Fréttablaðið - 06.02.2004, Blaðsíða 4

4 6. febrúar 2004 FÖSTUDAGUR
Skipuleggurðu matarinnkaupin
með sparnað í huga?
Spurning dagsins í dag:
Var rétt af Haukum að reka handbolta-
þjálfarann Viggó Sigurðsson?
Niðurstöður gærdagsins
á www.frett.is
25%
75%
Nei
Já
Kjörkassinn
Farðu inn á frett.is og segðu þína skoðun
frétt.is
■ Írak
Howard hvetur Blair til að segja af sér:
Misskildi 45 mínútna frestinn
LONDON, AP Tony Blair, forsætis-
ráðherra Bretlands, vissi ekki
að fullyrðing leyniþjónustunnar
um að Írakar gætu beitt gereyð-
ingarvopnum með 45 mínútna
fyrirvara ætti einungis við um
skammdræg vopn til notkunar á
vígvöllum en ekki um langdræg
vopn. Blair viðurkenndi þetta á
fundi í breska þinginu í umræðu
um skýrslu Huttons lávarðar
þar sem kom fram að fullyrðing-
in ætti einungis við um skamm-
dræg vopn. Blair notaði ógnina
um að Írakar beittu vopnunum
með 45 mínútna fyrirvara sem
rök fyrir því að gera innrás.
Geoff Hoon varnarmálaráð-
herra reyndi í gær að gera lítið
úr viðurkenningu Blairs og
sagði fullyrðinguna litlu máli
hafa skipt í stríðsundirbúningn-
um. Michael Howard, leiðtogi
íhaldsmanna, hvatti forsætis-
ráðherrann hins vegar til að
segja af sér. Blair hefði klikkað
á því að spyrja grundvallar-
spurninga og því ekki búið að
nauðsynlegum upplýsingum. ■
BORGARSTJÓRN Meirihlutinn í borg-
arstjórn hafnaði þeirri tillögu
minnihlutans á fundi borgar-
stjórnar í gær að endurskoða
álagningarprósentu fasteigna-
gjalda íbúðarhúsnæðis, það er
fasteignaskatt og holræsagjald.
Minnihluti D-lista vildi tryggja að
endurmat Fasteignamats ríkisins
um síðustu áramót leiddi ekki til
hækkunar á heildarálögum á íbúð-
areigendur í Reykjavík, umfram
þá 2,7% hækkun sem varð á vísi-
tölu neysluverðs.
Í greinargerð með tillögunni
benti D-listinn á að um síðustu
áramót hefði orðið 10% hækkun á
fasteignamati íbúðaverðs í
Reykjavík og að verðþróun á fast-
eignum í höfuðborginni leiddi þan-
nig með beinum hætti til þess að
auknar álögur yrðu lagðar á alla
fasteignaeigendur. Slík þróun
kæmi verst niður á tekjulágum
hópum, ekki síst öryrkjum og
eldri borgurum sem búa í eigin
húsnæði, en samkvæmt fjármála-
deild Reykjavíkurborgar mun um-
rædd hækkun fasteignamatsins
skila borginni 490 milljónum
króna í auknar tekjur.
„Ein helsta orsökin fyrir stór-
hækkuðu fasteignaverði í Reykja-
vík er sú stefna R-listans að tak-
marka lóðaframboð í borginni.
Það hefur verið viðvarandi lóða-
skortur og uppboð á lóðum hefur
leitt til gegndarlausrar verðhækk-
unar á lóðum. Þetta hefur hækkað
verð á meðalíbúð í fjölbýli um allt
að tvær milljónir króna. Við vilj-
um draga úr álögum, til hagsbóta
fyrir láglaunafólk, eldri borgara
og öryrkja. Þetta er flatur skattur
sem leggst á allt húsnæði,“ segir
Vilhjálmur Þ. Vilhjálmsson, odd-
viti D-lista Sjálfstæðisflokksins í
borgarstjórn.
