Fréttablaðið - 28.01.2004, Blaðsíða 2

2 28. janúar 2004 MIÐVIKUDAGUR
„Nei, ég var ekki á honum. Ég hef
fengið fréttir af honum og mun
bregðast við ályktun sem fundur-
inn væntanlega samþykkir.
Allmörg samtök stóðu að opnum fundi í gær í
Austurbæ við Snorrabraut. Efni fundarins var
niðurskurður á Landspítala-háskólasjúkrahúsi
og afleiðingar hans fyrir sjúklinga.
Jón Kristjánsson er heilbrigðisráðherra.
Spurningdagsins
Jón, fórstu á fundinn?
Hafa ekki fengið
desemberlaunin
Starfsmenn Olgukots ætlað að ganga út á föstudag verði vangoldin laun
ekki greidd. Rekstrarstjórinn vonar að málið leysist fyrir þann tíma og
segir sex starfsmenn ætla að gefa lengri frest náist ekki að greiða launin.
LAUNAMÁL „Starfsfólkið hefur ekki
enn fengið desemberlaunin sín og
þessir starfsmenn eru komnir í
verulegan vanda vegna vanefnda á
launagreiðslum,“ segir Sigurlaug
Gröndal hjá Eflingu en starfsfólk
Olgukots gengur út eftir vinnu á
föstudag hafi vangoldin laun ekki
verið greidd.
Sigurlaug segir að fyrir liggi
launakrafa en nýir eigendur hafi
keypt reksturinn og með tilliti til
þess hafi starfsmenn gefið aukinn
frest til að ganga frá launagreiðsl-
um. Hafi laun hins vegar ekki ver-
ið greidd á föstudag
verður litið svo á að
ráðningarsamningi
hafi verið rift og
mun starfsfólkið
hætta störfum.
„Ég vona að
greitt verði úr
launamálunum á
sem farsælastan
hátt,“ segir Olga
Ó m a r s d ó t t i r ,
rekstrarstjóri og
fyrrverandi eigandi leikskólans
Olgukots.
Olga fór af stað með rekstur leik-
skólans í febrúar árið 2001 en varð
gjaldþrota fyrir skemmstu. Nýir
eigendur hafa keypt leikskólann
með nafninu en Olga starfar hjá
þeim sem rekstarstjóri. Olga segir
ástæður þess að rekstur hennar hafi
farið í þrot þær að stofnkostnaður
hafi verið mikill auk þess sem Leik-
skólar Reykjavíkur greiði um 60
þúsund krónur fyrir pláss í einka-
reknum leikskólum en um 100 þús-
und krónur fyrir plássið hjá sínum
leikskólum. Saman hafi það keyrt
reksturinn í þrot. Þá segir hún
launakostnað vera meiri en á mörg-
um leikskólum þar sem mjög ung
börn fái pláss og því þurfti fleiri
starfsmenn.
„Í dag eru níu starfsmenn á leik-
skólanum og við verðum sex eftir
helgi. Þannig að ég verð enn með
hluta starfsfólksins þó ekki náist að
greiða launin fyrir lokun á föstudag.
Þeir sex sem ætla sér að vera áfram
hafa ákveðið að gefa þessu lengri
tíma ef þarf og telja víst að þau fái
laun sín greidd.“ Hún segir að þeir
sem ætli sér að hætta geri það ein-
göngu vegna fjárhagsörðugleika en
náist að bjarga þessu á tilsettum
tíma eigi hún ekki von á að nokkur
fari. „Það vinnur enginn án þess að
fá laun. Ég veit hversu erfitt þetta
hefur verið, sjálf er ég einstæð
þriggja barna móðir og er líka
launalaus,“ segir Olga.
hrs@frettabladid.is
Sparisjóður Mýrarsýslu stefnir KÁ:
Deilt um umboð framkvæmdastjórans
DÓMSMÁL Þingfest hefur verið í Hér-
aðsdómi Vesturlands mál Spari-
sjóðs Mýrarsýslu gegn Kaupfélagi
Árnesinga, en það varðar kaup
sparisjóðsins á 30 milljóna króna
víxli frá eignarhaldsfélaginu Brú,
sem meðal annars rak Hótel Sel-
foss. Eignarhaldsfélagið var úr-
skurðað gjaldþrota síðasta haust, en
KÁ er í greiðslustöðvun og leitar
enn nauðasamninga.
