Fréttablaðið - 14.02.2004, Blaðsíða 48
48 14. febrúar 2004 LAUGARDAGUR
NAKIN Á SKÍÐUM
Fyrsta nakta skíðamótið hófst í Austurríki í
gær. Upphaflega stóð til að allir keppend-
ur yrðu að vera allsnaktir á mótinu. Síðar
var ákveðið að alla vega 60 keppendur
þyrftu að klæðast undirfötum.
Skíði
hvað?hvar?hvenær?
11 12 13 14 15 16 17
FEBRÚAR
Laugardagur
Gordon Strachan:
Ekki lengur í dýrlingatölu
FÓTBOLTI „Þetta er sannarlega
frábært félag, skipað frábærum
hópi atvinnumanna og það er
með mikilli eftirsjá sem ég yfir-
gef það af persónulegum ástæð-
um,“ sagði í yfirlýsingu Gor-
dons Strachan á heimasíðu
Southampton.
Strachan lét af störfum hjá
Southampton í gær eftir rúm-
lega tveggja ára starf. Hann tók
við dýrlingunum í október 2001
þegar félagið var í næstneðsta
sæti úrvalsdeildarinnar. Strach-
an tókst að stýra Southampton
burtu af fallsvæðinu í ársbyrjun
2002 og lauk félagið tímabilinu í
11. sæti. Í fyrra varð South-
ampton í áttunda sæti deildar-
innar og lék til úrslita í bikar-
keppninni.
Strachan ætlaði að ljúka leik-
tíðinni með Southampton en
ákvað eftir fund með stjórnar-
formanninum Rupert Lowe að
hætta strax. „Ég vona að fjöl-
miðlar leyfi félaginu að einbeita
sér að leikjunum sem eftir eru á
meðan stjórnarmaðurinn vinnur
að því að finna eftirmann minn,“
sagði Strachan.
Steve Wigley stjórnar South-
ampton til vors. Hann lék með
Nottingahm Forest, Sheffield
United, Birmingham City og
Portsmouth á níunda og tíunda
áratug síðustu aldar. Talið er lík-
legt að Glenn Hoddle taki við
félaginu eftir leiktíðina en Paul
Sturrock, framkvæmdastjóri
Plymouth, mun einnig vera inni
í myndinni. ■
FÓTBOLTI Íslenski landsliðsmaður-
inn Árni Gautur Arason verður í
markinu hjá Manchester City í
grannaslagnum gegn Manchester
United í fimmtu umferð ensku
bikarkeppninnar á Old Trafford í
dag. Árni Gautur á víst sæti í lið-
inu þar sem aðalmarkvörður liðs-
ins, David James, má ekki spila
með liðinu í bikarkeppninni þar
sem hann hefur þegar spilað með
West Ham í keppninni.
Árni Gautur sagði í samtali
við Fréttablaðið í gær að hann
væri orðinn mjög spenntur fyrir
leiknum en hann fyndi þó ekki
fyrir mikilli pressu. „Það má eig-
inlega segja að það sé gamall
draumur að rætast. Mig hefur
dreymt um að spila á Old Traf-
ford síðan ég var lítill strákur og
það er frábært að það sé að verða
að veruleika. Það verður gaman
að spila á þessum fræga velli
sem verður væntanlega troðfull-
ur og ég viðurkenni að það er
miklu skemmtilegra að spila á
stórum leikvöngum með mikilli
stemningu en því kynntist ég í
meistaradeildinni með Rosen-
borg. Það er mikil stemning í
borginni og ég verð var við að
það eru allir að tala um leikinn.
Stemningin er gífurleg og eftir-
væntingin orðin mikil enda er
þetta stærsti leikur ársins hjá
stuðningsmönnum okkar. Fyrir
þeim er þetta eins og bikar-
úrslitaleikur og vonandi völdum
við þeim ekki vonbrigðum.“
Árni Gautur sagði að það væri
hans tilfinning að pressan væri öll
á leikmönnum Manchester
United. „Ég held að það trúi því
enginn raunverulega að við getum
unnið þennan leik. Við höfum
engu að tapa en öðru máli gegnir
um leikmenn Manchester United.
