Fréttablaðið - 29.01.2004, Blaðsíða 14

14 29. janúar 2004 FIMMTUDAGUR
KAFSNJÓR Í NEW YORK
Miklum snjó kyngdi niður í New York í gær
og sagðist leigubílstjórinn Nazir Choudhury,
sem stundað hefur akstur í níu ár, aldrei
hafa lent í öðrum eins snjómokstri.
Síldarvinnslan:
Afli eykst en aflaverðmæti minnkar
SJÁVARÚTVEGUR Aflaverðmæti skipa
Síldarvinnslunnar var rúmir tveir
milljarðar króna á síðasta ári. Þá
veiddust tæplega 184 þúsund tonn,
sem er um 24 þúsund tonnum meira
en árið á undan. Aflaverðmæti
minnkar á milli ára þrátt fyrir
aukna veiði því árið 2002 var afla-
verðmæti skipa Síldarvinnslunnar
2,4 milljarðar króna en það var
metár hvað aflaverðmæti skipa
Síldarvinnslunnar varðar.
Talsvert meira veiddist af upp-
sjávarfiski á síðasta ári en árinu á
undan, 175.500 tonn samanborið við
159.000 tonn, og aukningin því tæp
17.000 tonn. Aflaverðmæti uppsjáv-
arfisks var 1.200 milljónir króna.
Bolfiskveiði jókst um 600 tonn milli
ára og skilaði rúmum 900 milljónum
króna til fyrirtækisins.
Eitt skip, Ásgrímur Halldórsson
SF, bættist í útgerð Síldarvinnsl-
unnar á síðasta ári í kjölfar sam-
einingar Síldarvinnslunnar og SR-
mjöls. ■
Arafat gestrisinn og
með góða nærveru
Sverrir Þórðarson var um tveggja vikna skeið í Palestínu og upplifði örbirgðina á Vesturbakkan-
um. Hann átti ásamt fleiri Íslendingum klukkustundarlangan fund með Yasser Arafat. Sverrir
segir mannréttindabrot Ísraela meiri en hann hefði getað ímyndað sér áður.
Arafat tók okkur afskaplega vel.Hann kyssti okkur og hafði
góða nærveru. Það sem mér fannst
merkilegast var að hann talaði eins
og þjóðin,“ segir Sverrir Þórðar-
son, 23 ára nemi og tankahreinsun-
armaður, sem er nýkominn úr
heimsókn til Palestínu þar sem
hann dvaldi um tveggja vikna skeið
til að kynna sér ástandið á Vestur-
bakkanum. Í heimsókn sinni hitti
hann, ásamt fleiri Íslendingum,
þjóðarleiðtogann Yasser Arafat.
Sverrir segist hafa viljað sjá
með eigin augum ástandið á
heimastjórnarsvæði Palestínu-
manna og þess vegna lagt upp í
þessa för. Hann flaug til Tel Aviv í
Ísrael og hélt þaðan inn á Vestur-
bakkann, sem þó átti að vera bann-
að nema með sérstöku leyfi Ísra-
elsmanna.
Venjan er sú að þeir sem reyna
að komast inn á Vesturbakkann eru
handteknir og þeir reknir úr landi.
Sverrir og félagar hans báru því
við á eftirlitsstöð að þeir hefðu
aldrei fengið þau fyrirmæli að
sækja um leyfið. Hermennirnir
tóku það gott og gilt og hópurinn
hélt inn í borgina Nablus.
Mikil örbirgð meðal íbúanna
Sverrir segir heimsóknina vera
minnisstæða fyrir þær sakir hve
mikil örbirgð sé á meðal íbúanna.
Þá hafi stungið í augu sú gríðarlega
gæsla sem Ísraelsmenn haldi uppi
sín megin þar sem vopnaðir her-
menn séu ævinlega stutt undan.
Sverrir var þarna ásamt fleiri
Íslendingum og þeir gerðu víð-
reist um Vesturbakkann og heim-
sóttu nokkrar borgir og þorp.
