Fréttablaðið - 07.02.2004, Blaðsíða 8
8 7. febrúar 2004 LAUGARDAGUR
Geðþóttaákvarðanir Björns
„Ég botna ekkert í Birni. Hverj-
um er hann að þjóna? En þetta
verður að skoða í stærra sam-
hengi og varpar ljósi á hve ber-
skjaldaður Hæstiréttur er fyrir
geðþóttaákvörðunum stjórn-
málamanna.“
Sigurður Líndal lagaprófessor í Stúdentablaðinu
um þá ákvörðun Björns Bjarnasonar dómsmála-
ráðherra að skipa Ólaf Börk Þorvaldsson hér-
aðsdómara, frænda forsætisráðherra,
sem dómara við Hæstarétt.
Betra myndefni
„Það fiskaðist illa og síðan var
þetta svo lítið að þeir vildu
safna þessu saman í kar. Þess
vegna var það þægilegra fyrir
myndavélina að safna þessu
saman í kar.“
Sturla Sigurðsson háseti lýsti því í DV 6. febrúar
hvernig áhöfn Báru ÍS hefði hagrætt brottkasti
fyrir fréttamenn Morgunblaðsins
og Sjónvarpsins.
Orðrétt
Sturla Böðvarsson um skýrslu um áhrif hvalveiða:
Umfangsmeiri en búist var við
ALÞINGI „Það hefur komið í ljós að
vinna samgönguráðuneytisins við
skýrsluna er mun umfangsmeiri
og kostnaðarsamari en búist var
við, því er líklegt að könnunin gefi
ekki rétta mynd nema hún nái til
stærri hóps og yfir lengri tíma. Ég
vil frekar gera þinginu grein fyr-
ir þessu, heldur en að skila
skýrslu sem gæfi takmarkaðar
upplýsingar um það sem óskað
var,“ sagði Sturla Böðvarsson
samgönguráðherra á Alþingi í
fyrradag, en Mörður Árnason,
Samfylkunni, óskaði eftir skýrslu
um það hvaða áhrif hvalveiðar Ís-
lendinga í vísindaskyni á síðasta
ári hefðu á ímynd landsins og
ferðamannaþjónustu.
Mörður þakkaði samgöngu-
ráðherra fyrir upplýsingarnar og
sagði mikilvægast að fá svör við
þeim spurningum sem vakna um
áhrif hvalveiðanna á ímynd lands-
ins sem ferðamannalands.
„Það skiptir minna máli hversu
langan tíma þetta tekur, innan
þeirra marka þó að það sé ákaf-
lega brýnt að svör við þessu liggi
fyrir, áður en tekin verður
ákvörðun um það hvort framhald
verði á hvalveiðum. Þessi vinna
hefði átt að vera hluti af þeirri
ákvörðun ríkisstjórnarinnar að
hefja hvalveiðar á sínum tíma,“
sagði Mörður. ■
Hvalaskoðun í örum vexti:
250 milljóna velta
FERÐAÞJÓNUSTA Gera má ráð fyrir
að bein efnahagsleg áhrif hvala-
skoðunar verði nálægt 2,5 millj-
örðum króna, árið 2007.
Í greinargerð sem unnin var af
nemendum við Háskólann á Akur-
eyri fyrir Ferðamálasetur Ís-
lands, var ætlunin að finna stærð-
argráðu efnahagslegra áhrifa
hvalaskoðunar. Niðurstöðurnar
voru þær að ferðaþjónustan er í
örum vexti á Íslandi og hvalaskoð-
un er sá hluti ferðaþjónustunnar
sem vex hvað hraðast. Miðað við
sömu þróun í fjölda, ferðamanna
sem fara í hvalaskoðun á Íslandi,
má ætla að þeir verði um áttatíu
þúsund á þessu ári og um hundrað
þúsund árið 2007.
Í fyrra var áætluð velta hvala-
skoðunarfyrirtækja, á sölu far-
miða, um 250 milljónir króna. Ef
tekið var tillit til, ferða-, matar- og
gistikostnaðar, kom í ljós að bein
efnahagsleg áhrif hvalaskoðunar
var um 1,7 milljarður króna í
fyrra. Í greinargerðinni segir að
„hvalaskoðun er án efa drifkraft-
ur í atvinnulífi þeirra byggðar-
laga þar sem hún er stunduð og
aðkallandi að skoða nánar efna-
hagsleg áhrif hvalaskoðunar“. ■
Andstæðingar
konungdæmis:
Til hjálpar
prinsessu
KAUPMANNAHÖFN, AP Fyrrum komm-
únistar á danska þinginu mæltu
fyrir rétti verðandi prinsessu við
umræðu um greiðslu lífeyris úr rík-
issjóði til Friðriks krónprins. Þing-
mennirnir, sem eru andvígir kon-
ungdæminu, kröfðust þess að prins-
essan fengi sjálfstæðan lífeyri.
