að þegar skera á
niður í rannsóknum og kennslu
hefur það áhrif á menntun
lækna.“
Dagmar Heiða Reynisdóttir,
stjórnarmaður í Félagi hjúkr-
unarfræðinema, segir hjúkrun-
arfræðinema hafa miklar
áhyggjur af því óvissuástandi
sem hafi skapast vegna niður-
skurðarins.
„Hjúkrunarfræðinemar hafa
áhyggjur af að fá ekki vinnu eft-
ir útskrift,“ segir Dagmar
Heiða. „Hjúkrunarfræðinemar
hafa treyst á að fá vinnu eftir að
hafa klárað sitt nám en nú er
staðan önnur. Fólk er þegar far-
ið að gera ráðstafanir og ég veit
að það eru margir búnir að ráða
sig í vinnu úti á landi eftir að
námi lýkur.“
Dagmar Heiða segir lokun
bráðamóttökunnar um helgar
dæmi um ranga forgangsröðun.
Hætta sé á því að með lokuninni
verði álag á öðrum deildum, eins
og til dæmis slysadeildinni, allt
of mikið. Þá telji hjúkrunar-
fræðinemar að töluverð skamm-
sýni endurspeglist í niðurskurð-
inum. Til lengri tíma litið sé lík-
legt að tímabundinn sparnaður
nú eigi eftir að kosta heilbrigðis-
kerfið meiri fjármuni seinna.
Sjúklingar fái ekki nægilega
þjónustu nú, sem verði til þess
að þeir þurfi að leggjast aftur
inn seinna og kannski oftar en
einu sinni.
trausti@frettabladid.is
Skorað á Alþingi:
Standi við
yfirlýsingar
FJÁRMÁLASTOFNANIR „Því er treyst
að stjórnvöld standi við fyrri
yfirlýsingu um mikilvægi starf-
semi sparisjóða og að lög séu á
hverjum tíma í samræmi við
yfirlýstan vilja Alþingis,“ segir í
ályktun frá 21 sparisjóði innan
vébanda Sambands íslenskra
sparisjóða. Fulltrúar SPRON og
Sparisjóðs Kaupþings skrifuðu
ekki undir ályktunina.
Í ályktuninni segir ennfremur
að rekstrarform sparisjóðanna
hafi gengið vel. Sparisjóðirnir séu
elstu starfandi fjármálastofnanir
á Íslandi og þeir hafi mikilvægu
hlutverki að gegna um land allt. ■
Fósturfaðir ákærður:
Hvatti son
til morðs
PENNSYLVANÍA, AP Karlmaður á
fertugsaldri hefur játað að hafa
leikið segulbandsspólu fyrir tíu
ára fósturson sinn á meðan hann
svaf, í þeim tilgangi að telja
hann á að drepa fjögurra ára
hálfbróður sinn. Lögreglan neit-
ar að upplýsa hvaða ástæða lá að
baki gjörðum mannsins.
Eiginkona Donalds Winni-
ewicz, og móðir drengjanna,
hafði samband við lögreglu þeg-
ar hún fann spóluna ofan í
skúffu á heimili fjölskyldunnar í
Pennsylvaníu. Á spólunni mátti
heyra Winniewicz fyrirskipa
fóstursyninum að kyrkja yngri
bróður sinn eða kæfa hann með
kodda.
Winniewicz var látinn laus
gegn tryggingu eftir að gefin
hafði verið út ákæra á hendur
honum. ■
Rússinn Berezovsky:
Heitir nú
Platon
BRETLAND David Blunkett, innan-
ríkisráðherra Bretlands, stað-
festi í gær að
rússneski land-
flótta milljóna-
mæringurinn
Boris Berezov-
sky hefði feng-
ið nýtt vega-
bréf með nýju
nafni. „Hann
heitir nú Platon
Elenin,“ sagði
Blunkett.
Blunkett gaf
enga skýringu
á nafnbreyting-
unni en Platon
er nafn á aðalpersónu í nýlegri
kvikmynd sem byggð er á lífi
Berezovskys.
