Tíminn - 10.11.1971, Page 13

MIÐVIKUDAGTO 10. nóvember 1971
“ÍÞRÓTTIR
TÍMINN
ÍÞRÓTTIR
13
Víkingur
Klp-Reykjavík. — Víkingur sigraði Breiðablik í úrslita-
ieik bikarkeppninnar í knattspyrnu í gærkvöldi, með einu
marki gegn engu. Var markið skorað í fyrri hálfleik, og var
það eitt af því örfáa í þessum leik, sem hægt var að hrópa
húrra fyrir. Markið var í einu orði sagt stórglæsilegt, og
sannkallað mark, sem vert var að sigra með í öðru stærsta
knattspyrnumö'ri landsins. Liðin voru mjög áþekk, en þó
voru Breiðabliksmenn öllu betri og áttu meira í Jeiknum,
en tækifæri þeirra voru sárafá, sem og bikarmeistaranna
nýju og fulltrúa íslands í Evrópukeppni bikarmeistara næsta
ár, Víkings.
Leikið var í flóðljósunum, sem
bæði liðin voru búin að venja sig
við, með því að æfa í þeim undan-
farna daga. Þau þurftu ekki að
kvarta undan aðstæðunum. Völl-
urinn var í góðu ásigkomulagi
og ekki var kuldi í lofti. Að vísu
var nokkur gola, og stóð vindur-
inn beint á annað markið. Og
kom það því jafnt niður á bæði
liðin.
Breiðablik lék undan vindi í
fyrri hálfleik. Eftir 10—15 mín.
kafla þar sem lítill munur var á
liðunum, tóku Kópavogsmenn leik-
inn í sínar hendur og sóttu nær
látlaust fram að leikhléi. Þeim
tókst þó ekki að skora — en áttu
2 til 3 nokkuð góð tækifæri í fyrri
hálfleik. Það fyrra var á 1. mín.
er Eiríkur Þorsteinsson komst að
marki, og það síðara á 20. mín.
— og var það tækifæri nýtt full-
komlega.
Guðgeir Leifsson tók aukaspyrnu
á miðjum vallarhelmingi Breiða-
bliks og sendi knöttinn með rétt-
um smiwigi upp í vindinn, þannig
að hann beygði fyrir markið, Ólaf
ur Hákona.rson, markvörður Breiða
bliks hætti sér út til að handsama
knöttinn — fór einum of langt
þannig að hann missti af honum
og knötturinn sveif beint í höf-
uðið á Jóni Ólafssyni, sem skall-
aði hann með ógurlcgum krafti,
enda fylgdi allur líkami ha.ns eft-
ir, beint í markið. Stórglæsr.legt
mark, sem vert var að klappa
fyrir, enda var það óspart gert
af hinum 1500 áhorfendum, sem
mættir voru.
Ekk hefði verið ósanngjarnt að
Breiðablik hefði skorað 1 til '2 '
: "l/t ' " ' i« i: Oti.OÍ l/l I .>
LANDSLIÐSÞJÁLFARINN
í LANDSLIÐSNEFND!
Klp-Reykjavík. ekki gaf kost á sér aftur eftir
Sú breyting hefur orðið á eins árs veru í henni.
landsliðsnefndinni í handknatt
leik karla, að Hilmar Björns- Fyrir voru í nefndinni þeir
son, landsliðsþjálfari hefur tek Jón Erlendsson Op Hjörleifur
ið sæti í henni í stað Reynis Þórðarson, og verða þeir áfram
Ólafssonar, þjálfara Vals, sem ásaint Hilmari.
mörk í fyrri hálfleik. En í þeim
síðari átti liðið ekki skilið að
skora — því þá gafst aldrei tæki-
færi, og kom Diðrik markvörður
Víkings aðeins einu sinni við
knöttinn í öllum hálfleiknuim.
Leikurinn fór að mestu fram
á miðjunni, þar var mikið spark
að og hart barizt, og í flestum til-
fellum voru þetta tilgangslaus
spörk í allar áttir. Leikurinn var
því leiðinlegur á að horfa og
knattspymulega séð skilur hann
ekkert eftir . . . nema minning
una um, þegar 2. deildarliðið Vík
ingur varð sigurvegari í bíkar-
keppninni.
Víkingarnir komust ekki upp
með sinn ágæta samleik, því
að Breiðabliksmenn voru í eða
við fæturnar á Þeim, þegar knött
urinn var nálægt, og enginn grið
ur var gefinn. Mestur kraftur
Breiðabliks fór í þetta — knatt-
spyrnan eins og aðrir leika hana
sat á hakanum. Miðjumennirnir
puðuðu og spörkuðu og framlínan
varð ein að vinna að því sem
hún fékk. Það var sáralítið og
hún var auðveldlega tekin í
karphúsið hjá vamarmönnum Vík
ings. Sama sagan var hjá hinu
liðinu, Allt fór í spörkiri á miðj
unni og framlínan var ein að
hlaupa um. Þetta var eins - og
þegar glímumenn mætast hvorug
ur gefur tak á hinum, til mikilla
leiðinda fyrir þá sem á horfa.
