Fréttablaðið - 04.02.2004, Blaðsíða 8
8 4. febrúar 2004 MIÐVIKUDAGUR
Fjarverandi
„Það er alls ekki hægt að nota
það sem afsökun að forsetinn sé
erlendis og því þurfi að boða til
skyndifundar í ríkisráðinu án
forsetans.“
Ólafur Ragnar Grímsson, forseti Íslands, í Frétta-
blaðinu 3. febrúar um ríkisráðsfund sem hann
frétti af eftir á.
Sjálfsagður fundur
„Mér finnst fundurinn hafa verið
það sjálfsagður að forsetinn
hefði getað sagt sér það sjálfur.“
Halldór Blöndal, forseti Alþingis og handhafi
forsetavalds, í Morgunblaðinu 3. febrúar um
sama ríkisráðsfund.
KB uppreisn?
„Ég get ekkert annað sagt en að
ég gerði ekkert af mér.“
Kristján B. Snorrason, brottrekinn útibússtjóri
KB banka í Borgarnesi, í DV. Blaðið skýrir brott-
reksturinn þannig að Kristján hafi líkt og aðrir
Borgfirðingar viljað standa vörð um merki kaup-
félagsins, KB.
Orðrétt
Lúðvík Bergvinsson:
Okkar vinna bjargar sparisjóðakerfinu
ALÞINGI Lúðvík Bergvinsson, Sam-
fylkingunni, segist fagna því að
frumvarp hans og Einar Odds
Kristjánssonar um sparisjóðina
hafi orðið til þess að viðskiptaráð-
herra leggi einnig fram frumvarp
um sama mál, sem gengur þó
skemur gagnvart sparisjóðunum
að sögn ráðherra.
„Ef það kemur á daginn að
frumvarp ráðherra heldur og nær
þeim markmiðum sem að er stefnt,
þá trúi ég ekki öðru en að við Ein-
ar Oddur skoðum það mjög vand-
lega að draga okkar frumvarp til
baka. Ef það á hinn bóginn heldur
ekki, í ljósi þess að við njótum mik-
ils meirihlutastuðnings hér á þing-
inu, þá látum við að sjálfsögðu á
það reyna,“ segir Lúðvík.
Hann segir það athyglisvert að
Valgerður Sverrisdóttir hafi óskað
eftir svörum frá SPRON um málið
fyrir 6. febrúar, en í millitíðinni
ætli hún að leggja frumvarpið
fram.
„Ég held að vinna okkar Einars
Odds sé að skila því að líklega verði
sparisjóðakerfinu bjargað. Og því
ber að fagna,“ segir Lúðvík. ■
Ábyrgðarhluti að hindra
framþróun sparisjóðanna
Frumvarp Valgerðar Sverrisdóttur viðskiptaráðherra um sparisjóðina kemur í veg fyrir að stofn-
fjáreigendur ráði yfir sjálfseignarstofnunum. Hún efast um að sparisjóðafrumvarp þingmanna
Sjálfstæðisflokks og Samfylkingar standist stjórnarskrárákvæði.
ALÞINGI Ríkisstjórnin samþykkti á
fundi sínum í gær frumvarp Val-
gerðar Sverrisdóttur viðskipta-
ráðherra um sparisjóðina, og hafa
þingflokkar stjórnarflokkanna
veitt því stuðning. Frumvarpið er
í samræmi við hugmyndir sem
ráðherra kynnti í byrjun janúar,
en í því er skilið á milli stofnfjár-
eigenda og sjálfseignarstofnunar
þannig að stofnfjáreigendur ráði
ekki sjálfseignarstofnun, sem
verður til ef sparisjóði er breytt í
hlutafélag.
„Frumvarpið er í samræmi við
þann málflutning sem ég hef haft
uppi í þessu máli, bæði á minni
heimasíðu og í bréfi sem ég sendi
stjórn sjálfseignarstofnunarinnar
í síðustu viku. Þetta er allt öðru-
vísi frumvarp en það sem Lúðvík
Bergvinsson og Einar Oddur
Kristjánsson hafa lagt fram. Það
er einfaldara og minna frumvarp
og það er ekki gengið eins langt
og þeir félagar gera. Ég tel að það
sé mjög stór spurning hvort þau
ákvæði sem þeir leggja til stand-
ist eignarréttarákvæði stjórnar-
skrárinnar og EES-samninginn.
Það er ábyrgðarhluti að læsa
sparisjóðina algerlega inni. Spari-
sjóðirnir verða að eiga möguleika
á ákveðinni framþróun í við-
skiptaheiminum, enda eru þeir
reknir eins og hverjar aðrar fjár-
málastofnanir,“ segir Valgerður,
sem bætir því við að hún efist um
að frumvarpið verði stutt af Pétri
Blöndal, sem er einn stofnfjáreig-
enda.
Ekki verður annað séð en að
frumvarpið, verði það að lögum
fyrir 10. febrúar, kollvarpi áform-
um SPRON um hlutafélagavæð-
ingu og samstarf við KB banka.
Ólíklegt verður að telja að sú
stjórn sem stýra mun SPRON, að
frumvarpi ráðherra samþykktu,
semji við KB banka, í samræmi
við þá viljayfirlýsingu sem undir-
rituð var milli núverandi stjórnar
SPRON og KB banka.
