Fréttablaðið - 11.02.2004, Blaðsíða 6
6 11. febrúar 2004 MIÐVIKUDAGUR
GENGI GJALDMIÐLA
Bandaríkjadalur 68.11 -0.10%
Sterlingspund 127.26 0.44%
Dönsk króna 11.67 0.18%
Evra 86.97 0.17%
Gengisvísitala krónu 119,70 0,38%
Kauphöll Íslands
Fjöldi viðskipta 425
Velta 7.144 milljónir
ICEX-15 2.377 0,04%
Mestu viðskiptin
Íslandsbanki hf. 433.433
Líf hf 266.395
AFL fjárfestingarfélag hf. 263.599
Mesta hækkun
Fjárfestingarfélagið Atorka hf. 4,81%
Kaupþing Búnaðarbanki hf. 1,80%
Kaldbakur, fjárfestingarfélag hf 1,74%
Mesta lækkun
Þorbjörn Fiskanes hf. -5,00%
Landsbanki Íslands hf. -2,14%
Eimskipafélag Íslands Hf. -1,72%
Erlendar vísitölur
DJ* 10.616,3 0,3%
Nasdaq* 2.073,7 0,6%
FTSE 4.404,9 -0,7%
DAX 4.110,8 0,3%
NK50 1.319,2 -0,1%
S&P* 1.143,6 0,3%
* Bandarískar vísitölur kl. 17.
Veistusvarið?
1Hvaða söngvari hefur verið valinn tilað keppa fyrir Íslands hönd í
Eurovision í ár?
2Hvað heitir tölvuvírusinn sem er kom-inn í efsta sætið hjá veiruvarnafyrir-
tækinu Messagelabs?
3Hvað heitir söngkonan sem vann tilfimm Grammy-verðlauna á sunnu-
dagskvöld?
Svörin eru á bls. 30
Talsmaður Impregilo segir misskilning á ferðinni:
Stór hluti þarf engin prófskírteini
ATVINNUMÁL „Það virðist vera á
ferðinni misskilningur hjá verka-
lýðshreyfingunni, því það liggur
fyrir að stór hluti þeirra manna
sem þeir óska eftir rannsókn á eru
sérhæfðir verkamenn, en alls
ekki iðnaðarmenn,“ sagði Ómar R.
Valdimarsson, talsmaður ítalska
verktakafyrirtækisins Impregilo,
um rannsóknarbeiðni ASÍ. „Það
liggur fyrir að hafið er staðfest-
ingaferli vegna starfréttinda
10–20 iðnaðarmanna til viðbótar.“
Í viðtali við sýslumanninn á
Seyðisfirði í blaðinu í gær kom
fram að ASÍ hefur sent embætti
hans beiðni um rannsókn á stað-
festum atvinnuréttindum 226 iðn-
aðarmanna sem vinni á Kára-
hnjúkasvæðinu. Embættið hefur
aðeins staðfest atvinnuréttindi
fjögurra iðnaðarmanna þar, enn
sem komið er.
Ómar sagði, að samkvæmt
EES-samningnum kvæðu lögin á
um, að starfsmaður sem hefði
unnið að iðnaðarstörfum í 6–8 ár
þyrfti ekki prófskírteini. Einung-
is þyrfti að sýna fram á að hann
hefði starfsreynslu. Það væru
þau vottorð sem Impregilo hefði
verið að leggja fram hjá sýslu-
mannsembættinu á Seyðisfirði.
Fyrirtækið væri því með allt á
hreinu varðandi starfsréttindi
sinna manna. ■
Fangi ól barn:
Handjárnuð
við rúmið
PARÍS, AP Dómsmálaráðherra Frakk-
lands hefur fyrirskipað rannsókn á því
hvers vegna fangaverðir handjárnuðu
konu við sjúkrarúm á meðan hún
fæddi barn.
Konan, sem er fangi í Fleury-
Mérogis-fangelsinu skammt fyrir utan
París, var flutt á sjúkrahús til að ala
barn. Þegar hún neitaði að samþykkja
að fangavörður yrði viðstaddur fæð-
inguna var ákveðið að handjárna hana
við rúmið. Dómsmálaráðherrann
Dominique Perben segir að þessi með-
ferð á konunni hafi verið óásættanleg
og krefst þess að yfirmenn fangelsa
landsins tryggi það að vistmenn fái að
ala börn sín með reisn. ■
UPPREISNARMENN HEIÐRAÐIR
Ehud Olmert, varaforsætisráð-
herra Ísraels, heiðraði í gær
minningu þeirra gyðinga sem
féllu í uppreisn í Varsjá gegn
þýska hernum sem hafði her-
numið borgina 1939. Hann lagði
einnig blómsveig að minnismerki
um hóp Pólverja sem hjálpaði
gyðingum að flýja.
■ Evrópa
HÖFÐABORG, AP „Lýðræðið sem við
búum er, þó það sé stöðugt, alls
ekki laust við krankleika,“ segir
F.W. de Klerk, fyrrum forseti Suð-
ur-Afríku, sem var í fararbroddi
þegar aðskilnaðarstefnan var af-
numin í Suður-Afríku fyrir áratug.
Hann segir að sama kynþátta-
hyggja og klauf þjóðina á sínum
tíma grafi undan lýðræðinu.
