Fréttablaðið - 29.01.2004, Blaðsíða 30
30 29. janúar 2004 FIMMTUDAGUR
Nýr heimavöllur Arsenal:
Kaupin á Reyes breyta engu
FÓTBOLTI „Þetta hefur engin áhrif á
áform okkur um að byggja nýja
völl,“ sagði Peter Hill-Wood,
stjórnarformaður Arsenal, um
kaupin á Spánverjanum Jose
Antonio Reyes. „Við gerðum ráð
fyrir kaupum á leikmönnum í
fjárhagsáætlun okkar og þetta
hefur ekki áhrif á nýja völlinn.
Við notuðum stóran hluta fjárins í
þessum félagaskiptaglugga í stað
þess að bíða til loka leiktíðar.“
Arsenal áformar að byggja
nýjan völl í Ashburton Grove,
skammt frá Highbury, sem mun
rúma um 60.000 þúsund manns í
sæti. Talið er að nýi völlurinn
kosti um 400 milljón pund.
Hill-Wood sagði að kaupin á
Reyes þýddu ekki að Thierry
Henry væri á förum frá félaginu.
„Hann fer hvergi – ekki til Real
Madrid eða nokkuð annað. Það er
endanlegt. Ég held að hann vilji
ekki fara. Hann er mjög ánægður
hér og ann bæði félaginu og
lífsstílnum.“
Kaupin á Jose Antonio Reyes
styrkja sókn Arsenal en Nwankwo
Kanu leikur nú með Nígeríumönn-
um í Afríkukeppninni og Sylvain
Wiltord og Jeremie Aliadiere eru
meiddir. ■
Elsta fótbolta-
félag Svíþjóðar
Örgryte IS keppir á Iceland Express mótinu um helgina. Örgryte kepp-
ir við KR annað kvöld og ÍA eða Keflavík á laugardag.
FÓTBOLTI Örgryte Idrottssällskap er
elsta fótboltafélag Svíþjóðar. Félag-
ið var stofnað sem skautafélag árið
1887 en hóf að leika knattspyrnu
árið 1891 að áeggjan tveggja
skoskra kaupmanna sem störfuðu í
Gautaborg. Örgryte vann Lyckans
Soldater 1-0 árið 1892 í fyrsta opin-
bera fótboltaleiknum sem fram fór í
Svíþjóð.
Félagið var lengi vel í fremstu
röð og sigraði í ellefu af fyrstu átján
keppnunum um sænska meistaratit-
ilinn. Örgryte varð einnig tvisvar
meistari á þriðja áratugnum en upp
úr því fór að halla undan fæti og lék
félagið í neðri deildunum á árunum
1940 til 1958. Örgryte hefur leikið í
efstu deild, Allsvenskan, frá 1995
og varð í fjórða sæti í fyrra.
Örgryte varð síðast sænskur
meistari árið 1985 eftir sigur á erki-
féndunum í IFK Göteborg í tveimur
úrslitaleikjum og bikarmeistari í
fyrsta sinn árið 2000 þegar Örgryte
vann AIK 2-1 samanlagt í tveimur
úrslitaleikjum.
Örgryte hefur fimm sinnum
áður tekið þátt Evrópukeppni, síð-
ast í UEFA-bikarkeppninni 2000-
2001 þar sem Örgryte vann Coler-
aine í undanrásum en tapaði fyrir
Rapid Wien í 1. umferð.
Sex Íslendingar hafa leikið með
Örgryte á undanförnum árum.
Keflavíkingurinn Sigurður Björg-
vinsson og Eyjamaðurinn Örn Ósk-
arsson léku með Örgryte í upphafi
níunda áratugarins og KR-ingarnir
Rúnar Kristinsson og Brynjar
Björn Gunnarsson á tíunda áratugn-
um. Akureyringurinn Atli Sveinn
Þórarinsson hefur leikið með Ör-
gryte undanfarin fjögur ár og í síð-
ustu viku gekk Jóhann Birnir Guð-
mundsson til liðs við Gautaborgar-
félagið.