Þórólfur Árnason, borgarstjóri,
segir að í tillögu D-lista felist
breyting á fyrirliggjandi fjárhags-
áætlun borgarinnar sem myndi
leiða til minni tekna fyrir sveitar-
félagið, en við afgreiðslu fjárhags-
áætlunar fyrir áramót hafi ekki
komið fram breytingartillaga frá
minnihlutanum um að fasteigna-
skattur yrði lækkaður. Meirihluti
R-listans vísar því á bug að lóða-
framboð sé takmarkað, fasteigna-
skattur íbúa hafi hækkað um 16%,
á föstu verðlagi frá 1998, á sama
tíma og fasteignamatið hafi hækk-
að um 63%
„Það er mjög sérstakt að Sjálf-
stæðisflokkurinn kemur ekki með
sparnaðartillögur á móti tillögunni
um skattalækkun. Það er ekki
hægt að leggja fram tillögur um
að draga úr álögum á íbúðareig-
endur án þess að koma með ein-
hverjar hugmyndir um það hvar
væri hægt að spara á móti,“ segir
Þórólfur.
bryndis@frettabladid.is
Deilur í Íran:
Ekkert
samkomulag
TEHERAN, AP Fyrsti varaforseti
íranska þingsins, Mohammad
Reza Khatami, segir að afskipti
varðmannaráðsins hafi orðið til
þess að málamiðlunartillaga Ali
Khamenei, trúarleiðtoga Írans,
næði að setja niður deilur um
framboðsmál vegna komandi
kosninga.
Khamenei fyrirskipaði endur-
skoðun á hverjir fengju að bjóða
sig fram en varðmannaráðið hafði
bannað 2.400 umbótasinnum að
bjóða sig fram.
Mohammad Reza Khatami er
bróðir Khatamis forseta. ■
Ítalir deila:
Fótlegginn
eða lífið
RÓM, AP Eitt helsta deiluefni Ítala
þessa dagana er ákvörðun sykur-
sjúkrar konu um að taka frekar
áhættuna á að deyja heldur en að
láta nema brott annan fótlegg
sinn. Drep er hlaupið í fótinn og
segja læknar að það geti dregið
hana til dauða ef fóturinn er ekki
tekinn af.
Konan hyggst taka áhættuna
en fjöldi manna hefur komið fram
og mótmælt henni. Heilbrigðis-
ráðherrann segir ákvörðunina
ranga en ver rétt konunnar til að
velja sjálf. Saksóknari í Mílanó
vill skoða hvort heilbrigðisyfir-
völd geti fyrirskipað aflimunina
og borgarstjórinn í heimaborg
konunnar hefur óskað eftir fundi
með konunni til að telja henni
hughvarf. ■
Uppreisnarmenn:
Myrtu tugi
flóttamanna
ÚGANDA, AP Uppreisnarmenn í Úg-
anda myrtu 54 óbreytta borgara
og felldu tvo hermenn að auki í
árás á flóttamannabúðir í norður-
hluta landsins í gær.
Talsmaður hersins sagði að
uppreisnarmenn sem barist hafa
gegn stjórn Yoweri Museveni for-
seti um sautján ára skeið hefðu
ráðist á flóttamannabúðirnar.
Stjórnvöld hafa að undanförnu
skorið upp herör gegn uppreisn-
armönnum.
„Ég var að koma í búðirnar og
sumir kofanna eru enn í ljósum
logum,“ sagði séra Sebath Ayele,
trúboði sem starfar í Úganda. ■
HEITIR AÐSTOÐ Paul Bremer,
landstjóri Bandaríkjanna í Írak,
hefur lofað sendinefnd Samein-
uðu þjóðanna fullri aðstoð. Sendi-
nefndin á að kanna hvort for-
sendur séu fyrir aðkomu samtak-
anna að lausn á deilum um mynd-
un ríkisstjórnar heimamanna.
HUNDRAÐ HANDTEKNIR Banda-
ríkjamenn og Írakar hafa hand-
tekið meira en 100 menn sem eru
grunaðir um árásir að undan-
förnu, þeirra á meðal er fyrrum
hershöfðingi í íraska hernum.
