Fréttablaðið - 08.02.2004, Blaðsíða 4

4 8. febrúar 2004 SUNNUDAGUR
Á að heimila hækkun Laxárstíflu?
Spurning dagsins í dag:
Væri rétt að sameina Landsbankann
og Íslandsbanka?
Niðurstöður gærdagsins
á www.frett.is
45%
41%
Nei
14%Alveg sama
Já
Kjörkassinn
Farðu inn á frett.is og segðu þína skoðun
frétt.is
Eldsneytisverð hjá Olís og Skeljungi lækkar líka:
Sama sjálfsafgreiðsluverð hjá öllum
ELDSNEYTISVERÐ Olís og Skeljungur
lækkuðu í gær eldsneytisverð hjá
sér og fylgdu í kjölfar lækkana
hjá ESSO. Lækkunin nær þó að-
eins til eldsneytis í sjálfs-
afgreiðslu og er verð í sjálfs-
afgreiðslu nú það sama hjá öllum
félögunum.
Verð á 95 oktana bensíni á
sjálfsafgreiðslustöðvum Olís er
nú 93,70 lítrinn, lækkar um 3,20
krónur eða 3,3 prósent. Almennt
verð á Olísstöðvum á 95 oktana
bensíni er eftir sem áður 97,70
krónur.
Dísilolía á sjálfsafgreiðslu-
stöðvum Olís kostar nú 36,10
krónur lítrinn en í fullri þjónustu
40,10.
Almennt verð á ÓB-stöðvum á
95 oktana bensíni er nú 92,50
krónur lítrinn og á dísilolíu 34,90
krónur lítrinn.
Hjá Skeljungi lækkaði verð á
bensíni um 3,20 krónur og lítrinn
af dísilolíu lækkar um 5,70 krón-
ur.
Sjálfsafgreiðsluafsláttur fé-
lagsins á höfuðborgarsvæðinu og
á Akureyri er 4 krónur og því er
sjálfsafgreiðsluverð á þessum
stöðum eftir breytinguna sem
hér segir: 95 oktana bensín kost-
ar 93,70 krónur lítrinn, 99 oktana
Shell V-Power kostar 100,70
krónur lítrinn og dísilolía kostar
36,10 krónur í sjálfsafgreiðslu.
Verð á 95 oktana bensíni á
Shell-stöðvum með fullri þjón-
ustu er 97,70 krónur lítrinn og 99
oktana Shell V-Power kostar
104,70 krónur lítrinn. Lítrinn af
dísilolíu kostar 40,10 krónur. ■
ATVINNUMÁL „Ég hef rætt við
marga starfsmenn á Kárahnjúka-
svæðinu undanfarna daga, sem
eru orðnir langþreyttir á þessu
ástandi,“ sagði Aðalbjörn Sigurðs-
son, framkvæmdastjóri AFLS,
Starfsgreinafélags Austurlands.
Kvartanir streyma stöðugt frá ís-
lensku starfsfólki á svæðinu. Þær
snúast annars vegar um vangold-
in laun, þar sem vantar upp á út-
borganir. Hins vegar kvartar fólk
undan hrokafullri og óviðeigandi
framkomu yfirmanna fyrirtækis-
ins Sodexho. Margir hafa haft
samband við Fréttablaðið vegna
þessara atriða.
„Þegar síðast var greitt út fékk
ég allt of margar símhringingar
um mistök,“ sagði Aðalbjörn.
„Sumu hefur verið kippt í liðinn,
öðru ekki. Stundum vantar ein-
hverja þúsundkalla upp á, stund-
um 20-30.000 krónur. Stundum
vantar yfirvinnu í einn dag, stund-
um heilu vikurnar.“
Aðalbjörn sagði að eðli kvart-
ana starfsfólksins hefði breyst frá
upphafi. Fyrst hafi þær einkum
snúið að ófullnægjandi aðbúnaði.
Nú væri meira kvartað um að fólk
væri að fá „vitlaust útborgað“.
Það vildu gleymast „tímar hér“ og
„dagar þar“.
„Það hefur komið upp að mistök
hafa verið í launagreiðslum til sama
einstaklings hvað eftir annað. Það
segir sig sjálft að slíkt veldur
óánægju og slæmum starfsanda til
lengri tíma litið. Fólk fær á tilfinn-
inguna að verið sé að hafa eitthvað
af því ef þetta gerist ítrekað.“
Aðalbjörn sagði að mistökin
væru leiðrétt í einhverjum tilvik-
um. Í öðrum væri um að ræða mál
sem enn væru í gangi. Hann
kvaðst ekki hafa tölu yfir þau, en
þau væru allt of mörg.
