Fréttablaðið - 19.02.2004, Blaðsíða 54
Hrósið 50 19. febrúar 2004 FIMMTUDAGUR
Ásdís Rán Gunnarsdóttir hjáModel.is vinnur nú hörðum
höndum að því að skipuleggja Ís-
drottninguna, sem er módel- og
fegurðarsamkeppni stúlkna á
framhaldsskólaaldri og verður
haldin í Smáralind þann 7. apríl.
Keppnin verður með ísþema, út-
litið klaki, töff og kalt og þurfa
stúlkurnar ekki að koma fram í
bikini.
„Við erum að leita að fram-
haldsskólanema sem fellur að
ímynd ísdrottningarinnar, það er
ung metnaðarfull kona sem ætlar
að ná langt í framtíðinni og er sú
ímynd sem Model.is vinnur með.
Verðlaunin í keppninni miðast við
þetta og eru til dæmis námsstyrk-
ir. Allur undirbúningur fyrir
keppnina miðast að því að gera
þær betur í stakk búnar til að
mæta framtíðinni.“
Í upphafi var hugmyndin sú að
nemendaráð framhaldsskólanna
tilnefndu eina stúlku fyrir hönd
síns skóla en vegna mótmæla var
fyrirkomulaginu breytt og verða
áhugasamar stúlkur að hafa sam-
band við Model.is.
„Það voru einhverjir sem voru
á móti þessari tillögu,“ segir Ás-
dís Rán. „En það eru ekki allir á
móti keppninni og skólarnir geta
ekki bannað þeim að taka þátt. Ég
ætla að vona að skólarnir taki
þessu eins og eðlilegt fólk og séu
ekki að mótmæla enda snýst þetta
um nemendur en ekki nemenda-
ráðin sem eiga ekki að stjórna
krökkunum. Annars var of mikið
gert úr þessu og mótmælin komu
aðallega frá MH. Ég hringdi í
fleiri skóla og það voru allir voða-
lega líbó.“ ■
Fegurðarsamkeppni
MODEL.IS
■ Leitar að ísdrottningu framhalds-
skólanna með breyttu fyrirkomulagi.
... fær ríkislögreglustjóri fyrir að
boða blaðamenn til fundar, að er-
lendri fyrirmynd, um líkfundinn í
Neskaupstað.
Leitin að ísdrottningunni
í dag
Hver losaði sig
við líkið af
Vaidas?
RÚV ritskoðar
„barnaklám“
Astrid Lindgren
Syni synjað
um sjúkra-
skýrslu sem
Kári fékk
Þetta hefur verið afskaplegaskemmtilegur tími og fljótur að
líða,“ segir Logi Berg-
mann Eiðsson, frétta-
maður og stjórnandi
spurningaþáttarins
Gettu betur. Logi
hefur verið við
stjórnvölinn lengst
allra þáttastjórn-
enda og er þetta
sjötta árið í röð sem
hann stýrir spurn-
ingaþættinum. Í kvöld
færist spurningaþátt-
urinn inn í sjón-
varpssal. Skól-
arnir sem
keppa eru Menntaskólinn Hrað-
braut í Hafnarfirði og Fjölbrauta-
skólinn í Garðabæ.
„Einn eftirminnilegasti þáttur-
inn hingað til var án efa þegar við
klúðruðum tímatalningunni í
úrslitaþætti. Við þurftum að
stoppa þáttinn, sem var í
beinni útsendingu, og reikna út
tímann. Það var allt löðrandi í
stressi. Til að kóróna spennuna
fór þátturinn í bráðabana eftir
að Borgarholtsskóli tók sex síð-
ustu stigin og jafnaði,“ segir
Logi.
Sem fyrr er Stefán Páls-
son í dómarasætinu.
„Stefán er mikill
húmoristi og það kemur stundum
fram í spurningunum. Þá á hann
sér undarleg áhugamál og ég held
að enginn Íslendingur sé meðlimur
í jafn mörgum félögum. Stefán er
áhugamaður um allt mögulegt og
spurningarnar oft flugbeittar.“
Í heildina eru 1.500 spurningar
búnar til fyrir hverja þáttaröð.
Blaðamaður velti fyrir sér hvort
sama spurningin komi fyrir oftar
en einu sinni. „Ég geri ráð fyrir
því, sérstaklega í hraðaspurning-
unum. Ég held að menn þurfi að
vera með einhverja sérgáfu til að
muna eftir því ef það kemur fyrir.“
Af tuttugu og einum keppanda
eru einungis fjórar stelpur sem
taka þátt. „Ég hreinlega veit ekki
hvað veldur þessu. Stelpurnar
þurfa greinilega að taka sig betur
á,“ segir Logi.
Venja er að hver skóli komi
með skemmtiatriði þegar komið er
í sjónvarpssal. Logi segir að breyt-
ing verði í ár og meiri áhersla lögð
á að kynna skólana. Hann gaf ekki
mikið fyrir það þegar hann var
spurður hvort hann fyndi löngum
til að skemmta sjálfur. Þá virtist
hann frekar áhugalaus um áskor-
un Fréttablaðsins að bæta um
betur en sagðist hafa það á bak við
eyrað í síðasta þættinum sem
stjórnandi. „Annars hef ég mestan
áhuga á að klúðra sem minnstu
hverju sinni.“ ■
Glæpasagan Grafarþögn eftirArnald Indriðason hefur gert
stormandi lukku í Þýskalandi.
