Fréttablaðið - 21.02.2004, Blaðsíða 2
2 21. febrúar 2004 LAUGARDAGUR
“Jú, sennilega. Þá hefðum við ekki
þurft að gera framvirkan gjaldeyr-
issamning til að verjast gengis-
áhættu.“
Lúðvík Bergvinsson er oddviti Samfylkingarinnar í
bæjarstjórn Vestmannaeyja. Hann gagnrýnir að fyrr-
um meirihluti tók lán í Bandaríkjadölum en gengis-
breytingar urðu til þess að það snarhækkaði.
Spurningdagsins
Lúðvík, hefði verið betra að taka lán-
ið í Herjólfsdal?
HEILBRIGÐISMÁL Matthías Halldórs-
son aðstoðarlandlæknir staðfesti
við Fréttablaðið að Landlæknis-
embættið hefði frá síðustu ára-
mótum lagt til við heilbrigðis-
ráðuneytið að einn læknir yrði
sviptur leyfi.
Hann kvaðst ekki vilja tjá sig
frekar um þetta einstaka mál, en
sagði að á ári hverju hefði emb-
ættið vegna lyfjamála afskipti af
2-3 læknum, sem annað hvort
væru áminntir eða sviptir leyfi.
Stundum væru höfð afskipti af
sama manni oftar
en einu sinni. Ráðu-
neytið færi nánast
alltaf að tilmælum
landlæknisembætt-
isins í þessum efn-
um.
Matthías sagði
að væntanlegur
lyfjagagnagrunnur
myndi koma að
góðum notum við
að fylgjast meðal
annars með notkun
ávanabindandi lyfja. Grunnurinn
kæmi væntanlega í notkun í janú-
ar á næsta ári og yrði í umsjón
Landlæknisembættisins.
„Við fylgjumst að vísu með eft-
irritunarskyldum lyfjum eins og
Contalgin, sem er morfínlyf sem
er í raun mjög gott lyf fyrir fólk
með langvinna verki, til dæmis
krabbameinssjúklinga,“ sagði
Matthías. „Það er auðveldara að
fylgjast með þessum lyfjum því
þau eru eftirritunarskyld. Við
minnum lækna á að eðlilegt sé að
aðeins einn læknir sjái um að
skrifa út slík lyf fyrir hvern sjúk-
ling. Eðlilegast er að það sé annað
hvort heimilislæknirinn eða sá
sérfræðingur sem sér um sjúk-
linginn, frekar en læknar sem
ekki þekkja sjúklinginn.“
Matthías sagði að embættið
skrifaði læknum öðru hverju og
áréttaði ofangreind atriði.
„Einstaka sinnum spyrjum við
menn sem skrifa mikið út af þess-
um lyfjum um tilganginn með
því, einkum ef sést að sjúklingur-
inn hefur fengið frá fleirum en
einum lækni,“ sagði Matthías.
Talsvert hefur verið fjallað um
misnotkun vanabindandi lyfja að
undanförnu. Lát konu sem lést ný-
lega af völdum Contalgin, að því
er talið er, er ennþá til rannsóknar
hjá lögreglu. Hún lést í lok janúar
síðastliðinn og maður hennar var
þá langt leiddur af lyfjaneyslu.
Rannsókn lögreglunnar beinist
meðal annars að því hvort lyfið
greinist í blóði konunnar, en
niðurstaða liggur ekki enn fyrir.
jss@frettabladid.is
Hjón frá Sri Lanka gáfu sig fram við lögreglu og báðu um pólitískt hæli:
Eru með fárra daga gamalt barn
FLÓTTAMENN Hjón frá Sri Lanka,
með tvö ung börn, komu til
landsins um síðustu helgi, gáfu
sig fram við lögregluna í
Reykjavík og báðu um pólitískt
hæli. Með þeim er maður sem
segist vera vinur þeirra.
„Hjónin eru á þrítugsaldri og
annað barnið er ellefu daga
gamalt og hitt tveggja ára. Mað-
urinn sem kom með fjölskyld-
unni er sá eini sem er mælandi á
enska tungu,“ segir Georg Lár-
usson hjá Útlendingastofnun.
Hann segir málið enn vera í
höndum lögreglunnar í Reykja-
vík en hann býst við að fá það í
sínar hendur eftir helgi.