Varðandi kvartanir starfsfólks
vegna hrokafullrar framkomu yf-
irmanna sagði Aðalbjörn að það
ætti einkum við um eitt fyrirtæki
á svæðinu, Sodexho, sem er undir-
verktaki Impregilo. Það fyrirtæki
sér um mötuneytismál og hrein-
gerningaþáttinn á svæðinu.
„Þeir hafa verið mjög erfiðir í
samskiptum við starfsfólkið,“
sagði hann. „Ítrekað hefur verið
talað við þá, þeir lofa bót og betr-
un, en ekkert breytist. Við höfum
fengið allt of mikið af kvörtunum
vegna þessa. Það virðist vera eitt-
hvað að í boðleiðakerfinu milli yf-
irmanna og undirmanna hjá þessu
fyrirtæki og starfsmannabreyt-
ingar verið miklar, eðli málsins
samkvæmt.“
jss@frettabladid.is
FLAK BÍLSINS
Fjöldi fólks skoðaði vettvang árásarinnar.
Árás Ísraela:
Tveir létust
GAZA, AP Einn leiðtoga herskárrar
hreyfingar Palestínumanna, Aziz
Mahmoud Shami, og tólf ára
drengur sem var á leið í skólann
létust þegar ísraelsk herþyrla
skaut flugskeyti að bíl mannsins
þar sem hann var á ferð í fjölfar-
inni götu í Gazaborg. Tíu Palest-
ínumenn til viðbótar særðust í
árásinni, þrír þeirra lífshættu-
lega.
Talsmenn ísraelska hersins
segja Shami hafa verið að undir-
búa meiriháttar árás á landnema-
byggðina Netzarim á Gaza-svæð-
inu. Hann er líka sagður hafa stað-
ið að baki sjálfsmorðsárás í Net-
anya sem banaði 21 Ísraela. ■
Bankaránið í SPRON:
DNA var
ekki úr þeim
grunuðu
LÖGREGLAN „Það er ekki hægt að
tengja lífsýni úr nælonsokknum
við mennina tvo
sem grunaðir
voru um ránið,“
segir Hörður
Jóhannesson,
yfir lögreglu-
þjónn í Reykja-
vík, en sokkur-
inn var talinn
tengjast vopn-
uðu bankaráni
sem framið var
í SPRON í Há-
túni níunda jan-
úar síðastlið-
inn.
Hörður seg-
ir að sokkurinn
hafi fundist á
líklegri flóttaleið skammt frá
ránsstaðnum. Annar bankaræn-
ingjanna notaði sokk til að hylja
andlit sitt. „Við höldum ótrauðir
áfram með rannsóknina,“ segir
Hörður.
Mennirnir tveir sem grunaðir
voru um ránið voru handteknir að
kvöldi níunda janúar síðastliðinn
og sátu í gæsluvarðhaldi til nítj-
ánda sama mánaðar. Átta til við-
bótar voru handteknir í tengslum
við ránið. ■
Stjórnardeilan í Íran:
Kosningar
fara fram
TEHERAN, AP Mohammad Khatami,
forseti Írans, segir að ríkisstjórn
sín muni halda þingkosningar 20.
febrúar eins og til stóð en segir að
þær verði hvorki frjálsar né rétt-
látar þar sem 2.400 einstaklingar
úr röðum umbótasinna hafi verið
útilokaðir frá framboði.
Íranska stjórnin hafði sagt að
hún myndi ekki halda kosningarn-
ar nema þær yrðu réttlátar og
þeim hagað þannig að frambjóð-
endum yrði ekki mismunað.
Khatami hafði beðið Ali
Khamenei, æðsta leiðtoga Írans,
um að fresta kosningunum en því
hafnaði Khamenei. ■
FJÓRIR TEKNIR FYRIR HRAÐAKSTUR
Hafnarfjarðarlögreglan stöðvaði
fjóra ökumenn í gærmorgun eftir
að þeir mældust á of miklum hraða
þrátt fyrir að aðstæður til aksturs
væru slæmar, hálka og snjókoma.
Einn ökumannanna er grunaður um
ölvun við akstur.
VALT ÚT Í SJÓ Stjórnandi vélgröfu
í Hestfirði í Ísafjarðardjúpi slapp
með minniháttar meiðsli þegar
grafan valt ofan í fjöru og að
hluta út í sjó. Maðurinn komst af
sjálfsdáðum út úr gröfunni í sjó-
inn og þaðan í land. Félagar hans
komu honum fljótlega í hús og
ekki vanþörf á því tíu til tólf
stiga frost var á svæðinu.
ATHUGA KOSNINGAR Nefnd á
vegum Sameinuðu þjóðanna, sem
kanna á hvort mögulegt sé að
efna til kosninga áður en Írakar
taka við völdum 30. júní, kom til
landsins í gær. Kofi Annan, aðal-
ritari Sameinuðu þjóðanna, sagði
stefnt að því að ræða við fulltrúa
allra hópa Íraka um hvernig
halda mætti kosningar.
