Fréttablaðið - 10.02.2004, Blaðsíða 11

11ÞRIÐJUDAGUR 10. febrúar 2004
Ferðir á vegum ríkissjóðs:
Verðmæti
ferðapunkta
FERÐALÖG „Fjármálaráðuneytið
býr ekki yfir þeim upplýsingum
sem óskað er eftir né hefur upp-
lýsingar á sínu forræði.“
Þetta kemur fram í svari fjár-
málaráðherra við fyrirspurn Jó-
hanns Ársælssonar alþingis-
manns um verðmæti ferðapunkta
sem flugfélög veittu einstakling-
um fyrir ferðir sínar á vegum rík-
issjóðs árið 2002.
Þar sem Flugleiðir hafa
stærstu markaðshlutdeildina í
ferðum, fór fjármálaráðuneytið
fram á við félagið að veita upplýs-
ingar er varða ferðir einstaklinga
á vegum ríkisins. ■
John Kerry á tímum Víetnamstríðsins:
Frá Víetnam
í mótmælin
1966 Gengur í flotann að loknu
námi.
1967 Fer til Víetnam, fyrst á skipi
fyrir utan ströndina, síðan á hrað-
bátum sem gerðu strandhögg og
fóru upp ár Víetnam. Særist lítil-
lega í skotbardaga.
1968 Fær sprengjubrot í læri í
skotbardaga og fær viðurkenn-
ingu. Önnur viðurkenning fyrir
að hlaupa í land og fella ví-
etnamskan hermann sem hafði
skotið að bandarískum hermönn-
um. Fær þriðja purpurahjartað
þegar sprengja springur nærri
bát hans og særir hann. Fluttur til
Bandaríkjanna að eigin beiðni.
1970 Leystur undan herþjónustu
með sæmd, sex mánuðum fyrr en
til stóð svo hann geti sóst eftir
sæti á ríkisþingi Massachusetts.
Beitir sér í baráttunni gegn stríð-
inu í Víetnam.
1971 Skipuleggur mótmæli gegn
stríðinu og hendir viðurkenning-
um sínum fyrir framgöngu í
stríðinu. ■
Mannshvarf upplýst:
57 ára
gamalt lík
ALBANY, AP Verkamenn sem voru
að grafa fyrir húsgrunni á auðri
lóð í Albany í Bandaríkjunum
fundu lík konu sem hvarf í nóvem-
ber 1946.
Líki Emmu Moccio hafði verið
komið fyrir ofan í stórri tunnu en
krufning leiddi í ljós að hún hafði
verið kyrkt. Talið er að eiginmað-
ur hennar, Ralph Moccio, hafi
framið verknaðinn en hann vann á
verkstæði sem eitt sinn stóð á lóð-
inni.
Ralph Moccio var síðar hand-
tekinn og dæmdur í fangelsi fyrir
að drepa aðra konu árið 1937.
Hann svipti sig lífi í fangelsi. ■
Forkosningar:
Enn vinnur
John Kerry
WASHINGTON, AP John Kerry vann
forkosningar demókrata í Maine á
sunnudag með svipuðum yfir-
burðum og forkosningarnar í
Michigan og Washington. Hann
hefur því unnið í tíu af fyrstu tólf
forkosningum demókrata.
Kerry fékk nær helming
atkvæða eða 46%. Næstur kom
Howard Dean með 26% en Dennis
Kuchinich varð þriðji með þrettán
prósent atkvæða. John Edwards
og Wesley Clark gáfu ríkið upp á
bátinn og uppskáru samkvæmt
því, níu og fjögur prósent
atkvæða.
Kosið verður í Tennessee og
Virginíu í kvöld og er búist við
jafnari baráttu. ■
JOHN KERRY
Veifar til stuðningsmanna á fundi í Virginíu
þar sem kosið verður í dag.
KERRY HEIÐRAÐUR
Margverðlaunaður fyrir frammistöðu
sína í Víetnam þar sem hann særðist
nokkrum sinnum.
einhverja þá deild hersins þar sem
líkur voru á að hann lenti í bardög-
um. Ásakanirnar kunna hins vegar
að reynast honum erfiðari nú þar
sem líklegasti andstæðingur hans
er margverðlaunuð stríðshetja ólíkt
Al Gore sem fór að vísu til Víetnam,
en sem hluti stoðdeilda hersins en
ekki til að berjast.
Bush hefur varið ákvörðun sína.
„Ég þjónaði í þjóðvarðliðinu. Ég
flaug F-102 orrustuþotu. Ég var
brautskráður með sæmd,“ sagði
forsetinn í viðtali á NBC-sjónvarps-
stöðinni. Hann sagðist ekki gera lít-
ið úr þjóðvarðliðinu enda væru
margir þjóðvarðliðar að sinna skyl-
du sinni í Írak.