Viðskiptaráðherra vill ekki
fullyrða neitt um áhrifin á vilja-
yfirlýsingu SPRON og KB banka.
„Frumvarpinu er ekki beint
gegn einhverjum einum spari-
sjóði, þetta er almennt frumvarp
og ég tel mikilvægt að þessi
breyting verði gerð. Eins og ég
hef bent á fara fyrrgreindir hags-
munir illa saman, að vera að selja
eigin bréf og vera að selja bréf
sjálfseignarstofnunar. Og í því til-
felli sem uppi er þá er meiningin
að selja bréfin á mismunandi
gengi. Það finnst mér sýna að
þessir hagsmunir fara illa sam-
an,“ sagði Valgerður.
bryndis@frettabladid.is
the@frettabladid.is
Davíð Oddsson um
frumvarp ráðherra:
Áhugi kaup-
enda kann
að minnka
SPRON Davíð Oddsson forsætisráð-
herra segir að fullt samkomulag
sé um það innan ríkisstjórnarinn-
ar að styðja við frumvarp við-
skiptaráðherra um sparisjóðina.
Hann gerir ráð fyrir að frumvarp-
ið komi til með að breyta nokkru
um fyrirhuguð kaup KB banka á
SPRON.
„Það kann vel að vera að áhugi
kaupenda minnki eins og málið er
nú vaxið. Það eru tekin út ákvæði
um að stofnfjáreigendur sem
selja sín bréf geti áfram verið
stjórnarmenn í stórum og miklum
sjóðum þegar þeir eiga ekki neitt.
Það var auðvitað yfirsjón að hafa
þetta ákvæði inni. Það verður
leitast við að hraða þessu frum-
varpi í gegn þannig að það verði
orðið að lögum áður en áformað
er að hlutafélagsvæða SPRON 10.
febrúar næstkomandi,“ segir
Davíð. ■
- Lengd: 210 stundir. - Næsta námskeið: 9. feb.
- Kennslutími: 2 kvöld og laugard. - Stgr.verð: 155.800
Á námskeiðinu læra nemendur að hanna, viðhalda
og setja upp gagnagrunna og gagnagrunnstengdar
vefsíður með þeim forritum sem mest eru notuð
á markaðnum í dag.
Þeir sem hafa hug á þessu námi þurfa að hafa
haldgóða tölvukunnáttu og þekkja vel til Windows
stýrikerfisins og notkun internetsins.
Allar nánari upplýsingar um námið er að finna á ntv.is
Námskeiðinu er skipt
í þrjá hluta:
Myndvinnsla fyrir
vefinn Fireworks
MX 2004 - 54 stundir
Almenn vefsíðugerð
Dreamweaver
MX 2004 - 72 stundir
Gagnagrunnstengd
vefsíðugerð Dreamweaver
MX 2004 - 84 stundir
NÁMSGREINAR:
LÚÐVÍK BERGVINSSON
Segir að hann og Einar Oddur muni skoða
það vandlega að draga sparisjóðafrumvarp
sitt til baka, nái frumvarp viðskiptaráðherra
um sama mál þeim markmiðum sem að
sé stefnt.
Sparisjóðafrumvarp Lúðvíks og Einars Odds:
Sjö manna stjórn
ALÞINGI Samkvæmt frumvarpi
um fjármálafyrirtæki sem Lúð-
vík Bergvinsson og Einar Oddur
Kristjánsson eru flutningsmenn
að og kemur í veg fyrir kaup KB
banka á SPRON er meðal annars
tekið mið af norskum lögum um
sparisjóði. Í ákvæðum laganna
gilda reglur um það hvaða við-
skiptamönnum verður boðið að
gerast stofnfjáreigendur og þeir
skulu við breytingu á sparisjóði í
hlutafélag eingöngu fá hlutafé í
félaginu sem gagngjald fyrir
stofnfjárhluti sína.
Eignarhald stofnunarinnar á
hlutafé í sparisjóðnum skal
grundvallað á langtímahags-
munum hvað snertir vöxt og við-
gang sjóðsins. Fyrstu þrjú árin
eftir breytingu sparisjóðs í
hlutafélag getur sjálfseignar-
stofnunin ekki selt af hlutafjár-
eign sinni í sjóðnum, nema með
einróma samþykki stjórnarinn-
ar. Stjórn sjálfseignarstofnunar-
innar verður samkvæmt frum-
varpinu skipuð sjö mönnum sem
fara með hlutafjáreignina,
þremur fulltrúum sveitarfélag-
anna, tveimur frá viðskiptaráð-
herra, einum frá starfsmönnum
og einum frá öðrum stofnfjár-
eigendum. ■
VALGERÐUR SVERRISDÓTTIR
Í frumvarpi viðskiptaráðherra um sparisjóðina er skilið á milli stofnfjáreigenda og sjálfseignarstofnunar þannig að stofnfjáreigendur ráði
ekki sjálfseignarstofnun, sem verður til ef sparisjóði er breytt í hlutafélag.
FR
ÉT
TA
B
LA
Ð
IÐ
/G
VA