Fréttablaðið - 11.02.2004, Blaðsíða 24
24 11. febrúar 2004 MIÐVIKUDAGUR
KÖRFUSKOT
Yao Ming, miðherji Houston Rockets, tekur
körfuskot í leik gegn San Antonio Spurs.
Rasho Nestrovic, leikmaður Spurs, kemur
engum vörnum við. Tilþrif Ming dugðu
ekki til því Spurs vann leikinn
með 85 stigum gegn 82.
Körfubolti
hvað?hvar?hvenær?
8 9 10 11 12 13 14
FEBRÚAR
Miðvikudagur
Keppni tólf bestu borðtennismanna Evrópu:
Maze sigraði
BORÐTENNIS Danir eru í skýjunum
eftir sigur Michael Maze í keppni
tólf bestu borðtennismanna Evr-
ópu. Maze sigraði austurríska
heimsmeistarann Werner Schla-
ger 4-1 í úrslitum og telja Danir að
Maze eigi möguleika á verðlaun-
um á Ólympíuleikunum í sumar.
„Hann hefur lengi getað staðið
í þeim bestu,“ sagði Peter Sartz
hjá danska borðtennissambandinu
við Jótlandspóstinn. „Um helgina
sýndi hann að hann hefur andleg-
an styrk á úrslitastundum. Hann
varð bara betri og betri í úrslita-
leiknum og lék næstum gallalaust
undir lokin.“
Michael Maze vann Belgann
Jean-Michel Saive og heimsmeist-
arann Schlager í riðlakeppninni
og Weixing Chen, sem keppir fyr-
ir Austurríki, í átta liða úrslitum. Í
undanúrslitum vann Maze Tékk-
ann Petr Korbel 4-2 en Schlager
vann Rússann Alexei Smirnov 4-3.
Maze er í 30. sæti heimslistans
sem var gefinn út í byrjun síðustu
viku. Keppinautarnir eru allir
ofar en hann, Schlager er í tíunda
sæti, Saive í því 19., Weixing Chen
27. og Petr Korbel 28. Það er því
útlit fyrir umtalsverðar breyting-
ar á listanum sem verður næst
gefinn út í byrjun mars. ■
Framarar og Víkingar
þurfa að stöðva tempóið
KA-menn taka á móti Víkingum og Framarar sækja Valsmenn heim í undanúrslitum SS-bikars
karla í kvöld. Páll Ólafsson, þjálfari Hauka, á von hörkuleikjum.
HANDBOLTI Páll telur að viðureign
Vals og Fram verði sérstaklega
spennandi enda um rimmu
tveggja Reykjavíkurrisa að ræða.
„Þetta verður brjáluð barátta,
eins og leikirnir hafa verið á milli
þessara liða,“ segir Páll. „Valslið-
ið virkar mjög frískt þessa dag-
ana. Þó Framarar hafi kannski
ekki fengið óskabyrjun í seinni
hlutanum þá geta þeir bitið frá sér
og í svona undanúrslitaleikjum
getur allt gerst.“
Páll segir Valsmenn líklegri
sigurvegara en telur þó að aldrei
megi afskrifa Framara. „Þeir spil-
uðu í úrslitum fyrir tveimur árum
og þekkja tilfinninguna. Þeir vita
alveg að hverju þeir ganga og
hvað þessi leikur þýðir. Stemning-
in að fara í Höllina er engu lík og
þetta er skemmtilegasta uppá-
koma ársins í handboltanum.“
Aðspurður segir Páll að Framar-
ar þurfi helst að stöðva tempóið hjá
Valsmönnum ætli þeir sér sigur í
leiknum því Valsliðið sé léttara á
sér. „Valsmenn koma væntanlega til
með að spila agressíva vörn og fá
þar af leiðandi fullt af hraðaupp-
hlaupum. Það er það sem Framarar
verða fyrst og fremst að koma í veg
fyrir. Þeir eru hægari og verða að
koma í veg fyrir að Valsmenn
stjórni tempóinu í leiknum.“ Páll
vill ekki spá fyrir um lokatölur en á
von á að leikurinn endi með eins eða
tveggja marka sigri í aðra hvora
áttina.
Að sögn Páls eru KA-menn
mjög sigurstranglegir gegn Vík-
ingum, enda á heimavelli. „KA-
menn hafa verið að spila vel. Þeir
byrjuðu seinni hluta mótsins vel,
eru frískir og með gott lið, þótt
Víkingarnir séu það líka. Þeir
voru óheppnir að komast ekki í
efri hlutann. Það er ekki neitt bók-
að frekar en annað í þessu en
vissulega er KA-liðið sigurstrang-
legra.“
Víkingar þurfa að beita svipuð-
um aðferðum og Framarar ætli
þeir sér sigur í leiknum að mati
Páls. „KA-menn eru að spila
agressíva vörn, eru að fá mikið af
hraðaupphlaupum og keyra upp
gott tempó í leik sínum. Það verða
Víkingarnir að stoppa.“
Draumabikarúrslitaleikur Páls
er viðureign Vals og KA. „Hand-
boltalega séð er það engin spurn-
ing. Bæði liðin eru að spila það
skemmtilegan bolta að það yrði
hörkuúrslitaleikur. Eins og staðan
er í dag er það líklegast en hlut-
irnir eru fljótir að breytast.“
freyr@frettabladid.is
Lyfjamál Gregs Rusedski:
Bjartsýnn
með að sleppa
TENNIS Breski tenniskappinn Greg
Rusedski segist vera hóflega bjart-
sýnn við að sleppa við bann en hann
varð uppvís að neyslu ólöglegra lyfja
í júlí á síðasta ári. Rusedski var í
Montreal í Kanada í gær þar sem
hann var viðstaddur yfirheyrslur í
málinu. Rusedski, sem á yfir höfði sér
tveggja ára bann ef hann verður
fundinn sekur, hefur neitað að hafa
tekið inn steralyfið nandrolone sem
fannst í sýni hans og sagði við blaða-
menn eftir yfirheysluna að það væri
erfitt að segja til um hver útkoman
yrði. „Ég veit ekki hvenær niðurstað-
an verður svo að nú tekur við bið hjá
mér,“ sagði Rusedski. ■
Mark Viduka:
Feita konan enn
ekki staðin á fætur
FÓTBOLTI „Þetta er ekki búið fyrr
en feita konan syngur og að mínu
áliti er hún ekki byrjuð að hita
upp,“ sagði Mark Viduka, leik-
maður Leeds United. „Satt að
segja er hún enn ekki staðin á fæt-
ur. Þegar ég heyri rödd hennar fer
ég að hafa áhyggjur. Þangað til
ætla ég að berjast.“
Mark Viduka var í þriggja
vikna leyfi í Ástralíu hjá veikum
föður sínum en lék með Leeds að
nýju á laugardag. Leeds tapaði 2-0
fyrir Aston Villa á útivelli og beið
þar með ósigur sjöunda leikinn í
röð.