Finninn Jukka Ikäläinen tók við
þjálfun Örgryte í haust af Erik
Hamrén sem fór til danska félags-
ins AaB í Álaborg. Ikäläinen lék
með Örgryte á árunum 1981-85.
Iceland Express mótið er einn
liðurinn í undirbúningi Örgryte
fyrir keppnina í Allsvenska í sum-
ar. Félagið tók þátt í hraðmóti í
Álaborg fyrir tíu dögum og leik-
menn liðsins verða í æfingabúð-
um hjá brasilíska samstarfsfélagi
sínu Atletico Mineiro frá 22. febr-
úar til 12. mars. Sænska deilda-
keppnin hefst í byrjun apríl og á
Örgryte útileik gegn Elfsborg í
fyrstu umferð. ■
Norska landsliðið:
Aftur
langspyrnur
FÓTBOLTI Norðmenn unnu Singapúr
5-2 í gær í úrhelli í Singapúr. Anders
Stadheim og Alexander Ås komu
Norðmönnum 2-0 yfir en Daniel
Bennett og Shahril Ishak jöfnuðu.
Håvard Flo bætti svo við tveimur
mörkum og Harald Brattbakk einu.
„Við urðum að leika öðruvísi en
við erum vanir,“ sagði Åge Hareide
þjálfari. „Við getum ekki leikið bolt-
anum stutt þegar hann rúllar ekki.“
Verdens Gang sagði rigninguna
hafa neytt Norðmenn til að nota
langspyrnur sem einkenndu leikstíl
Egils „Drillo“ Olsen en Drillo hefur
gagnrýnt leikstíl liðsins undir
stjórn Hareide. ■
■ ■ LEIKIR
19.00 Víkingur og Fjölnir leika í
Egilshöll á Reykjavíkurmóti karla í
fótbolta.
19.15 Hamar leikur við Breiðablik
í Hveragerði í Intersport-deildinni
í körfubolta.
19.15 KR og KFÍ keppa í DHL-Höll-
inni í Intersport-deildinni í körfu-
bolta.
19.15 ÍR mætir Haukum í íþrótta-
húsi Seljaskóla í Intersport-deild-
inni í körfubolta.
21.00 Fram keppir við Fylki í Egils-
höll á Reykjavíkurmóti karla í fót-
bolta.
■ ■ SJÓNVARP
15.25 EM í handbolta á RÚV. Bein
útsending frá leik Tékka og
Serba/Svartfellinga í milliriðli.
16.55 EM í handbolta á RÚV. Bein
útsending frá leik Svía og Spán-
verja í milliriðli.
17.50 Enski boltinn á Sýn. Útsend-
ing frá leik Middlesbrough og
Arsenal í undanúrslitum deilda-
bikarkeppninnar.
19.30 Olíssport á Sýn. Fjallað er
um helstu íþróttaviðburði heima
og erlendis.
20.00 Western World Soccer
Show (Heimsfótbolti West World)
á Sýn.
20.30 Heimsbikarinn á skíðum á
Sýn. Nýjustu fréttir af framgöngu
skíðamanna á heimsbikarmótum.
21.00 Sterkasti maður heims á
Sýn. Kraftajötnar reyna með sér í
ýmsum þrautum.
22.00 Olíssport á Sýn. Fjallað er
um helstu íþróttaviðburði heima
og erlendis.
00.05 EM í handbolta á RÚV. Út-
sending frá leik Rússa og Króata
í milliriðli.
Í
SL
EN
SK
A
A
U
G
LÝ
SI
N
G
A
ST
O
FA
N
/S
IA
.I
S
L
BI
2
33
17
0
1/
20
04
Greiðsluþjónusta
www.landsbanki.is
sími 560 6000
Minni áhyggjur -
fleiri gæðastundir Milliriðlar á EM í Slóveníu:
Rússar rifu sig upp
Fulham:
Neitar að borga
HANDBOLTI Rússar lyftu sér úr
lægðinni eftir tap gegn Dönum á
þriðjudagskvöldið með því að
leggja Spánverja að velli, 36-30, í
A-riðli milliriðlanna á EM í hand-
knattleik í Slóveníu í gær. Leikur-
inn var jafn lengst af fyrri hálf-
leiks og leiddu Rússar með tveim-
ur mörkum í hálfleik, 16-14. Þeir
héldu frumkvæðinu allan síðari
hálfleikinn og tókst Spánverjum
aðeins að minnka muninn niður í
eitt mark, 21-20, þegar átján mín-
útur voru til leiksloka. Rússar
sigu síðan aftur fram úr og unnu
að lokum öruggan sigur, 36-30.
