Fréttablaðið - 22.02.2004, Blaðsíða 4

4 22. febrúar 2004 SUNNUDAGUR
Hvað finnst þér um aðskilnaðar-
múrinn sem Ísraelar eru að reisa í
Jerúsalem?
Spurning dagsins í dag:
Hefur þú áhyggjur af komum flótta-
manna til Íslands?
Niðurstöður gærdagsins
á www.frett.is
49%
43%
Ónauðsynlegur
8%Veit ekki
Nauðsynlegur
Kjörkassinn
Farðu inn á frett.is og segðu þína skoðun
frétt.is
Bergljót Jónsdóttir framkvæmdastjóri listahátíðar í Bergen:
Missti stjórn á skapi sínu
NOREGUR Framtíð Bergljótar Jóns-
dóttur hins umdeilda framkvæmda-
stjóra listahátíðarinnar í Bergen í
Noregi ræðst væntanlega á næst-
unni þegar úttekt á starfsumhverfi
hátíðarinnar og stjórnunarháttum
Bergljótar verður gerð opinber.
Hún hefur sætt harðri gagnrýni í
starfi og verið sökuð um einræðis-
legan stjórnunarstíl af samstarfs-
mönnum sínum. Norskir fjölmiðlar
greina frá því að á blaðamanna-
fundi síðastliðinn fimmtudag þar
sem listahátíð ársins var kynnt hafi
Bergljót misst stjórn á skapi sínu og
skammað blaðamenn þegar hún var
spurð um meinta samstarfs-
örðugleika, en ekki út í hátíðina.
Frá því Bergljót tók við starfi
framkvæmdastjóra listahátíðarinn-
ar fyrir átta árum hafa margir
starfsmenn verið reknir eða hrökkl-
ast frá og sumir þeirra tengja var-
anleg veikindi sín við það starfsum-
hverfi sem Bergljót hefur skapað.
Þrátt fyrir allar ásakanirnar á hend-
ur Bergljótu lýsir Jannik Lindbæk,
stjórnarformaður listahátíðarinnar,
yfir fullum stuðningi við hana og í
viðtali við norska fjölmiðla er haft
eftir honum að Bergljót sitji sem
fastast í framkvæmdastjórastóln-
um, þar til í ljós kemur hvort ásak-
anirnar eigi við rök að styðjast. ■
Horfðu á beljandi
fljót út um gluggann
Íbúar fjölda bæja einangruðust þegar Skjálfandafljót flæddi yfir bakka sína. Þjóðvegur 85 var
sundurtættur eftir og verður áfram illfær. Fljótið fór mjög nálægt bænum Árteigi og þurftu ábú-
endur að forða bílum af bílastæðinu. Ábúanda þar stóð ekki á sama.
FLÓÐ Skjálfandafljót fór að flæða
yfir bakka sína á fimmtudags-
kvöld og einangraðist fjöldi
bæja af þessum völdum. Þjóð-
vegur 85 er stórskemmdur á
tveggja kílómetra kafla, frá
Skjálfandafljótsbrú og vestur að
Rangá, þar sem flæddi yfir
hann. Lögreglan á Húsavík segir
að malbikið hafi verið í tætlum
og vegurinn sundurskorinn.
Unnið var að því í gær að ryðja
veginn, ýta malbiki í burtu og
möl í gryfjurnar. Vegurinn verð-
ur torfær áfram þótt vonast hafi
verið til að geta opnað hann í
gærkvöldi. Vegurinn er aðalleið-
in til Húsavíkur en einnig er
hægt að fara yfir Fljótsheiði. Þá
urðu skemmdir á Útkinnarvegi
og þurftu bændur að hella niður
mjólk þar sem mjólkurbíllinn
komst ekki til þeirra.