Kaupfélagið var útgefandi víx-
ilsins og skrifaði Óli Rúnar Ástþórs-
son, þáverandi framkvæmdastjóri
félagsins, undir hann og veðsetti
fjárkröfu á hendur Flugleiðum.
Þess er meðal annars krafist að
KÁ verði dæmt til þess að greiða
víxilinn að fullu, að frátaldri rúm-
lega fjögurra milljóna króna inn-
borgun. Einar Gautur Steingríms-
son, aðstoðarmaður KÁ á greiðslu-
stöðvunartímabilinu, hefur gert
kröfu um að Flugleiðir standi ekki
skil á greiðslum af víxlinum, Óli
Rúnar hafi ekki haft heimild til þess
að skrifa undir og veðsetja fjárkröf-
una vegna þess að ráðstöfunin hafi
verið óvenjuleg og mikilsháttar.
Sparisjóður Mýrarsýslu mótmælir
þessu og telur að útgáfan á víxlin-
um falli ekki utan verksviðs fram-
kvæmdastjórans. Ekki þótti ástæða
til að stefna Flugleiðum þar sem fé-
lagið hyggst greiða greiðslurnar í
samræmi við niðurstöðu málsins. ■
Gæsluvarðhald:
Úr fangelsi
í þjófnað
DÓMAR Hæstiréttur hefur staðfest
gæsluvarðhaldsúrskurð Héraðs-
dóms Reykjavíkur yfir karlmanni
sem héraðsdómur úrskurðaði í
varðhald til 4. mars vegna
síendurtekinna brota.
Maðurinn hefur játað á sig sjö
brot gegn almennum hegningar-
lögum og fíkniefnalöggjöf. Þrem-
ur vikum eftir að honum var veitt
reynslulausn úr fangelsi á síðasta
ári gerði hann tilraun til þjófnað-
ar. Í ljósi síendurtekinna brota
mannsins telur Hæstiréttur lík-
legt að gangi hann laus haldi hann
áfram brotum meðan málum hans
er ekki lokið. ■
VALT NIÐUR 70 METRA Ökumað-
ur slapp ómeiddur þegar bíll
valt sjötíu metra niður Odd-
skarð í gær. Lögreglan á Nes-
kaupstað segir að mikil hálka
hafi verið á vegum þegar
óhappið varð og afar hvasst.
Ökumaður bjargaði sér sjálfur
upp á veg og lét vita af óhapp-
inu. Lögreglan segir að bílbeltin
hafi örugglega bjargað mannin-
um. Bíllinn er gjörónýtur.
FÉKK SÖGUNARBLAÐ Í HENDI
Ungur kjötiðnaðarmaður fékk
sögunarblað í höndina í vinnu-
slysi á Húsavík í gærmorgun.
Maðurinn var að saga frosið
dilkakjöt þegar sögunarblaðið
losnaði. Að sögn lögreglu eru
meiðslin minniháttar en maður-
inn fékk aðhlynningu á sjúkra-
húsinu á Húsavík.
FÉLL SEX METRA OFAN AF VINNU-
PALLI Maður féll sex metra fram
af vinnupalli á virkjunarsvæðinu
við Kárahnjúka í gærdag. Maður-
inn hlaut skurð á höfði og lær-
brotnaði. Hann var fluttur með
sjúkrabíl á heilsugæslustöðina á
Egilsstöðum.
NIÐURSTÖÐUR KYNNTAR
Nefndin var sett upp vegna árásanna 11.
september 2001.