RANNSAKA KYNFERÐISOFBELDI
Donald Rumsfeld, varnarmála-
ráðherra Bandaríkjanna, hefur
fyrirskipað rannsókn á ásökunum
um kynferðisofbeldi sem kven-
kyns hermenn hafa orðið fyrir af
öðrum hermönnum í Írak. 80 slík
mál hafa verið tilkynnt hjá hern-
um en gagnrýnt hefur verið
hvernig staðið hefur verið að
rannsókn þeirra.
300 DREPNIR Um 300 íraskir lög-
reglumenn og öryggisverðir sem
vinna með Bandaríkjaher hafa
verið myrtir frá því sveitum
þeirra var komið á fót á síðasta
ári. Árásum á þá hefur fjölgað að
undanförnu, að sögn Marks
Kimmitt, hershöfðingja í Banda-
ríkjaher.
STJÓRNMÁL Pétur Blöndal er undr-
andi á þeim persónulegu ummæl-
um sem fallið hafa í hans garð
vegna sparisjóðamálsins. Kristinn
H. Gunnarsson, þingmaður Fram-
sóknarflokksins, sagði til að
mynda á Alþingi að Pétur ætti að
hætta að láta stjórnast af fé-
græðgi.
Pétur segir slæmt hversu per-
sónuleg umræðan hafi verið. „Ég
hef reynt að vanda mig við það í
pólitíkinni að vera ekki með ill-
yrði eða sleggjudóma og mér
finnst mjög miður að upplifa
þetta síðustu tvær vikur,“ segir
Pétur.
Hann telur að ýmis ómálefna-
leg ummæli vegna málsins séu
ekki sæmandi þeim sem hafa látið
þau falla. Hann segir að menn
misskilji þá baráttu sem hann hef-
ur háð fyrir því að ekki myndist
umboðslaust vald í krafti eigenda-
lausra sjóða.
Pétur hefur í þessu sambandi
nefnt vonda útreið bænda vegna
fjárframlaga til byggingar
Bændahallarinnar og segir þau
vera dæmi um hættuna við það
þegar peningar eru teknir af fólki
til „góðra“ málefna. Hann segir að
staða bænda gefi síst tilefni til
þess að slíkir fjármunir séu hafðir
af þeim.
Um sparisjóðalögin segir Pétur
að sér hafi þótt gæta ákveðins
misskilnings í umræðum um þau
á þingi. „Lögin eru mjög flókin og
menn þurfa að liggja yfir þeim í
marga daga til að skilja þau til
hlítar,“ segir hann. ■
BENSÍNSTRÍÐ Í SJÁLFSAFGREIÐSLU
Olís og Skeljungur fylgdu í gær í kjölfar
lækkana hjá ESSO og breyttu verði á bens-
íni og dísilolíu. Veðrið á 95 oktana bensíni
í sjálfsafgreiðslu er nú það sama hjá öllum
þremur olíufélögunum.
STÖÐUGAR KVARTANIR
„Stundum vantar einhverja þúsundkalla upp á útborgunina, stundum 20-30.000 krónur,“
segir framkvæmdastjóri AFLS um allt of tíð mistök í útborgunum til starfsmanna á Kára-
hnjúkasvæðinu.
Pétur H. Blöndal vegna orðaskipta á Alþingi í SPRON-málinu:
Undrandi á málflutningi
PÉTUR H. BLÖNDAL
Segir þingmenn ekki hafa skilið sparisjóða-
frumvarpið enda séu lögin mjög flókin.
■ Lögreglufréttir
■ Írak
Vangoldin laun og
hrokafull framkoma
Kvartanir streyma frá íslenskum starfsmönnum á Kárahnjúkasvæðinu
til Starfsgreinafélags Austurlands. Kvartað vegna vangoldinna launa og
hrokafullrar framkomu yfirmanna Sodexho við starfsfólk.
RÆNINGINN NOTAÐI
NÆLONSOKK
Ekki er hægt að tengja
nælonsokk sem fannst
við hina grunuðu.
Breskir lögreglumenn:
Kærðir fyrir
nauðgun
BRETLAND Tveir breskir lögreglu-
menn hafa verið ákærðir fyrir að
nauðga ungri konu meðan þeir
voru á vakt, að því er breska sjón-
varpsstöðin Sky greinir frá.
Lögreglumennirnir voru hand-
teknir eftir lögreglurannsókn sem
hófst eftir að þeir voru sakaðir
um athæfið, sem átti sér stað í
september á síðasta ári. Mennirn-
ir hafa verið úrskurðaðir í gæslu-
varðhald og hefjast réttarhöld í
máli þeirra næsta föstudag. ■