„Við erum búin að vera algjör-
lega einangruð og komumst ekk-
ert,“ sagði Anna Harðardóttir,
ábúandi í Árteigi II, en áin
flæddi alveg upp að íbúðarhús-
unum þar. „Hún rann beggja
vegna við okkur, ansi nálægt, og
við urðum að forða bílum og öðru
af bílaplaninu upp við húsið. Við
fengum aðvörun frá lögreglunni
á Húsavík um ellefuleytið á
fimmtudagskvöld. Áin byrjaði
svo að vaxa verulega og hratt um
sjöleytið á föstudaginn. Okkur
stóð ekki alveg á sama og vissum
ekki hvar þetta myndi enda. Við
erum með lítið flugskýli hérna
fyrir neðan og það var komið vel
inn í það. Húsið okkar stendur
aðeins hærra svo við höfðum
ekki áhyggjur af því. En við
horfðum bara á beljandi fljót hér
út um gluggana. Um kvöldið fór
þetta að sjatna aftur.“ Í gær-
morgun var flóðið gengið til
baka en Anna sagði að enn væri
erfitt að gera sér grein fyrir
hvort eitthvert tjón hefði orðið.
Óvenjulegt er að áin flæði
yfir bakka sína á þessum stað,
en Anna segir þó að það hafi
einnig gerst árið 1990 þegar
krapastífla kom í fljótið. „Þá
flaut hér allt um kring líka en
við vorum ekki heima þá. Þetta
var hins vegar ekki stífla heldur
svona miklir vatnavextir.“
audur@frettabladid.is
Húnavatnssýsla:
Lést eftir
umferðarslys
ANDLÁT Konan, sem lenti í alvar-
legu umferðarslysi í Húnavatns-
sýslu á miðvikudagskvöld, lést á
gjörgæsludeild Landspítalans á
fimmtudag. Hún hét Margrét
Þóra Sæmundsdóttir.
Margrét Þóra var fædd árið
1959 og var til heimilis að Hring-
braut 26 í Reykjavík. Hún lætur
eftir sig þrjú börn og unnusta.
Líðan dóttur hennar, sem slasað-
ist alvarlega í slysinu, fer batn-
andi.
Slysið við Blönduós var eitt af
þremur banaslysum sem orðið
hafa í umferðinni síðustu daga.
Tvær stúlkur létust á föstudag. ■
FUNDUR HJÁ RÍKISSÁTTASEMJARA
Fundað verður í dag í kjaradeilu Flóa-
bandalagsins og Starfsgreinasambandsins
við Samtök atvinnulífsins hjá ríkissátta-
semjara. Formaður Starfsgreinasambands-
ins segir ekki ástæðu til að vera of bjart-
sýnn því mörg stór mál séu enn óleyst.
Kjaraviðræður hjá ríkis-
sáttasemjara:
Mjakast
en sérmálin
eru óleyst
KJARAMÁL „Það sem mest er rætt
um þessa dagana eru launatöflur
einstakra hópa og upp úr helginni
er stefnt að því að ræða lífeyris-
sjóðsmálin og sjálfar kauphækk-
anirnar,“ segir Kristján Gunnars-
son, fulltrúi Flóabandalagsins í
kjaraviðræðum við Samtök at-
vinnulífsins.
Stíft hefur verið fundað hjá
ríkissáttasemjara síðustu daga
vegna kjaradeilu Flóabandalags-
ins og Starfsgreinasambandsins
við Samtök atvinnulífsins og er
áformað að halda áfram í dag.
Halldór Björnsson, formaður
Starfsgreinasambandsins, segir
stóru sérmálin óleyst, en þótt lítið
hafi þokast sé það jákvætt að
menn ræði saman. „Það verður
karpað áfram næstu daga, en ég
held að það sé ekki hægt að vera
með of mikla bjartsýni,“ segir
Halldór. ■
Húsbruni í Kópavogi:
Enn þungt
haldin
ELDSVOÐI Kona á áttræðisaldri er
enn þungt haldin eftir að henni
var bjargað úr brennandi húsi við
Víðihvamm í Kópavogi á föstu-
dagsmorgun. Hún liggur á gjör-
gæsludeild Landspítalans í Foss-
vogi og segir vakthafandi læknir
að henni sé haldið sofandi í öndun-
arvél. ■
Líkamsárás í Hafnarfirði:
Árásarmenn náðust á hlaupum
BERGLJÓT OG KÓNGURINN
Bergljót sést hér með Haraldi Noregskon-
ungi við opnun listahátíðarinnar árið 2002.