Georg segir fólkið hafa kom-
ið til Keflavíkurflugvallar með
flugi frá Frakklandi og þaðan
farið til Reykjavíkur og gefið
sig fram. Fólkið segist vera skil-
ríkjalaust en ljóst er að fólkið
hafi þurft skilríki til að komast
til Frakklands. Nú er fólkið í
umsjá félagsþjónustunnar í
Reykjanesbæ. Georg segir
næstu skref í málinu verða
ákveðin eftir að gögn frá lög-
reglu berast. Tungumálaerfið-
leikar eru nokkrir þar sem að-
eins einn er enskumælandi í
hópnum en hjónin tala einungis
tamílsku og erfitt getur verið að
fá túlk. ■
Atlanta stækkar:
3,8 milljarða
fjárfesting
ATHAFNALÍF Flugfélagið Air Atlanta
hefur fest kaup á kjölfestuhlut í
breska flugfélaginu Excel Airways
Group. Í fréttatilkynningu kemur
fram að 40,5% hlutur hafi verið
keyptur á um 3,8 milljarða ís-
lenskra króna.
Í tilkynningunni kemur fram að
Excel Airways sé eitt stærsta
leiguflugfélag Bretlandseyja og
var velta þess á síðasta ári um 31,6
milljarðar íslenskra króna.
Excel á og rekur sjö Boeing 737-
800 flugvélar og leigir aðrar sjö á
háannatímum. Félagið sérhæfir sig
í flugi frá Gatwick-flugvelli til vin-
sælla sumarleyfisstaða. ■
Ariel Sharon:
Samráð við
Bandaríkin
JERÚSALEM, AP Ariel Sharon, forsæt-
isráðherra Ísraels, heitir því að
haft verði samráð við Bandaríkin
áður en gripið verði til einhliða að-
gerða á Vestur-
bakkanum og Gaza-
ströndinni. Sharon
segir að ekki komi
annað til greina en
að fylgja hinum
svokallaða vegvísi
til friðar.
Á fundi með
bandarískri sendi-
nefnd í Jerúsalem
sagði Sharon að
hann liti ekki svo á
að hernaðar-
aðgerðir Ísraela á
hernumdu svæðunum væru brot
gegn vegvísinum. Ísraelski for-
sætisráðherrann sakar Palestínu-
menn um að hafa ekki sýnt vilja
til sátta og útilokar ekki að grípa
til einhliða aðgerða ef enginn ár-
angur næst í friðarviðræðum á
næstu mánuðum. ■
Keflavíkurflugvöllur:
Deila leyst á
næstunni
LAUNADEILA Varnarmálaskrifstofa
utanríkisráðuneytisins hefur haft
samband við aðmírál bandaríska
flotans á Keflavíkurflugvelli
vegna umkvartana Verkalýðs- og
sjómannafélags Keflavíkur um að
ekki hafi verið staðið við gerða
kjarasamninga um síðustu ára-
mót. Málið varðar einnig álags-
greiðslur frá þarsíðustu áramót-
um.
Kristján Gunnarsson, formað-
ur stéttarfélagsins, segir menn
bjartsýna á að þessi launadeila
verði leyst innan tíðar. Hann segir
að fulltrúar Varnarmálaskrifstofu
muni væntanlega ræða við flot-
ann á næstu dögum, enda hafi þeir
fullan skilning á málinu. ■
Húsbruni í Kópavogi:
Haldið
sofandi
BRUNI Konu á áttræðisaldri er
haldið sofandi í öndunarvél á gjör-
gæsludeild Landspítalans í Foss-
vogi eftir að henni var bjargað úr
brennandi húsi við Víðihvamm í
Kópavogi í gærmorgunn.
Blaðberi varð reyksins var um
klukkan hálf sjö um morguninn og
gerði slökkviliði viðvart. Fyrsta
verk slökkviliðsins var að senda
inn reykkafara, sem fundu kon-
una meðvitundarlausa inni í hús-
inu. Hún var flutt með sjúkrabíl á
bráðamóttökuna í Fossvogi.
Eldurinn var mestur inni í eld-
húsinu en mikill reykur var um alla
íbúðina. Að slökkvistarfi loknu var
húsið reykræst. Miklar skemmdir
eru sökum elds í eldhúsinu og eru
einnig miklar reykskemmdir ann-
ars staðar í húsinu. ■
www.landsbanki.is
sími 560 6000
Varðan - alhliða fjármálaþjónusta
Nokkrir punktar um
beinharða peninga!
Tónleikar með Travis í Glasgow 12. - 14. mars
Sjáðu eðalhljómsveitina Travis á tónleikum og njóttu lífsins
í heimsborginni fallegu. Gisting í tveggja manna herbergi á
Jurys Inn Glasgow, nýju 3ja stjörnu hóteli.
