Fréttablaðið - 28.01.2004, Blaðsíða 18
nám o.fl.
Vikulegur blaðauki Fréttablaðsins um al l t sem viðkemur námi
Ritstjórn: sími 515 7500 – netfang: nam@frettabladid.is. Auglýsingar: sími 515 7500 – netfang: auglysingar@frettabladid.is.
Nýtt fyrir skapandi börn!
Laugavegi 48b, sími 552 2882,
meira á www.keramik.is
eða í netpósti: keramik@keramik.is
Laugardagar
kl.11-13: 9-11ára.
Mánudagar
kl. 18-20: 13-15ára.
Nú býður KERAMIK FYRIR ALLA vetrarnámskeið fyrir
skapandi börn. Sex vikna námskeið þar sem farið er í skapandi
þætti myndmenntar og málaðir keramikmunir.
Á annað hundrað barna hafa tekið þátt í sumarnám-skeiðum
hjá Keramik fyrir alla, nú býðst skemmtileg og fræðandi viðbót.
Vikulegir tímar í sex vikur og hefjast 7. og 9. febrúar.
Verð aðeins 8.500 kr.
Skógaskólar
Lesið í skóginn - með skólum“ er skólaþróunarverkefniSkógræktar ríkisins og íslenskra skólastofnana. Til-
gangur verkefnisins er að safna reynslu og þekkingu um
skipulega fræðslu um skóga og skógarnytjar í grunnskól-
um. Útinám verður eflt og eiga nemendur að fræðast um
vistfræði skógarins og skógarnytjar. Sjö skólar taka þátt
í samstarfsverkefninu. Hallormsstaðaskóli á Héraði,
Hrafnagilsskóli í Eyjafirði, Andakílsskóli, Varmalands-
skóli og Kleppjárnsreykjaskóli í Borgarfirði, Laugarnes-
skóli í Reykjavík og Flúðaskóli á Suðurlandi. ■
Leiklist í kennslu:
Börnin lifa sig
inn í námsefnið
Börnin muna allt sem þau fóru ígegnum með leiklist. Náms-
efnið situr eftir því þau lifa sig
inn í það,“ segir Ása Helga Ragn-
arsdóttir, leikari og kennari, en
síðasta haust var Háteigsskóli
valinn móðurskóli í notkun leik-
listar í kennslu. Ása stundaði
mastersnám í þessari aðferð og
vildi prófa að nota hana. Hún er
nú deildarstjóri verkefnisins sem
hún segir hafa gengið mjög vel.
„Á yngsta stiginu notum við
ævintýri. Við höfum meðal annars
notað spuna í sögunni um Gullbrá.
Við notum líka aðferð sem kallast
skrifað í hlutverki. Þar skrifa
börnin bréf þar sem Gullbrá biðst
fyrirgefningar á öllu sem hún
gerði í húsi bjarnanna. Við unnum
líka með Tuma Þumal sem lendir í
ýmsum ógöngum því hann er svo
lítill. Hann þarf að komast yfir
stórfljót eða upp á borð til að næla
sér í súkkulaðibúðing. Börnin
þurfa að leysa þessi vandamál.
Á miðstigi er unnið með hug-
tök eins og umhyggju og virð-
ingu. Á unglingastigi tökum við
fyrir einelti, ofbeldi, búðarhnupl
og hvernig á að segja nei við
vímuefnum, aðstæður sem
krakkarnir lenda sjálfir í. Þeim
finnst léttir að taka á þessu í
gegnum leiklist. Þau eru ekki þau
sjálf og geta sagt allt sem þeim
sýnist. Þá koma oft upp góðar
umræður.“
Ása segist nota spuna mikið og
setja upp fundi. „Stundum kem
ég inn í hlutverki einhvers og þau
þurfa að bregðast við. Við notum
líka látbragðsleik og kyrrmyndir,
blöndum mörgum kennsluaðferð-
um í leiklist saman í eitt ferli. Oft
vinn ég með námsefnið sjálft. Við
setjum okkur í spor fólks, svið-
setjum til dæmis Þorgeir Ljós-
vetningagoða undir feldinum.
Krökkunum finnst þetta ofsalega
gaman og líta á þetta sem leik. En
þetta er hreinræktað nám því við
erum að rifja upp námsefnið.“
Foreldrar eru ánægðir með
verkefnið. „Sköpun kyndir undir
áhuga nemenda. Þeir eru líka
þjálfaðir í að koma fram, verða
öruggari og losna við feimnina
því þeir gleyma sér í leiknum.
Þetta er jákvæð sjálfsstyrking.“
Leiklist í kennslu er þróunar-
verkefni og á næsta ári verður
aðferðin kynnt í öðrum skólum.
audur@frettabladid.is
UNNIÐ MEÐ EINELTI
12 ára krakkar í 7. bekk nota leiklist til að finna lausnir á vandamálum. „Þau tóku mjög
vel á þessu,“ segir Ása. „Við reynum að sýna þeim fram á að það eru margir fletir á einu
máli og að hægt er að komast úr erfiðum aðstæðum með virðingu.“
ÁSA HELGA RAGNARSDÓTTIR
Hefur lokið mastersnámi í leiklist í
kennslu og er að þróa þessa
kennsluaðferð við Háteigsskóla.
Ég kem kannski inn með rauðahárkollu í hlutverki Eiríks
rauða og býð alla velkomna á
fund. Þá breytast nemendurnir
ósjálfrátt í landnámsmenn. Ég
segi þeim að ég hafi verið gerður
útlægur frá Noregi og hvort þau
geti leyst málið. Flestir koma þá
fram með þá tillögu að fara til Ís-
lands, því þeir hafa farið í gegn-
um námsefnið. Svo spáum við í
hvernig við komumst þangað og
hvort við villumst á leiðinni. Á
Íslandi þarf að finna bæjarstæði
og þannig eru börnin leidd í
gegnum allt námsefnið á leik-
rænan hátt.“
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/G
VA