Fréttablaðið - 11.02.2004, Blaðsíða 2

2 11. febrúar 2004 MIÐVIKUDAGUR
„Það kemur fyrir, en ég get nú
samt ekki sagt oft.“
Kristinn H. Gunnarsson, þingmaður Framsóknar-
flokksins, sagðist í Fréttablaðinu í gær vera hissa á
að sjálfstæðismenn vildu afnema
sjómannaafsláttinn.
Spurningdagsins
Kristinn, ertu oft hissa á sjálfstæðis-
mönnum?
Tugir farast í enn
einni sprengjuárás
Um 50 Írakar, flestir óbreyttir borgarar, létust þegar sprengjuárás var
gerð við lögreglustöð. Fjöldi manna hafði stillt sér upp fyrir framan
lögreglustöðina þegar árásin var gerð og hugðist sækja um vinnu.
ÍRAK Um fimmtíu manns létu líf-
ið og jafnmargir særðust í enn
einni mannskæðu sprengju-
árásinni í Írak. Sprengjuárásin í
gær var gerð við lögreglustöð í
Iskandariyah, 50 kílómetra
sunnan höfuðborgarinnar
Bagdad. Flestir þeirra sem lét-
ust voru óbreyttir borgarar en
fjöldi manns sem ætlaði að
sækja um vinnu hjá lögreglunni
hafði raðað sér upp fyrir framan
lögreglustöðina.
Lík, líkamsleifar og sárt fólk
lá út um allt fyrir framan lög-
reglustöðina eftir sprenginguna.
„Það var ekki eitt lík í heilu lagi,“
sagði einn sjónvarvottur.
„Þetta var
s j á l f s -
morðsárás og
heigulsverk,“
sagði Abdul Ra-
him Saleh, yfir-
maður lögregl-
unnar í Iskandariyah, við AP.
Sprengjan sprakk þegar pallbíl,
sem talið er að hafi verið hlaðinn
sprengiefnum, var keyrt fram
hjá lögreglustöðinni.
Árásin í gær er önnur árásin
frá mánaðamótum þar sem tugir
manna farast. 1. febrúar létust
109 manns þegar tvær sjálfs-
morðsárásir voru gerðar í
kúrdísku borginni Irbil. Á einum
og hálfum mánuði fyrir þann tíma
höfðu þrjár sjálfsmorðsárásir
kostað nær 20 manns lífið.
Árásin í gær kemur degi eftir
að bandarískir embættismenn
birtu bréf sem þeir sögðust hafa
náð af sendiboða al-Kaída í síð-
asta mánuði. Þar var þess farið á
leit að hryðjuverkamenn hjálp-
uðu til við að hefja borgarastríð
milli súnní- og sjíamúslima til að
grafa undan hersetustjórn
Bandaríkjanna og væntanlegri
forystusveit Íraka.
Yfirmenn í setuliðinu hafa
varað við því að árásum eigi eft-
ir að fjölga eftir því sem nær
dregur valdaafsali Bandaríkja-
manna.
Þegar Saddam Hussein var
handtekinn um miðjan desem-
ber töldu margir þjóðarleiðtog-
ar og stjórnmálamenn á Vestur-
löndum að úr því færi að draga
úr árásum. Þessu var reyndar
mótmælt af öðrum.
„Ég held að mestmegnis sé
þetta hluti af valdabaráttu í Írak.
Þessi valdabarátta kemur til með
að halda áfram. Óróinn mun
halda áfram í Írak og ofbeldið
væntanlega líka,“ sagði Magnús
Þorkell Bernharðsson, lektor í
sögu Miðausturlanda, í viðtali
við Fréttablaðið um það leyti og
hefur reynst sannspár. ■
Fjarskipti lögreglu og slökkviliðs:
Slökkt á helming senda
FJARSKIPTI Tetra Ísland slökkti
síðdegis í gær á 16 af 29 sendum
sínum í kjölfar viðbragða dóms-
málaráðherra sem taldi ekki for-
sendur fyrir hækkun greiðslna
til fyrirtækisins að svo stöddu.