Flugmálastjórn:
Gerðu lítið
úr hættunni
WASHINGTON, AP Flugmálastjórn
Bandaríkjanna gerði of lítið úr
möguleikanum á því að farþega-
þotum yrði rænt og þeim beitt í
sjálfsmorðsárásum segir í niður-
stöðum bandarískrar nefndar sem
skoðaði hryðjuverkaárásir á
Bandaríkin.
Í skýrslu nefndarinnar segir að
Flugmálastjórnin hafi snemma
árs 2001 tilkynnt stjórnendum
flugvalla að það væru engar vís-
bendingar um að hópar hryðju-
verkamanna væru með hugmynd-
ir í þá veru að nota farþegaflug-
vélar til sjálfsmorðsárása. Stofn-
unin óttaðist frekar að sprengjum
væri komið fyrir í farangurshólf-
um flugvéla. ■
Glitnir kemur flér í samband
vi› rétta bílinn

– traustur samstarfsa›ili í fjármögnun

Formaður Frjálslynda flokksins:
Áhersla á velferðarmálin
ALÞINGI „Ég tel brýnt að ræða þau
málefni sem snúa að heilbrigðis-
þjónustunni í landinu. Til dæmis
þarf að leggja áherslu á vistunar-
úrræði geðfatlaðs fólks og fólks
sem hefur ánetjast fíkniefnum og
brotið af sér. Það þarf að skil-
greina betur hvar draga eigi lín-
urnar á milli úrræða. Við þurfum
líka að ræða um samþjöppunina í
þjóðfélaginu, ekki síst í sjávar-
útvegi og í bankageiranum og
skoða hvert stefnir í þeim efn-
um,“ segir Guðjón A. Kristjáns-
son, formaður Frjálslynda flokks-
ins, um þau mál sem hann telur að
verði efst á baugi á vorþinginu
sem hefst í dag.
Guðjón býst við því að stjórn-
arandstaðan leggi áherslu á þau
mál sem snúa að almennri velferð
fólksins í landinu, af nógu sé að
taka í þeim efnum.
„Ég á von á því að stjórnar-
andstaðan láti að sér kveða á vor-
þinginu, sérstaklega í velferðar-
málum. Það eru mörg mál sem
liggja fyrir þinginu og það er
æskilegt að þau fái ítarlega um-
fjöllun, til dæmis í formi þings-
ályktunartillagna, þannig að þau
verði skoðuð í ítarlegu sam-
hengi,“ segir Guðjón. ■
GUÐJÓN A. KRISTJÁNSSON
Formaður Frjálslynda flokksins segir að á vorþinginu, sem hefst í dag, verði brýnt að ræða
þau málefni sem snúi að heilbrigðisþjónustunni í landinu.
■ Lögreglufréttir
■
Hún segir að
þeir sem ætli
sér að hætta
geri það ein-
göngu vegna
fjárhagsörðug-
leika en náist
að bjarga
þessu á tilsett-
um tíma eigi
hún ekki von á
að nokkur fari. OLGA ÓMARSDÓTTIR. REKSTRARSTJÓRI LEIKSKÓLANS OLGUKOTS
Olga segist skilja vel fjárhagsörðugleika starfsfólksins og vonast til að málið leysist á
farsælan hátt.
KAUPFÉLAG ÁRNESINGA Á SELFOSSI
Sparisjóður Mýrarsýslu hefur stefnt KÁ vegna deilna um greiðslur á 30 milljóna króna víxli
sem fyrrverandi framkvæmdastjóri félagsins skrifaði undir.
Sophia Hansen:
Hittir ekki
dæturnar
FORRÆÐI Sophia Hansen hefur dvalið
í Tyrklandi síðan í nóvember síðast-
liðinn án þess að fá að hitta dætur
sínar, Dagbjörtu og Rúnu. Lög-
maður Sophiu náði tali af Halim Al
sem sagðist engu geta lofað um það
hvenær Sophia fengi að hitta dætur
sínar.
Á mánudag fékk Sophia þær
fréttir að Rúna, sem er 21 árs, sé
gift og búi í Istanbul, en Dagbjört,
sem er 22 ára, var sögð vera hjá
ættingjum. ■