Fréttablaðið - 28.01.2004, Blaðsíða 24

24 28. janúar 2004 MIÐVIKUDAGUR
TIL ARSENAL
Arsenal keypti í gær Spánverjann
Jose Antonio Reyes frá Sevilla
á 20 milljónir punda.
Fótbolti
FÓTBOLTI Íslendingar hefja und-
ankeppni HM 2006 með heimaleik
gegn Búlgurum 4. september í
haust. Fjórum dögum síðar leika
þeir við Ungverja í Búdapest. Full-
trúar knattspyrnusambanda þjóð-
anna í 8. riðli náðu samkomulagi á
fundi á Möltu í gær.
Geir Þorsteinsson, fram-
kvæmdastjóri KSÍ, sagði að mark-
miðið hefði ekki endilega verið að fá
Búlgara í fyrsta leik, frekar að fá
heimaleiki í haust við tvær þeirra
þjóða sem keppa í lokakeppni EM í
sumar. Íslendingar leika heima við
Búlgara og Svía í haust og Ungverja
og Möltumenn á útivelli.
Þjálfarinn Lars Lagerbäck sagði
í viðtali á heimasíðu sænska knatt-
spyrnusambandsins að allar þjóð-
irnar hafi þurft að gefa eftir svo
ekki þyrfti að draga um leikdaga.
Lagerbäck sagði ennfremur að Sví-
ar hafi lagt áherslu á að ferðalögin
yrðu ekki löng og erfið.
Geir sagði að í niðurröðuninni
væri ekkert sem KSÍ gæti ekki sætt
sig við. Að vísu væri langt ferðalag
til Möltu fyrir heimaleikinn gegn
Svíum í september en á móti kæmi
að erfiður leikur í Krótatíu yrði
stakur og að Íslendingar fengju tvo
heimaleiki í byrjun júní á næsta ári.
KSÍ vinnur að því að fá heima-
leik á landsleikjadaginn 18. ágúst.
Þann dag leika Svíar við Hollend-
inga á heimavelli og Króatar
heimsækja Íra en ekki liggur fyr-
ir við hverja Búlgarar og Möltu-
menn leika. ■
Þjarma að Ferguson
Tveir stærstu hluthafar í Manchester United vilja ekki semja við Ferguson til langs tíma. Þeir
hafa einnig krafið stjórn félagsins skýringa á framgöngu hennar á leikmannamarkaðnum.
FÓTBOLTI „Þó fjölmiðlar hafi
greint frá ýmiskonar ávirðing-
um hefur Manchester United
ekki fengið skriflegar sannanir
frá nokkrum aðila sem staðfesta
þessar ásakanir,“ sagði í yfirlýs-
ingu frá félaginu. „Samt sem
áður mun stjórn Manchester
United láta fara fram nákvæma
innanhússrannsókn á nýlegum
leikmannakaupum,“ sagði enn-
fremur í yfirlýsingunni en rann-
sóknin mun einkum beinast að
kaupunum á David Bellion, Tim
Howard, Kleberson og Ronaldo
síðasta sumar.
Kaupin verða ekki eingöngu
rannsökuð vegna fréttaflutnings
fjölmiðla heldur einnig vegna
kröfu Johns Magnier og JP
McManus sem eiga í sameiningu
um fjórðungshlut í Manchester
United. Magnier og McManus
hafa að undanförnu sent stjórn
United margar fyrirspurnir og í
síðustu viku sendu þeir stjórn-
inni sjö síðna bréf í 63 liðum. Þar
fóru þeir fram á skýringar á
ýmsum ákvörðunum, svo sem
um greiðslur til umboðsmanna
leikmanna og fullar launa-
greiðslur til Rios Ferdinand
meðan hann tekur út leikbann.
„Allar viðræður um kaup á
leikmönnum eru í höndum fram-
kvæmdastjóra félagsins og lög-
fræðilegum ráðgjöfum,“ sagði
meðal annars í yfirlýsingu sem
stjórn United sendi frá sér í síð-
ustu viku. „Við tilkynnum
úrvalsdeildinni um allar greiðsl-
ur til umboðsmanna og til kaup-
hallarinnar vegna reglna um fé-
lagaskipti. Við teljum að stjórn-
un okkar sé með þeim ströng-
ustu innan fótboltans og Sir Roy
Gardner, stjórnarformaður
félagsins, hefur nýlokið athugun
sem staðfestir þetta. En stefna
okkar er að sjálfsögðu í stöðugri
endurskoðun.“ Magnier og Mc-
Manus sættu sig ekki við þessar
skýringar og ákvað stjórnin því
að láta rannsaka kaupin.
Krafa þeirra um svör við
ávirðingum vegna framgöngu
félagsins á leikmannamarkaðn-
um beinist ekki aðeins að stjórn
félagsins heldur einnig að þætti
Jasons Ferguson, sonar fram-
kvæmdastjórans, í félagskiptun-
um. Hann er sagður hafa hagn-
ast á kaupum United á Tim
Howard og David Bellion.
Talið er að Magnier og
McManus hafi þar fundið högg-
stað á Alex Ferguson en Magnier
og Ferguson hafa átt í hörðum
deilum um tekjur af veðhlaupa-
hestinum Rock of Gibraltar.
Breska blaðið Guardian telur að
hesturinn sé metinn á 200 millj-
ónir punda. Ferguson heldur því
fram að Magnier hafi boðið sér
helmingshlut í hestinum en
Magnier segir tilboðið miklu
lægra. Ferguson hafnaði sjö
milljóna sáttatilboði Magnier
og hefur ákveðið að sækja
málið fyrir dómstólum.
