Fréttablaðið - 26.01.2004, Blaðsíða 4
4 26 janúar 2004 MÁNUDAGUR
Var einhvern tímann líf á Mars?
Spurning dagsins í dag:
Hvað finnst þér um árangur Íslands á
EM í handbolta?
Niðurstöður gærdagsins
á www.frett.is
68,7%
31,3%
Nei
Já
Kjörkassinn
Farðu inn á frett.is og segðu þína skoðun
frétt.is
■ Stjórnmál
Saakashvili sór embættiseið sem forseti Georgíu:
Yngsti þjóðarleiðtogi Evrópu
TBILISI, AP Mikhail Saakashvili tók
formlega við embætti forseta Ge-
orgíu við hátíðlega athöfn í höf-
uðborginni Tbilisi í gær. Sa-
akashvili er 36 ára og því yngsti
þjóðarleiðtogi Evrópu.
Saakashvili, sem er lögfræð-
ingur að mennt, stýrði mótmæla-
aðgerðum sem leiddu til afsagnar
Eduards Shevardnadze, fyrrum
forseta, í nóvember. Georgíu-
menn binda miklar vonir við nýja
forsetann sem hefur heitið því að
koma á pólitískum stöðugleika,
útrýma spillingu og stuðla að
friði og velmegun í landinu.
Saakashvili hefur einnig lýst því
yfir að hann ætli að bæta sam-
bandið við Rússa og styrkja
tengslin við Evrópu.
Colin Powell, utanríkisráð-
herra Bandaríkjanna, var við-
staddur vígsluna en Bandaríkin
hafa sýnt því áhuga að kaupa olíu
af Georgíumönnum þegar þeir
hefja útflutning til vesturs. Eftir
fund með Saakasvhili lýsti
Powell því yfir að Bandaríkja-
stjórn hefði samþykkt sem svar-
ar tæplega tólf milljarða króna
fjárhagsaðstoð til uppbyggingar
Georgíu. Powell notaði einnig
tækifærið og bauð Saakashvili í
heimsókn til Washington 25. febr-
úar fyrir hönd George. W. Bush
Bandaríkjaforseta. ■
Seljandinn átti
ekki íbúðina
Ungt par taldi sig hafa fest sér húsnæði. Seljandinn hafði ekki umboð til að selja á því verði sem
var á undirrituðu kauptilboði. Þá hvíldi miklu meira á húsinu en skuldayfirlit frá fasteignasala gaf til
kynna. Kaupunum var hafnað að kröfu Sparisjóðs Hafnarfjarðar sem átti húsið í raun og veru.
VIÐSKIPTI Ungt par, sem gerði
kauptilboð í lítið einbýli við Soga-
veg, er afar ósátt við framgöngu
viðkomandi fasteignasölu.
„Fasteignasalinn sýndi mér
yfirlit yfir það sem hvíldi á hús-
inu,“ segir ungi maðurinn. „Sam-
kvæmt því hvíldu um tólf milljón-
ir króna á því. Hann lét þess getið,
að hann hefði ekki náð að klára
skuldayfirlitið, þannig að endan-
leg upphæð væri líklega eitthvað
hærri. Hún reyndist vera hvorki
meira né minna en um 20 milljón-
ir þegar öll kurl voru komin til
grafar. Þar átti Sparisjóður Hafn-
arfjarðar tvö stór veð, en á milli
þeirra áttu for-
eldrar eigand-
ans veð upp á
tvær milljónir
króna. Það veð
véfengir spari-
sjóðurinn.“
Unga parið
gerði tilboð í
húsið upp á 12,5
milljónir. „Síðan
hófst ferli, þar
sem fasteigna-
salinn sagði okk-
ur að komið
væri hærra tilboð vel yfir 13
milljónir. Hann sagði að ef við
byðum 13,5 þá værum við nokkuð
örugg með að fá það. Við hækkuð-
um okkur og á miðvikudagskvöldi
undirrituðum við kauptilboð, með
fyrirvara um samþykki lánar-
drottna. Við vildum hafa samband
við sparisjóðinn til að athuga
hvort málið væri ekki í höfn. Það
vildi fasteignasalinn alls ekki, en
hélt okkur allan tímann að því að
ræða einungis við eiganda húss-
ins, sem hefði samþykkt kaup-
tilboðið. Hann skyldi sjá um spari-
sjóðinn.“
Síðan heyrði unga fólkið ekkert
frá fasteignasölunni fyrr en það
hafði samband við hana eftir tæpa
viku. Þá tjáði fasteignasalinn
þeim að sparisjóðurinn hefði ekki
samþykkt fyrirhuguð kaup, en
hann átti raunar húsið. Hann hafði
keypt það 4. desember á nauðung-
aruppboði, en eigandinn fékk
frest til 15. janúar til að bjarga
sínum málum.
„Ég hringdi þá loksins í spari-
sjóðinn,“ segir ungi maðurinn.
„Þeir sögðu mér að þeir hefðu
aldrei samþykkt þessa sölu því
upphæðin hefði ekki dugað til að
þeir fengju fyrir veði upp á
tæpa milljón. Þetta vissi fast-
eignasalinn allan tímann og
þetta hefði ég vitað hefði ég séð
veðbókarvottorð eða rétt
skuldayfirlit í upphafi.“
„Seljandinn hafði staðhæft við
mig að fyrir lægi samþykkt til 60
fermetra stækkunar hússins. Hjá
borgarskipulagi fékk ég þær upp-
lýsingar, að þetta væri rangt, og
að það myndi kosta okkur 700.000
krónur til viðbótar við kaupverðið
að fá samþykktina.
Ég hvet fólk til að athuga vel
sinn gang þegar það kaupir sér
húsnæði,“ sagði ungi maðurinn.