„Í Nablus eru tvennar flótta-
mannabúðir. Sem dæmi um
þrengslin sem þetta fólk býr við
má nefna að um 20 þúsund manns
búa þar á hverjum ferkílómetra.
Gæsla Ísraelsmanna er gríðarleg
og þeir eru með vélbyssuhreiður
efst á tveimur fjöllum sem eru sitt
hvoru megin borgarinnar. Okkur
var sagt að á vélbyssunum væru
skynjarar sem næmu það þegar
fólk reyndi að komast til eða frá
borginni og það væri skotið
miskunnarlaust,“ segir Sverrir.
Hann segir að hópurinn hafi
dvalið í Nablus í þrjá sólarhringa.
Gestrisni fólksins, sem bjó við ör-
birgð, hafi verið nær óendanleg og
allir hafi verið tilbúnir að gefa mat.
„Heimili fólks stóðu okkur opin
og það voru allir tilbúnir að deila
með okkur mat sínum og bjóða
okkur gistingu. Aðbúnaðurinn var
svo hörmulegur að mér dauðbrá
því ég hafði ekki átt von á þessari
miklu neyð. Það höfðu allir ein-
hverja sorgarsögu að segja,“ segir
Sverrir.
Færðist allur í aukana
Sverrir segir að í heimsókninni
til Ramallah, þar sem höfuðstöðv-
ar Yassers Arafats eru, hafi komið
upp sú hugmynd að reyna að ná
fundi þjóðarleiðtogans. Lífverðir
Arafats tóku hópnum opnum örm-
um en sögðu að því miður gæti
Arafat ekki tekið á móti þeim því
hann væri lasinn. Viku seinna var
farið aftur í höfuðstöðvarnar og
þá samþykkti Arafat að hitta
hópinn.
„Arafat heilsaði okkur öllum
með kossi. Skrifstofa hans var
afar fábrotin og aðeins var ein
mynd uppi á vegg. Það er teikning
af Rachel Curry, bandarískri
stúlku, sem var að mótmæla nið-
urrifi húsa Palestínumanna á síð-
asta ári. Jarðýta ók yfir hana og
hún dó sem píslarvottur. Á skrif-
borði hans ægði saman styttum og
einhverju dóti sem ég held að fólk
hafi gefið honum,“ segir Sverrir.
Hann segir að Arafat hafi sýnt
þeim myndir af skemmdarverkum
Ísraelsmanna á kirkjum og fleiru. Í
upphafi hafi leiðtoginn talað rólega
og fremur óskýrt en síðan hafi
hann færst í aukana.
„Hann lagði áherslu á að það
væri mikilvægt að umheimurinn
fengi að vita hvað væri að gerast í
þessum heimshluta og þakkaði
okkur fyrir að sýna kjörum palest-
ínsku þjóðarinnar áhuga. Hann
sýndi sterkar tilfinningar þegar
hann lýsti því hvað gert hefði verið
á hlut þjóðarinnar,“ segir Sverrir.
Arafat bauð gestunum upp á þykk-
an mangósafa sem Sverrir segist
hafa pínt ofan í sig. Fundurinn stóð
í klukkustund.
Hann segir heimsóknina til
Palestínu aldrei munu líða sér úr
minni.
„Þarna eiga sér stað meiri
mannréttindabrot en ég gat látið
mér til hugar koma. Átakanlegast
var að sjá vegginn sem Ísraels-
menn eru að reisa til að króa fólkið
á Vesturbakkanum af. Veggurinn,
átta metrar á hæð og þrír ofan í
jörðinni, er eins og snákur sem
hringar sig utan um þessa hrjáðu
þjóð,“ segir Sverrir. ■
ÚTGEFANDI DÆMDUR Tékkneskur
dómstóll hefur dæmt útgefanda
bókarinnar Mein Kampf eftir Adolf
Hitler til þriggja ára fangelsisvist-
ar, skilorðsbundið.
SELDI SPRENGIEFNI Fyrrum her-
foringi í slóvakíska hernum hefur
verið handtekinn fyrir að reyna að
selja glæpamönnum plastsprengi-
efni. Á heimili hans fundust nær 40
kíló af sprengiefninu, sem talið er
að komið sé frá hernum.