Þeir töpuðu síðast leik gegn Midd-
lesbrough, eru á heimavelli og
mikið ofar en við í deildinni. Það
er því pressa á þeim en nánast
engin á okkur.“
Hann sagðist ekki vera smeyk-
ur við stórstjörnur Manchester
United enda vanur að mæta mörg-
um af bestu leikmönnum Evrópu
með Rosenborg í meistaradeild-
inni. „Ég ber mikla virðingu fyrir
þessum leikmönnum enda eru
þeir frábærir en ég ætla ekki að
hugsa um það hvað þeir séu góðir.
Ég einbeiti mér bara að því að
verja hvert skot sem kemur á
markið og standa mig eins vel og
ég get.“
Árni Gautur sagði að Kevin
Keegan, knattspyrnustjóri
Manchester United, ætti 53 ára
afmæli á morgun. Það væri gam-
an að gefa honum sigur í leiknum
í afmælisgjöf. ■
Talsmaður McDonald’s :
Ming í stað
Bryants
KÖRFUBOLTI Kínverjinn Yao Ming,
leikmaður Houston Rockets,
hefur tekið við af Kobe Bryant,
leikmanni L.A. Lakers, sem tals-
maður McDonald’s skyndibita-
staðarins.
Bryant hafði verið talsmaður
fyrirtækisins í þrjú ár en samn-
ingur hans var látinn renna út eft-
ir að hann var ákærður fyrir
nauðgun. „Við áttum gott sam-
starf við Kobe,“ sagði Larry
Light, markaðsstjóri McDonald’s.
„Yao hefur alþjóðlega skírskotun
og hentar vörumerki okkar vel.
Hann er ungur, atorkusamur og
hefur gott skopskyn. Hann er líka
mjög góður í sér,“ sagði Light. ■
Íslandsmótinu í glímu
lýkur í dag:
Sjö meistarar
krýndir
GLÍMA Þriðja og síðasta umferð Ís-
landsmótsins í glímu fer fram í
íþróttahúsi Hagaskóla í dag.
Búast má við jafnri og spenn-
andi keppni í flestum flokkum en
allt besta glímufólk landsins er
skráð til leiks. Eftir mótið verða
krýndir sjö Íslandsmeistarar í
glímu. Í opnum flokki karla er
Ólafur Oddur Sigurðsson með
góða forystu og á góða möguleika
á að tryggja sér sigur í opnum
flokki annað árið í röð. Svana
Jóhannsdóttir er með forystu í
opnum flokki kvenna. ■
FÓTBOLTI Alan Curbishley, knatt-
spyrnustjóri Charlton, hefur
framlengt samning sinn við
félagið til ársins 2007.
Curbishley, sem hafði verið
sterklega orðaður við stjórastöð-
una hjá Tottenham, hefur verið í
herbúðum Charlton frá árinu
1991. Aðeins Alex Ferguson,
stjóri United, hefur verið lengur
knattpyrnustjóri hjá sama félag-
inu af þeim sem nú eru að störf-
um í úrvalsdeildinni.
„Ég hef alltaf sagt að ég sé
ánægður hjá Charlton þrátt
fyrir allar þær vangaveltur sem
hafa komið upp,“ sagði Curbis-
hley. „Félagið hefur tekið fram-
förum bæði innan vallar sem
utan og ég trúi því að við eigum
enn eftir að sýna okkar besta.“
Curbisley, sem er fyrrver-
andi leikmaður West Ham,
Aston Villa og Birmingham City,
var ráðinn sem knattspyrnu-
stjóri Charlton ásamt Steve
Gritt árið 1991. Þegar Gritt
hætti fjórum árum síðar tók
Curbisley alfarið við starfinu.
Hann kom Charlton í úrvals-
deildina árið 1998 og aftur árið
2000 eftir að liðið hafði fallið
árið áður. Hermann Hreiðarsson
og félagar hafa staðið sig vonum
framar á þessari leiktíð og eru í
sjötta sæti deildarinnar. ■
Lakers og Phil Jackson:
Viðræðum
frestað
KÖRFUBOLTI Los Angeles Lakers hef-
ur frestað viðræðum við þjálfarann
Phil Jackson um að framlengja
samning hans við liðið.
