Fréttablaðið - 14.02.2004, Blaðsíða 28

28 14. febrúar 2004 LAUGARDAGUR
Kalli Bjarni rúllaði upp Idol-keppninni á Stöð 2 í byrjun árs. Það hefur verið nóg að gera hjá honum
síðan. En hvað ætli hinir keppendurnir átta séu að gera og hvað hyggjast þeir gera í framtíðinni?
Hvernig er lífið eftir Idol?
Ég er í þriðja bekk á félags-fræðibraut í Menntaskólanum
á Akureyri. Svo er ég að leika með
leikklúbbnum Sögu. Við erum að
æfa spunaverk, undir leikstjórn
Laufeyjar Brár, sem við ætlum að
setja upp í Ketilshúsinu í apríl.
Svo förum við líklega með verkið
til Danmerkur í sumar,“ segir Jó-
hanna Vala Höskuldsdóttir, eða
Vala eins og hún er kölluð, sem
varð fyrst til að yfirgefa níu
manna úrslitin í Idol.
Eftir menntaskóla langar Völu
í leiklistarskóla. „En áður en ég
geri það ætla ég að vera búin að
mennta mig brjálæðislega mikið.
Mig langar rosalega að læra
hvernig á að stjórna huganum og
nota fleiri rásir í heilanum. Ég
hlýt að vera betur undirbúin fyrir
lífið ef ég kann að nota heilann
betur. Það er enginn svona skóli á
Íslandi svo ég býst við að fara til
útlanda til að læra þetta,“ segir
Vala. „Þetta er draumurinn í dag
en það verður líklega einhver ann-
ar á morgun.“
Vala hefur haft lítinn tíma síð-
ustu daga enda var hún að klára
próf í skólanum, sem hún stóðst
með ágætum. „Ég hef gert svolít-
ið af því að syngja og tók meira að
segja smá uppistand um daginn
þar sem ég gerði grín að sam-
bandi okkar Bubba. Það tókst vel
en í augnablikinu er ekki söngfer-
ill í myndinni.“
Vala segir fólk stundum biðja
sig um eiginhandaáritanir en
fyndnasta atvikið var þó í sundi.
„Það voru krakkar að biðja um
eiginhandaáritun þegar ég var í
sundi. Það var mjög fyndið og hef-
ur ekki gerst áður. Þau fengu
blautar áritanir,“ segir hún og
hlær.
Vala segir það hafa margborg-
að sig að taka þátt í Idolinu. „Þetta
var mjög gaman og ég borgaði
ekkert fyrir það,“ segir Vala. ■
Ég er að vinna hjá rekstrarfélagiKringlunnar og er stjórnandi
þjónustuborðsins. Starfið er mjög
fjölbreytt, ég sé meðal annars um
alla starfsemi á þjónustuborðinu
og allar þær vörur sem við seljum
þar. Svo sé ég um starfsfólk og allt
það sem viðkemur því. Þetta er í
raun almennur rekstur þjónustu-
borðsins ásamt ýmsum aukaverk-
efnum,“ segir Sesselja Magnús-
dóttir, sem varð önnur til að detta
úr Idol-keppninni. Sessý, eins og
hún er vanalega kölluð, er komin
sex mánuði á leið og hafa síðustu
mánuðir farið í að undirbúa komu
barnsins. Hún hefur þó gefið sér
tíma til að syngja annað slagið.
„Ég hef verið að einbeita mér
að vinnunni og óléttunni en er að
planleggja ýmislegt,“ segir Sessý,
sem stefnir að því að syngja meira
og jafnvel gefa út sólóplötu seinna
meir. „Ég hef verið að setja
drauma mína niður á blað og tek
ákveðin skref til að láta þá ræt-
ast.“
Aðspurð hvort hún sé orðin
fræg segir Sessý: „Frægð er fynd-
ið orð en auðvitað finn ég fyrir því
að fólk þekkir mig. Það er samt
mjög óraunverulegt. Það eru aðal-
lega krakkar sem þora að tala við
mig um Idolið.“
Sessý segir allt í kringum Idol-
keppnina hafa verið ánægjulegt.
„Krakkarnir í keppninni og starfs-
fólkið í kringum hana voru mjög
skemmtileg. Það sem ég lærði hins
vegar hvað mest á þessari keppni
er hvert ég stefni á að fara í tón-
listinni.“ ■
Ég er í barnseignarleyfi og þaðfer nú mestur tími í það,“ seg-
ir Jón Sigurðsson, sem eignaðist
barn í miðri Idol-keppninni. „Ég
svindla þó stöku sinnum og er að
taka upp smá tónlist.“
Jón hefur nýlokið tökum á ís-
lensku útgáfunni af laginu Words
sem hann söng í lokakeppni Idols-
ins. Lagið fer væntanlega í spilun
á næstu dögum. Hann segist vel
geta hugsað sér að fara að vinna
eitthvað að tónlist þó hann búist
ekki við að gera það af fullum
krafti. „Ég ætla ekki að hella mér
út í tónlistina 110%. Ég byrja
smátt og kannski fer það að rúlla.“
Áður en Jón fór í barnseignar-
leyfi starfaði hann hjá Símanum
og var í diplómanámi í stjórnun og
starfsmannamálum í Háskóla Ís-
lands. Hann útskrifaðist úr nám-
inu í gær.