John Magnier hefur til-
kynnt stjórn Manchester
United að hann vilji að
ekki verði samið við
framkvæmdastjórann
Alex Ferguson til
margra ára eins og
stjórnin hefur viljað.
Magnier vill ekki að samn-
ingurinn bindi United til margra
ára strax í upphafi heldur verði
endurnýjanlegur til eins árs í
senn og megi með þeim hætti
gilda í lengur. Ólíklegt er að
Ferguson sætti sig við þetta og
er framtíð hans hjá United því í
uppnámi. Ekki er þó talið að
Magnier og McManus vilji losna
við Ferguson meðan United
stendur í baráttu um enska
meistaratitilinn og
keppir í meistara-
deildinni heldur
vilji Magnier
gera fram-
kvæmdastjóran-
um lífið leitt
meðan þeir
eiga í deilum.
Einnig hefur
komið fram að
Magnier réð
einkaspæjara
til að fylgjast
með einkalífi
og viðskiptum
Fergusons.
Framvinda
m á l s i n s
stjórnast samt
ekki aðeins af
h a g s m u n u m
s t j ó r n a r ,
Fergusons eða
einstakra hlut-
hafa. Stuðn-
ingsmenn og
l e i k m e n n
United vilja
ekki að sigur-
sæll fram-
kvæmdastjóri
verði flæmdur í
burtu. Stuðn-
ingsmennirnir
sendu Magnier
tóninn þegar
United lék við
Northampton í
bikarnum á
sunnudag með
orðum sem verða
ekki höfð eftir hér.
Ferguson getur einnig vænst
stuðnings leikmannanna.
„Verði Fergie ógnað er öruggt
að leikmennirnir standa með
honum,“ sagði umboðsmaður
eins leikmanns United. „Haldið
þið virkilega að þeir muni standa
aðgerðalausir og horfa á þegar
honum verður bolað burtu?“ ■
36/14,50 R 15 GROUND HAWG 28,900. -
38/15.50 R 15 GROUND HAWG 29,900. -
36/14,50 R 16,5 GROUND HAWG 32,900,-
38/15,50 R 16,5 GROUND HAWG 39,900,-
44/18,50 X 15 GROUND HAWG 45,000,-
44/18,50 X 16,5 GROUND HAWG 49,900,-
STÁLFELGUR 12 TOMMU BREIÐAR 12,900,-
STÁLFELGUR 14 TOMMU BREIÐAR 13,900,-
HJÓLBARÐAHÖLLIN H/F
FELLSMÚLA 24 SÍMI - 530 5700
Lækkað verð
á GROUND HAWG
jeppadekkjum
Dollarinn lækkar
og við lækkum líka.
FRANK DE BOER
Á æfingu hjá nýju félagi.
Frank de Boer:
Leikur með
Rangers
til vors
FÓTBOLTI „Ég er mjög ánægður að
leika með bróður mínum að nýju
en við léku saman með Ajax og
Barcelona,“ sagði Frank de Boer
sem gekk til liðs við Rangers í
gær. Frank de Boer hefur leikið
með tyrkneska félaginu Galata-
saray í vetur en Ronald tvíbura-
bróðir hans hefur leikið með
Rangers í hálft fjórða ár. Frank og
Ronald de Boer hófu feril sinn hjá
Ajax en fóru til Barcelona árið
1998.
Félagaskipti Frank de Boer
snúast ekki aðeins um að leika við
hlið bróður síns að nýju. „Ég vil
leika fyrir þjóð mína á Evrópu-
meistarakeppninni í sumar svo
félagaskiptin skipta mig miklu
máli,“ sagði de Boer sem fékk sig
lausan undan tveggja ára samn-
ingi við Galatasaray.
Alex McLeish, framkvæmda-
stjóri Rangers, var ánægður með
að fá jafn reyndan leikmann til
félagsins. „Honum gekk ekki sem
best í Istanbúl svo við veitum hon-
um tækifæri til að gera það sem
hann hefur metnað til,“ sagði
McLeish. ■
A-LANDSLIÐIÐ
Undankeppni HM hefst á leik við Búlgara í
Laugardalnum.
LEIKIR A-LANDSLIÐSINS
4. sep. 2004 Ísland - Búlgaría
8. sep. 2004 Ungverjaland - Ísland
9. okt. 2004 Malta - Ísland
13. okt. 2004 Ísland - Svíþjóð
26. mar. 2005 Króatía - Ísland
4. jún. 2005 Ísland - Ungverjaland
8. jún. 2005 Ísland - Malta
3. sep. 2005 Ísland - Króatía
7. sep. 2005 Búlgaría - Ísland
12. okt. 2005 Svíþjóð - Ísland
LEIKIR U21 LANDSLIÐSINS
3. sep. 2004 Ísland - Búlgaría
7. sep. 2004 Ungverjaland - Ísland
8. okt. 2004 Malta - Ísland
12. okt. 2004 Ísland - Svíþjóð
26. mar. 2005 Króatía - Ísland
3. jún. 2005 Ísland - Ungverjaland
7. jún. 2005 Ísland - Malta
3. sep. 2005 Ísland - Króatía
6. sep. 2005 Búlgaría - Ísland
11. okt. 2005 Svíþjóð - Ísland
ALEX FERGUSON
Á undir högg að sækja gagnvart
tveimur stærstu hluthöfum í
Manchester United.
ROY KEANE
Leikmenn United, með fyrirliðann Roy
Keane í broddi fylkingar, styðja Ferguson.
Undankeppninni HM 2006:
Fyrsti leikur gegn Búlgurum