Fréttablaðið - 22.02.2004, Page 2

LÖGREGLUMÁL Tveir Íslendingar
og einn Lithái voru í Héraðs-
dómi Reykjavíkur úrskurðaðir í
ellefu daga gæsluvarðhald en
þeir eru grunaðir um stórfelld
fíkniefnabrot og að hafa komið
líkinu af Litháanum Vaidas
Jucevicius fyrir í höfninni í Nes-
kaupstað. Mennirnir eru þeir
Grétar Sigurðarson, Jónas Ingi
Ragnarsson og Litháinn Tomas
Malakauskas.
Lögregla ætlar að yfirheyra
fólk í Litháen og freista þess að
finna þar hugsanlega samverka-
menn. Leitað var í híbýlum
mannanna á föstudag og var
leitað víðar í gær.
Vaidas kom með flugi til
Keflavíkurflugvallar frá Kaup-
mannahöfn klukkan hálf ellefu
mánudagskvöldið annan febrú-
ar. Samkvæmt upplýsingum sem
lögregla hefur fengið var Thom-
as í Leifsstöð það kvöld ásamt
félögum sínum til að taka á móti
Vaidas. Mennirnir segja allir að
þeir hvorki þekki né hafi talað
við Vaidas Jucevicius. Ein af
ástæðum fyrir því að lögregla
hefur náð að tengja mennina
þrjá við þann látna er að Jónas
Ingi breytti flugmiða Vaidas til
sunnudagsins áttunda febrúar.
Síðar var fluginu frestað um
ótiltekinn tíma.
Jónas kveðst hafa verið í sam-
skiptum við einhvern mann að
nafni Vaidas vegna hugsanlegs
innflutnings á sumarhúsum.
Hins vegar hafi þessi hugsanlegi
viðskiptafélagi ekki gefið sig
fram þegar Jónas hafi farið að
sækja hann á Leifsstöð annan
febrúar. Næst kveðst Jónas hafa
heyrt í honum í síma þar sem
Vaidas bað hann um að breyta
bókun á fluginu til baka. Jónas
og Malakauskas segja að þeir
hafi tekið bílaleigubíl til skoða
Gullfossi og Geysi og á Selfossi
hafi þeir ákveðið að fara til Nes-
kaupstaðar. Þar sem þeir hafi
verið komnir vel áleiðis hafi þeir
ákveðið að heimsækja Grétar
þar sem hann var gestkomandi
hjá fjölskyldu sinni. Lögreglunni
þykja skýringar á ferðalaginu
ótrúverðugar auk þess sem sög-
um mannanna ber ekki saman.
Fram til morguns föstudags-
ins sjötta febrúar er talið að þeir
Jónas og Malakauskas hafi verið
á höfuðborgarsvæðinu. Þá tóku
þeir félagar Pajero-jeppa á leigu
og héldu á austur á land. Á sama
tíma flaug Grétar til Egilsstaða
og þaðan hélt hann áfram til
Neskaupstaðar. Grétar hélt til
hjá fjölskyldu sinni, sem býr á
Norðfirði, til tólfta febrúar. Þeir
Jónas og Malakauskas voru
veðurteppir í tvo daga á Djúpa-
vogi. Um miðjan sunnudag eru
þeir hins vegar taldir hafa hitt
Grétar á Norðfirði og gist þá um
nóttina hjá fjölskyldu hans.
Talið er að þeir Jónas og
Malakauskas hafi haldið af stað
til Reykjavíkur upp úr hádegi
mánudagsins níunda febrúar og
komið til Reykjavíkur að kvöldi
sama dags. Vitni sáu mennina
koma út úr verslun 11-11 á
Hvolsvelli á mánudagskvöldið
þar sem þeir báru mikið magn af
hreinsiefnum út í jeppabifreið-
ina.
Lögregla telur ljóst að félag-
arnir þrír hafi staðið að fíkni-
efnainnflutningnum með hinum
látna. Einnig eru þeir grunaðir
um að hafa komið líki Jucevicius
fyrir í höfninni eftir að hann dó.