Vandamálið er, í augum de
Klerk, það að sýn almennings á
stjórnmálin mótist um of af því af
hvaða kynþætti það er. Þriðju
þingkosningarnar sem eru opnar
öllum kynþáttum verða haldnar
eftir tvo mánuði.
Forsetinn fyrrverandi segir
Afríska þjóðarráðið öruggt um sig-
ur þar sem þrír af hverjum fjórum
kjósendum séu svartir. Aðrir
flokkar verði því að berjast um
það litla sem eftir er. „Ég hefði
viljað sjá meiri uppstokkun í
stjórnmálum,“ segir de Klerk. „Að
þau byggðu meira á gildum fólks
og hugsjónum.“
Þrátt fyrir þetta telur de Klerk
að Suður-Afríka stefni í rétta átt.
Efnahagurinn sé í uppsveiflu og
sambúð fólks af ólíkum kynþáttum
sé ótrúlega góð. Hann býst við því
að með tíð og tíma þróist stjórn-
málin í þá átt að flokkar og banda-
lög myndist um hugmyndafræði
og stefnu og við það missi Afríska
þjóðarráðið yfirburðastöðu sína.
„Afríska þjóðarráðið, með sína tvo
þriðju hluta atkvæða, byggði á
einu sameiginlegu markmiði, að
binda endi á aðskilnaðarstefnuna.
Það bindiefni er horfið.“
De Klerk kom heiminum á
óvart þegar hann leysti Nelson
Mandela úr fangelsi og leyfði
Afríska þjóðarráðinu, sem hafði
verið bannað fram að þessum
tíma, að starfa löglega. Þetta gerð-
ist hálfu ári eftir að hann komst til
valda árið 1989, gegnum Þjóðar-
flokkinn sem hafði borið ábyrgð á
því að gera aðskilnaðarstefnuna að
lögum ríkis sem undirokaði svert-
ingja um áratugaskeið. Fyrir það
hlaut hann friðarverðlaun Nóbels,
ásamt Mandela, en tapaði næstu
kosningum fyrir Afríska þjóðar-
ráðinu.
Hann segir Afríska þjóðarráðið
stunda mildara form aðskilnaðar-
stefnunar með því að ganga hart
fram í jákvæðri mismunun en er
þrátt fyrir allt ánægður með gang
mála.
„Hin nýja Suður-Afríka er mun
betri staður en ef við hefðum reynt
að halda í kerfi sem var orðið sið-
ferðislega ranglátt. Ég er bjart-
sýnn á framtíðina.“ ■
George W. Bush:
Með naumt
forskot
BANDARÍKIN George W. Bush Banda-
ríkjaforseti hefur naumt forskot á
John Kerry, líklegasta frambjóð-
anda demókrata, samkvæmt nýrri
skoðanakönnun fyrir CNN og USA
Today. Samkvæmt henni fengi Bush
49% atkvæða ef kosið væri nú en
Kerry 48% og er munurinn vel inn-
an skekkjumarka.
Bush hefði meira forskot á aðra
frambjóðendur demókrata, mest þó
á Howard Dean, tíu prósent.
Rúmur helmingur Bandaríkja-
manna, eða 52%, er ánægður með
frammistöðu Bush sem forseta en
44% óánægð. ■
AFTUR Á VÍGVELLINA Breska rík-
isstjórnin hyggst verja rúmum
milljarði króna til að styrkja her-
menn úr seinni heimsstyrjöld til
ferðalaga á gamla vígvelli og
grafreiti þar sem fallnir félagar
þeirra hvíla. Féð er sótt í tekjur
af breska lottóinu en framtakið
er hugsað sem þakkir fyrir bar-
áttu hermannanna.
STOPPA NJÓSNARA Rússneska
gagnnjósnastofnunin kom upp
um meira en 60 erlenda njósnara
á síðasta ári að sögn Vyacheslav
Ushakov, yfirmanns í Öryggis-
þjónustu ríkisins, arftaka KGB.
Hann segir að endir hafi verið
bundinn á starfsemi 37 þeirra.
LÆKNAR Í VERKFALL Fjöldi Ítala
sem leituðu
sér læknis-
hjálpar í gær
gripu í tómt
þar sem lækn-
ar um land allt
fóru í sólar-
hringslangt
verkfall. Þúsundir farþega sem
áttu bókað flug í gær urðu af því,
seinkaði eða urðu að komast á leið-
arenda eftir krókaleiðum því flug-
menn fóru líka í verkfall.
Kynþáttahyggja
klýfur þjóðina enn
Maðurinn sem var í fararbroddi þess að binda endi á aðskilnaðarstefn-
una í Suður-Afríku segir stjórnmál landsins enn mótast um of af kyn-
þáttahyggju. Meðan svo er standi lýðræðið ekki nógu traustum fótum.
F.W. DE KLERK
„Við, gamli flokkurinn minn, afnumum aðskilnaðarstefnuna, ekki Afríska þjóðarráðið,“
segir de Klerk og gagnrýnir að flokkur sinn verði enn fyrir árásum vegna fyrri stuðnings
síns við aðskilnaðarstefnuna.
Mörkinni 6. Sími 588 5518. • Opið laugardaga frá 10 til 16.
50%
af ullarkápum og pelskápum.
Ullarjakkar kr. 5.900.
Útsala!
ÓMAR R. VALDIMARSSON
Beiðni verkalýðshreyfingarinnar um
rannsókn á starfsréttindum sprottin af
misskilningi.
■ Evrópa