Fréttablaðið - 11.02.2004, Blaðsíða 16

16 11. febrúar 2004 MIÐVIKUDAGUR
■ Andlát
■ Afmæli
Leiðtogar bandamanna, Win-ston Churchill, forsætisráð-
herra Bretlands, Sovétleiðtog-
inn Jósef Stalín og Franklin D.
Roosevelt Bandaríkjaforseti
komu saman í Jalta á Krímskaga
og gerðu upp seinni heimsstyrj-
öldina sem þá sá fyrir endann á.
Þeir ákváðu að „afnasista“
Þýskaland og að það skyldi her-
numið í þeim tilgangi. Bretland,
Frakkland, Bandaríkin og Rúss-
land myndu við það skipta land-
inu á milli sín. Þá var ákveðið að
skipta Berlín og Vín upp og stef-
na að lýðræðislegum kosningum
í frelsuðum löndum Austur-Evr-
ópu.
Stalín hét því einnig að Rúss-
land myndi lýsa stríði á hendur
Japönum tveimur til þremur
mánuðum eftir uppgjör Þjóð-
verja. Ýmis önnur mál eins og
stríðsskaðabætur og framtíð
landamæranna við Pólland. Á
Jaltaráðstefnunni voru einnig
lögð drög að stofnun Sameinuðu
þjóðanna í þeirri mynd sem þær
eru í dag.
Þjóðverjar gáfust síðan upp
skilyrðislaust þann 7. maí árið
1945 og þar með var seinni
heimsstyrjöldinni lokið í
Evrópu. ■
Helena Jónsdóttir dansari er 40 ára í
dag.
Valur Valsson, fyrrverandi bankastjóri, er
60 ára í dag.
Geir Magnússon, fyrrum forstjóri Kers
og Olíufélagsins, er 62 ára í dag.
Elmar Víglundsson frá Ólafsfirði, lést
sunnudaginn 8. febrúar.
Helgi Brynjólfsson, vélstjóri frá Þingeyri,
Hrafnistu í Reykjavík, lést laugardaginn 7.
febrúar.
Eðvarð P. Ólafsson blikksmiður, Tún-
braut 5, Skagaströnd, er látinn.
Kristinn Kristjánsson, frá Bárðarbúð,
lést miðvikudaginn 4. febrúar.
Þorsteinn C. Löve, lést laugardaginn 7.
febrúar.
Guðbjörn Friðriksson, Löngumýri 20,
Garðabæ, lést fimmtudaginn 5. febrúar.
Hjörtur Brynjólfsson frá Hraunsnefi,
Borgarfirði, lést mánudaginn 9. febrúar.
13.30 Vilberg Daníelsson verður jarð-
sunginn frá Fríkirkjunni í Hafnar-
firði.
JENNIFER ANISTON
Leikkonan vinsæla úr „Vinum“ og eigin-
kona kyntröllsins Brad Pitt á afmæli í dag.
Hún er orðin 35 ára.
11. febrúar
■ Þetta gerðist
1752 Benjamín Franklín kemur að
stofnun Pennsylvaníu-spítala,
fyrsta spítalans í Bandaríkjunum.
1965 Ringo Starr, trommari Bítlanna, og
Maureen Cox ganga í hjónaband í
London.
1970 Japanir blanda sér í geimferða-
kapphlaupið þegar þeir koma
gervitungli á sporbaug umhverfis
jörðu.
1979 Fylgismenn Ayatollah Khomeini
ná völdum í Íran.
1990 Þungaviktarmeistarinn Mike Tyson
tapar titlinum þegar Buster
Douglas rotar hann í tíundu lotu í
bardaga í Tókýó.
1990 Nelson Mandela er látinn laus
eftir 27 ára fangelsisvist.
1993 Bill Clinton gerir Janet Remo að
dómsmálaráðherra Bandaríkjanna
en hún er fyrsta konan til að
gegna því embætti.
1995 Geimferjan Discovery lendir í
Florída eftir leiðangur sem fól
meðal annars í sér viðkomu í
rússnesku geimstöðinni Mír.