Verð: 33.910 kr. auk 10 þús. ferðapunkta.
Innifalið: Flugvallarskattar og þjónustugjöld. Nánari upplýsingar fyrir ofangreind tilboð hjá
Icelandair í hópadeild, sími 505 0406 eða sendið tölvupóst á groups@icelandair.is ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
23
55
9
02
/2
00
4
Mennirnir frá Sri Lanka:
Komnir til
Þýskalands
FLÓTTAMENN Mennirnir frá Sri
Lanka sem komu hingað til lands
í haust og sóttu um pólitískt hæli
fóru til Þýskalands á fimmtu-
dagsmorgun.
Þýska lögreglan tók á móti
mönnunum í Frankfurt, þar sem
þeir fá meðferð sinna mála.
Kæra sem mennirnir sendu
dómsmálaráðuneytinu um hvort
þeir ættu fá meðferð um pólitískt
hæli á Íslandi eða í Þýskalandi er
óafgreidd. ■
KEFLAVÍK Fimm starfsmönnum Eft-
irlits- og stjórnstöðvar á Keflavík-
urflugvelli, sem vinnur úr gögn-
um frá ratsjám, verður sagt upp
störfum á næstu dögum vegna
niðurskurðar hjá varnarliðinu.
Rafiðnaðarsambandi Íslands hef-
ur verið tilkynnt um uppsagnirn-
ar.
Tíu íslenskir starfsmenn hafa
unnið í stöðinni á vegum Kögunar,
sem er undirverktaki Ratsjár-
stofnunar. Stofnunin vinnur þar
samkvæmt samningi við banda-
ríska flugherinn. Hingað til hefur
varnarliðið greitt fyrir þjónustu
sem hefur þýtt að sólarhringsvakt
hefur verið í stjórnstöðinni á
Keflavíkurflugvelli. Vegna niður-
skurðarins mun þjónustan skerð-
ast verulega. Í stað sólarhrings-
vakta verður aðeins vakt á dag-
inn. Á kvöldin, um nætur og um
helgar verður bakvakt.
Ratsjárstöðin á Keflavíkur-
flugvelli er miðstöð íslenska loft-
varnakerfisins. Í stöðinni er hald-
ið utan um og unnið úr gögnum
um flugumferð sem berast frá
fjórum ratsjárstöðvum sem stað-
settar eru í landinu. Upplýsing-
arnar er nýttar af varnarliðinu,
sem framsendir þær síðan til
Flugmálastjórnar Íslands. Sam-
kvæmt upplýsingum frá Ratsjár-
stofnun hefur niðurskurðurinn
ekki áhrif á rekstraröryggi rat-
sjárstöðvanna. ■
ARIEL SHARON
Ísraelski forsætis-
ráðherrann
hyggst afnema
fjölda landnema-
byggða á Vestur-
bakkanum og
Gaza-ströndinni.
KEFLAVÍKURFLUGVÖLLUR
Ratsjárstöðin á Keflavíkurflugvelli er miðstöð íslenska loftvarnakerfisins.
Frekari niðurskurður hjá varnarliðinu á Keflavíkurflugvelli:
Fimm starfsmönnum sagt upp
FRÁ VÍÐIHVAMMI
Fyrsta verk slökkviliðsmanna var að fara
inn í húsið og bjarga konu á áttræðisaldri.
GEORG LÁRUSSON FORSTJÓRI ÚT-
LENDINGASTOFNUNAR
Georg segir að næstu skref í máli fimm-
menninganna frá Sri Lanka verið tekin
þegar gögn hafa borist frá lögreglu.
Læknir sviptur leyfi
vegna eigin neyslu
Frá áramótum hefur landlæknisembættið svipt einn lækni leyfi vegna
lyfjamála. Læknirinn misnotaði aðstoðu sína til að skrifa út ávana-
bindandi lyf, sem hann notaði sjálfur.
MORFÍNLYF
Lyfið Contalgin er eitt af mörgum sem landlæknisembættið fylgist grannt með. Það er
morfínlyf sem er notað til að lina þjáningar krabbameinssjúklinga.
■
Hann kvaðst
ekki vilja tjá sig
frekar um þetta
einstaka mál,
en sagði að
embættið hefði
afskipti af 2-3
læknum á ári
hverju vegna
lyfjamála, sem
annað hvort
væru áminntir
eða sviptir.