Fréttablaðið - 27.01.2004, Blaðsíða 7
7ÞRIÐJUDAGUR 27. janúar 2004
Vöruafgreiðslan ehf. starfar án leyfis til flutninga:
Alvarlegt að
ekki sé aðhafst
VÖRUFLUTNINGAR Sævar Ingi Jóns-
son, deildarstjóri umferðareftir-
lits Vegagerðarinnar, segir alvar-
legt að lögregla hafi ekkert að-
hafst vegna ólöglegra vöruflutn-
inga Vöruafgreiðslunnar.
Vegagerðin hefur við eftirlit
sitt haft afskipti af ökutækjum í
eigu Vöruafgreiðslunnar. „Starfs-
maður frá Ríkislögreglustjóra er
með í umferðareftirliti Vegagerð-
arinnar og skrifar hann skýrslu ef
um brot er að ræða á lögum og
sendir viðkomandi sýslumanni
eða Ríkislögreglustjóra áfram til
úrlausnar.“
„Ég get ekki sagt hvort afskipt-
in hafi verið vegna þess að rekstr-
arleyfi vantar. Ef lögreglu er ljóst
að um brotastarfsemi sé að ræða
ber henni væntanlega skylda að
stöðva það,“ segir Sævar Ingi.
„Ég hef ekki vitneskju um að
Vöruafgreiðslan sé rekstrarleyf-
islaus. Ég þarf að skoða þetta mál
áður en ég get sagt til um hvað
verði gert. Sýslumanninum á Pat-
reksfirði ætti að vera kunnugt að
um þetta hafi skýrslur verið gerð-
ar, en væntanlega eru skýrslur
lögreglumanns í umferðareftirlit-
inu sendar þangað,’’ segir Jón
Friðrik Bjartmarz, yfirlögreglu-
þjónn hjá Ríkislögreglustjóra.
Ekki náðist í Þórólf Halldórs-
son, sýslumann á Patreksfirði. ■
Vinstri grænir:
Valdhafar
beri ábyrgð
HEILBRIGÐISMÁL Stjórn Vinstri-
hreyfingarinnar – græns fram-
boðs kallar pólitíska valdhafa til
ábyrgðar á því að reka öfluga heil-
brigðisþjónustu í þágu allra lands-
manna.
Í ályktun stjórnarinnar segir
að sú aðför að heilbrigðiskerfinu,
sem menn verði vitni að þessa
dagana sé í takt við allt annað sem
sé lagt á mælistiku fjármagnsins.
Lýðræðislega kjörnir fulltrúar af-
sali sér ábyrgð á skertri þjónustu
við almenning.
Vinstri grænir krefjast þess að
stjórnvöld móti framtíðarsýn í
heilbrigðismálum sem snúi ekki
einungis að því að taka á afleið-
ingum sjúkdóma og slysa, heldur
einnig að því að efla forvarnir, og
að heilsugæslan verði efld sem
hornsteinn heilbrigðiskerfisins. ■
ALÞINGI
Þingmenn snúa aftur á morgun.
Þingstörf:
Hefjast á
morgun
ALÞINGI Alþingismenn mæta aftur
til starfa á morgun en þá hefjast
þingstörf að nýju eftir sex vikna
jólaleyfi. Mörg mál liggja þegar
fyrir vorþinginu, þó engin stór-
mál að sögn Halldórs Blöndal, for-
seta Alþingis.
„Ég geri ráð fyrir því að það
verði mikið rætt um heilbrigðis-
mál þegar þing kemur saman.
Annars á ég von á því að vorþing-
ið verði rólegt, enda er þetta
fyrsta þing eftir kosningar og
engin stór og tímafrek mál sem
bíða úrlausnar. Það má þó búast
við því að skattamál og húsnæð-
ismál taki sinn tíma,“ segir Hall-
dór. Hann bætir því við að jafn-
vægi í efnahagsmálum hafi mikla
þýðingu sem og það að stóriðju-
mál og sjávarútvegsmál séu í
föstum skorðum. ■
Benedikt Jóhannesson:
Engir
eftirmálar
VIÐSKIPTI Benedikt Jóhannesson,
fyrrum stjórnarformaður Eimskips
og Skeljungs, segir að niðurstaða
Fjármálaeftirlitsins sé að engir eft-
irmálar verði fyrir félög honum
tengd vegna viðskipta með hluta-
bréf í Skeljungi þann 30. júní 2003.
„Það voru ábendingar um einhverja
hluti sem betur hefðu mátt fara,“
segir hann. Þann dag seldi Shell
Petroleum 21% hlut sinn í Skeljungi
til Eimskips og Sjóvár-Almennra á
gengi sem var undir markaðsvirði.
Benedikt segist vita að engir eft-
irmálar verði heldur hvað varðar
þátttöku Sjóvár-Almennra og Ís-
landsbanka í viðskiptunum. ■
VÖRUFLUTNINGAR
„Sýslumanninum á Patreksfirði ætti að vera kunnugt að um þetta hafi skýrslur verið gerð-
ar,“ segir Jón Friðrik Bjartmarz yfirlögregluþjónn. Myndin er ekki úr húsnæði Vöruflutninga.
FR
ÉT
TA
B
LA
Ð
IÐ
/R
Ó
B
ER
T