Jón vill ekki meina að hann sé
orðinn frægur á Íslandi í kjölfar
Idol-keppninnar. „Þetta er allt já-
kvæð athygli sem ég fæ en ég
myndi ekki kalla það frægð,“ seg-
ir söngvarinn brosmildi. „Þetta er
eiginlega meira svona að vera
þekktur. Annars er ég svo hógvær
í þessu öllu.“
Jón segir það hafa verið vel
þess virði að taka þátt í Idol. „Já,
það var alveg hiklaust þess virði.
Þetta var mikil reynsla og ég hef
eiginlega öðlast nýja sýn á sjálf-
an mig. Þó ég hefði ekki náð
svona langt hefði þetta borgað
sig.“ ■
Ég er á milli starfa eins og er ener jafnframt að undirbúa tón-
listarferil minn,“ segir Tinna
Marína Jónsdóttir, sem varð sú
fimmta til að falla úr leik í níu
manna úrslitum Idol-keppninnar.
Tinna Marína stefnir að því að
vinna að tónlist í framtíðinni. „Það
er verið að semja lög fyrir mig
sem stendur og ef það gengur vel
verða þau sett á plötu í ár,“ segir
Tinna Marína. „Nú krossa ég bara
fingurna og vona að þetta gangi.“
Það hefur talsvert verið að
gera hjá Tinnu Marínu síðan hún
tók þátt í Idol-keppninni. Hún hef-
ur meðal annars sungið á
skemmtistaðnum NASA og tals-
vert í grunnskólum á höfuðborg-
arsvæðinu.
Tinna Marína segist finna tals-
vert fyrir frægðinni sem virðist
fylgifiskur keppninnar. „Það er
alltaf einhver að biðja um eigin-
handaáritun og stundum fæ ég
tölvupóst þar sem fólk er að segja
mér hvernig ég sé,“ segir Tinna
Marína, sem finnur stundum fyrir
stingandi augnaráði fólks. „Það
getur stundum verið óþægilegt, ef
ég lít til dæmis illa út einn daginn.
Það er einnig mikið um kjaftasög-
ur sem fara á flakk en þeir sem
þekkja mig vita að það er ekkert
til í þeim.“
Tinna Marína mælir eindregið
með því að fólk taki þátt í Idol.
„Þetta er frábær leið til að koma
sér á framfæri,“ segir söngkonan
unga. ■
Vala
- Er í Menntaskólanum á Akureyri en
hyggur á nám tengt heilanum.
Tinna
- Undirbýr tónlistarferil sinn af fullum krafti.
„Það er verið að semja lög fyrir mig sem
stendur og ef það gengur vel verða þau
sett á plötu í ár.“
„Mig langar rosalega að
læra hvernig á að stjórna
huganum og nota fleiri
rásir í heilanum.“
Fáir sjónvarpsþættir hafa notiðjafn mikilla vinsælda á Íslandi
og Idol stjörnuleit. Á meðan
keppninni stóð skeggræddi fólk í
kaffitímum um hver væri besti
söngvarinn, hver liti best út, hver
ætti skilið að detta út og hver ætti
skilið að sigra.
Hundruð manna reyndu fyrir
sér í forkeppninni en aðeins 32
komust áfram. Af þessum 32
voru síðan aðeins níu sem
komust í lokakeppnina í Smára-
lind. Flestir vita hvað sigurveg-
arinn Kalli Bjarni er að brasa í
dag enda í nógu að snúast hjá
honum. Spurningin er hins veg-
ar hvað hinir keppendurnir átta
eru að gera, hvort þeir eru enn
að vinna að tónlist og hvað þeir
gera dags daglega.
kristján@frettabladid.is
Jón
- Er í barnseignarleyfi og var að ljúka diplóma-
námi í stjórnun og starfsmannamálum.
„Þetta var mikil reynsla og ég hef
eiginlega öðlast nýja sýn á sjálfan mig.“
Sessý
- Er yfirmaður þjónustuborðs Kringlunnar en
fer brátt í fæðingarorlof.
„Frægð er fyndið orð en auðvitað finn ég fyrir því að fólk þekkir mig.“