Berezovsky er eftirlýstur í
Rússlandi, sakaður um fjársvik,
en var veitt landvistarleyfi í
Bretlandi í september.
Í síðasta mánuði var honum
leyft að ferðast til Georgíu með
nýja vegabréfið og olli það deil-
um milli stjórnvalda í Moskvu
og Tíblisi, en rússneskir emb-
ættismenn segja að lögreglan í
Georgíu hefði átt að handtaka
hann. ■
JÓN KJARTANSSON MEÐ FULLFERMI
Jón Kjartansson kom til Eskifjarðar í gær
með fullfermi af loðnu.
DAGMAR HEIÐA REYNISDÓTTIR
Stjórnarmaður í Félagi hjúkrunarfræði-
nema segir marga hjúkrunarfræðinema
búna að ráða sig út á land. Þeir hafi mikl-
ar áhyggjur af því óvissuástandi sem skap-
ast hafi vegna niðurskurðar á Landspítal-
anum.
Bandaríkin gagnrýnd:
Unglingar
líflátnir
LUNDÚNIR, AP Bandaríkjamenn
eru ein fárra þjóða í heiminum
sem dæma menn til dauða fyrir
glæpi sem þeir frömdu áður en
þeir náðu átján ára aldri.
Í skýrslu mannréttindasam-
takanna Amnesty International
kemur fram að síðan árið 1990
hafi 34 barnungir glæpamenn
verið teknir af lífi í heiminum.
Meira en helmingur þeirra,
nítján talsins, var tekinn af lífi í
Bandaríkjunum.
Hin fimmtán tilfellin voru í
Kína, Kongó, Íran, Nígeríu,
Pakistan, Sádi-Arabíu og
Jemen. Fimm þessara landa
hafa annað hvort þegar lagt
bann við því að afbrotamenn
undir átján ára aldri séu dæmd-
ir til dauða eða undirbúa lög-
gjöf þar að lútandi. ■
Tannlæknar:
Fæstir með
gjaldskrá
KÖNNUN Aðeins 19 af rúmlega
200 tannlæknum sem Sam-
keppnisstofnun fékk upplýsing-
ar hjá kváðust vera með gjald-
skrár sem lægi frammi á bið-
stofu. Fjórtán tannlæknanna
starfa á landsbyggðinni en fimm
á höfuðborgarsvæðinu. Nánari
athugun hjá tannlæknunum á
höfuðborgarsvæðinu leiddi í
ljós að aðeins einn tannlæknir
þar væri með gjaldskrá á bið-
stofu sinni.
Samkvæmt samkeppnislög-
um ber tannlæknum að hafa
uppi gjaldskrá, bæði inni á tann-
læknastofu sem og úrdrátt á bið-
stofu þar sem greint er frá verði
á helstu gjaldliðum. Þetta er
sagt algjört skilyrði fyrir því að
verðlagning geti verið frjáls. ■
GERÐ MÚLAVEGAR Fyrirtækið
Ýting ehf. á Egilsstöðum átti
lægsta tilboðið í gerð Múlavegar
um Langhús, en tilboð voru opn-
uð á þriðjudaginn. Tilboðið hljóð-
ar upp á 15,9 milljónir króna, en
kostnaðaráætlun Landsvirkjunar
var 27,1 milljón. Hæsta tilboðið
kom frá Afreki ehf. og E.T. ehf. í
Reykjavík. Það hljóðar upp á 54
milljónir króna.
■ Vegaframkvæmdir
DAVID BLUNKETT
Blunkett staðfesti að
Berezovsky héti nú
Platon Elenin.
ÞÓRÐUR ÞÓRARINN ÞÓRÐARSON
Formaður Félags læknanema segist veru-
lega uggandi um stöðu Landspítalans
sem háskólasjúkrahúss. Það segi sig sjálft
að þegar skera eigi niður í rannsóknum
og kennslu hafi það áhrif á menntun
lækna.