Bæði liðin og leikmenn þeirra
voru áþekkir í alla staði, og bar
enginn af öðruim, og Guð-
geir Leifsson var óvenju daufur
miðað við fyrri leiki. Allir aðrir
börðust og spörkuðu eins ogjseir
gátu —, og skaraði enginn íram
úr í því-

...
sSsSsSÍK':
Breiðabliksmenn sækja að marki Víkings í fyrri hálfleik í leiknum I gærkveldi.
stekkur upp og reynir skot að marki.
Guðmundur Þórðarson
(Tímamynd Róbert)
Geir Hallsteinsson skoraði 5 mörk í leiknum gegn Árhus KFUM í fyrra-
kvöld, og 5 mörk gegn sama liði með FH á sunnudag. Hann leikur aftur
meS FH í kvöld— mætir KR í 1. deildinni og Valur lelkur viS Hauka,
„Islenzka blandan brást“
Árhus KFUM sigraði úrvalslið HSÍ 20:19 — og
þótti lítið til liðsins koma utan fyrstu 10 mín.
Gleðikarlarnir frá Árósum settu
heldur ofaní við hlandað lið okk-
ar „beztu“ handknattleiksmanna,
er þeir sigruðu það i síðasta leik
sínum í fslandsferðinni góðu —
20:19 — í Laugardalshöllinni á
mánudagkvöldið.
Við hittum þá i búningsklef-
anum eftir leikinn og spurðum þá
hvað þeim hefði fundM um ís-
lenzka liðið — þeir voru að von-
um ofsa kátir, og létu því ýmis-
legt flakka — flest heldu rnei-
kvætt fyrir liðið og stjórnendur
þess. Þó sögðu þeir að þeim hefði
þótt liðið leika glæsilega fyrstu 10
mínúturnar, en eftir það hefði það
ekkert verið, og ekkert sýnt. „Við
erum búnir að leika hér 3 leiki
og þessi var sá Iéttasti“, sagði
einn þeirra „Að vísu lögðum við
mest upp úr því að sigfa íslenzka
landsliðið og gerðum þá okkar
bezta — fórum meira að segja
ekki út að skemimta okkur á sunnu
dagskvöldið bara til þess að vera
betur fyrir kallaðir. Það var tæpt
hjá okkur undir lokin, en við viss-
uoi hvað við vorum að gera og
við tefldum rétt og vel — a.m.k.
mun betur en íslenzka landslið-
ið.“
Þetta var svo sannarlega rétt
hjá danskinum. Fyrstu 10 mínút-
ur leiksins voru irieð þeim glæsi-
legustu, sem maður hefur séð
til ísl. liðs. En svo fékk maður
líka að sjá nær 50 mín, af lélegum
leik, enda segir það sig sjálft
að það hlýtur að vera lélegt lið,
þegar danskt 1. deildarlið, sem
er miðlungsgott, og búið er að
sukka og svalla í nokkra daga, fyr
ir utan að leika 2 erfiða leiki,
sigrar „blöndu“ af okkar beztu
mönnum.
„Landsliðið" hafði frumkvæðið
leiknum, hvað markaskorun snerti,
frá upphafi — utan einu sinni
í s.h. að Danirnir sem léku án
Bjarna Jónssonar, jöfnuðu 11:11.
Þeim tókst ekki að jafna aftur
fyrr en í 16:16 — en þá sá maður
að hverju stefndi, því allt fór í
handaskolum hjá leikmönnum og
„yfirmönnum“ þeirra. Síðustu mín.
voru hreint herfilegar hjá þeim,
hvað eftir annað var skorað í gegn-
um götótta vörn, og ekkert var
varið. Danirnir jöfnuðu 19:19 og
eftir frumhlaup okkar manna,
brunuðu þeir upp og skoruðu sitt
20 mark. íslenzka liðið átti mögu-
leika á að jafna, en tíminn var
naumur og allir vildu skora —
og það fórst fyrir.
Að sjálfsögðu er hægt að hrósa
einstaka leikmönnum fyrir frá-
bæran leik á köflum — en það
er ekki nóg að gera vel einu sinni
og svo ekki oftar. Þeir Gísli, Geir
og Ólafur, gerðu margt laglegt,
enda skoruðu þeir samtals 16 af
mörkunum 19, en jafnbeztir af öll
um Jslendingunum voru dómararn-
ir Björn Kristjánsson og Karl Jó-
hannsson, þeir dæmdu eins og
bezt gerist allan tímann. — klp.