Fréttablaðið - 27.01.2004, Blaðsíða 2

2 27. janúar 2004 ÞRIÐJUDAGUR
„Já, marga! Ég hef stundað við-
skipti í 12 ár og hitt óteljandi yfir-
og millistjórnendur í íslenskum
fyrirtækjum og stofnunum - þar er
mikið af flottum álfum!“
Steinn Eiríksson er nýr eigandi fyrirtækisins
Álfasteins í Borgarfirði eystri. Álfasteinn sérhæfir
sig í framleiðslu ýmiss konar gjafavöru og fram-
leiðir einnig legsteina.
Spurningdagsins
Hefur þú séð álfa, Steinn?
Telja endurskoðanda
læknasjóðs ábyrgan
Hlunnfarnir sjóðfélagar í gjaldþrota Tryggingasjóði lækna vilja bætur frá endurskoðanda. Sjóð-
stjóri þóttist kaupa ríkisskuldabréf. Ákæru ríkislögreglustjóra beðið.
FJÁRDRÁTTUR „Einstakir sjóðfélag-
ar vilja láta reyna á ábyrgð endur-
skoðandans,“ segir Þorsteinn
Gíslason þvagfæraskurðlæknir,
sem er einn þeirra lækna sem
eiga háar fjárhæðir í hinum gjald-
þrota Tryggingasjóði lækna.
Þorsteinn var formaður stjórn-
ar sjóðsins á þeim tíma sem hluti
af fjárdrætti sjóðstjóra upp á 80
milljónir króna átti sér stað.
Seinna endurgreiddi sjóðstjórinn
27 milljónir króna. Efnahagsbrota-
deild ríkislögreglustjóra hefur
haft málið til rannsóknar í á annað
ár. Jón H.B. Snorrason, yfirmaður
deildarinnar, segir að stutt sé í að
rannsókn á málinu ljúki.
Þorsteinn, sem á 2,5 milljónir
króna í sjóðnum, segist vilja trúa
því að ákæra verði borin fram á
bæði Lárus Halldórsson sjóð-
stjóra og Gunnar Örn Kristjáns-
son, endurskoð-
anda sjóðsins.
„Verði báðir
ákærðir mun
fjöldi sjóðfélaga
skoða möguleika
á einkamáli til
að reyna að fá til
baka eitthvað af
lífeyri sínum,“
segir Þorsteinn.
Hann telur
vonlítið að Lár-
us sjóðstjóri endurgreiði þær 50
milljónir sem vantar í sjóðinn.
Fjárdrátturinn hjá Trygginga-
sjóði átti sér stað þannig að Lárus
þóttist hafa keypt ríkisskuldabréf
þegar hann var í raun að draga
sér fé. Þorsteinn segir að stjórnin
hafi treyst sjóðstjóranum í blind-
ni og verið ánægð með að fjár-
munir væru festir í ríkisskulda-
bréfum.
„Við vorum ánægðir með að
hann skyldi ekki fjárfesta í ein-
hverjum ævintýrum sem hefðu
getað leitt til þess að fé okkar
glataðist. Lárus lék á okkur og svo
virðist sem endurskoðandinn hafi
sömuleiðis trúað honum. En með
undirskrift reikninganna tók hann
sína ábyrgð á því sem þarna gerð-
ist,“ segir Þorsteinn.
Uggi Agnarsson, sjóðfélagi og
fyrrum stjórnarmaður, tekur í
sama streng og Þorsteinn. Hann
og fjölskylda hans tapa um fimm
milljónum króna fáist ekkert upp
í fjárdráttinn. „Endurskoðandinn
brást skyldu sinni og við viljum
láta reyna á það mál,“ segir Uggi.
Gunnar Örn Kristjánsson
þvertók fyrir það í samtali við
Fréttablaðið að vera ábyrgur sem
slíkur vegna fjárdráttarins.