Tetra hefur rekið samskiptakerfi
sem meðal annars er notað af
slökkviliði og lögreglu. Jón Páls-
son, framkvæmdastjóri Tetra Ís-
lands, segir félagið hafa haldið
úti nærfellt tvöfalt meiri þjón-
ustu en þjónustusamningur við
ríkið hafi kveðið á um. „Við
ákváðum í ljósi stöðu fyrirtækis-
ins að loka sextán sendum,“ segir
Jón. Tetra vísar allri ábyrgð af
áhrifum lokunarinnar á starf-
semi viðbragðsaðila á hendur
dómsmálaráðherra.
Tetra er að 46% hlut í eigu
Orkuveitu Reykjavíkur, en Lands-
virkjun á 29% og bandaríska fyrir-
tækið Motorola á fimmtungs hlut.
Guðmundur Þóroddsson, forstjóri
Orkuveitunnar, segir vilja hjá eig-
endum til þess að standa við bakið
á fyrirtækinu. Skuldir Tetra eru
um 750 milljónir og talið að það
þurfi að lækka þær um 400 millj-
ónir til þess að koma því í starf-
hæft ástand. Núverandi gjaldskrá
ríkisins stendur ekki undir kostn-
aði við reksturinn. Jón Pálsson
segir unnið að því að semja við lán-
ardrottna, en stærsti einstaki
lánardrottinn fyrirtækisins sem
ósamið er við er Landssíminn.
Stjórnarfundur er hjá Tetra
Íslandi í hádeginu í dag, þar sem
metið verður hvort farið verði með
fyrirtækið í gjaldþrot. ■
Ráðherra sakaður um
rangindi:
Skattskyldan
alveg skýr
SKATTAMÁL Steingrímur J. Sigfús-
son, formaður Vinstri grænna,
sakaði Geir H. Haarde fjármála-
ráðherra um að hafa gefið rangt
og villandi svar við fyrirspurn um
skattgreiðslur erlendra fyrir-
tækja við Kárahnjúkavirkjun.
Ekki náðist í Geir í gær en
Ragnheiður Elín Árnadóttir, að-
stoðarmaður ráðherra, segir svar-
ið hafa verið fyllilega í samræmi
við fyrirspurnina. Spurt hafi verið
um lagalega skattskyldu fyrir-
tækja og hún liggi alveg klár fyrir
og það hafi verið útskýrt í svarinu.
„Þegar ráðherra segir engin
vandamál vera uppi þá meinar
hann að það eru engin vandamál í
því að skilgreina skattskyldur
fyrirtækjanna. Ef það eru hins
vegar einhverjir framkvæmda-
legir meinbugir er varða inn-
heimtuna þá er það skattayfir-
valda að fást við það. Ráðherra
getur ekki tjáð sig um skatt-
greiðslur einstakra fyrirtækja,
honum er það ekki heimilt.“
Steingrímur J. óskaði eftir því
að ráðuneytið myndi endurvinna
svarið. Ragnheiður Elín segir að
það verði ekki gert. ■
Trúarleg tákn bönnuð:
Frumvarpið
samþykkt
FRAKKLAND Lagafrumvarp sem bannar
trúarleg tákn í klæðnaði í frönskum
skólum var samþykkt með yfirgnæf-
andi meirihluta atkvæða á franska
þinginu. Franska öldungadeildin mun
fjalla um frumvarpið í mars.
Bannið nær meðal annars til slæða
íslamskra kvenna, kollhúfna gyðinga,
túrbana og stórra skartgripa með trú-
artáknum. Frumvarpinu hefur verið
mótmælt um allan heim en fylgis-
menn þess segja að markmiðið sé að
nemendur í frönskum skólum geti lif-
að í sátt og samlyndi óháð því hvaða
trúarbrögð þeir aðhyllist.