Mennirnir eru grunaðir um
alvarleg sakarefni sem gætu
varðað allt að tólf til sextán ára
fangelsi.
hrs@frettabladid.is
2 22. febrúar 2004 SUNNUDAGUR
„Nei, ekki alveg. Þetta er aðeins
öðruvísi viðskiptahugmynd en hjá
Skjá einum – en þeir verða alltaf á
sanngjörnu verði.“
Kristinn Þ. Geirsson er nýtekinn við sem forstjóri
Ingvars Helgasonar hf. Hann var áður
framkvæmdastjóri Skjás eins – en Skjár
einn er alltaf ókeypis.
Spurningdagsins
Kristinn, verða þá bílar frá Ingvari
Helgasyni „alltaf ókeypis“?
Fulltrúar Rauða krossins:
Heimsóttu Saddam Hussein
BAGDAD, AP Tveir fulltrúar Rauða
krossins hittu Saddam Hussein í
fyrsta sinn í gær þar sem hann situr
í haldi Bandaríkjamanna á ótil-
greindum stað í Írak.
Nada Doumani, talskona Rauða
krossins, sagði að Saddam hefði
skrifað bréf til fjölskyldu sinnar,
sem Rauði krossinn kemur á fram-
færi. Einnig fullyrti hún að fulltrú-
ar Rauða krossins myndu hitta
hann á ný.
Hún sagði þó ekkert um hvernig
Saddam væri á sig kominn andlega
eða líkamlega. Annar fulltrúanna
sem hitti Saddam er læknir.
Rauða krossinum ber sam-
kvæmt Genfarsáttmálum að heim-
sækja stríðsfanga til að kanna
ástand þeirra, en skýrir aldrei opin-
berlega frá niðurstöðum sínum. Þó
ber honum að skýra yfirstjórn her-
námsliðsins frá niðurstöðum heim-
sóknarinnar.
„Tilgangurinn með þessari heim-
sókn er að fylgjast með ástandi í
varðhaldinu og meðferð fangans,“
sagði Doumani. „Við viljum sjá
hvort hann fær nægan mat og vatn,
kanna heilsufar hans og gefa honum
tækifæri til að koma skriflegum
skilaboðum til fjölskyldu sinnar,
sem hann og gerði.“ ■
Vélsleðaslys á
Snæfellsjökli:
Sendur með
þyrlu til
Reykjavíkur
LÖGREGLUFRÉTTIR Vélsleðaslys varð
á Snæfellsjökli um hádegisbilið í
gær. Ökumaður vélsleðans
keyrði fram af hengju og lenti í
grjóti. Félagar hans fluttu hann á
heilsugæslustöðina í Ólafsvík en
læknir þar kallaði eftir þyrlu
sem flutti manninn á sjúkrahús í
Reykjavík. Þyrlan var á æfinga-
flugi yfir Faxaflóa og því ekki
langt undan. Að sögn vakthafandi
læknis á slysamóttöku Landspít-
alans er maðurinn m.a. brotinn á
höndum en ekki talinn alvarlega
slasaður. ■
■ Lögreglufréttir
www.landsbanki.is
sími 560 6000
Varðan - alhliða fjármálaþjónusta
Nokkrir punktar um
beinharða peninga!
Vor í París 14. - 17. maí
Yndisleg vorferð til Parísar þar sem gist verður á 3ja stjörnu
hótelinu Home Plazza Bastille í þrjár nætur. Íslenskur
fararstjóri er Laufey Helgadóttir, listfræðingur.
Verð: 36.475 kr. á mann í tvíbýli auk 10 þús. ferðapunkta.
Innifalið: Flugvallarskattar og þjónustugjöld. Nánari upplýsingar fyrir ofangreind tilboð hjá
Icelandair í hópadeild, sími 505 0406 eða sendið tölvupóst á groups@icelandair.is ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
23
55
9
02
/2
00
4
ÞRÍR MENN VORU ÚRSKURÐAÐIR Í ELLEFU DAGA GÆSLUVARÐHALD Í HÉRAÐSDÓMI REYKJAVÍKUR
Þrír menn eru grunaðir um að hafa að hafa komið líki Vaidas Jucevicius fyrir í höfninni í Neskaupstað. Frá vinstri: Tomas Malakauskas, Jónas Ingi Ragnarsson og Grétar Sigurðarson.