CHURCHILL, ROOSEVELT OG STALÍN
Komu saman á Jaltaráðstefnunni og gerðu
heimsstyrjöldina síðari upp þó
Þjóðverjar hefðu ekki enn gefist upp.
Sögulegur fundur stórlaxa
JALTARÁÐSTEFNAN
■ Leiðtogar bandamanna komu saman
og lögðu drögin að heimsskipaninni eftir
síðari heimsstyrjöld en þarna sá fyrir
endann á átökunum.
11. febrúar
1945
FÍFA
Hefur verið týnd í tvær vikur. Talið er að
hún hafi síðast sést í Mosfellsbæ en þeir
sem hafa séð til Fífu eru beðnir að hafa
samband við eigendur hennar.
Fífa er týnd
Tíkin Fífa hvarf af heimili sínuvið Dýrahlíð á Kjalarnesi fyr-
ir hálfum mánuði. Hún hefur
aldrei áður farið að heiman og eig-
endur hennar eru því að vonum
orðnir áhyggjufullir enda allt á
huldu um það hvað varð til þess að
hundurinn hvarf. Síðast fréttist af
Fífu í Mosfellsbæ en leit þar
hefur engan árangur borið.
Þeir sem kynnu að rekast á
Fífu á förnum vegi eru beðnir að
láta vita í síma 566 6002, 822 6750
eða 898 0110. ■
Púllarar færa Barnaspítalanum áritaða treyju
Barnaspítali Hringsins fékk ísíðustu viku skemmtilega gjöf
frá Liverpoolklúbbnum Íslandi
þegar Sigursteinn Brynjólfsson,
formaður klúbbsins, afhenti spít-
alanum áritaða leikmannstreyju.
„Flestir leikmenn enska úrvals-
deildarliðsins Liverpool á yfir-
standandi leiktímabili hafa ritað
nöfn sín á treyjuna, að minnsta
kosti þessir helstu,“ segir Sigur-
steinn. Treyjan hefur verið inn-
römmuð og hengd upp í ung-
lingaherberginu, áhugasömum
unglingum á spítalanum til
ánægju. Auk treyjunnar færði
Liverpoolklúbburinn barnaspít-
alanum myndbandsspólur og
prentefni sem gefið er út af
klúbbnum.
Tilefni gjafarinnar er tíu ára
afmæli Liverpoolklúbbsins þann
27. mars næstkomandi. „Það er
mjög erfitt að fá þessar treyjur
þar sem leikmenn Liverpool árita
aðeins saman á leikmannstreyju í
góðgerðaskyni og þá einkum til að
gefa sjúkrahúsum. Það er orðin
svo mikil ásókn í þessar treyjur,
sérstaklega hjá þeim sem vilja
græða á þeim, að það er orðið
sjaldgæfara að fá svona gripi. En
þetta var kjörið tilefni að gera
eitthvað til að minnast afmælis-
ins. Það er mikið af börnum og
unglingum á barnaspítalanum
sem fylgjast með enska boltan-
um.“ ■
■ Jarðarfarir
BARNASPÍTALINN FÆR GJÖF
Sigursteinn Brynjólfsson, formaður Liverpoolklúbbsins, afhendir Barnaspítala Hringsins
áritaða leikmannstreyju í tilefni 10 ára afmælis klúbbsins.Börn
FÁ GJAFIR
■ Liverpoolklúbburinn á Íslandi fagnar
10 ára afmæli sínu um þessar mundir
og færði Barnaspítalanum
gjafir af því tilefni.
Í eldlínunni
í fjörutíu og tvö ár
Ætli ég verji ekki afmælis-deginum á löngum fundum
í útvarpinu og fer, ásamt sam-
starfsmönnum mínum, yfir
stöðu síðustu mánaða og horfi
fram á veginn,“ segir Kári Jón-
asson, fréttastjóri Ríkisútvarps-
ins, sem á afmæli í dag. Hann
segir hlustendur ekki eiga von á
breytingum. „Hins vegar má
segja að stöðugar breytingar
séu í útvarpi á hverjum degi.
Fréttir eru til að mynda alltaf
nýjar.“
Kári hefur verið starfandi
fréttamaður frá árinu 1962.
