Fréttablaðið - 04.02.2004, Blaðsíða 4

4 4. febrúar 2004 MIÐVIKUDAGUR
Á að stöðva söluna á SPRON til
KB banka?
Spurning dagsins í dag:
Bar forsetanum að vera heima á aldar-
afmæli heimastjórnarinnar?
Niðurstöður gærdagsins
á www.frett.is
25%
75%
Nei
Já
Kjörkassinn
Farðu inn á frett.is og segðu þína skoðun
frétt.is
Fæðingarorlofssjóður að óbreyttu þurrausinn í lok árs:
Brugðist við innan fárra daga
FÆÐINGARORLOFSSJÓÐUR „Það liggur
ekki alveg fyrir hvernig brugðist
verður við vanda Fæðingarorlofs-
sjóðs en sú vinna er þó á lokastigi.
Ég á von á því að innan tíu daga
liggi fyrir með hvaða hætti verð-
ur brugðist við,“ sagði Árni Magn-
ússon félagsmálaráðherra.
Það hefur gengið mun hraðar á
eigið fé Fæðingarorlofssjóðs en
gert var ráð fyrir og verður eigið
fé sjóðsins uppurið í lok þessa árs
að óbreyttu.
„Það kemur í sjálfu sér ekki
nema tvennt til, að auka inn-
streymið í sjóðinn eða draga úr út-
gjöldum. Ég er hins vegar ekki til-
búinn til þess að beita mér fyrir
breytingum á lögum um sjóðinn
sem ganga gegn meginmarkmið-
um þeirra um aukið jafnrétti og
auknar samvistir barna við báða
foreldra. Það verður því líklega
brugðist við vandanum með því að
auka framlög til sjóðsins en um
leið verður eftirlit með greiðslum
hert og heimildir til greiðslu úr
sjóðnum hugsanlega þrengdar,“
sagði Árni Magnússon. ■
Góð ávöxtun hjá
lífeyrissjóðunum
Eftir afar döpur ár í ávöxtun fjármuna er bjartara umhorfs hjá lífeyris-
sjóðunum. Hjá þremur af fjórum stærstu sjóðunum sem hafa birt upp-
gjör er meðalraunávöxtun síðustu fimm ára yfir fjögur prósent.
LÍFEYRIR Lífeyrissjóðir skiluðu
góðri ávöxtun í fyrra eftir erfið ár
þar á undan. Raunávöxtun þeirra
sjóða sem þegar hafa birt uppgjör
er á bilinu 12 til 15%. Afkoma líf-
eyrissjóðanna næstu þrjú ár á und-
an var slök. Árin 2000 til 2002 voru
mestu lækkunarár alþjóðlegra
hlutabréfamarkaða frá verðbréfa-
hruninu mikla í október 1929.
Lífeyrissjóður starfsmanna rík-
isins hefur ekki birt uppgjör en
hann er stærsti lífeyrissjóðurinn
með ríflega 17% af heildareignum
lífeyrissjóðanna. Þrír næstu í röð-
inni eru Lífeyrissjóður verslunar-
manna með ríflega 15%, Lífeyris-
sjóðurinn Framsýni með tæp 8%
og Lífeyrissjóður sjómanna með
tæp 7% af heildareignum lífeyris-
sjóðanna eins og Sameinaði lífeyr-
issjóðurinn sem er sá fimmti
stærsti. Þessir fjórir hafa allir birt
uppgjör fyrir síðasta ár.
Lífeyrissjóður sjómanna var
með hæsta raunávöxtun þessara
þriggja, 15,3%. Meðalraunávöxtun
sjóðsins síðastliðin fimm ár er
4,9%. Næstbestu ávöxtun í fyrra
náði Framsýn, 13,9%. Meðalávöxt-
un síðustu fimm ára er 4,59%. Líf-
eyrissjóður verslunarmanna var
með 12,1% ávöxtun og 4,1% ávöxt-
un síðustu fimm ár. Lakasta ávöxt-
un þessara fjögurra var hjá Sam-
einaða lífeyrissjóðnum, 7,2%.
Raunávöxtun Sameinaða lífeyris-
sjóðsins var 1,8% síðastliðin fimm
ár.
Staða lífeyrissjóðanna gagnvart
heildarskuldbindingum sínum er
mismunandi. Framsýn stendur
best að vígi og á eignir umfram
skuldbindingar sínar sem nemur
1,5%. Staða hinna er neikvæð.
Þannig eru eignir Sameinaða líf-
eyrissjóðsins 8,6% af heild-
arskuldbindingum í stigadeild.
Skuldbindingar Lífeyrissjóðs
verslunarmanna eru 6,8% umfram
eignir.
Þegar reiknaðar eru út heildar-
skuldbindingar sjóðanna er miðað
við að þeir nái 3,5% meðalávöxtun
yfir lengra tímabil. Nokkur góð ár
á verðbréfamörkuðum geta því
breytt stöðu sjóðanna gagnvart
heildarskuldbindingu við eigendur
sína.
haflidi@frettabladid.is
PATREKSFJÖRÐUR
Vöruafgreiðslan var ekki samþykkt af heil-
brigðiseftirlitinu.
Vöruafgreiðslan ehf.
Neitað um
starfsleyfi
VÖRUFLUTNINGAR Vöruafgreiðslan á
Patreksfirði, sem starfað hefur í
tvö ár án rekstrarleyfis, hefur
heldur ekki starfsleyfi frá Heil-
brigðiseftirlitinu. Fulltrúi Heil-
brigðiseftirlitsins mun hafa neit-
að að gefa út starfsleyfi og gert
athugasemdir við starfsemina í
ljósi þess að matvælaflutningar
eiga sér stað.