Stórfelld fíkniefnabrot
Þremenningarnir sem úrskurðaðir hafa verið í gæsluvarðhald eru grunaðir um stórfelld
fíkniefnabrot. Lögreglan leitar að hugsanlegum samverkamönnum.
FR
ÉT
TA
B
LA
Ð
IÐ
/V
AL
LI
SADDAM HUSSEIN
Skrifaði bréf til fjölskyldunnar og sendi
með fulltrúum Rauða krossins.
TVÆR BÍLVELTUR Bíll valt við Litlu
Kaffistofuna seinni part föstudags.
Tveir voru fluttir til athugunar á
sjúkrahús en meiðsli voru ekki tal-
in alvarleg. Aðfaranótt laugardags
varð svo önnur bílvelta á sama
stað. Tveir voru fluttir til athugun-
ar, lítið meiddir.
REYKUR FRÁ ELDAMENNSKU
Slökkviliðið var kallað út um hálf-
fjögur í gærmorgun vegna elds í
fjölbýlishúsi í Reykjavík. Aðeins
reyndist um reyk að ræða frá potti
sem gleymst hafði á eldavél.
STÁLU ÁFENGI Töluverð ölvun var í
miðborg Reykjavíkur aðfaranótt
laugardags. Snemma í gærmorgun
var brotin rúða á veitingastað á
Laugavegi. Skemmdarvargarnir
stálu tveimur áfengisflöskum.
EGILSSTAÐIR
HÖFN
SKAFTAFELL
VÍK
HELLA
KEFLAVÍK
BORGARNES
STYKKISHÓLMUR
ÍSAFJÖRÐUR
BLÖNDUÓS AKUREYRI
DJÚPIVOGUR
NESKAUPSTAÐUR
REYKJAVÍK
GEYSIR
GULLFOSS
HVOLSVÖLLUR
SELFOSS
Félagarnir Thomas og Jónas
sögðust hafa ætlað að skoða
Gullfoss og Geysi.
Vitni sá tvo menn á Pajero jeppa koma
með mikið magn af hreingerningavörum
úr verslun 11-11 þann 9. febrúar.
Í nágrenni Selfoss fannst félögunum þeir
vera komnir vel á leið til Norðfjarðar og
ákváðu að heimsækja Grétar.
Á leiðinni til Norðfjarðar urðu Jónas
og Thomas veðurtepptir á Djúpavogi
og gátu ekki haldið áfram fyrr en
sunnudaginn 8. febrúar.
Jónas og Thomas hittu Grétar á
Norðfirði sunnudaginn 8. febrúar.
Þeir gistu hjá fjölskyldu Grétars.
Gæsluvarðhald:
Sakaðir um
stórglæpi
LÍKFUNDUR Alvarlegasta sökin sem
borin er á hina grunuðu er brot á
211. grein hegningarlaga um
manndráp. Sú grein á við þegar
um er að ræða grun um morð að
yfirlögðu ráði og varðar fangelsi í
hið minnsta fimm ár en getur
varðað lífstíðardómi. Einnig er
gert ráð fyrir að sakborningarnir
gætu hafa gerst brotlegir við 221.
grein sömu laga en samkvæmt
henni geta menn dæmst til allt að
tveggja ára fangelsis fyrir að
gera ekki sitt ítrasta til þess að
bjarga öðrum manni frá dauða.
Þá eru þeir sakaðir um brot á
173. grein sem kveður á um að
menn geti hlotið allt að tólf ára
fangelsisvist fyrir viðskipti með
ávana og fíkniefni.
Síðasta ákæruatriðið er brot á
124. grein hegningarlaga um rösk-
un á grafhelgi eða ósæmilega með-
ferð á líki. Það ákvæði varðar sekt
eða fangelsi allt að hálfu ári. ■