Fréttablaðið - 18.02.2004, Blaðsíða 24

18. febrúar 2004 MIÐVIKUDAGUR
Beckham gagnrýnir enska knattspyrnusambandið:
Eriksson undir óþarfa þrýstingi
FÓTBOLTI David Beckham, fyrirliði
enska landsliðsins, segist verða fyr-
ir gífurlegum vonbrigðum ef þjálf-
arinn Sven-Göran Eriksson heldur
ekki áfram með liðið. Beckham tel-
ur að enska knattspyrnusambandið
hafi sett óþarfa þrýsting á Eriksson
með því að bjóða honum að fram-
lengja samning sinn svo snemma.
Eriksson hefur lýst því yfir að hann
vilji ljúka núverandi samningi, sem
gildir til ársins 2006, og sé tilbúinn
að ræða um tveggja ára framleng-
ingu í sumar.
Að sögn Beckhams hefur samn-
ingsboðið valdið miklum vandræð-
um enda sé Eriksson spurður um
málið hvað eftir annað. „Ég er viss
um að hann er orðinn leiður á að
svara spurningum um framtíð sína
á hverjum einasta degi þótt hann sé
þegar samningsbundinn enska
landsliðinu,“ sagði Beckham. „Ég er
viss um að þessar spurningar halda
áfram þangað til hann skrifar undir
10 ára samning en hann þarf að fá
frið til að stýra okkur í Evrópu-
keppnina.“
Beckham, sem leikur á miðjunni
hjá Real Madrid og líkar vel, verður
að öllum líkindum á hægri kant-
inum í vináttulandsleik Englands og
Portúgals í kvöld. „Ég er ekki viss
um að ég fái þetta hlutverk hjá
Englandi en ég nýt þess hjá Real því
það er öðruvísi en það sem ég hef
gert undanfarin 10-15 ár hjá
Manchester United.“ ■
Barátta samherja
Frank Williams spáir mikilli baráttu milli Montoya og Räikkönen
hjá McLaren á næsta ári
FORMÚLA 1 „Juan Pablo Montoya er
erfiður maður. Hann vill að
athyglin innan liðsins beinist öll
að sér,“ sagði Patrick Head,
tæknistjóri Williams-liðsins. „Ég
er ekki viss um að hann fái allt
sem hann vill hjá McLaren.“
Ákvörðun Montoya um að
yfirgefa Williams-liðið eftir
keppnina í ár hefur verið til um-
ræðu að undanförnu eftir að Pat-
rick Head upplýsti að rifrildi inn-
an liðsins hafi orðið til þess að
Montoya tók þessa ákvörðun. Or-
sök rifrildisins var að hluta til sú
að Montoya fannst sem Williams-
liðið hampaði Ralf Schumacher á
sinn kostnað.
Hjá McLaren verður hvorki
Montoya né Kimi Räikkönen
hampað. McLaren-liðið notar tvo
jafn góða bíla og hefur neitað að
gefa einum ökumanni forystu-
hlutverkið. Frank Williams, eig-
andi Williams-liðsins, telur að bar-
átta Juan Pablo Montoya og Kimi
Räikkönen hjá McLaren geti orðið
mögnuð.
„Ég get ímyndað mér að
frammistaða þeirra verði svipuð.
Báðir hafa frábæra stjórn á bíln-
um,“ sagði Williams. „Það er eðli-
egt að okkur finnist Kimi vera
frábær vegna þess að hann er í
öðru liði og við höfum alltaf
áhyggjur af andstæðingunum.“
„Ég þekki ekki styrkleika hans
eða veikleika,“ sagði Williams.
„Hann er augljóslega mjög fljót-
ur. Það er Juan einnig og Juan hef-
ur þann góða eiginleika að gera
það óvænta og sjá tækifærin til að
taka fram úr þegar aðrir sjá þau
ekki. Baráttan innan McLaren-
liðsins verður áhugaverð. Juan er
þrjóskur og hann óttast engan,“
sagði Williams.
Patrick Head og Frank Willi-
ams eru sannfærðir um að síðasta
ár Montoya hjá Williams-liðinu
verði árangursríkt. Þeir telja að
Montoya muni leggja sig allan
fram í keppninni. „Hann á líklega
sex eða sjö ár eftir af ferlinum og
hann færi varla að kasta einu ári á
glæ vegna skapvonsku.“
Head og Williams hafna því al-
farið að Montoya fái ekki að taka
þátt í þróunarvinnu Williams-liðs-
ins. Þeir segja þó að á seinni hluta
keppnistímabilsins fái hann ekki
að vita af hverju Williams-liðið sé
að spá í tiltekna þætti en hann
muni sem ökumaður njóta þess
nýjasta sem liðið hefur upp á að
bjóða. ■
Leikmenn þýska lands-
liðsins:
86 milljónir
fyrir EM-titil
FÓTBOLTI Hver og einn leikmaður
þýska landsliðsins í fótbolta fær
um 86 milljónir króna í sinn hlut
ef liðið vinnur EM í Portúgal í
sumar. Upphæðin er 10 prós-
entum hærri en leikmennirnir
fengu fyrir að komast á úrslita-
leik HM fyrir tveimur árum.
Fyrir að komast í úrslitaleik
EM í ár fá leikmennirnir um 60
milljónir króna. Enginn bónus
verður gefinn ef liðið nær ekki að
komast upp úr riðlakeppninni.
Þjóðverjar leika vináttulandsleik
við Króata á morgun. Síðast mættu
þeir Frökkum og lauk þeirri viður-
eign með 3-0 sigri Frakka. ■
BECKHAM
Vill að Sven-Göran Eriksson, landsliðsþjálf-
ari Englands, fái frið til að stýra liðinu.
SJÓNVARP

17.25 Olíssport á Sýn. Fjallað er um
helstu íþróttaviðburði heima og
erlendis.

17.55 Motorworld á Sýn. Kraftmikill
þáttur um allt það nýjasta í heimi
akstursíþrótta.

18.25 US PGA Tour 2004. Banda-
ríska mótaröðin í golfi á Sýn.

19.20 Meistaradeild Evrópu á Sýn.
Leikur Arsenal og Bayern
München í riðlakeppnini árið 2000.

21.00 Landsleikur í knattspyrnu á
Sýn. Portúgal mætir Englandi í
beinni útsendingu.

22.50 Handboltakvöld í Sjónvarpinu.

23.05 Olíssport á Sýn.
LEIKIR

19.15 Eyjamenn taka á móti Sel-
fyssingum í 1. deild karla í hand-
bolta.

19.15 Grótta og KA eigast við á
Seltjarnarnesi í úrvalsdeild karla í
handbolta.

19.15 Þór Akureyri tekur á móti
Víkingi í Höllinni á Akureyri í 1.
deild karla í handbolta.

19.15 Njarðvík og Grindavík eigast
við í Njarðvík í 1. deild kvenna í
körfubolta.

20.00 Haukar taka á móti Stjörn-
unni á Ásvöllum í úrvalsdeild
karla í handbolta

20.00 Breiðablik mætir Aftureld-
ingu í Smáranum í 1. deild karla í
handbolta.

21.00 KR mætir Breiðabliki í
Reykjavíkurmóti kvenna í Egils-
höll.
15 16 17 18 19 20 21
FEBRÚAR
Miðvikudagur
hvað?hvar?hvenær?
www.undur.is
MÁLVERK?
JUAN PABLO MONTOYA
Verður samherji Kimi Räikkönen hjá McLaren á næsta ári.