Fimm ára samningur Jackson
frá árinu 1999 rennur út eftir þessa
leiktíð. Ákveðið var að fresta samn-
ingaviðræðunum til loka þessarar
leiktíðar en þær höfðu staðið yfir
frá því síðasta sumar.
Kobe Bryant, Karl Malone og
Gary Payton, ásamt fimm öðrum
leikmönnum, verða með lausa
samninga eftir þessa leiktíð og mun
Lakers fyrst einbeita sér að þeim
samningamálum. ■
GORDON STRACHAN
Hættur hjá Southampton
af heilsufarsástæðum.
CURBISHLEY
Aðeins Alex Ferguson hefur verið lengur
knattspyrnustjóri hjá sama liðinu.
Stjórinn Alan Curbishley:
Hjá Charlton til 2007
Gamall draumur
að rætast
Árna Gaut Arason hefur dreymt um að spila á Old Trafford frá því að
hann var lítill strákur.
ÁRNI GAUTUR ARASON SPILAR
Á OLD TRAFFORD Í DAG
Árni Gautur Arason, sem sést hér í
leik með Manchester City gegn
Tottenham á dögunum, mun standa
í marki liðsins gegn Manchester
United á Old Trafford í dag.
MING
Stillir sér upp ásamt Ronald McDonald og
David Stern, forstjóra NBA.
■ ■ LEIKIR
12.15 KA mætir Hetti í Powerade-
mótinu í fótbolta í Boganum.
13.00 Grótta KR mætir Víking á
Seltjarnarnesi í Remax-deild
kvenna í handbolta.
13.30 Haukar leika við Fram í
Framhúsinu í Remax-deild kvenna
í handbolta.
14.00 Víkingar taka á móti Eyja-
mönnum í Remax 1. deild karla í
handbolta í Víkinni.
15.15 KS og Leiftur/Dalvík eigast
við í Powerademótinu í fótbolta í
Boganum.
15.30 Framarar taka á móti HK í
Remax-deild karla í handbolta í
Framhúsinu.
16.00 KA/Þór og Stjarnan eigast
við í KA-heimilinu í Remax-deild
kvenna í handbolta.
16.30 ÍR tekur á móti KA í Austur-
bergi í Remax-deild karla í hand-
bolta.
17.00 Stjarnan mætir Val í Remax-
deild karla í handbolta í Ásgarði.
■ ■ SJÓNVARP
12.15 Enski boltinn á Sýn. Man.
Utd tekur á móti Árna Gauti Ara-
syni og félögum í Man. City í bik-
arkeppninni.
13.00 Íslandsmótið í handbolta í
Sjónvarpinu. Bein útsending frá
leik Gróttu/KR og Víkings í
Remax-deild kvenna.
14.25 Þýski fótboltinn í Sjónvarp-
inu. Bein útsending.
14.30 PGA-mótaröðin í golfi á Sýn.
14.50 Enski boltinn á Stöð 2. Bein
útsending frá 5. umferð bikar-
keppninnar.
15.00 Trans World Sport á Sýn.
15.55 Supercross (Pacific Bell Park)
á Sýn.
16.20 Íslandsmótið í handbolta í
Sjónvarpinu. Bein útsending frá
leik ÍR og KA í Remax-deild karla.
16.55 Motorworld á Sýn. Kraftmikill
þáttur um allt það nýjasta í heimi
akstursíþrótta
17.25 Enski boltinn á Sýn.
19.55 Sterkasti maður heims á Sýn.
Kraftajötnar reyna með sér í ýms-
um þrautum
20.20 Spænski boltinn á Sýn. Bein
útsending frá toppslag Real
Madrid og Valencia.
22.30 Hnefaleikar á Sýn. Útsending
frá bardaga Micky Ward og
Arturo Gatti í Connecticut í
Bandaríkjunum árið 2002.
0.10 Supercross (Pacific Bell Park) á
Sýn. Nýjustu fréttir frá heims-
meistaramótinu í Supercrossi.