„Við höfum unnið samkvæmt
því bréfi og málin eru komin í
lag,“ sagði starfsmaður Vöru-
afgreiðslunnar.
Hann segir að heilbrigðiseftir-
litið hafi enn ekki komið til að
taka út úrbæturnar.
Starfsmaðurinn vildi ekki tjá
sig um það hvernig mál varðandi
starfsleyfi stæðu að öðru leyti en
því að Vegagerðin hefur kært að
fyrirtækið uppfylli ekki skilyrði
fyrir slíku leyfi. ■
CHEN SHUI-BIAN
Forseti Taívans leggur til að sundið milli
Kína og Taívans verði lýst hlutlaust belti.
Forseti Taívans:
Vill hlutlaust
belti
TAÍVAN, AP Chen Shui-bian, forseti
Taívans, hefur lagt til að sundið
milli Taívans og Kína verði lýst
hlutlaust belti. Hann leggur til að
hermenn og allur vopnabúnaður
verði fluttur á brott til þess að
ryðja brautina fyrir sáttaviðræð-
ur milli þjóðanna.
Þetta kom fram í kosninga-
ræðu forsetans í höfuðborginni
Taipei í gær en forsetakosningar
fara fram í landinu í næsta mán-
uði. Hann ítrekaði einnig fyrri ósk
sína um að þjóðirnar skiptist á
sendifulltrúum og taki upp stjórn-
málasamband, sem ekki hefur
verið fyrir hendi síðan Taívanar
rufu tengslin við Kína árið 1949,
en kínversk stjórnvöld líta á eyj-
una sem hluta af Kína. ■
Bylting í fjarskiptum:
Öryggi og þúsundföld geta
FJARSKIPTI „Við erum með þessu að
byggja nýja brú milli Íslands og
meginlandsins í samstarfi við okkar
góðu granna Færeyinga,“ sagði
Sturla Böðvarsson samgönguráð-
herra við vígslu Farice-sæstrengs-
ins í gær.
Strengurinn markar tímamót í
fjarskiptum Íslendinga, þar sem
landið er nú tvítengt um aðskilda
ljósleiðara, austur og vestur um haf.
Þetta þýðir aukið öryggi fyrir síma
og tölvunotendur í samskiptum við
útlönd.
Strengurinn allt að þúsundfaldar
flutningsgetu landsins þegar hann
verður fullnýttur. Hámarksflutn-
ingsgeta strengsins er 720 Gb/s, en
einungis lítið brot getunnar verður
nýtt í upphafi.
Notkun strengsins felur í sér
önnur tímamót, en þetta er fyrsta
fjarskiptatenging Íslands við útlönd
sem er í meirihlutaeigu Íslendinga.
Heildarfjárfesting í strengnum er
um fjórir milljarðar króna. Farice,
sem á og rekur strenginn, mun selja
þjónustu sína í heildsölu til fjar-
skiptafyrirtækja sem munu selja
hana áfram í smásölu. ■
ÁRNI MAGNÚSSON
Félagsmálaráðherra segir skammt í að til-
lögur vegna fjárhagsvanda Fæðingarorlofs-
sjóðs verði kynntar.
Ferðakostnaður
Reykjavíkurborgar:
Lækkar um
18% milli ára
BORGARMÁL Ferðakostnaður borgar-
fulltrúa og borgarstarfsmanna var
rúmar 76 milljónir króna á síðasta
ári. Kostnaðurinn lækkaði um tæp
18% frá árinu 2002, þegar hann var
93 milljónir.
Samkvæmt tölum um ferða-
kostnað frá árinu 1998 hefur hann
aldrei verið lægri en í fyrra. Mestur
var kostnaðurinn árið 2000 þegar
hann nam tæpum 100 milljónum. ■
FERÐAKOSTNAÐUR
Ár Milljónir
1998 87,9
1999 82,6
2000 99,6
2001 97,2
2002 92,8
2003 76,4
Tölur eru á verðlagi í janúar 2004
KK Á BANDVÍDDINNI
Sturla Böðvarsson vígði nýjan sæstreng
sem margfaldar flutningsgetu og eykur
öryggi í fjarskiptum.
BHM vegna uppsagna
á Landspítalanum:
Íhuga
málsókn
UPPSAGNIR Miðstjórn Bandalags
háskólamanna hefur verið boðuð til
aukafundar í dag til að ræða hugs-
anlega málsókn á hendur Landspít-
ala-háskólasjúkrahúsi vegna hóp-
uppsagna.
Á dögunum afhenti BHM at-
hugasemdir vegna uppsagnanna og
krafðist þess að einstaklingsbundn-
ar tilkynningar um uppsagnir eða
aðrar aðgerðir gagnvart starfs-
mönnum yrðu dregnar til baka
skriflega áður en lengra væri hald-
ið. Við því var ekki orðið, uppsagn-
arbréfin voru afhent og telur BHM
það ekki samrýmast lögum, þar sem
félagslegu samráði var ekki lokið.
BHM telur svo mikla galla á
samráði í aðdraganda hópuppsagna
á sjúkrahúsinu að ekki verði við
unað. ■
ÁHYGGJULEYSI Á ÆVIKVÖLDINU
Ávöxtun lífeyrissjóðanna skiptir miklu fyrir landsmenn. Niðurstaða þeirra til lengri tíma ræður því hvernig þorri almennings getur notið efri ára.
Lífeyrissjóður Raunávöxtun 2002 Raunávöxtun 2003
Lífeyrissjóður verslunarmanna -2,7% 12,1%
Lífeyrissjóður sjómanna 0,63% 15,3%
Lífeyrissjóðurinn Framsýn -1,2% 13,9%
Sameinaði lífeyrissjóðurinn -9,9% 7,2%