Fyrstu skrefin tók hann hjá
Tímanum undir handleiðslu
Indriða G. Þorsteinssonar sem
hann segist hafa lært mikið af.
„Ein afleiðing mikillar þjóð-
félagsbreytinga undanfarinna
ára, ekki síst á sviði viðskipta,
er breyting á fréttaumhverfi.
Hér áður lifðum við á aflabrögð-
um, gengisfellingum, landhelg-
isdeilunni, eldgosum og Bobby
Fischer.“
Kári segir þjóðfélagsumræðu
hafa færst yfir í annan farveg.
„Landbúnaður var áberandi í
fréttum og fréttir úr sveitinni.
Fólksfækkun hefur orðið til
sveita og flutningar tíðari á möl-
ina. Í staðinn fyrir að tala um
vandamál bænda er fjallað um
vandræði á leikskólum, skóla-
nesti og dagmæður.“
Samkeppni milli fréttastofa
hefur að mati Kára breyst mikið
síðustu ár, sér í lagi í kjölfar
aukinnar netnotkunar. „Ég var á
Tímanum í 10 ár og allan tímann
var rosaleg keppni við Mogg-
ann. Í dag eru fjölmiðlar með
sömu fréttirnar fyrir utan
skúbb annað slagið.“
Kári segist velta fyrir sér
umræðunni um eignarhald á
fjölmiðlum. „Ég treysti kolleg-
um mínum algerlega til að halda
uppi sjálfstæði sínu. Hins vegar
verður að leiða hugann að því
hvert peningaflæðið streymir.
Peningar eru afl allra hluta.
Ákvörðun um að auglýsa meira í
einum fjölmiðli en öðrum getur
haft þau áhrif að skera verður
niður um tvo blaðamenn á ein-
um stað meðan starfsmönnum
fjölgar á hinum.“ Hann telur
umræðuna oft á villigötum. „Í
stað þess að einblína á fjölmiðl-
ana og hvort eigendur séu með
puttana í ritstjórnum þyrftu
menn að hugleiða hvaða áhrif
eitt pennastrik getur haft þegar
kemur að því að raða auglýsing-
ar niður á fjölmiðla.“ Aðspurður
segist hann ekki vilja dæma um
hvort ritstjórnir yrðu veikari ef
segja þyrfti starfsfólki upp. ■
KÁRI JÓNASSON, FRÉTTASTJÓRI RÍKISÚTVARPS
Er minnugur þess þegar talið var að gullskip væri að finna á Skeiðarársandi og miklar til-
raunir gerðar til að grafa það upp. „Eitt sinn héldu menn að þeir hefðu fundið skipið. Ég
var staddur fyrir tilviljun austur í Skaftafelli þegar í ljós kom að umræddur fundur var ekki
gullskipið heldur þýskur togari. Ég man að þetta var sjö mínútum fyrir sjö og tókst mér
einhvern veginn að koma þessum upplýsingum á framfæri.
Ég held ég eigi enn flís úr togaranum.“
Afmæli
KÁRI JÓNASSON
■ fréttastjóri RÚV, er 64 ára í dag.
Á 42 ára ferli hans sem fréttamanns
hefur fjölmiðlaumhverfið breyst mikið.
FR
ÉT
TA
B
LA
Ð
IÐ
/G
VA
Ástkær eiginmaður minn, faðir, sonur, bróðir,
tengdafaðir og afi,
STEINGRÍMUR JÓN ELÍAS GUÐMUNDSSON
verður jarðsunginn frá Áskirkju,
fimmtudaginn 12. febrúar kl. 13.30.
Þeim sem vildu minnast hans er bent á Hjartavernd.
Wan Phen Malai,
Íris Anna Steingrímsdóttir, Kjartan Þór Árnason,
Anna S. Steingrímsdóttir,
Guðrún Guðmundsdóttir, Jón Ólafur Ólafsson,
Magnús Guðmundsson, Sigrún Hjörleifsdóttir,
Grettir I. Guðmundsson, Hrönn Harðardóttir,
Óðinn A. Guðmundsson, Iðunn Lárusdóttir,
Halldór Þór Guðmundsson,
Rebekka R. Guðmundsdóttir, Kristján Róbert Walsh