Gunnar Örn benti á að sem endur-
skoðandi gæti hann ekki séð mis-
fellur þegar gögn til grundvallar
ársreikningi væru fölsuð.
rt@frettabladid.is
Forsætisráðherra um athugun ESA á ríkisábyrgð:
Engin ákvörðun verið tekin
ÁBYRGÐ „Ef menn skoða ábyrgðir
sem veittar hafa verið á undan-
förnum þremur til fjórum árum
sem veittar hafa verið í ýmsum
Evrópulöndum eru þær miklu
viðameiri og algengari en menn
gáfu til kynna að þær væru þegar
þetta var í hvað mestri umræðu á
Íslandi,“ segir Davíð Oddsson for-
sætisráðherra um stöðu athugun-
ar Eftirlitsstofnunar EFTA á laga-
heimild til að veita Íslenskri
erfðagreiningu ríkisábyrgð vegna
lántöku fyrir uppbyggingu lyfja-
þróunarfyrirtækis hérlendis.
Einungis ein athugasemd hefur
borist til Eftirlitsstofnunarinnar
vegna málsins en á sínum tíma olli
frumvarpið miklum deilum.
„Athyglisverðast er að því var
haldið fram að við hefðum verið
búnir að ákveða ríkisábyrgð með
lagasetningunni en við lögðum
áherslu á að aðeins væri um heim-
ild að ræða sem hefur tekið allan
þennan tíma að fara yfir. Ég hef
ekki fengið niðurstöðu ESA-
nefndarinnar í þessum efnum
þannig að ég sé ekki hvernig það
er. Ég held að það séu rök fyrir
því að fá slíka heimild,“ segir
Davíð og leggur áherslu á að eng-
in ákvörðun verði tekin fyrr en
niðurstaða ESA liggur fyrir. ■
Opinn fundur í dag:
Afleiðingar
niðurskurðar
HEILBRIGÐISMÁL Allmörg samtök
boða til opins fundar klukkan 17 í
dag í Austurbæ við Snorrabraut.
Efni hans er niðurskurður á Land-
spítala-háskólasjúkrahúsi og afleið-
ingar hans fyrir sjúklinga.
Meðal ræðumanna á fundinum
eru Sigursteinn Másson, formaður
Geðhjálpar, og Emil Thoroddsen,
varaformaður Öryrkjabandalags Ís-
lands.
Þau samtök sem að fundinum
standa eru Geðhjálp, Landssam-
band eldri borgara, Landssamtök
hjartasjúkra, Umhyggja, Öryrkja-
bandalag Íslands, ASÍ, BHM, BSRB
og Læknafélag Íslands. ■
MÓÐIR OG BARN
Reem Raiyshi fór frá eiginmanni og
tveimur ungum börnum til að sprengja
sig í loft upp við landamæri Ísrael á Gaza-
ströndinni.
Heimasíða Hamas:
Með barn
og riffil
JERÚSALEM, AP Hamas-samtökin
hafa birt myndir á heimasíðu
sinni af hinni 22 ára gömlu Reem
Raiyshi og börnum hennar tveim-
ur. Raiyshi sprengdi sig í loft upp
við ísraelska landamærastöð á
Gaza-ströndinni með þeim afleið-
ingum að fjórir Ísraelar fórust.
Á einni myndinni heldur Rai-
yshi á riffli í annarri hendi og
þriggja ára syni sínum í hinni.
Barnið er með höfuðband merkt
Hamas-samtökunum og heldur á
lítilli sprengju.
Raiyshi er eina konan sem hef-
ur gert sjálfsmorðsárás í nafni
Hamas-samtakanna. Nokkrar
konur úr öðrum andspyrnuhreyf-
ingum hafa sprengt sig í loft upp
en þær hafa nær allar verið ógift-
ar og barnlausar. ■
Hópuppsagnir LSH:
Taka á móti
ábendingum
HEILBRIGÐISMÁL „Við erum að taka
á móti ýmsum ábendingum og at-
hugasemdum, fyrst og fremst frá
einstaklingum,“
sagði Erna Ein-
arsdóttir, sviðs-
stjóri starfs-
mannamála á
Landspítala-há-
skólasjúkrahúsi,
spurð um stöðu
f y r i r h u g a ð r a
hópuppsagna.