Leeds er í neðsta sæti úrvals-
deildarinnar en Viduka er sann-
færður um að félagið geti unnið
sig út úr þeirri stöðu. „Það var dá-
lítil huggun í því að önnur félög í
botnbaráttunni töpuðu líka,“ sagði
Viduka. „En við getum ekki enda-
laust reitt okkur á að aðrir leiki
illa og tapi. Næsti leikur okkar,
gegn Úlfunum, verður mjög mik-
ilvægur. Allir leikir verða mikil-
vægir fyrir okkur,“ bætti Viduka
við.
Viduka sér ekki eftir því að
hafa hafnað tilboði frá Middles-
brough í janúar. „Ég hafnaði boði
frá Middlesbrough,“ sagði
Viduka. „Ég fékk nokkur önnur
tilboð en valdi að vera um kyrrt
hjá Leeds og núna þarf Leeds
mikla hjálp. Ég er mjög ánægður
að vera á ný meðal leikmannanna.
Það var gaman að hitta þá aftur.
En það væri enn ánægjulegra að
halda sæti sínu í úrvalsdeildinni,“
sagði Viduka. ■
LEIKIR
18.00 Valur og ÍBV mætast í
RE/MAX-deild kvenna í hand-
knattleik á Hlíðarenda.
19.15 Grindavík og Keflavík spila í
1. deild kvenna í körfuknattleik í
Grindavík.
19.15 KR og ÍR spila í 1. deild kven-
na í körfuknattleik í DHL-höllinni.
19.15 KA og Víkingur mætast í und-
anúrslitum SS-bikars karla í hand-
knattleik á Akureyri.
20.00 Valur og Fram mætast í und-
anúrslitum SS-bikars karla í hand-
knattleik á Hlíðarenda.
SJÓNVARP
18.00 Olíssport á Sýn. Fjallað er um
helstu íþróttaviðburði heima og
erlendis.
18.30 Motorword á Sýn. Heimur
akstursíþróttanna krufinn til
mergjar.
19.00 PGA-mótaröðin í golfi 2004
á Sýn. Þáttur um Opna FBR-mót-
ið sem fór fram um helgina.
19.50 Enski boltinn á Sýn. Bein út-
sending frá leik Portsmouth og
Chelsea.
22.00 Olíssport á Sýn. Fjallað er um
helstu íþróttaviðburði heima og
erlendis.
22.50 Handboltakvöld á RÚV. Farið
yfir leiki kvöldsins í handboltan-
um hér heima.
Deilan um David Batty:
Taylor ósátt-
ur við Gray
FÓTBOLTI Gordon Taylor, æðsti
maður ensku atvinnumanna-
samtakanna, er harðorður í garð
Eddie Gray, knattspyrnustjóra
Leeds, eftir meðhöndlun þess
síðarnefnda á David Batty leik-
manni Leeds. Gray sendi Batty
þau skilaboð í fyrradag að hann
myndi ekki koma til með spila
einn einasta leik það sem eftir
lifir tímabils fyrir félagið.
Taylor segir að framkoma
Grays sé hneyksli og segir að
Batty, sem hefur spilað 372 leiki
fyrir Leeds, hafi verið niður-
lægður af Gray. „Gray hefur
fullkomlega frjálst leyfi til að
velja Batty ekki í hvern einstak-
an leik en að taka ákvörðun um
að frysta leikmanninn út tíma-
bilið er alveg galið. Hann hefur
niðurlægt Batty og ég trúi því
bara ekki að maður sem hefur
fórnað sér jafnmikið fyrir fé-
lagið fái þessa meðhöndlun í
þakklætisskyni. Ég hef aldrei
séð aðra eins framkomu knatt-
spyrnustjóra við leikmann og
hef ég þó séð skrautlega hluti,“
sagði Taylor. ■
MICHAEL MAZE
Sigraði í keppni tólf bestu borðtennis-
manna Evrópu.
MARK VIDUKA OG FÉLAGAR Í LEEDS
Viduka er sannfærður um að Leeds haldi sæti sínu í úrvalsdeildinni.
PÁLL ÓLAFSSON
Býst við sérlega spennandi viðureign á milli Reykjavíkurrisanna Vals og Fram.