Bókin kom í verslanir á mánudag-
inn og fór rakleiðis í 15. sæti
þýska bóksölulistans. Íslensk
skáldsaga hefur ekki fengið aðrar
eins viðtökur í Þýskalandi áður og
þrátt fyrir að þýskir útgefendur
Arnaldar hafi ákveðið að prenta
bókina í 100.000 eintökum, sem er
eitt stærsta upplag sem prentað
hefur verið af íslenskri bók fyrr
og síðar, var ákveðið að prenta
fleiri eintök aðeins tveimur dög-
um eftir að bókin kom á markað.
Það þótti þó ljóst strax í haust
að áhugi Þjóðverja á Arnaldi væri
mikill en kynningareintök af
Grafarþögn, eða Todeshauch eins
og hún heitir á þýsku, gengu kaup-
um og sölum á uppboðsvefnum
Ebay. Þá hafði Mýrin verið að
gera það gott og hafði selst í
150.000 eintökum.
Grafarþögn kom fyrst út á Ís-
landi árið 2001. Hún hlaut góðar
viðtökur gagnrýnenda, seldist
ákaflega vel og kiljuútgáfa henn-
ar hefur verið í hópi mest seldu
bóka hérlendis undanfarin tvö ár.
Réttindastofa Eddu hefur gengið
frá samningum um sölu á Grafar-
þögn til Danmerkur, Finnlands,
Svíþjóðar, Noregs og Tékklands.
Áður hafði bókin verið seld til
Englands, Hollands og Þýska-
lands. Fyrir Grafarþögn fékk
Arnaldur öðru sinni Glerlykilinn
árið 2003, norrænu glæpasagna-
verðlaunin, sem veitt eru bestu
glæpasögu Norðurlanda. ■
Loftfimleikauppfærsla Vestur-ports á Rómeó og Júlíu eftir
William Shakespeare hefur gert
stormandi lukku í London og er
skemmst að minnast þess þegar
Dorrit Moussaieff forsetafrú
bauð sjálfum Sean Connery að
sjá sýninguna í London. Gamli
jaxlinn heillað-
ist, líkt og svo
margir aðrir, og
nú eru aðstand-
endur sýning-
arinnar farnir
að þreifa fyrir
sér með að
koma henni á
fjalirnar, eða
rjáfrin, á West End. Það væru
vitaskuld stórtíðindi ef íslenskt
verk yrði sett upp á þessum ann-
álaða stað en West End þarf þó
heldur alls ekki að vera endastöð-
in þar sem liðstjórarnir í herbúð-
um Rómeó og Júlíu hafa augastað
á fleiri stöðum á heimskortinu.
Hin ástsæla hljómsveit Spaðarheldur sitt árlega Spaðaball í
Iðnó í kvöld. Böllin eru eftirsótt-
ur viðburður í samkvæmislífinu
og hörðustu aðdáendur sveitar-
innar eru löngu búnir að gera
viðeigandi ráðstafanir til að
tryggja sér miða á skrallið. For-
sala fer fram í versluninni 12
tónum,
einu helsta
musteri
sérvitr-
ingatónlist-
ar í Evr-
ópu. Það
eru engir
aukvisar sem skipa sveitina en
þeirra á meðal eru Guðmundur
Andri Thorsson, Sigurður G. Val-
geirsson, Sveinbjörn I. Baldvins-
son og harmonikkuleikarinn pró-
fessor doktor Gunnar Helgi
Kristinsson, sem mun ekki lesa
úr verkum sínum að þessu sinni.
Grafarþögn
ARNALDUR INDRIÐASON
■ hefur fengið frábærar vuðtökur í
Þýskalnadi þar sem þýðing bókarinnar
hefur runnið út eins og heitar lummur.
ARNALDUR INDRIÐASON
Velgengni Mýrarinnar í Þýskalandi hafði ekki búið útgefanda Grafarþagnar undir þær góðu
viðtökur sem bókin hefur fengið þar í landi. Tveimur dögum eftir að hún kom á markað
var ákveðið að prenta meira.
Arnaldur funheitur
í Þýskalandi
Gettu betur
LOGI BERGMANN EIÐSSON
■ stjórnar þættinum Gettu betur í sjötta
sinn. Enginn hefur verið lengur við
stjórnvölinn.
Stefnir að því að
klúðra sem minnstu
LOGI BERGMANN
EIÐSSON
Logi segir nokkra keppendur
eftirminnilegri en aðra og
nefnir Sæma sem keppti fyrir
Borgarholtsskóla fyrir þremur
árum. „Það ár munaði litlu að
Borgarholtsliðið næði að slá
MR-inga út. Lið MR eru yfir-
leitt eftirminnileg og MH-ing-
ar eru oft með fersk og frekar
kjaftfor lið sem er skemmti-
legt að vera með. Það
skemmir aldrei að krakkarnir
séu dálitlir karakterar.“
ÁSDÍS RÁN GUNNARSDÓTTIR
Vonar að skólarnir muni ekki mót-
mæla leitinni að fegurðardrottningu
framhaldsskólanna, enda eigi nem-
endaráð ekki að stjórna krökkunum.
Fréttiraf fólki