Magnús Pét-
ursson forstjóri
mun, ásamt full-
trúum spítalans,
hitta fulltrúa Bandalags háskóla-
manna í dag og svara kröfum
þeirra um að einstaklingsbundnar
tilkynningar um áformaðar upp-
lýsingar verði dregnar til baka.
Jafnframt verður á fundinum far-
ið yfir ítarlegar athugasemdir há-
skólamanna um sparnaðaraðgerð-
ir LSH. ■
JACK STRAW
Segir stjórn Saddams Hussein hafa átt ger-
eyðingarvopn þegar Bretar og Bandaríkja-
menn gerðu innrás í Írak.
Jack Straw:
Stríðið rétt-
lætanlegt
LUNDÚNIR, AP Jack Straw, utanrík-
isráðherra Breta, segir það von-
brigði að vopnaeftirlitsmenn skuli
ekki hafa fundið gereyðingarvopn
í Írak. Straw telur þó enn sem
fyrr að stjórn Saddams Hussein
hafi átt efna- og sýklavopn og það
hafi verið réttlætanlegt að grípa
til hernaðaraðgerða gegn Írak.
David Kay, fyrrum yfirmaður
bandarískra vopnaeftirlitssveita í
Írak, hefur lýst því yfir að hann
efist stórlega um að Írakar hafi
átt gereyðingavopn. Í viðtali við
BBC vísar Straw þessari kenn-
ingu á bug. Hann ítrekar jafn-
framt að Íraksstjórn hafi ekki far-
ið að fyrirmælum Sameinuðu
þjóðanna um að vinna með vopna-
eftirlitsmönnum. ■
LEIKSKÓLAR Efling stéttarfélag
hafði lengi staðið í innheimtuað-
gerðunum gegn þeim sem ráku
leikskólana Fossakot og Korpukot
þar til þeir voru innsiglaðir í síð-
ustu viku. Rekstrarfélagið sem þá
rak skólana sætir nú lögreglu-
rannsókn og varð það til þess að
Leikskólaráð í Reykjavík neitaði
að gefa út starfsleyfi fyrir þriðja
skóla félagsins, Runnakot. Nýtt
félag hefur nú tekið við rekstri
leikskólanna.
Eflingu þraut á sínum tíma þol-
inmæði og fjallaði um málið á vef
sínum þar sem leikskólarnir voru
nafngreindir, sem er mjög óvana-
legt. Ástæðan var að starfsfólk
leikskólanna hafði leitað til fé-
lagsins vegna vangoldinna launa-
tengdra gjalda. Var sagt mjög al-
varlegt að rekstraraðilarnir hefðu
trassað að greiða öll lögbundin
gjöld. Að auki hefði verið skipt
um kennitölu og því erfiðara en
ella að innheimta.
Leikskólaráð Reykjavíkur hef-
ur veitt nýju rekstrarfélagi bráða-
birgðaleyfi til mánaðamóta. Þor-
lákur Björnsson, formaður ráðs-
ins, segir að farið verði yfir mál
félagsins í vikunni og ákveðið á
fundi á föstudag hvort það fái
rekstrarleyfi til frambúðar. „Það
sem við höfum fengið að sjá er
mjög traust,“ segir hann. ■
DAVÍÐ ODDSSON
Beðið verður niðurstöðu ESA áður en
ákvörðun verður tekin.
RÍKISLÖGREGLUSTJÓRI
Rannsókn stendur enn á sjóðþurrð sem varð í Tryggingasjóði lækna.
MAGNÚS
PÉTURSSON
Hittir háskólamenn
í dag.
FOSSAKOT
Nýir rekstraraðilar hafa tekið við leikskólunum.
Fyrrum rekstrarfélag leikskóla sem var lokað:
Lengi trassað greiðslu
lögbundinna gjalda
GUNNAR ÖRN
KRISTJÁNSSON
Læknar vilja láta
reyna á ábyrgð hans.
UGGI
AGNARSSON
Tapar fimm milljón-
um króna á gjald-
þroti Tryggingasjóðs
lækna.
„Með undir-
skrift reikn-
inganna tók
hann sína
ábyrgð á því
sem þarna
gerðist.