LÖGREGLUFRÉTTIR Fimm ölvaðir
menn réðust á Eyvind Magnússon
þegar hann var að keyra út
Fréttablaðið í afleysingum í gær-
morgun og gengu í skrokk á hon-
um. Eyvindur segir mennina hafa
staðið á miðri götu þegar hann bar
að á bílnum og hann hafi viljað
smeygja sér framhjá þeim. „Ég
flautaði til að vara þá við, því ég
sá að þeir voru ekki alveg edrú, en
þá stukku þeir viljandi í veg fyrir
bílinn,“ segir Eyvindur. „Ég rann
á þrjá þeirra og einn féll við. Mér
brá náttúrulega, bakkaði frá og
kallaði út um gluggann hvort ekki
væri allt í lagi. Þá öskraði hann að
ég skuldaði honum tjónabætur. Ég
ákvað að hringja í 112 en þá fóru
mennirnir að berja bílinn minn að
utan. Svo ég stökk út en þá réðust
þeir á mig. Ég er með handfrjáls-
an búnað á símanum þannig að ég
náði að tala við lögregluna og
verja mig með báðum höndum um
leið. Tveir höfðu sig mest í
frammi og á endanum féll ég nið-
ur og þeir létu spörkin dynja á
skrokknum og höfðinu á mér,
þangað til þeir voru orðnir þreytt-
ir. Um það leyti kom löggan og
hljóp tvo þeirra uppi.“ Mennirnir
voru fluttir í fangaklefa.
Eyvindur fór á slysadeild eftir
árásina og segist nokkuð lemstr-
aður. „Þessir menn voru náttúru-
lega verulega ölvaðir og þegar ég
hugsa um þetta eftir á virðast þeir
æsast upp þegar ég flauta. Og þá
bara vaða þeir á bílinn.“ ■
EYVINDUR MAGNÚSSON
Fimm ölvaðir menn réðust á hann þar
sem hann var að keyra út Fréttablaðið.
Þeir spörkuðu meðal annars ítrekað í hann
þar sem hann lá í götunni. Eyvindur er
talsvert marinn og bólginn en segist sem
betur fer ekki brotinn.
ÁRTEIGUR VAR UMFLOTINN VATNI
Ábúendur þar segjast ekki hafa haft miklar
áhyggjur af íbúðarhúsunum en neita því
ekki að aðeins hafi farið um þau. Eiður
Jónsson, bóndi á Árteig II, tók myndirnar.
VEGURINN ER STÓRSKEMMDUR
Unnið var að því í gær að moka möl í hann og ryðja burt ónýtu malbiki. Ljóst er að hann
verður engin hraðbraut á eftir.
HRAÐAKSTUR Fimm ökumenn
voru teknir fyrir hraðakstur í
nágrenni Egilsstaða í gær, en lög-
reglan á staðnum var með sér-
stakt eftirlit með umferðinni.
Ágæt færð var á vegum og ljóst
að einhverjir ökumenn notuðu
tækifærið til að gefa aðeins í.
TÓKU SKJÁVARPA Þjófar höfðu á
brott með sér skjávarpa eftir inn-
brot á Bíldshöfða aðfaranótt
laugardags. Morguninn eftir var
brotist inn í bíl og reynt að taka
geislaspilara. Það gekk ekki og
höfðu þjófarnir því lítið upp úr
krafsinu.
■ Lögreglufréttir
VILL EKKI TYRKLAND Þýskur
þingmaður í stjórnarandstöðu
sagði í blaðaviðtali að ef Tyrk-
land myndi fá aðild að Evrópu-
sambandinu myndi það leiða til
aukinnar ósamstöðu innan sam-
bandsins. Stjórnarandstæðingar
hafa lagt til að Tyrkland gangi í
sérstakt samstarf við sambandið
í stað þess að hljóta fulla aðild.
HANDTEKINN FYRIR BRÉFA-
SPRENGJU Lögreglan í Perugia á
Ítalíu handtók í gær 40 ára gaml-
an mann sem grunaður er um að
hafa sent bréfasprengju. Pakkinn
sprakk á föstudag og særðust
þrír lögreglumenn. Konan sem
fékk pakkann hringdi í lögregl-
una eftir að hún tók eftir því að
vírar voru fastir við hann. Lög-
reglan sótti pakkann sem sprakk
svo á lögreglustöðinni.
■ Evrópa