SÆTIR SKATTARANNSÓKN Skatta-
ráðuneyti Rússlands hefur tilkynnt
að farið verði í gegnum bókhald
olíurisans Yukos fyrir árin 2001 og
2002. Áður hafði verið farið í gegn-
um bókhald félagsins fyrir árið
2000 og skattar þess hækkaðir um
rúma 230 milljarða króna.
HÉRAÐSDÓMUR
Hálffertugum síbrotamanni var ekki gerð
sérstök refsing fyrir þjófnaði á fatnaði og
matvöru fyrir tæpar 30.000 krónur.
Síbrotamaður dæmdur:
Ekki sérstök
refsing
DÓMUR Héraðsdómur Reykjavíkur
gerði hálffertugum síbrotamanni
ekki sérstaka refsingu fyrir ítrek-
uð þjófnaðarbrot.
Maðurinn var ákærður fyrir
þjófnað á fatnaði úr verslunum
Hagkaupa, Olympiu og Dress-
mann fyrir rúmar 25.000 krónur
og fyrir stuld á matvælum úr
verslunum 10-11 og Bónuss fyrir
rúmar 4.000 krónur.
Maðurinn játaði brot sín ský-
laust. Hann á langan sakaferil að
baki en síðasta dóminn hlaut mað-
urinn í nóvember síðastliðnum,
fjögurra mánaða fangelsi fyrir
auðgunarbrot.
Brotin sem nú var ákært fyrir
voru hins vegar framin fyrir upp-
sögu þess dóms og telur héraðs-
dómur að manninum hefði ekki
verið gerð frekari refsing ef
þjófnaðarbrotin hefðu verið
dæmd með í nóvember. ■
Nýr gjaldmiðill:
Henda burt
milljónum
ANKARA, AP Tyrkneska ríkisstjórn-
in hefur ákveðið að taka upp nýj-
an gjaldmiðil og fella niður sex
öftustu núllin í öllum upphæðum
um næstu áramót. Það þýðir með-
al annars að stutt ferðalag með
strætisvagni, sem í dag kostar
rétt tæpa milljón líra, mun í fram-
tíðinni kosta innan við eina líru,
þó báðar upphæðirnar samsvari
innan við 50 krónum íslenskum.
Gjaldmiðilsbreytingin er hluti
af tilraunum stjórnvalda til að
stemma stigu við verðbólgu sem í
dag mælist 19%. Breytingin hefur
enn fremur þau áhrif að einstak-
lingar geta farið og keypt sér í
matinn án þess að verja til þess
tugum milljóna.
Þess má geta til samanburðar
að þegar nýir seðlar voru teknir í
notkun á Íslandi árið 1981 voru
tvö núll tekin aftan af. ■
SÍLDARVINNSLAN Á NESKAUPSTAÐ
Fiskimjölsverksmiðjur Síldarvinnslunnar tóku á móti tæpum 470.000 tonnum af
hráefni á síðasta ári samanborið við 536.000 tonn árið 2002.
■ Evrópa
MEÐ ÞJÓÐARLEIÐTOGANUM
Sverrir Þórðarson og Yasser Arafat í höfuðstöðvunum í Ramallah.
Fréttaviðtal
REYNIR TRAUSTASON
■ ræðir við Sverrir Þórðarson sem er
nýkominn frá Palestínu.
GESTIR ARAFATS
Hópurinn sem fékk áheyrn Arafats í síðustu viku. Frá vinstri í efri
röð: aðstoðarmaður Arafats, Þórsteinn Otti Jónsson, bresk stúlka,
Arafat, Eldar Ástþórsson, Árni Freyr Árnason, Axel Wilhelm Einars-
son, annar aðstoðarmaður Arafats. Í neðri röð frá vinstri: Sverrir
Þórðarson, bresk sjónvarpskona og Leo, sjálfboðaliði frá Svíþjóð.
VEGGURINN
Ísraelsmenn eru að reisa átta metra háan múr
umhverfis Vesturbakkann.