Um 70% frönsku þjóðarinnar eru
fylgjandi frumvarpinu, að því er
talið er. ■
Björn Bjarnason
dómsmálaráðherra:
Undrast
ákvörðunina
TETRA „Ríkið á í viðskiptum við
fyrirtæki, sem er komið í fjár-
þröng og getur ekki staðið við
skuldbindingar gagnvart lánar-
drottnum sínum,“ segir Björn
Bjarnason um ákvörðun Tetra
Íslands að slökkva á helmingi
senda sinna. „Ríkið setur ákveð-
in skilyrði, þegar þess er krafist
af því, að það greiði hærra en
umsamið verð. Þegar þessum
skilyrðum er ekki fullnægt, tek-
ur fyrirtækið sig til og slekkur
einhliða á tækjabúnaði sínum og
raskar viðkvæmri starfsemi
lögreglu, slökkviliðs og sjúkra-
liða og kennir síðan kaupanda
þjónustunnar um þá einhliða
ákvörðun. Hafi hún verið tekin
af stjórn fyrirtækisins og með
vitund eigenda þess, Lands-
virkjunar og Orkuveitu Reykja-
víkur, stærstu orkuveitenda
landsins, sem eiga að starfa með
hið mesta öryggi að leiðarljósi,
vekur það óneitanlega undrun
og veldur því, að ekki einungis
fjárhagslegar forsendur fyrir
rekstri fyrirtækisins hljóta að
skapa öryggisleysi hjá við-
skiptavinum þess“ ■
BERGSTAÐASTRÆTI 37 • SÍMI: 552 5700
Þingholt
Veislusalur fyrir öll
tilefni
Spennandi matseðlar og
veitingar
Skoðið verðið á
www.holt.is
• • •
• • •
• • •
Eigendur Littlewoods að kaupa Daily Telegraph:
Verslanakeðja kaupir dagblöð
VIÐSKIPTI Bræðurnir Sir Frederick
og Sir Davis Barcley, sem eiga
smásölukeðjurnar Littlewoods og
GUS, þykja líklegastir til að
kaupa Hollinger, fyrirtækið sem á
um 200 dagblöð í þremur heims-
álfum, þeirra á meðal Daily Tel-
egraph í Bretlandi, Chicago Sun-
Times í Bandaríkjunum og
Jerusalem Post í Ísrael. Auk
þeirra á fyrirtækið breska viku-
blaðið The Spectator.
Stjórn Hollinger Inc, fyrirtæk-
is Conrads Black helsta eiganda
blaðanna, hefur samþykkt að
mæla með sölunni. Stjórn dóttur-
félagsins Hollinger International,
en Hollinger Inc á ráðandi hlut í
því, hefur þó höfðað mál til að
koma í veg fyrir söluna. Hollinger
Inc á 30% hlutafjár í Hollinger
International en ræður rúmlega
70% atkvæða í fyrirtækinu og því
ljóst að sá sem ræður fyrirtæki
Conrads Black hefur töglin og
haldirnar í Hollinger
International.
Barcley-bræðurnir munu ætla
að halda í bresku blöðin en selja
önnur blöð.
Fleiri hafa lýst áhuga á að
kaupa útgáfuna, Richard
Desmond, eigandi dagblaðsins
Daily Express, og fjárfestingar-
félagið Collins Stewart. ■
SÖGULEGT HANDABAND
Tony Blair, forsætisráðherra Breta, tekur í
höndina á Abdel-Rahman Shalqam,
utanríkisráðherra Líbíu.
Sögulegur fundur:
Blair mun
hitta Gadhafi
LUNDÚNIR, AP Tony Blair, forsæt-
isráðherra Breta, átti sögulegan
fund með Abdel-Rahman
Shalqam, utanríkisráðherra
Líbíu, í Lundúnum í gær. Stefnt
er að því Blair hitti Moammar
Gadhafi, leiðtoga Líbíu, eins
fljótt og auðið er, að sögn Jacks
Straw, utanríkisráðherra Breta.
„Þetta er svo sannarlega
söguleg heimsókn,“ sagði Straw
en þetta er í fyrsta sinn í 35 ár
sem utanríkisráðherra Líbíu
heimsækir Bretland. Straw tók
undir þau orð Shalqam að tekið
hefði verið stórt skref í átt að
því að koma á traustu stjórn-
málasambandi milli Líbíu og
Bretlands. ■
DAILY TELEGRAPH
Blaðið sem Barcleybræður sækjast mest
eftir er The Daily Telegraph en kaupa
The Spectator í leiðinni.
JÓN PÁLSSON
Framkvæmdastjóri fjarskiptafyrirtækisins Tetra Ísland segir slökkt á sendum í ljósi stöðu
fyrirtækisins. Ábyrgðinni er vísað á dómsmálaráðuneytið.
ÆTTINGI SYRGÐUR
Konur gráta ættingja sinn sem lést í sprengjuárásinni á lögreglustöð í Iskandariyah,
50 kílómetra suður af Bagdad.
„Það var
ekki eitt lík í
heilu lagi.