Hornamaðurinn Eduard Kok-
sjarov var markahæstur hjá
Rússum með tíu mörk, Alexey
Rastvortsev skoraði sex mörk,
gamla brýnið Alexander Tútsjkin
skoraði fimm mörk, Vitaly Ívanov
skoraði fjögur mörk og Andrey
Lavrov varði tólf skot í markinu.
Fernando Hernandez var marka-
hæstur hjá Spánverjum með átta
mörk, Demetrio Lozano skoraði
sjö mörk, Mariano Ortega og Ro-
berto Garcia skoruðu fjögur
mörk hvor og Jose Javier
Hombrados varði fimm skot í
marki Spánverja. Eftir þennan
leik eru Rússar komnir í ágæta
stöðu fyrir lokaumferðina á
morgun en Spánverjar munu
væntanlega þurfa að spila um 9.-
12. sætið nema þeim takist að
leggja Svía á morgun. Þá eiga
þeir möguleika á því að spila um
5.-8. sætið. ■
FÓTBOLTI Fulham hefur neitað að
greiða Juventus eftirstöðvarnar af
kaupverði Edwins van der Sar. Ful-
ham hafði greitt Juventus fimm af
þeim sjö milljónum sem félögin
sömdu um en nú er Mohamed Al
Fayed, eigandi Fulham, ósáttur við
kaupverðið og neitar að borga.
Málið á sér hliðstæðu því Al
Fayed neitaði að gera upp við
Lyon vegna kaupanna á Steve
Marlet. Fulham samþykkti að
greiða 11,2 milljónir punda en
þegar á reyndi neitaði Al Fayed að
greiða 3,2 milljónir vegna óá-
nægju með þátt umboðsmanna í
kaupunum. Málið fór fyrir gerð-
ardómstól íþróttamála í Sviss sem
skikkaði Fulham til að standa við
gerða samninga.
Fulham er gert að mæta fyrir
gerðardómstólinn 29. febrúar
næstkomandi vegna kaupanna á
van der Sar. ■
MOHAMED AL FAYED
Er ósáttur við kaupverðið á Edwin van der
Sar.
RÚNAR KRISTINSSON
Lék með Örgryte á árunum 1995 til 1997.
ÖRGRYTE IDROTTSSÄLLSKAP
Stofnað 4. desember 1887
Heimavöllur Örgyte er Gamla Ullevi sem
rúmar um 18.000 manns, þar af um
6.000 manns í sæti. Örgryte leikur einnig
á Nya Ullevi sem rúmar 43.200 manns í
sæti.
Örgryte leikur í rauðum treyjum og blá-
um buxum
Meistarar (14): 1896, 1897, 1898, 1899,
1902, 1904, 1905, 1906, 1907, 1909,
1913, 1926, 1928 og 1985.
Bikarmeistarar: 2000.
Stærsti sigur: 32-0 gegn Varbergs GIF,
22. september 1907.
Versta tap: 2-10 gegn Kaupmannahöfn,
17. október 1911.
Íslenskir liðsmenn Örgryte
Sigurður Björgvinsson 1981
Örn Óskarsson 1981-1983
Rúnar Kristinsson 1995-1997
Brynjar Björn Gunnarsson 1999
Atli Sveinn Þórarinsson frá 2000
Jóhann Birnir Guðmundsson frá 2004
JOSE ANTONIO REYES
Arsenal greiddi Sevilla 20 milljónir punda
fyrir Reyes.
hvað?hvar?hvenær?
26 27 28 29 30 31 1
JANÚAR
Fimmtudagur