„Það margborgar sig að hafa lög-
fræðing með í ráðum því stóra
spurningin er hverjum maður geti
treyst.“
jss@frettabladid.is
Forseti Póllands:
Krefst
umbunar
VARSJÁ, AP Aleksander Kwasni-
ewski, forseti Póllands, ætlar að
þrýsta á George W. Bush Banda-
ríkjaforseta að umbuna Pólverjum
fyrir þann stuðning sem þeir hafa
veitt Bandaríkjamönnum í stríðinu
í Írak.
Kwasniewski, sem fer í opinbera
heimsókn til Washington á þriðju-
dag, vill að pólsk fyrirtæki fái að
taka þátt í uppbyggingunni í Írak og
bandarísk yfirvöld hætti að krefja
Pólverja um vegabréfsáritun þegar
þeir ferðast til Bandaríkjanna.
Um 2.400 pólskir hermenn eru í
Írak og fara þeir með yfirstjórn
9000 manna alþjóðlegs herliðs. ■
Þjóðþing Íran:
Kosninga-
lögum breytt
ÍRAN, AP Íranska þjóðþingið hefur
samþykkt breytingar á kosninga-
löggjöfinni og snúið við banni
gegn framboði umbótasinna.
Þessi ákvörðun var tekin á
neyðarfundi þingsins en til þess
að breytingin öðlist gildi þarf
lagafrumvarpið einnig samþykki í
æðstaráði klerkastjórnarinnar.
Þjóðþingið tók kosningalögin
til umfjöllunar undir þeim for-
merkjum að um einkar mikilvægt
mál, sem varðaði grundvallarrétt-
indi í þjóðfélaginu, væri að ræða.
Þetta lagafrumvarp er hið fyrsta
sem fær slíka meðhöndlun frá því
trúarlegu stjórnarfari var komið
á í byltingunni 1979. ■
LÖNG BIÐ
Foreldrar Líbanans Alis Balha, sem hefur
setið í fangelsi í Ísrael í ellefu ár, halda á
mynd af syni sínum fyrir utan heimili
fjölskyldunnar í suðurhluta Líbanon.
Hizbollah og Ísraelsstjórn:
Samið um
fangaskipti
LÍBANON, AP Eftir margra mánaða
samningaviðræður hafa ísraelsk
stjórnvöld og Hizbollah-skæruliðar
komist að samkomulagi um fanga-
skipti. Yfirvöld í Þýskalandi höfðu
milligöngu í viðræðunum.
Ísraelar ætla að láta lausa 23
líbanska fanga og um 400 Palestínu-
menn auk tólf manna frá öðrum
arabalöndum. Í staðinn sleppa Hiz-
bollah-skæruliðar ísraelska kaup-
sýslumanninum Elhanan Tannen-
baum sem hefur verið í haldi sam-
takanna síðan í október árið 2000.
Ísraelum verða einnig afhent lík
þriggja hermanna sem teknir voru
höndum um svipað leyti og Tannen-
baum.
Zvi Rish, talsmaður Hizbollah-
samtakanna, segir að fangaskiptin
fari fram nk. fimmtudag. ■
VILJA VIÐSKIPTAÞVINGANIR Ungir
jafnaðarmenn, ungliðahreyfing
Samfylkingarinnar, vilja að Halldór
Ásgrímsson utanríkisráðherra
kanni kosti þess að Ísland beiti
Ísrael viðskiptaþvingunum vegna
byggingar múrsins sem skilur að
landsvæði Palestínumanna og Ísra-
ela. Einnig að skoðuð verði að Ís-
land segi sig frá fríverslunar-
samningi EFTA og Ísraels.
Fasteignasalan:
Eðlileg vinnubrögð
VIÐSKIPTI „Fólkinu var fullkunn-
ugt um hvernig um hnúta var
búið hvað varðaði þessa eign,“
sagði Ásmundur Skeggjason á
Fasteignasölunni Höfða, fast-
eignasölunni þar sem unga parið
undirritaði kauptilboð á Soga-
vegi.
„Við gerðum þeim fulla grein
fyrir því að þarna væri um yfir-
veðsetta eign að ræða. Veð-
bókarvottorð lá fyrir og það var
fyrirvari í tilboðinu um hvort
kröfuhafar myndu samþykkja.
Við trúðum því þegar við fórum
af stað með þetta að bankinn
yrði velviljaðri heldur en raunin
varð. En við gátum ekki haft
samband við hann fyrr en sölu-
verðið lá fyrir. Sama dag og það
lá fyrir var haft samband við
hann.“
Spurður hvers vegna fólkið
hefði ekki verið látið vita fyrr
en það hafði sjálft samband við
fasteignasöluna nokkrum dög-
um síðar, sagði Ásmundur að
þeir hefðu viljað hamra á bank-
anum. Menn hefðu ekki viljað
trúa því að bankinn hleypti söl-
unni ekki í gegn. Hann sagði enn
fremur, að vinnubrögð fast-
eignasölunnar hefðu verið full-
komlega eðlileg að öllu leyti í
þessu máli, fasteignasalan væri
innan vébanda Félags fasteigna-
sala og færi í einu og öllu að
gildandi reglum. ■
UNGUR ÞJÓÐARLEIÐTOGI
Eitt af fyrstu embættisverkum Mikhails
Saakashvili var að gera rauðhvítan fána
stjórnarandstöðunnar að þjóðfána Georgíu.
„Það marg-
borgar sig að
hafa lögfræð-
ing með í
ráðum því
stóra spurn-
ingin er hverj-
um maður
geti treyst.
FASTEIGNASALA
Frumvarp til laga um hert eftirlit með fasteignasölum er nú til meðferðar á Alþingi. Mikil umræða hefur átt sér stað að undanförnu um
nauðsyn endurskoðaðra laga.