Heimsmyndin breytist fljótt
„Hvað sem öðru líður fór Kerry
til Víetnam en Bush ekki og það
hlýtur að vera óþægileg staðreynd
fyrir forseta sem hefur lagt svo
mikið upp úr þjóðrækni,“ sagði
Douglas Brinkley sagnfræðingur í
viðtali við AP-fréttastofuna.
Brinkley, sem hefur skrifað um
herþjónustu Kerrys í Víetnam, seg-
ir að ekki megi gera lítið úr þeim
tveimur árum sem liðu frá því
Kerry skráði sig í flotann þar til
Bush valdi að fara í þjóðvarðliðið.
Brinkley segir að þegar Kerry
ákvað að gegna herþjónustu hafi
ungt fólk enn séð heiminn í svart
hvítu, það hafi ekki komið til
greina að gegna ekki herþjónustu.
„Stóra ákvörðun Kerrys var hvaða
deild hersins hann ætti að ganga í.
Vildi hann fara til Víetnam? Nei.
En hvernig gæti hann lifað með
sjálfum sér ef hann beitti brögðum
til að komast hjá því að gera skyldu
sína.“
Þegar kom að Bush að taka
ákvörðun var heimsmyndin allt
önnur sagði Brinkley. „Þegar kom-
ið var fram á árið 1968 voru snjöllu
ungmennin hætt að fara. Þá var allt
í lagi að fara ekki til Víetnam og
Bush leitaði að leið til að fara
ekki.“ Ákvörðun hans kynni að
hafa orðið önnur hefði hún verið
tekin tveimur árum fyrr bætti
Brinkley við.
Á öndverðri skoðun
Annað sem gerir Bush erfitt fyr-
ir er að hann segist hafa verið fylgj-
andi stríðinu í Víetnam þó hann hafi
ekki farið þangað. Kerry, sem var
margheiðraður fyrir framgöngu
sína og hefur verið umvafinn félög-
um úr Víetnamstríðinu í kosninga-
baráttunni – þeirra á meðal einum
hvers lífi hann bjargaði, hóf hins
vegar baráttu gegn stríðinu fljót-
lega eftir að hann sneri aftur. Hann
skipulagði mótmæli og bar vitni
fyrir þingnefnd, en viðurkenndi
reyndar síðar að vitnisburð sinn þar
byggði hann á frásögnum sem hann
heyrði af atburðum sem hann sá
ekki.
Þjónusta í þjóðvarðliðinu var tal-
in auðveldi valkosturinn við hliðina
á því að fara til Víetnam og á þess-
um tíma komust færri að en vildu.
Bush neitar því alfarið að hafa beitt
fjölskyldutengslum til að komast
að. Maurice Udell, kennari Bush á
herflugstöðinni í Ellington, segir
sinn gamla nemanda ekki hafa notið
neinna forréttinda og segir ekkert
óeðlilegt við að hann hafi verið
leystur undan þjónustu snemma.
Hann segir Bush hafa verið einn
besta nemanda sinn og að hann
hafi spurst fyrir um áætlun þar
sem flugmenn úr þjóðvarðliðinu
voru sendir til Víetnam. Udell
hafi hins vegar sagt honum að
hann kæmist ekki að þar sem
hann hefði fengið þjálfun á F-
102 orustuþotuna sem herinn
var að taka úr notkun á þessum
tíma. ■
Fréttaskýring
BRYNJÓLFUR ÞÓR
GUÐMUNDSSON
■ skrifar um herþjónustu tveggja manna sem
vilja gegna forsetaembætti í Bandaríkjunum..
Konu bjargað úr rústum fjölbýlishúss:
Lá í sjö daga undir rotnandi líkum
ANKARA, AP Konu á þrítugsaldri var
bjargað á lífi úr rústum ellefu
hæða fjölbýlishúss í borginni
Konya í Tyrklandi sjö dögum eft-
ir að byggingin hrundi til grunna.
Yasemin Yaprakci lá föst undir
rotnandi líkum við aðalinngang
hússins og tók það margar
klukkustundir að losa hana. „Ég
skal bjóða ykkur heim í te ef þið
bjargið mér héðan,“ sagði
Yaprakci við björgunarmennina
sem gáfu henni súrefni á meðan
þeir unnu að því að ná henni út.
Yaprakci var flutt þungt haldin á
hersjúkrahús í höfuðborginni
Ankara. Að sögn lækna er hún
með innvortis blæðingar, brotin
rifbein og drep.
Björgunarmenn fundu einnig
tíu lík í rústunum í gær og er tala
látinni því komin í 85. Tuttugu
manna er enn saknað en ólíklegt
er talið að fleiri muni finnast á
lífi. Sextán ára dreng var bjargað
úr rústunum á sunnudaginn en þá
hafði enginn fundist á lífi í fimm
daga. ■
ÓTRÚLEG BJÖRGUN
Yasemin Yaprakci var flutt með þyrlu á hersjúkrahús í Ankara. Að sögn lækna er ástand
hennar mjög alvarlegt.