IVETTE SANTA MARIA
Segir skipuleggjendur fegurðarsamkeppn-
innar hafa ætlað að færa forseta landsins
sig sem kynlífsgjöf fyrir stuðning við
keppnina.
Fegurðardrottning:
Laus úr
klóm forseta
SENEGAL, AP Perúsk stjórnvöld
rannsaka nú ásakanir þess efnis að
fegurðardrottning landsins hafi
verið lokkuð til Gabon í Vestur-
Afríku á fölskum forsendum og að
reynt hafi verið að þvinga hana til
að gerast ástkona hins 67 ára for-
seta landsins Omars Bongo.
Ungfrú Perú var boðið til
Gabon til að taka þátt í fegurðar-
samkeppni. Þegar hún kom þangað
var hún færð á fund forsetans sem
reyndi að fá hana til að hafa mök
við sig, að því er segir í fréttum
perúískra fjölmiðla. Þegar hún
neitaði var henni haldið nauðugri á
hóteli sínu í tólf daga og ekki
sleppt fyrr en Interpol hafði
afskipti af málinu. ■
ÚTSALA
30-50% afsl.
Undirfataverslun.
Síðumúla 3
Sími: 553 7355
opið virka daga
kl: 11-18
Laugard. kl: 11-15
TONY BLAIR
Viðurkenndi að hafa misskilið
skýrslu leyniþjónustunnar um
gereyðingarvopn Íraka.
VILJA LÆKKA FASTEIGNASKATTA
Borgarstjórnarflokkur Sjálfstæðisflokksins boðaði til blaðamannafundar í Ráðhúsinu í gær þar sem kynntar voru tillögur um að
álagningarprósenta fasteignagjalda yrði endurskoðuð. Meirihluti R-lista felldi tillöguna á fundi borgarstjórnar í gær.
UPPGJÖR Heildareignir Landsbank-
ans jukust um 61% og eru nú 448
milljónir króna. Hagnaður bank-
ans eftir skatta var tæpir þrír
milljarðar króna og jókst um
milljarð. Sigurjón Þ. Árnason,
bankastjóri segist ánægður með
afkomuna í heildina tekið. „Eigna-
aukning bankans í fyrra er sam-
bærileg við eignaaukninguna á
fyrstu 113 starfsárum bankans.“
Landsbankinn er að verða 118 ára.
Ef litið er til efnahagsreikning-
ins er hann nú sjö milljörðum
stærri en efnahagsreikningur Ís-
landsbanka. Sigurjón segir að
stefnt hafi verið að því að ná því
marki á þessu ári, en það hafi
náðst á því síðasta.
Afkoma bankans er í stórum
dráttum í samræmi við spár mark-
aðsaðila. Hagnaðurinn er minni og
skýrist af hærra framlagi á af-
skriftarreikning en vænst var á
síðasta ársfjórðungi. Afskriftir
bankans í fyrra voru rúmir 4,6
milljarðar Sigurjón segir skýringu
þess að leita í því að útlánaeftirlit
bankans hafi verið stóreflt og
vinnubrögðum breytt. Auk þessa
lauk bankinn nokkrum stórum
skuldamálum á árinu. Sigurjón
segir minnkandi vanskil benda til
þess að afskriftir fari minnkandi. ■
MIKIL EIGNAAUKNING
Landsbankinn er í örum vexti. Hagnaður var
þó minni en búist var við og skýringar að
leita í meiri afskriftum en ráð var fyrir gert.
Heildareignir Landsbankans jukust um 61%:
Upp fyrir Íslandsbanka
FR
ET
TA
B
LA
Ð
IÐ
/P
JE
TU
R
Fasteignagjöld
ekki lækkuð
Tillaga D-lista um að lækka fasteignagjöld á íbúðareigendur í Reykjavík
var felld á fundi borgarstjórnar í gær. Sjálfstæðismenn segja auknar
álögur koma verst niður á tekjulágum og eldri borgurum.