Fréttablaðið - 14.02.2004, Blaðsíða 26

■ Maður að mínu skapi
26 14. febrúar 2004 LAUGARDAGUR
ÁSGEIR SIGURVINSSON
Er að sögn Loga Ólafssonar mikill
húmoristi.
Heiðarlegur
húmoristi
Ásgeir Sigurvinsson er maðurað mínu skapi. Það er fyrst og
fremst vegna þess að hann er sá
íslenski íþróttamaður sem hefur
náð hvað lengst,“ segir Logi Ólafs-
son, sem þjálfar karlalandsliðið í
knattspyrnu ásamt Ásgeiri.
„Samstarf mitt við hann hefur
verið mjög farsælt og það er ákaf-
lega gott að vinna með honum.
Hann er heiðarlegur og hrein-
skiptinn og glöggur á mörgum
sviðum. Það er annað sem hefur
ekki birst þjóðinni sérstaklega en
það er að hann er mjög skemmti-
legur maður og mikill húmoristi,“
segir Logi, sem sjálfur er annálað-
ur gleðimaður.
Logi hefur ferðast mikið um
heiminn með Ásgeiri síðan þeir
tóku við þjálfun landsliðsins.
„Hann nýtur mikillar virðingar í
knattspyrnuheiminum í Evrópu.
Mér sýnist það vera mjög sann-
gjörn og eðlileg virðing enda
skaraði hann fram úr þegar hann
lék í Þýskalandi. Við sem búum á
Íslandi gerum okkur kannski ekki
grein fyrir því hversu mikilsvirt-
ur hann er. En Ásgeir er fyrst og
fremst drengur góður og þægileg-
ur í öllum samskiptum.“ ■
REYKJAVÍKURSJAMPÓ FRÁ GRENIVÍK
Torfi Halldórsson framkvæmdastjóri með nýja sjampóið. Vatnið á höfuðborgarsvæðinu er basískt, það vill þurrka húð og hársvörð og getur valdið kláða. Sjampóið frá Grenivík vinnur
gegn þessu. Línan heitir Reykjavík SPA.
Fyrirtækið PharmArctica í Grenivík hyggur á landvinninga í gerð snyrtivara og samheitalyfja á komandi árum.
Ný vara er nú komin markað frá fyrirtækinu:
Sérþróað sjampó
fyrir Reykvíkinga
Lítið og ungt fyrirtæki norður ílandi hefur þróað og framleitt
nýja gerð sjampós og sturtusápu
sem eru sérsniðin að eiginleikum
heita vatnsins í Reykjavík. Vatnið á
höfuðborgarsvæðinu er basískt, það
vill þurrka húð og hársvörð og get-
ur valdið kláða. Nýju sápunum er
ætlað að koma jafnvægi á sýrustig
húðarinnar og viðhalda heilbrigði
hennar. Línan heitir Reykjavík SPA
og auk áðurnefndra vara eru fram-
leidd fótakrem, handáburður, húð-
mjólk, rakakrem og svitaeyðir.
Framleiðandinn er fyrirtækið
PharmArctica á Grenivík sem var
stofnað á síðasta ári. „Að baki þess-
um vörum liggja talsverðar rann-
sóknir,“ segir Torfi Rafn Halldórs-
son, framkvæmdastjóri
PharmArctica. „Við unnum með ít-
arlegar upplýsingar um efnasam-
setningu reykvíska vatnsins og með
frönskum samstarfsaðilum okkar
tókst okkur að búa til blöndur sem
vinna gegn þessu háa ph-gildi
vatnsins. Að auki er græðandi jurt-
um á borð við Aloa Vera og Jojoba
bætt við,“ segir Torfi en alls standa
sjampóið og sturtusápan saman af á
fjórða tug efna. Þróunarvinnan hef-
ur tekið hálft ár og eru vörurnar nú
á leið í verslanir, til dæmis Nóatún,
Hagkaup og Bónus sem og á aðra
sölustaði á borð við sundlaugar.
Hörð samkeppni
en stór markaður
Það kann að skjóta skökku við að
fyrirtæki í miðjum Eyjafirðinum
framleiði vörur sem eru sérstak-
lega miðaðar við notkun á höfuð-
borgarsvæðinu en Torfi segir stað-
setninguna ekki skipta máli: „Þess-
ari hugmynd var lætt að okkur og
við réðumst í verkið, það kostaði
engin vandamál þó langt væri í
næsta krana með basísku vatni.“
Sem ljóst má vera ríkir hörð sam-
keppni á sjampómarkaðnum og gott
úrval af heimsþekktum vörum í hill-
um verslana: „Við gerum okkur
grein fyrir samkeppninni og það
segir sig sjálft að við keppum ekki
auðveldlega við þessi risastóru al-
þjóðlegu fyrirtæki. Hagkvæmni
framleiðslu þeirra verður alltaf
meiri en okkar. Hinsvegar teljum
við að okkar vara sé góð að gæðum
og á sanngjörnu verði og erum
óhrædd við allan samanburð.“ Að-
spurður segist Torfi hafa leitt hug-
ann að útflutningi á Reykjavík SPA
vörunum en fyrsta skrefið sé að ná
fótfestu á Íslandi.
Framleiðsla samheitalyfja áætluð
PharmArctica var stofnað í októ-
ber 2002 að frumkvæði tveggja
lyfjafræðinga og eins snyrtifræð-
ings. Þremenningarnir fengu Gren-
víkinga til liðs við sig og er Sænes,
útgerðarfélag á staðnum, í hópi
hluthafa. Fyrirtækið býr að full-
kominni aðstöðu til framleiðslu
lyfja og snyrtivara og framleiðir
ýmsar vörur á báðum sviðum fyrir
fjölda fyrirtækja. Þá framleiðir það
undir eigin merkjum sem eru
Apotheke og Gaia. Stefnt er að
framleiðslu svonefndra samheita-
lyfja og gera áætlanir ráð fyrir að
fullt lyfjaframleiðsluleyfi fáist síð-
ar á árinu. Tólf manns vinna hjá
fyrirtækinu en ráðgert er að þeim
fjölgi nokkuð með tímanum.
bjorn@frettabladid.is
750 þúsund lítrar
af sjampói
Gera má ráð fyrir að meðalmaðurinn noti 12 sjampóglös
á ári – um það bil þrjá lítra af
þessum þykka vökva sem gerir
hár okkar hreinna og eykur um
leið vellíðan okkar. Sé miðað við
að þetta eigi við um 250 þúsund
manns (smábörnum og sköllótt-
um sleppt) kemur í ljós að árleg
sjampónotkun þjóðarinnar er 750
þúsund lítrar. Það er því eftir
nokkru að slægjast á sjampó-
markaðnum. ■
Við unnum með
ítarlegar upplýsingar
um efnasamsetningu reyk-
víska vatnsins.“
,,
FRÉTTAB
LAÐ
IÐ
/G
VA
LOGI ÓLAFSSON
Hefur miklar mætur á samstarfsmanni sín-
um, Ásgeiri Sigurvinssyni landsliðsþjálfara.