Fyrir danska þinginu liggur
frumvarp um þreföldun lífeyris
krónprinsins þegar hann kvænist.
Samkvæmt því fengi hann um 170
milljónir íslenskra króna og ætti
að leggja eiginkonu sinni til 15
milljónir. Þetta þótti þingmönnun-
um til marks um karlrembu. ■
Héraðsdómur
Reykjavíkur:
Sex milljónir
í skaðabætur
DÓMUR Maður fékk tæpar sex
milljónir í skaðabætur eftir
vinnuslys. Hann meiddist á hné
eftir að hann féll um rör á gólfi
þegar hann var að bera plast-
plötu.
Dómurinn komst að þeirri
niðurstöðu að frágangur á rör-
inu hefði ekki verið nægjanleg-
ur. Samkvæmt dómnum ber
maðurinn fjórða hluta skaðans
þar sem hann átti sjálfur hlut í
því að ekki var gengið almenni-
lega frá rörinu. ■
STJÓRNMÁL „Ég er á þeirri skoðun
að enskan eigi að verða fyrsta
tungumál á eftir grænlenskunni,“
segir Doris Jakobsen, þingmaður
á grænlenska heimastjórnarþing-
inu, sem er stödd á Íslandi vegna
ráðstefnu Norðurlandanna um
skólamál. Doris situr á þingi fyrir
Siumutflokkinn og er formaður
menningarmálanefndar græn-
lensku heima-
st jórnar innar
sem er reyndar
öll á Íslandi.
Hún er næst-
yngsti þingmað-
urinn, aðeins 25
ára en þó komin
til mikilla met-
orða innan
flokks síns.
Hún segir
mikilvægt fyrir
Grænlendinga að efla skólakerfi
sitt og læra af öðrum Norður-
landaþjóðum í því efni. Hún segir
að áríðandi sé í þeim efnum að
efla kennaranám á Grænlandi og
undirbúa þannig þjóðina til að
taka ábyrgð á eigin málum í stað
þess að vera undir stjórn Dana.
„Yngra fólk á Grænlandi hugs-
ar öðruvísi en þeir eldri sem eru
íhaldssamari. Ég er á þeirri skoð-
un að Grænlandi eigi að fá fullt
sjálfstæði á næstu árum í stað
þess að vera undir Dönum,“ segir
Doris.
Hún segist bera mikla virðingu
fyrir Íslendingum sem séu Græn-
lendingum góð fyrirmynd í sjálf-
stæðismálum en vissulega verði
það dýrt fyrir Grænlendinga að
sleppa dönsku styrkjunum í landi
þar sem fjarlægðir eru gríðarleg-
ar.
„Vissulega mun sjálfstæðið
kosta okkur ýmsar fórnir en það
er fyllilega þess virði. Hér er
alltof lengi búið að tala um þessa
hluti án þess að neitt gerist. Með-
al hinna eldri er það viðhorf al-
gengt að halda beri óbreyttu
ástandi en yngri kynslóðin er
gjarnan á allt annarri skoðun eins
og sjá á af afstöðu yngra fólks til
enskunnar sem gengur þvert á
vilja margra þeirra eldri sem
kjósa að halda sig við dönskuna,“
segir hún.
Doris segir að heimsóknin til
Íslands hafi verið einstaklega
lærdómsrík. Megintilgangurinn
var sá að kynna sér skólamál en
meðal annars fundaði menningar-
málanefndin með forsvarsmönn-
um skákfélagsins Hróksins og
Skákar í norðri sem hafa unnið að
landnámi skákarinnar á Græn-
landi. Doris segir að augu sín hafi
opnast fyrir því að skákin geti
gefið Grænlendingum mikið.
„Íslendingar standa framar-
lega í skáklistinni og samvinna
Grænlands og Íslands á þessu
sviði er mjög æskileg. Ég tel
reyndar að stefna eigi að því skák
verði tekin upp sem hluti af kenn-
aranámi á Grænlandi og mark-
miðið verði að koma henni inn í
alla grænlenska skóla. Þetta er
íþrótt sem er börnum einstaklega
holl,“ segir Doris.
rt@frettabladid.is
Enska komi
í stað dönsku
Grænlenski þingmaðurinn Doris Jakobsen stefn-
ir að fullu sjálfstæði Grænlands. Vill sækja skák-
þekkingu til Íslands og kenna í öllum skólum.
„Vissulega
mun sjálf-
stæðið kosta
okkur ýmsar
fórnir en það
er fyllilega
þess virði.
HARÐSNÚINN ÞINGMAÐUR
Doris Jakobsen situr á grænlenska heimastjórnarþinginu fyrir Siumut og er formaður
menningamálanefndar þingsins.
STURLA BÖÐVARSSON
Samgönguráðherra segir að skýrsla um
áhrif hvalveiða á ímynd Íslands sem ferða-
mannalands, hafi reynst umfangsmeiri og
dýrari en gert var ráð fyrir.
FR
ÉT
TA
B
LA
Ð
IÐ
/G
VA